Новости за 23.11.2022

Жогорку Кеңештин 23-ноябрдагы жыйынында депутат Өмүрбек Бакировдун кызматтык бөлмөсү боюнча маселе бир сааттай талкууланды. Бир нече эл өкүлү анын депутаттык укугу тебеленип жатканын, бөлмөгө байланыштуу укуктук баа берилиши керек экенин белгилешти. Парламенттин мурдагы төрагасы, депутат Талант Мамытов Бакиров Ак үйдүн жетинчи кабатындагы кабинетти өзү оңдотконун билдирди.  “Расмий маалымат берип койсом. 2020-жылы тополоңдо Ак үй өрттөлгөн. 7-кабаттагы дээрлик бардык бөлмөлөр талкаланган. 6-чакырылыштагы депутаттардан суранып... Читать дальше...

Иликтөөчү журналист Болот Темиров Бишкек-Москва учак каттамында баратканын Фейсбуктагы Temirov LIVE баракчасы жазды. Маалыматка ылайык, журналист түшкөн учак 24-ноябрда Домодедово аэропортуна Бишкек убактысы боюнча саат 00:20да конот. 23-ноябрдын кечинде иликтөөчү журналист Болот Темировду бир нече күч кызматкерлери “Манас” аэропортундагы жүргүнчүлөр уча турган залга алып барган. Аба майданында жүргөн “Азаттыктын” кабарчысынын Темировду кайда алып баратканы тууралуу суроосуна эч ким жооп берген эмес. Читать дальше...

Сот бийликти сындаган иликтөөлөрү менен таанылган журналист Болот Темировду депортациялоо чечимин чыгарды. Журналистти сот залынан кармап кетишти. Ереванда ЖККУнун саммитин утурлай нааразылык акциясы өттү. Кыргызстандан картошканы экспорттоо оор болуп жатат.

Эң популярдуу криптовалюта – биткоин соңку күндөрү кескин арзандап, 15-16 миң долларга чейин түштү. Бир жыл мурда анын наркы 70 миң долларга чукулдап, быйыл 40 миң доллардын тегерегинде болгон. Айрымдар бул кризис биткоиндин жана башка криптовалюталардын ишеничтүү эмес экендигин көрсөттү десе, башкалар ал кайра көтөрүлөрүн болжолдошот. "Азаттыктын" кезектеги түшүндүрмө видеосунда ушул тема баяндалат.

Ереванда Жамааттык коопсуздук келишим уюмуна мүчө өлкөлөрдүн лидерлеринин жыйынында Кыргызстандын президенти Садыр Жапаров “Ооган факторун эске алуу менен ички чек араларда коопсуздукту камсыздоо үчүн бирдиктүү аракет зарыл” деп белгиледи.  Жапаров терроризм уюмга мүчө мамлекеттердин коопсуздугуна олуттуу коркунуч келтирип жатканын айтып, коопсуздук системасын өркүндөтүү боюнча биргелешкен аракеттерге даяр экенин билдирди. Ереванда Жамааттык коопсуздук келишим уюмуна мүчө өлкөлөрдүн лидерлеринин саммити өтүп жатат. Читать дальше...

Армениянын борборунда Жамааттык коопсуздук келишим уюмунун (ЖККУ) саммити өтүп жаткан Паронян көчөсүнөн төрт кишини полиция кармап кетти. Аларды кармоонун себеби азырынча белгисиз. "Азаттыктын" армян кызматы кабарлагандай, кармалгандардын арасында Армениянын Европа партиясынын төрагасы Тигран Хзмалян да бар. Ал кармоо учурунда тарткан сүрөттөрүн Фейсбукка жарыялаганга жетишкен. Паронян көчөсүндөгү "Двин" комплексинде ЖККУ лидерлеринин саммити өтүп жатат. Ага Орусиянын президенти Владимир Путин да катышууда. Читать дальше...

23-ноябрда кечинде иликтөөчү журналист Болот Темировду бир нече күч кызматкерлери “Манас” аэропортундагы жүргүнчүлөр уча турган залга алып барышты. Аба майданында жүргөн “Азаттыктын” кабарчысынын Темировду кайда алып баратканы тууралуу суроосуна эч ким жооп берген жок. Журналистти ортого алып, коштоп бараткандар видео тартууга тоскоол болушту. Кабарчыбыздын айтымында, Темировду аэропорттогу милиция бөлүмүндө кармап турушкан. “Биз аны менен сүйлөшкөнгө үлгүрбөй калдык. Мага бул жакта жок деп айтышкан. Читать дальше...

