Новости за 04.11.2022

Жогорку Кеңеште мал-жандыкка салык киргизүү сунушу көтөрүлдү. Демилгечи муну менен дотацияда отурган 400гө чукул айыл аймактын бюджетиндеги каржылык жетишпестиктер толтурулуп, социалдык муктаждыктарды жоюуга болорун айтууда. Бирок буга айрым фермерлер каршы пикирин билдирип жатат. Жогорку Кеңештин депутаты Жеңишбек Токторбаев 3-ноябрдагы жыйында жылкыга, бодо малга жана койго салык киргизүүнү сунуштады. "Азыр орточо эсеп менен жылкынын баасы 70 миңден 100 миңге чейин. Бодо малдын баасы 60-80 миңге чейин... Читать дальше...

Акыйкатчы Атыр Абдрахматова президент Садыр Жапаровго, Жогорку Кеңештин төрагасы Нурланбек Шакиев баштаган бир катар депутаттарга жана Башкы прокурор Курманкул Зулушевге кайрылды. Кайрылууга Кемпир-Абад суу сактагычынын макамын талкуулоонун алкагында кармалган жарандардын укуктарынын сакталышы боюнча өткөрүлгөн мониторингдин жыйынтыктары тиркелген. Бул тууралуу Омбудсмен Атыр Абдрахматова "Азатыкка" маалымдап, кармалган саясатчылардын жана активисттердин укуктарынын сакталышы боюнча өтүнүч келтиргенин айтты. Читать дальше...

Президент Садыр Жапаров бүгүн, 4-ноябрда Германиянын, Франциянын Кыргызстандагы элчилери жана АКШнын, Британиянын ишенимдүү өкүлдөрү менен жолугушту. Анда "күн тартибиндеги актуалдуу окуялар, сөз эркиндигинин абалы жана өлкөдөгү коомдук-саясий процесстер боюнча пикир алмашуу болду" деп жазды президенттин басма сөз кызматы. Президент Жапаров Кыргызстанда адам укуктары менен эркиндиктери эң жогорку баалуулуктардын бири экенин, эркиндик көп болгондо жоопкерчилик артарын айткан. Жапаров Кыргызстанда эч ким бузбай турган бирден-бир талап ... Читать дальше...

Соңку жылдары моделдик бизнеске аралашкан жигиттердин саны өстү. Алардын тандоосун коомчулук кандай кабыл алат? Кыргызстанда жана эл аралык аренада модель жигиттерди канчалык баалашат? “Азаттык+” бул чыгарылышта моделдик бизнестин сырын билген мырзалар менен тааныштырат.

Пакистандын экс-премьер-министри Имран Ханга кол салуу болду. Ал бул үчүн бийликти айыптады. Жогорку Кеңештин депутаты Жеңишбек Токторбаевдин малга салык киргизүү сунушу кызуу талкууда. Кош бойлуу журналист Санрабия Сатыбалдиева "акча опузалаган" деген шек менен кармалганын милиция билдирди.

Израил өкмөтүнүн азыркы башчысы Яир Лапид эки күн мурда өткөн парламенттик шайлоодо жеңилгенин моюнга алып, мурдагы премьер-министр, Ликуд партиясынын лидери Биньямин Нетаньяхуну жеңиши менен куттуктады. Лапиддин бул кадамы Нетаньяхуга өлкөнүн тарыхындагы эң оңчул боло турган жаңы министрлер кабинетин түзүүгө жол ачат. 3-ноябрда Борбордук шайлоо комиссиясы бюллетендердин 99% санагандагы жыйынтык боюнча Нетаньяху блогу бир палаталуу Израилдин Кнессетине төрт жыл ичиндеги бешинчи шайлоодо ишенимдүү түрдө алдыда баратат. Читать дальше...

Пакистандын экс-премьер-министри Имран Ханга ок атылып, жарадар болду. Ал жети ай мурда өкмөт башчылыктан алынган жана ошондон бери тарапташтары менен парламентке мөөнөтүнөн мурда шайлоо өткөрүүнү талап кылууда. Хан жана анын тарапкерлери окуя үчүн бийликти айыптап, "алар саясий атаандашын жок кылгысы" келген деп жарыялады. Бийлик бул айыптоону төгүндөдү. Экс-премьерге атылган ок Окуя Пакистандын борбору Исламабаддан 200 чакырымдай аралыктагы Вазирабад шаарында 3-ноябрда катталды. Мурдагы өкмөт... Читать дальше...

