Новости за 07.04.2023

د یونان یو مشهور زلزله پېژاند په دې خاطر محاکمه کېږي چې د اپریل د لومړۍ نېټې په خاطر یې په دروغو ویلي و چې، د دغه هېواد په سانتوریني ټاپو کې ځمکه چوي او دا ټاپو په بشپړ ډول تر ځمکې لاندې ننوځي. د یونان د څونامي مرکز او د جیودینامیک مؤسسې رئیس اکیس تسلنتیس د چهارشنبې په ورځ پر خپله فېسبوک‌پاڼه خپل کښل شوی انځور خپور کړ او ورسره یې ولیکل چې د اپریل د لومړۍ نېټې د ټوکې مجرم. ده همدا راز لیکلي، په داسې هېواد کې اوسي چې د طنز په خاطر ورسره بد چلند کېږي. خو د ده ټوکې په سانتوریني ټاپو کې، چې ډېر سېلانیان ورځي، ټول خلک سخت وبېرول. Читать дальше...

د خیبرپښتونخوا پولیس وايي، د سږ کال په لومړیو درې میاشتو کې په دغه ایالت کې ۱۲۵ پولیس وژل شوي دي. د دوی په وینا، په یاده موده کې پر پولیسو ټول‌ټال ۲۵ بریدونه شوي خو تر ټولو ډېر بریدونه په جنورۍ کې شوي دي. د سږ کال د جنورۍ په میاشت کې په خیبرپښتونخوا کې پر پولیسو په ۱۵ بریدونو کې ۱۱۶ پولیس وژل شوي او ۱۹۹ نور ژوبل شوي دي. په دغو بریدونو کې تر ټولو خونړی د جنورۍ په ۳۰ مه په پېښور کې د پولیسو په مرکز کې و چې تر ۸۰ ډیر پولیس په‌کې ووژل شول.

د اذربایجان حکومت پرون (پنجشنبې) وویل، د ایران د سفارت ۴ غړي یې په دې خاطر له خپلې خاورې ایستلي چې فعالیتونه یې د ویانا د کنوانسیون خلاف وو. تر دې مخکې د اذربایجان د کورنیو چارو وزارت ویلي و چې، ۶ تنه یې د ایران استخباراتو ته د کار کولو په تور نیولي دي. د اذربایجان د کورنیو چارو وزارت او د امنیتي خدماتو یا استخباراتو ادارې پرون (پنجشنبې) په یوه ګډ بیان کې وویل، دا کسان د ایران د استخباراتو له لوري ګومارل شوي وو چې په اذربایجان کې بې ثباتي رامنځته کړي. په بیان کې همداراز ویل شوي چې، نیول شویو... Читать дальше...

پاکستان وايي، د روان مالي کال په لومړیو ۸ میاشتو کې یې افغانستان ته صادرات د تېر مالي کال د ورته مودې په پرتله په سلو کې ۱۷ زیات شوي دي. د پاکستان مرکزي بانک (سټېټ بېنک) پرون وویل، د ۲۰۲۲ له جولای څخه د ۲۰۲۳ تر فبرورۍ پورې یې افغانستان ته په صادراتو کې ۱۷ فیصده زیاتوالی راغلی دی. له بلې خوا د افغانستان د سوداګرۍ او پانګونې خونو غړی خان‌جان الکوزی وايي، په وروستي یو کال کې پاکستان ته د افغانستان صادرات یو ميلیارد ډالرو ته رسېدلي دي. ده تېره شپه ناوخته ازادي راډیو ته وویل، په وروستیو دوو میاشتو... Читать дальше...

د طالبانو تر کنټرول لاندې د افغانستان بانک ویلي چې، نن (جمعه) ۱۵ میلیون ډالر لیلاموي. د افغانستان بانک پر خپله ټویټرپاڼه کې کښلي، له سوداګري بانکونو او په شرایطو برابرو صرافیو او د پولي خدماتو له شرکتونو غواړي چې په لیلام کې برخه واخلي. د اقتصادي چارو نظرخاوندان وايي چې، د طالبانو اداره د افغانۍ په ارزښت کې د ثبات لپاره ډالر لیلاموي. تر دې مخکې هم څو څو ځل د افغانستان بانک ميليونونه ډالر ليلام کړي دي، خو خلک د توکو له لوړو بيو شکايت کوي چې هټيوال يې لامل د ډالر لوړوالی او کمښت بولي.

په بغلان ولایت کې درې خبریالان چې د طالبانو استخباراتو نیولي وو، پرون (پنجشنبې) خوشې شول. په نیول شویو خبریالانو کې دوه یې د طالبانو تر کنټرول لاندې د ملي ټلوېزیون خبریالان دي او درېیم د تنویر ټلوېزیون لپاره کار کوي. د افغانستان د خبریالانو مرکز پرون (پنجشنبې) په یوه بیان کې د نیول شویو خبریالانو نومونه صفي الله وفا، نوراغا او غلام علي وحدت ښوولي او ویلي و چې له طالب چارواکو سره له خبرو او موافقې سره سره د دوی استخبارات او امنیتي ادارې لا هم د رسنیو په چاروکې لاس‌وهنه کوي. د طالبانو استخباراتو... Читать дальше...

د مهاجرت د نړیوالې ادارې (IOM) عمومي رئيس انتونیو ویترینو د طالبانو له لوري د ملګروملتو د ښځینه کارکوونکو پر کار بندیز په کلکه وغانده. ده په دې اړه په یوه بیان کې ویلي، له څه باندې یو کال راهیسې په افغانستان کې د ښځو او نجونو خلاف محدودوونکي اوامر په زیاتېدو دي چې له کبله یې هغوی د ژوند په ټولو سیاسي، ټولنیزو او اقتصادي برخو کې له ګډونه راګرځول شوې دي. د ۲۰۲۲ د دسمبر په ۲۴ طالبانو په نړیوالو او کورنیو ناحکومتي مؤسسو کې د ښځو پر کار کولو بندیز ولګاوه. تر دې وړاندې یې په نورو فرمانونو کې ښځې... Читать дальше...

سپینې ماڼۍ د خپل لس مخیزه محرمانه راپور لنډیز خپور او کانګریس ته وړاندې کړ. له ډېره وخته تمه کېده چې سپینه ماڼۍ له افغانستانه د امریکايي پوځیانو د بې بندوبسته ایستلو د څرنګوالي په اړه خپل راپور وړاندې کړي. د سي‌این‌این د راپور له مخې، د امریکا ولسمشر جو بایډن د کابل د هوايي ډګر د پېښې په اړه د تحقیقاتو امر کړی و او ویلي و چې، په دې څېړنه کې باید څرګنده شي چې څه شی سبب شو چې دا پېښه رامنځته شي. سپینه ماڼۍ ټوله پړه د دوحې د ۲۰۲۰کال د فبرورۍ د ۲۹مې نېټې پر موافقه اچوي چې د امریکا د پخواني ولسمشر... Читать дальше...