Эл аралык уюмдар 23-ноябрда кыргызстандык иликтөөчү журналист Болот Темировду өлкөдөн чыгаруу тууралуу сот чечимине тынчсыздануу билдиришти. Европа Биримдигинин Кыргызстандагы өкүлчүлүгү бул чечим сөз эркиндиги жана иликтөөчү журналисттердин жеке коопсуздугуна кепилдик берүү боюнча эл аралык милдеттенмелерге каршы келет деп эсептейт. "Биз кыргыз бийлигин бул фундаменталдык эл аралык принциптерди толук сактоого чакырабыз", - деп айтылат өкүлчүлүктүн Твиттерге жарыялаган билдирүүсүндө.   ... Читать дальше...

Адвокат Замир Жоошев журналист Болот Темировдун кайда экенин билбей жатышканын билдирди. Ал Фейсбуктагы баракчасында анын аэропортто же милицияда экени белгисиз болуп жатканын жазды. “Кыргызстандын жаранын Кыргызстандан чыгарууга болбойт. Өлкөдөн чыгаруу деген - ал учуп же чыгып кеткиче коштоп жүрүү. Бул уурдап кетүү эмес”, - деп жазды Жоошев. Бишкек шаардык сотунда 23-ноябрда Темировду өлкөдөн чыгаруу чечими чыкты. Аны дароо сот залынан кармап, алып кетишкен. Шаардык сот журналистти өлкөдөн... Читать дальше...

Бишкектин Биринчи май райондук соту укук коргоочу Азиза Абдирасулованын ишин кароону 25-ноябрга жылдырды. Бул тууралуу Абдирасулова “Азаттыкка” кабарлады. “Мен прокурорго ишенбөөчүлүк көрсөткөм. Сот аны канааттандырып, башка прокурор келген. Ал прокурор кичине катышып, кетип калды. Прокурор жок болгондуктан, сот жылды”, - деди ал. 21-ноябрда райондук сотто Азиза Абдирасулованын ишин кароо башталып, укук коргоочу материалдар менен таанышууга убакыт сураган. Сот анын өтүнүчүн канааттандырып, жараян 23-ноябрда улана турган болгон. Читать дальше...

Бишкек шаардык сотунун иликтөөчү журналист Болот Темировду өлкөдөн чыгаруу чечими коомчулуктун кескин сынына кабылды. 43 жаштагы Темиров Кыргызстандагы бирден бир таанымал жана белдүү иликтөөчү журналисттердин бири. Анын курч журналисттик иликтөөлөрү эл аралык деңгээлге чейин таанылды. Журналисттин жемкорлукту ашкерелеген иликтөөлөрү коомдо курч реакцияларды жаратып келүүдө. Болот Темиров ким? Болот Темиров 1979-жылы Ош облусунун Өзгөн районунда туулган. Өзүнүн маектеринде төрт жашына чейин чоң энесинин колунда жүрүп... Читать дальше...

2022-жылдын февралынан бери Орусиядан Түндүк Европага мунай жеткирүү 90% кыскарды. Мурда суткасына 1 миллион 200 миң баррель мунай жеткирилсе, учурда бул көрсөткүч 95 миң баррелди түзүүдө. Эки аптадан кийин орус мунайына карата европалык санкциялар ишке ашат деп күтүлүүп жатканын Bloomberg агенттиги жазды. Маалыматка караганда, Европага мунайды деңиз аркылуу жеткирүү азыр Роттердам багытында гана ишке ашырылууда.  Литва, Франция жана Германия бир нече ай мурун орусиялык мунай импортун токтотушкан. Читать дальше...

Кыргызстанда 25-ноябрдан тартып “Коркпо! Токтот! Жаша!” деген ураан менен гендердик зомбулукка каршы 16 күндүк кампания башталат. Министрлер кабинетинин төрагасынын орун басары Эдил Байсалов Гендердик өнүгүү боюнча улуттук кеңештин жыйынында бийлик бул өнөктүктү колдой турганын билдирди. “Эгерде өлкө калкынын жарымынын потенциалы пайдаланылбай, ал эми аялдардын укугу бузулуп жатса, дүйнөдөгү бир дагы мамлекет динамикалуу өнүгө албайт. Учурда мамлекет тарабынан аялдарды коргоо боюнча комплекстүү... Читать дальше...

