Новости за 20.06.2023

د بخښنې نړیوال سازمان د پاکستان له حکومته غوښتي چې د افغان کډوالو خپلسره نیول او ځورول سملاسي پای ته ورسوي. دغه سازمان د پناه غوښتونکو کډوالو د نړیوالې ورځې په مناسبت چې نن د جون په شلمه نمانځل کېږي، دغه غوښتنه کړې ده. د ازادي راډیو د خبر مرکزي څانګې د دغه سازمان په حواله لیکلي، دا کډوال چې پاکستان کې له نیولو او ځورونو سره مخامخ دي، تر ډېره هغه افغانان دي چې د طالبانو له ناوړه چلنده تښتېدلي دي. د بخښنې په نړیوال سازمان کې د جنوبي اسیا یوې مسوولې دینوشیکا دیسانایک ویلي، د افغانانو وضعیت ته د نړیوالو نه پاملرنه د ژورې اندېښنې وړ ده. Читать дальше...

ډيجيټل ژورنال: ډيجيټل ژورنال ورځپاڼې په افغانستان کې د بشري حقونو په تېره د ښځو او نجونو د وضعیت په اړه د ملګرو ملتونو د بشري حقونو د شورا د دوشنبې د ورځې غونډې ته پام اړولی. ورځپاڼه ليکي، په افغانستان کې د بشري حقونو لپاره د ملګرو ملتونو ځانګړي راپور ورکونکي ریچارد بېنیټ د ملګرو ملتونو د بشري حقونو د شورا ۵۳مې کلنۍ غونډې ته په خبرو کې له هېوادونو وغوښتل چې "جنسیتي توپیرپالنه یا جنسیتي اپارټاید" دې یو نړیوال جرم وګڼي چې د ده په وینا دا به له دې سره مرسته وکړي چې طالبان د افغان ښځو پر وړاندې د... Читать дальше...

یونېسف یا د ملګرو ملتونو د ماشومانو وجهي صندوق وايي، چې د روان کال په لومړیو درېیو میاشتو کې یې د افغانستان په نهو ولایتونو کې له ۶۷۵ روغتیايي مرکزونو سره مرسته کړې ده. له دغو مرکزونو څخه څه د پاسه پنځه ميليونه تنو ګټه پورته کړې ده. یونېسف په یوه ټویټ کې ویلي چې د دوبي د تودوخې په رارسېدو سره به د شدیدې نس ناستې پېښې زیاتې شي چې که درملنه یې ونه‌شي نو د ناروغ ژوند به له ګواښ سره مخ کړي. یونېسف زیاتوي چې د دې ناروغۍ د مخنیوي او د ۱۳۷ زره کسانو د درملنې لپاره په روغتیايي مرکزونو کې د درملنې کېټونه یا بستې ترتیبوي. Читать дальше...

نن سه‌شنبه د جون ۲۰مه د کډوالو نړیواله ورځ ده، افغانان په نړۍ کې د کډوالو له سترو ډلو څخه دي. په افغانستان کې د طالبانو له بیا واکمنېدو وروسته ګاونډیو هېوادونو او اروپا ته د افغانانو د غیرقانوني کډوالۍ بهیر د پخوا په پرتله زیات شوی دی. د اروپايي ټولنې د احصایې دفتر وايي چې، د روان کال په فبرورۍ کې افغانان په اروپايي ټولنه کې د پناه غوښتونکو له عمده ډلو څخه وو. د ملګرو ملتونو د کډوالو د عالي کمېشنرۍ شمېرې ښيي چې د ۲۰۲۲ کال په لومړیو شپږو میاشتو کې څه باندې ۴۵ زره افغانانو په اروپايي هېوادونو کې د پناه غوښتنه کړې ده. Читать дальше...

د طالبانو د حکومت د کورنیو چارو وزارت ادعا کوي چې په افغانستان کې د اسلامي دولت ډله داعش سخته ځپل شوې او بله فعاله وسله‌واله ډله نه‌شته. د دغه وزارت ویاند عبدالمتین قانع د دوشنبې په ورځ په یوه خبري غونډه کې د افغانستان د بیارغونې لپاره د امریکا د ځانګړي سرمفتش د دفتر یا سیګار وروستی راپور هم رد کړ. سیګار په خپل تازه راپور کې داعش ډله، القاعده شبکه او د ملي مقاومت جبهه د طالبانو د رژیم پر وړاندې امنیتي ګواښ یاد کړی. د داعش خراسان ډلې په بدخشان کې د وروستیو چاودنو مسوولیت منلی چې، په ترڅ کې یې... Читать дальше...

