Бишкекте суу чарба боюнча өзүнчө мекеме түзүлдү
Бишкек мэриясынын алдында "Бишкексуучарба" деп аталган өзүнчө мекеме түзүлдү. Бул ишкана шаардагы бак-дарактарды сугаруу менен алектенет.
Мэриянын маалыматына караганда, мурда бул ишти "Бишкекжашылдандыруучарбасы" ишканасы аткарып келген. Маалыматка ылайык, быйыл борбор калааны жашылдандыруу үчүн атайын каражат бөлүнүп, суу бургулар курулат.
Бишкекте шаардыктарды суу менен камсыз кылуучу "Бишкексууканал" ишканасы да бар.
Экологдор башкалаада парктар жана жол бойлой тигилген бак-дарактар, газондор тийиштүү өлчөмдө сугарылбай жатканын, куурап калганын айтып, сындап келишкен. (ZKo)