Жамааттык коопсуздук келишим уюму Кыргызстан менен Тажикстандын чек арасындагы кырдаалды турукташтырууга жардам көрсөтүүгө даяр. Бул тууралуу уюмдун баш катчысы Станислав Зась 23-ноябрда Ереванда өткөн жыйында айтты. "Борбор Азия аймагында - кыргыз-тажик чек арасындагы кырдаалды турукташтырууга өзгөчө көңүл буруп жатабыз", - деген Зась эгер Бишкек менен Дүйшөмбү зарыл десе, жардам берүүгө уюмдун ресурстары жана тажрыйбасы жетиштүү экенин белгиледи. Ереванда шаршембиде Жамааттык коопсуздук келишим... Читать дальше...

Укук коргоочулар, бейөкмөт уюм, жарандык коомдун 40ка жакын өкүлү президент, Жогорку Кеңеш, Министрлер кабинети, Акыйкатчы институтуна кайрылып, бейөкмөт уюмдар жөнүнда сунушталып жаткан мыйзам долбоорлоруна тынчсыздануу билдиришти. Кайрылууда Жогорку Кеңештин депутаты Надира Нарматованын Кылмыш-жаза кодексине өзгөртүү киргизүү демилгеси бейөкмөт уюмдардын ишин чектей турганы, демократияга каршы келери жазылган.  “Коомдук талкууга кайрадан киргизилген мыйзам долбоору да негизги демократиялык... Читать дальше...

Иликтөөчү журналист Болот Темировду өлкөдөн чыгаруу боюнча Бишкек шаардык сотунун чечимин аткаруу Ички иштер министрлиги менен Чек ара кызматына жүктөлдү. Бул тууралуу Бишкек шаардык сотунун басма сөз кызматы маалымдады. Сот чечиминин түшүндүрмөсүндө Болот Темиров Кылмыш-жаза кодексинин 70-беренесине таянып, эл аралык жана Кыргызстандын мыйзамдарына ылайык өлкөдөн чыгарылары айтылат. Бишкек шаардык сотунда 23-ноябрда Темировду өлкөдөн чыгаруу чечими чыкты. Аны дароо сот залынан кармап, алып кетишти. Читать дальше...

Өзбекстанда минералдык жер семирткич чыгарган ири заводдордун бири - "Фаргоназот" заводу ишин убактылуу токтотту. Бул чечим жаратылыш газынын тартыштыгынан улам кабыл алынганын жергиликтүү маалымат каражаттары жазып чыкты. Ишкананын администрациясы маалыматты тастыктады. Завод газ менен иштейт. Жумушчуларынын айтымында, 10-ноябрда газдын басымынын аздыгынан улам аммиак өндүрүү токтотулган. Иши токтогонуна байланыштуу ноябрь айы үчүн жумушчуларга маяна, сый акы жана материалдык жардам да берилген эмес. Читать дальше...

Вашингтон Тажикстанда “Жахаба күбөлөрү” диний уюмунун түрмөдөгү мүчөсү Шамил Хакимовдун саламаттыгына тынчсызданууда. АКШнын Тажикстандагы элчилиги 22-ноябрда тараткан билдирүүсүндө Хакимов ооруп жатканына карабай сот анын дарылануу өтүнүчүн четке какканын айтты. 2019-жылы күзүндө Шамил Хакимов расалык, улуттук же диний кастыкты козутуу айыбы менен 7,5 жылга камалган. Ал тыюу салынган диний китептерди таратууга, экстремисттик мүнөздөгү сүрөт жана видеоматериалдарды сактоого шек саналган. Туугандары... Читать дальше...