د طالبانو د حکومت د کانونو او پټرولیم وزیر اعلان وکړ چې د سمنټو د پنځو لویو فابریکو په جوړولو سره به هېواد د سمنټو په تولید کې پر ځان بسیا شي. باختر دولتي اژانس د طالبانو د کانونو او پټرولیم د سرپرست وزیر شهاب الدين دلاور د څرګندونو له مخې لیکلي چې يادې فابريکې به په هرات، کندهار، لوګر، جوزجان او پروان کې جوړې شي. په دې اړه نور جزییات نه‌دي ورکړل شوي چې دا فابریکې به د کومو کورنیو او بهرنیو شرکتونو له‌خوا جوړېږي او په کوم لګښت او کله به بشپړې او ګټې اخیستنې ته وسپارل شي. اوسمهال د غوري او جبل... Читать дальше...

د امریکا د بهرنیو چارو وزیر انټوني بلېنکن داسې مهال چین ته دوه ورځنی سفر پای ته ورساوه چې د دغو دواړو هېوادونو د پوځونو ترمنځ د ښو اړیکو د رامنځته کولو په اړه یې غوښتنه ځواب نه‌شوه. بلېنکن پرون دوشنبه د چین له ولسمشر شي جین پینګ او نورو لوړپوړو چارواکو سره تر لیدو وروسته خبریالانو ته وویل، پېکېنګ د دواړو هېوادونو ترمنځ د پوځي تماسونو بیا پیلولو ته چمتو نه‌دی. د هغه په خبره واشنګټن دا ډول تماسونه د غلطو محاسبو او ټکرونو د مخنیوي لپاره مهم ګڼي، په ځانګړې توګه د تایوان په اړه. د همدې تایوان په... Читать дальше...

د کاناډا د بهرنیو چارو وزیرې میلاني جولي د دوشنبې په ورځ اعلان وکړ چې د ایران په وړاندې د بندیزونو په دوام دا وار د ایران د اسلامي انقلاب د محکمې پر اووه تنو قاضیانو له بشري حقونو څخه د سیستماتیکو سرغړونو په خاطر بندیزونه لګولي. هغې زیاته کړه دغه بندیزونه د ایران په اړوند د خاصو اقتصادي اقداماتو له مخې او د امریکې، اروپايې ټولنې او برېتانیې له موافقې سره سم لګول شوي دي. دا اووه کسان د اصفهان، مشهد، کرج، شیراز، ګورګان او تهران د انقلابي او جنایي محکمو قاضیان دي. د کاناډا د بهرنیو چارو وزارت... Читать дальше...

نن د جون ۲۰مه د کډوالو نړیواله ورځې سره سمون خوري. راز محمد په جرمني کې یو افغان کډوال دی. هغه وايي، چې افغانستان له کلونو راهیسې د جګړو او سیاسي بدلونونه شاهد دی او په دغه هېواد کې یې د ژوند شرایط ورځ تر بلې خرابېدل، نو له دې امله اړ شو چې له خپل هېواد څخه یو خوندي ځای ته ولاړ شي. راز محمد چې شپږ میاشتې وړاندې له خپلو یو شمېر ملګرو سره جرمني ته په قاچاقي لارو تللی، د لارو د ستونزو کیسه داسې کوي. هغه وویل: "کله چې موږ د قاچاق له لارې راغلو له ډېرو ستونزو سره مخ شو، له لوږې، تندې، د وخت نشتوالي... Читать дальше...

د ملګرو ملتونو د بشري حقونو شورا ټینګار لري چې د طالبانو د محدودونکو اقداماتو په ځواب کې باید نړیواله ټولنه د افغان ښځو کلک ملاتړ وکړي. د ښځو او نجونو پر وړاندې د تبعیض په اړه د ملګرو ملتونو د کاري ډلې مشره وایي، مهمه ده چې په افغانستان کې د ښځو د مدافع ټولنو دوامداره ملاتړ وشي او د بشري حقونو د سرغړونو رېښې وچې کړای شي. مېرمن دوروتي ایسترادا تانک چې د افغانستان په اړه د ملګرو ملتونو د بشري حقونو د شورا غونډه رهبري کوله وویل: "ټولنې باید په دوامداره او له شرایطو سره سم تمویلې شي چې دغو اساسي ستونزو ته رسېدګي وکړای شي. Читать дальше...