Аба ырайы: тоолорго кар түшөт
21-августта Ысык-Көл жана Баткен облусунун тоо этектерине жамгыр жаайт. Тоолорго кар түшөт. Калган аймактарда жаан-чачын болбойт. Батыштан соккон шамалдын ылдамдыгы кээ бир райондордо 15-20 метрге чейин жетиши мүмкүн.
Абанын температурасы:
Чүй облусунда түнкүсүн 7...12, күндүз 20…25;
Талас жергесинде түнкүсүн 3...8, күндүз 18…23;
Баткен, Ош, Жалал-Абадда түнкүсүн 12…17, күндүз 24…29;
Ысык-Көл облусунда түнкүсүн 6...11, күндүз 19...24;
Нарын өрөөндөрүндө түнкүсүн 3...8, күндүз 20...25;
Бийик тоолордо түнкүсүн -4…+1, күндүз 9…14 градус.
Бишкекте күн ачык болот. Абанын табы түнкүсүн 10…12, күндүз 23…25 градус жылуу болот.