"Опузалап акча талап кылууга" шек саналып кармалган журналист Санрабия Сатыбалдиева тергөөчүнүн "эч жакка кетпөө" тууралуу токтомунун негизинде бошотулду. Бул тууралуу укук коргоочу Азиза Абдирасулова "Азаттыкка" ырастады. Анын айтымында, журналист учурда республикалык ооруканада дарыланууда. 3-ноябрда 48 саатка камакка алынган журналист Санрабия Сатыбалдиева Акыйкатчы институтунун кийлигишүүсү менен 4-ноябрда ооруканага жаткырылган. Акыйкатчы Атыр Абдрахматова кош бойлуу журналист Санрабия... Читать дальше...

Дача СУдагы учак кырсыгын иликтөө үчүн түзүлгөн коомдук комиссия ишин жыйынтыктады. Бул тууралуу комиссиянын төрагасы, Жогорку Кеңештин мурдагы депутаты Алмамбет Шыкмаматоы "Азаттыкка" билдирди. Анын айтымында, жыйынтыктоочу отчет кийинки аптада президент Садыр Жапаровдун кароосуна жөнөтүлөт. Шыкмаматов отчеттун мазмуну тууралуу маалымат берген жок. Комиссиянын мүчөсү, укук коргоочу Төлөкан Исмаилова Шыкмаматовдун айткандарын ырастап, отчет менен тааныша албаганын айтты. "Комиссия чын эле ишин жыйынтыктады. Читать дальше...

"Массалык башаламандык уюштурууга даярданды "деген шек менен камакка алынгандардын бири Нурлан Асанбеков 1-ноябрдан тартып ачкачылык кармап жатат. Бул тууралуу "Азаттык" радиосуна укук коргоочу Азиза Абдирасулова кабарлады. Анын айтымында, Асанбековдун жактоочусу аны менен Бишкектеги №1 тергөө абагында жолугуп чыккандан кийин бул маалыматты ырастаган. Шектүүнүн ачкачылык жарыялап, суу ичпей, тамак жебей жатканын ушундай эле шек менен кармалган саясатчы Равшан Жээнбековдун жардамчысы дагы Фейсбуктагы баракчасына жазды. Читать дальше...

Дүйшөмбү шаарынын Исмаил Сомони райондук соту тажик журналисти Завкибек Саидаминини жети жылга эркинен ажыратты. Бул тууралуу "Азаттыктын" тажик кызматы кабарлады. Бийлик журналистти тыюу салынган "Ислам кайра жаралуу партиясы" жана оппозициялык “Группа 24” кыймылы менен кызматташкан деп айыптаган. Прокурор Саидаминини жети жарым жылга эркинен ажыратууну өтүнгөн. Журналист сот отурумундагы акыркы сөзүндө өзүнө тагылган айыпты мойнуна алган жок. "Ислам кайра жаралуу партиясы" жана “Группа 24”... Читать дальше...

Ички иштер министрлиги (ИИМ) бүгүн, 4-ноябрда кезектеги коллегиясын өткөрүп, быйылкы тогуз айда жасаган ишинин жыйынтыгын талкуулады. Жыйында ички иштер министринин 1-орун басары Адыл Бийбосунов менен орун басары Сүйүнбек Ниязбеков аткарылган иштер тууралуу маалымат берди. Ага ылайык, 2022- жылдын тогуз айында ИИМ тарабынан 34 миң 226 кылмыш иши козголгон, бул жалпы кылмыш иштеринин 93,3 % түзөт. Козголуп, өндүрүшкө алынган кылмыш иштеринин ичинен 18 миң 259унун же 56,1% бети ачылган. 14 124 кылмыш иши сотко өткөн. Читать дальше...

