Новости за 16.04.2023

د افغانستان لپاره د واشنګټن ځانګړی استازی ټوماس وېسټ وايي، له پخواني ولسمشر حامد کرزي سره یې نجونو او ښځو ته د تعلیم او کار د حق ورکولو پر موضوع خبرې وکړې. وېست پرون په خپل ټویټر کې لیکلي چې له کرزي سره په ټلیفوني خبرو کې یې ښوونځیو او کار ته د نجونو او ښځو د عاجل ستنېدو پر اړتیا بحث وکړ او د افغانانو ترمنځ یې د ډیالوګ پر لوري د ګام اخیستو په اړه خبرې وکړې. د کرزي د مطبوعاتي دفتر یوه غړي چې نه غواړي نوم یې واخیستل شي، ازادۍ راډیو ته د شویو بحثونو په باب وویل: "په دغو خبرو کې دواړو لوریو له افغانانو... Читать дальше...

هلمند لپاره د طالبانو چارواکو په بېلابېلو جنايي پېښو کې د اتو کسانو د مړینې خبر ورکړی دی. د هلمند لپاره د طالبانو د اطلاعاتو او فرهنګ رییس حافظ عبدالباري راشد پرون رسنیو ته ویلي، په تېره یوه اوونۍ کې په مرکز لښکرګاه، ناوې، مارجې او سنګین ولسوالیو کې ۸ تنه وژل شوي او ۷ تنه نور ټپیان شوي. د هغه په وینا د دغو پېښو په تړاو کې ځینې کسان نیول شوي دي. په وروستیو کې د افغانستان له نورو برخو هم د جنايي پېښو د زیاتېدو راپورونه ورکړل شوي دي. د افغانستان د صرافانو ټولنې هم ویلي چې په وروستیو کې د صرافانو د وژنو او تښتونو پېښې ډېرې شوې دي.

د طالبانو د اوبو او انرژۍ وزارت وايي، د افغانستان په ځینو هغو سیمو کې چې سیندونو ته څېرمه پرتې دي له نن څخه تر چهارشنبې پورې د اوبو د لوړېدو او د سېلابونو د راوتلو اټکل شوی دی. دغه وزارت پرون په یوه اطلاعیه کې ویلي، د افغانستان په شمال ختیځ او ځینو مرکزي سیمو کې د سېلابونو د راوتلو اټکل شوی او سیندونو ته څېرمه استوګن کسان دې په دې موده کې د سیندونو پر غاړو له تګ راتګ ډډه وکړي. د هواپوهنې ادارو د بې وخته اورښتونو او سېلابونو د راوتلو یو علت په نړۍ کې د اقلیمي بدلون اغېزې بللې دي.

د افغانستان د خبریالانو مرکز د بلخ په مرکز مزار شریف کې د خبریالانو د یوه یادګاري څلي د چارو د بشپړېدو هرکلی وکړ. دغه سازمان پرون په یوه اعلامیه کې ویلي، د خبریال ملي ورځې په مناسبت د خبریالانو په نوم د دې څلي د جوړېدو بنسټ څلور کاله مخکې ایښوول شوی و چې د چارو تر بشپړاوي وروسته پرون پرانیستل شو. د افغانستان د خبریالانو مرکز وايي، پر دغه څلي شاوخوا ۱۳ ملیونه افغانۍ لګول شوي دي. دا څلی داسې وخت پرانیستل کېږي چې نړیوال بنسټونه وايي، په افغانستان کې پر خپلواکو رسنیو فشارونه تر بل هر وخت زیات شوي دي. Читать дальше...

د کینیا پولیسو پرون شنبه وویل، دوی یو محلي فرقوي مشر د هغه د څلورو پلویانو د مړینې له کبله ونیوه. د راپورونو له مخې دغو څلورو کسانو ته یې ویلي وو، له عیسی علیه السلام سره د لیدو لپاره ځانونه وږي وساتي او څلورو واړو ساه ورکړه. د ګوډ نیوز انټرنېشنل کلیسا ۱۱ نور پلویان روغتون ته لېږدول شوي چې د درېیو روغتیايي وضعیت خراب ښوول شوی دی. دغه کسان د جمعې په ورځ مالیندي ښار ته نږدې له شاکاهولا ځنګلي سیمې وژغورل شول. پولیس وايي، داسې اندېښنې شته، چې ښايي نور قربانیان هم وموندل شي. د مالیندي د جنايي... Читать дальше...

د امریکا د متحدو ایالتونو د نیومکسیکو ایالت ساینسپوهانو د وحشي ژویو په څېړنو کې له غیرمتعارفو لارو چارو په استفاده مړو شویو مارغانو ته نوی ژوند ورکوي. د رویټرز خبري اژانس د راپور له مخې، د نیومکسیکو د کانونو او ټکنالوژۍ انسټېټوټ د ساینسپوهانو ډلې مړه مارغان چې له پروړو ډک کړای شوي، په بې چلوونکو الوتکو بدلې کړې دي. د دې راپور له مخې، ساینسپوهان دېته لار اواروي، چې د دغو مارغانو د الوتو بڼه په دقیق ډول وڅېړي. ویل شوي، هڅه کېږي له دې تجربې د هوايي چلند په راتلونکي کې کار واخیستل شي.