Новости за 06.04.2022

Бишкектин бюджети 2022-жылга 15 млрд. 22,5 млн. сом деп бекитилди.  Мындай чечим 5-апрелде Куванычбек Конгантиев башында турган Бишкек шаардык кеңешинин (БШК) 7-сессиясында кабыл алынды. Шаардык кеңештин басма сөз кызматынын маалыматында жыйынга Бишкек мэри Эмилбек Абдыкадыров да катышты.  Талкууда шаардык кеңештин депутаттары муниципалитетте жүргүзүлүп жаткан кадр саясаты боюнча суроолорду берип, башка көйгөйлөрдү да көтөрүштү. Муниципалдык менчиктин, анын ичинде жер тилкелеринин реестрин... Читать дальше...

2010-жылы 7-апрелде борбордук аянтта ок тийген жарандар түзгөн “Айкөл Ала-Тоо” коому соңку 12 жыл ичинде революция учурунда алган жараатынан улам 65 адам каза болгонун билдирди. Убагында Бакиевдин бийлигине каршы турган апрелчилер Жал кичи районундагы мамлекет берген үйдө турушат. Алардын айтымында, соңку жылдары Апрель ыңкылабына карата мамиле өзгөрүп жатат. Мындан тышкары алар 2010-жылдагы үмүттөрү да акталбаганына өкүнүшөт.

Кылмыш иши козголгон Next TV каналы боюнча атайын кызматка суракка барган саясатчы Равшан Жээнбековдун уулу Азат Равшанга Кыргызстандан чыгууга тыюу салынды. Саясатчы атайын кызматтын чечими ага карата саясий куугунтуктун уландысы экенин айтууда. Ушул тапта саясатчынын өзү, карындашы, жардамчысы, ал ээлик кылган телеканал жана анын директору кылмыш иши боюнча айыпталууда. Улуттук коопсуздук боюнча мамлекеттик комитет саясатчы Равшан Жээнбековдун уулу Азат Равшандын өлкөдөн чыгышына тыюу салганы айтылды. Читать дальше...

Мамлекет башчы Садыр Жапаров “Жер-укуктук мамилелерди жөнгө салуу жөнүндө” мыйзамга кол койду. Бул тууралуу президенттин басма сөз кызматы билдирди. Маалыматка караганда, мыйзамдын максаты - жер участокторуна мунапыс берүүнүн укуктук негиздерин, шарттарын жана тартибин аныктоо. "Мыйзамда каралган жер мунапысынын объектилерине болгон жарандардын менчик укуктарын мамлекет тарабынан бекитүү боюнча жер мунапысын жүргүзүүнү жөнгө салат", - деп жазылган маалыматта. Мыйзамды Жогорку Кеңеш 2022-жылдын 17-мартында кабыл алган. Читать дальше...

Бишкектин Биринчи май райондук соту 2020-жылдын октябрь айындагы массалык башаламандыкка байланыштуу кылмыш ишин кароону бүгүн да улантты. Сот отуруму ачык өтөт дегени менен Атамбаевдин тарапташтарын сот залына киргизбей койгондуктан нааразылык чыкты. Судья Убайдулла Сатимкулов бул чечимин кечээги отурумда киши көп болуп, Алмазбек Атамбаевге аба жетпей кыйналганы менен түшүндүрдү. Сот жараянынын жүрүшүндө айыпталуучу Темирлан Султанбековдун жактоочусу келбей калганы белгилүү болду. Ал сыркоолоп... Читать дальше...

Жогорку Кеңештин депутаты Нуржигит Кадырбеков кен байлыктарды иштетүүдө ата мекендик ишканаларга артыкчылык берүүгө чакырды. Эл өкүлү парламенттин 6-апрелдеги жалпы жыйынында сүйлөп жатып, кен иштетүү боюнча тендерди дээрлик чет өлкөлүк компаниялар утуп жатканына токтолду. "Канадалыктар биздин компанияларды жалдап иштетчү. Азыр тендерден Казакстан, Монголия, Түркиядан уткандар көбүрөөк болуп жатат. Өзүбүздүн ата мекендик өндүрүүчүлөргө артыкчылык берсек. Ушул жагынан Тенгиз Бөлтүрүктөн адилеттүү кароону суранат элем. Читать дальше...