Бишкек шаарында тогуз айда 26 бейтап менингококк инфекциясы менен катталып, эки бейтап каза болду. Бул тууралуу шаардык санитардык-эпидемиологиялык көзөмөлдөө борборунан кабарлашты. Маалыматка караганда, бейтаптардын 16сы 14 жашка чейинки балдар. "Бейтаптардын абалынын оорлошунун себептеринин бири – дарыгерлерге кеч кайрылуу жана үй шартында өзүн-өзү дарылоо болгон. Менингит дене табынын жогорулашы менен башталат. Бейтаптын жакындары адам ооруп калган саатын так көрсөтө алышат. Бир-эки күндүн ичинде бейтапта катуу баш оору... Читать дальше...

Бириккен Улуттар Уюмунун (БУУ) Адам укуктары боюнча комитети дүйнөнүн бир катар өлкөлөрүндө, анын ичинде Кыргызстанда жарандык жана саясий укуктар боюнча пакттын аткарылышы боюнча корутундусун жарыялады. 3-ноябрда жарыяланган баяндамада комитеттин тынчсыздануусу, сунушу жана пакттын аткарылышынын оң жактары камтылган. "БУУнун Адам укуктары боюнча комитети Кыргызстанда укук коргоочуларга, юристтерге, саясатчыларга, журналисттерге, өз пикирин ачык билдирип, өзгөчө бийликти сындагандарга, анын... Читать дальше...

Орусиянын курамындагы Бурятиянын борбору Улан-Удэ шаарында согушка каршы митингге чыккан аялдарды полиция кармады. Бул тууралуу “ОВД-Инфо” каналы 4-ноябрда маалымдады. Кармалгандардын бири Арюна Халудорова укук коргоочуларга билдиргендей, эки аялды күч кызматкерлери атайын автоунаада суракка алып, түшүндүрүү иштеринен соң бошоткон. Төрт кишини полиция бөлүмүнө алып кетишти. Ал жактагы сурактан кийин үчөөнү кое беришкен. Бир аял полиция бөлүмүндө экенин "Настоящая Бурятия" телеграм-каналы кабарлады. Читать дальше...

3-ноябрда 48 саатка камакка алынган журналист Санрабия Сатыбалдиева Акыйкатчы институтунун кийлигишүүсү менен 4-ноябрда ооруканага жаткырылды.  Акыйкатчы Атыр Абдрахматова кош бойлуу журналист Санрабия Сатыбалдиеванын саламаттыгына карабай камалышын адамгерчиликсиз кыйноо катары баалады. Бул тууралуу Абдрахматова Фейсбуктагы баракчасында видеобилдирүү менен билдирди. "Санрабия менен жолугуп чыктым. Врачтар "боюнан түшүп калышы мүмкүн" деп айтышканына карабай, конвоирлер түнү менен ары-бери ташып жүрүшүптүр. Читать дальше...

Казакстандын Караганды облусундагы шахтадагы жарылууда жабыркаган төрт шахтер реанимацияда жатат. Дарыгерлер алар метанга ууланып, денесинен жараат алганын, бир бейтаптын абалы оор экенин кабарлашты.  3-ноябрга караган түнү Караганды облусунун Ленин атындагы көмүр шахтасында бургулоо учурунда газга ууланып беш адам каза болду. Өлкөнүн Өзгөчө кырдаалдар министрлиги алардын сөөгү шахтадан чыгарылганын маалымдады. Ууланган кенчилердин төртөө окуя болгон жерде жан берген. Бирөө ооруканада үзүлгөн.... Читать дальше...

Пакистандын мурдагы премьер-министри Имран Хан өзүнө кол салуунун артында өкмөт турат деп айыптап, 4-ноябрда бүткүл өлкөнү нааразылык акцияларына чакырды. Ал полициядан премьер-министр Шахбаз Шариф , ички иштер министри Рана Санаулланы жана чалгын кызматкери генерал-майор Файсал Насирди суракка алууну талап кылды. Санаулла айыптоону кескин четке кагып, тергөө аяктай электе жасалган мындай билдирүүнү айыптады. Өкмөт башчы Шахбаз Шариф окуяны тыкыр иликтөөнү тапшырды. 70 жаштагы Имран Хан 3-ноябрда... Читать дальше...