Түркмөнстандын миграциялык кызматы ботокс сайдырып, кошумча кирпик, жасалма тырмак чаптаган аялдарды аэропортто эл аралык каттамдарга өткөрбөй жатат. Бул тууралуу бир канча жүргүнчү менен сүйлөшкөн “Азаттыктын” кабарчысы билдирди. Миграция кызматкерлери бул жогору жактан берилген буйрук экенин айтышкан. Бийликтин жүйөсүнө ылайык, жасалма эрин, кирпиктерди компьютердин жүз таануу программасы аныктай албайт. Түркмөнстанда мартта Сердар Бердымухамедов президент болуп шайлангандан кийин аялдардын тышкы келбетине көзөмөл күчөдү. Читать дальше...

Алматыда Elmedia YouTube каналынын редакциясынын терезелерин 23-ноябрга караган түнү белгисиз кишилер талкалап кетишти. Редакция Телеграм каналы аркылуу бул экинчи чабуул экенин билдирди. 20-ноябрга караган түнү – президенттик шайлоонун алдында белгисиз кишилер тышкы каалганын айнектерин талкалашкан. Бул ирет экинчи катардагы айнектерди сындырышкан. Редакция муну кызматкерлерди коркутууга багытталган аракет катары сыпаттап жатат. "Чек арасыз кабарчылар" уюмунун "Сөз эркиндигинин индексинде"... Читать дальше...

Кыргызстанда азыркы кезде иштеп жаткан 23 жогорку кесиптик медициналык билим берүү мекемесинин арасынан бешөөнүн гана эл аралык аккредитациясы бар экенин 23-ноябрда “Азаттык” радиосуна Билим берүү жана илим министрлигинен билдиришти. Мекеменин маалыматына караганда, алар Казакстандагы “Аккредитация жана рейтинг көз каранды эмес агенттиги” коммерциялык эмес уюму аркылуу үч жылдан беш жылга чейинки мөөнөткө аккредитацияда өткөн И.Ахунбаев атындагы Кыргыз мамлекеттик медициналык академиясы, Ош мамлекеттик университети... Читать дальше...

24-ноябрда Ысык-Көл облустарынын айрым жерлеринде кар, жаан жаайт. Тоолуу райондордо жол тайгак болот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 2…7, күндүз 11…16; Талас жергесинде түнкүсүн 1…6, күндүз 10…15; Баткен, Ош, Жалал-Абад дубандарында ​түнкүсүн 2…7, күндүз 13…18; Ысык-Көл облусунда түнкүсүн -1…+4, күндүз 8…13; Нарын облусунда түнкүсүн -3…-8, күндүз 4…9 градуска чейин жогорулайт. Бийик тоолуу райондордо түнкүсүн -10…-15, күндүз -2…-7. Читать дальше...

АКШнын Европадагы коопсуздук жана кызматташтык уюмундагы (ЕККУ – ОБСЕ) элчиси Майкл Карпентер “Азаттыктын” сайтынын бөгөттөлүшүнө тынчсыздануусун билдирди. Ал бул тууралуу Твиттердеги баракчасында жазды. “Демократия эркин пикир айтуу менен өнүгөт”, - деди ал. Маданият, маалымат, спорт жана жаштар саясаты министрлиги 26-октябрда "Азаттык Медиа" мекемесинин веб-сайтын эки айга жабуу чечимин чыгарган. Расмий билдирүүдө "маалымат айдыңында Кыргызстандын улуттук кызыкчылыктарына каршы келген анык... Читать дальше...

Нурсейит Мамыров Стамбулдагы жеке менчик клиникада иштейт. Түркияда кыргызстандык 200гө жакын дарыгер жана медицина боюнча билим алып жаткан студенттер бар. Алар Туркияга дарыланууга келген мекендештердин арасында онкологиялык дартка чалдыккандар басымдуу экенин айтышат.

Бишкек шаардык сотунда бүгүн, 23-ноябрда иликтөөчү журналист Болот Темировду өлкөдөн чыгаруу чечими чыкты. Аны дароо сот залынан кармап, алып кетишти. Бир нече айып тагылган журналисттин ишин алгач Бишкектин Свердлов райондук соту караган. Райондук соттун өкүмүнө нааразы болгон прокуратура шаардык сотко кайрылган. 28-сентябрда Свердлов райондук сотунда судья Акылбек Адимов Темировго маңзат боюнча коюлган айып негизсиз экенин айтып, аны актаган. Алган паспорту менен чек арадан өткөнү мыйзамдуу болгонун билдирип... Читать дальше...