5-ноябрда түнкүсүн Кыргызстандын көпчүлүк аймактарында жаан, тоолуу райондордо кар жаашы мүмкүн. Чүй, Талас, облустарынын дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 3...8, күндүз 10…15; Талас жергесинде түнкүсүн 1...6, күндүз 9…14; Баткен, Ош, Жалал-Абад дубандарында ​түнкүсүн 6…11, күндүз 10…15; Ысык-Көл облусунда түнкүсүн 0...5, күндүз 8...13; Нарын облусунда түнкүсүн -3…+2... Читать дальше...

Бишкекте мыйзамсыз курулуштарга мунапыс берүү өнөктүгү алкагында 9582 үй уруксатсыз курулганы аныкталды, алардын жарымы мыйзамдаштырылат. Бул тууралуу 4-ноябрда Бишкекте өткөн пресс-конференцияда вице-мэр Нурдан Орунтаев билдирди. Анын айтымында, ар бир райондо атайын комиссия иштеп жатат: “Төрт райондун комиссиялары быйыл 18-июлдан баштап арыздарды кабыл ала баштаган. Бүгүнкү күндө 4073 арыз кабыл алынды. Алардын 220ү Октябрь, 1490у Ленин, 1097си Свердлов жана 1266сы Биринчи Май району боюнча”. Читать дальше...

Кыргызстанда балдары түнкүсүн кароосуз жүргөн ата-энелерди аталык жана энелик укуктан ажыратуу же чектөө сунушталууда. Жогорку Кеңештин депутаты Аида Исатбек кызы иштеп чыккан мыйзам долбоору 4-ноябрда коомдук талкууга коюлду. Долбоорго ылайык, эгер балдары жайкысын түнкү 11ден, ал эми жылдын башка мезгилинде түнкү 10дон таңкы 6га чейинки убакыт аралыгында көчөдө же уруксат берилбеген жайларда кароосуз жүргөн болсо, балдардын укугун коргоочу тийиштүү мамлекеттик органдар алардын ата-энесинин укугун... Читать дальше...

Кыргызстандагы авариялык абалдагы мектептердин 14үнүн курулушун Дүйнөлүк банк каржылап берерин 4-ноябрда Жогорку Кеңеште депутаттардын суроолоруна жооп берип жатып Мамлекеттик курулуш мекемесинин жетекчисинин биринчи орун басары Жолдошбек Абдыраев билдирди. Анын айтымында, атайын мекеме аралык комиссиянын чечими менен өлкөдө 245 мектептин имараты авариялык абалда болгондуктан пайдаланууга жараксыз деп табылган: "Анын ичинен 29 салынып, ремонттолуп бүттү. 133үндө курулуш иштери жүрүүдө. 68 мектеп... Читать дальше...

"Бир дүйнө - Кыргызстан" укук коргоо кыймылы бейөкмөт уюмдар жөнүндө мыйзам долбоорун чакыртып алууну өтүнүп, президент Садыр Жапаровго, Министрлер кабинетинин төрагасы Акылбек Жапаровго жана Жогорку Кеңештин төрагасы Нурланбек Шакиевге кайрылды. Аталган кыймыл бул мыйзам долбоору жарандардын биригүү эркиндигине укук берген Конституциянын 36-беренесине каршы келерин белгилеген. "Негиздемеде көрсөтүлгөн себептердин бири да биригүү эркиндигине жаңы чектөөлөр киргизилип жаткандыгы Кыргыз Республикасынын... Читать дальше...

Укук коргоочу Азиза Абдирасулова кош бойлуу журналист Санрабия Сатыбалдиеваны милиция кызматкерлери дарыгерлердин айткандарына карабай, ооруканадан мажбурлап алып кетишкенин Фейсбукка жазды. Анын билдиришинче, журналистти Ички иштер министрлигинин (ИИМ) Тергөө башкармалыгы менен Бишкек милициясынын кызматкерлери алып кеткен. Бул боюнча милиция расмий билдире элек.  Буга чейин Сатыбалдиева 3-ноябрда түндө Бишкек шаардык ички иштер башкармалыгынын тергөө абагына 48 саатка камалган. Абдирасулова... Читать дальше...