Бул тууралуу билим берүү жана илим министри Алмазбек Бейшеналиев Бишкектеги жогорку окуу жайлардын ректорлору менен жолугушууда айтканын басма сөз кызматы маалымдады. Беш жыл ичинде Кыргызстандын ЖОЖдору Европа жана Борбор Азия университеттеринин ичинен алдыңкы орундарды ээлеши кажет. Министрликтин басма сөз кызматы белгилегендей бул үчүн беш жогорку окуу жайына өзгөчө статус берилет. "Аларга өндүрүштүк жана экономикалык эркиндиктер берилет. Жогорку окуу жайлары абитуриенттерди кабыл алуунун... Читать дальше...

Энергетика министрлиги апрелдин башында өлкөдө жылытуу мезгили аяктаганын, Токтогул суу сактагычында 7,8 млрд. куб метр суу калганын жарыя кылды. Өткөн кыш мезгили Кыргызстандын энергетика тармагы үчүн оор сыноо болду. Эми алдыда министрлик электр энергия өндүрүүчү, жеткирүүчү жана бөлүштүрүүчү ишканалар ирилештире турганын жарыялап, муну тармакты реформалоо катары карап жатат. 31-мартта өткөн маалымат жыйында энергетика министри Доскул Бекмурзаев энергетика тармагындагы өндүрүүчү жана бөлүштүрүүчү ишканалар ирилештирилип... Читать дальше...

Кыргызстанга Европа Биримдигинин Чыгыш Европа жана Борбор Азия боюнча башкаруучу директорунун орун басары Люк Девин келди. Ал бүгүн, 6-апрелде Европа Биримдиги менен Кыргызстандын кызматташтыгы боюнча комитеттин жыйынына катышат. Девин ал жыйында теңтөрагалык кыла турганын уюмдун Кыргызстандагы өкүлчүлүгүнөн кабарлашты. Мындан сырткары Люк Девин Кыргызстандын жогорку жетекчилери менен жолугуша турганы пландалган. Кызматташтык боюнча комитет - саясат жана адам укуктары, соода, айлана-чөйрө... Читать дальше...

АКШнын Каржы министрлиги Орусияга каршы санкциялардын алкагында батыштагы эсеби жабылган акча менен карызын төлөөгө тыюу салды. Бул тууралуу 5-апрелде Reuters маалымат агенттиги билдирди. Дүйшөмбү, 4-апрелде Орусия жалпы суммасы 636 млн. доллар облигацияларды төлөп бериши керек болчу. Вашингтон тыюу салганга чейин Москвада бөгөттөлгөн эсептерден карызын төлөө мүмкүнчүлүгү бар болчу. Эми Орусия тышкы карызын Америка Кошмо Штаттарынын жана Европа өлкөлөрүнүн бийликтери чектей албаган резервден төлөшү керек. Читать дальше...

Европа Биримдиги 19 орус дипломатын "дипломатиялык статусуна карама-каршы келген иштерге катышканы үчүн" персона нон грата деп жарыялады. Кеп Орусиянын баш кеңсеси Брюсселде жайгашкан Евробиримдиктеги туруктуу өкүлчүлүгүнүн кызматкерлери жөнүндө болуп жатат. Аларды өлкөдөн чыгарууга Евробиримдиктин тышкы иштер боюнча жогорку өкүлү Жозеп Боррель буйрук бергени белгиленген. Мунун алдында Евробиримдикке мүчө бир катар мамлекеттер, анын ичинде Франция, Нидерланд, Швеция, Бельгия жана Испания орус элчилерин тыңчылык үчүн айыптап... Читать дальше...

Москвада апелляциялык сот “чет өлкөлүк агент” деп табылган “Мемориал” укук коргоо борборун жабуу тууралуу чечимди күчүндө калтырды. Биринчи апелляциялык сот Москва шаардык сотунун чечимин караганы шейшембиде белгилүү болгон. Аталган борбордун расмий сайтында аталган уюм жабылганын, соттун чечими күчүнө киргени жазылган. Анда уюмдун сайты мындан ары жаңыланбай турганы айтылат. “Мемориалдын” Телеграм-каналында соттун чечимине каршы Экинчи кассациялык сотко арыз жарым жыл ичинде жазылышы ыктымал экени белгиленген. Читать дальше...

Кыргыз-өзбек чек арасындагы куралдуу чыр-чатакта октон каза болгон эки жарандын сөөгү "Маданият –авто жол” өткөрүү жайы аркылуу Кыргызстанга өткөрүлүп берилди. Бул тууралуу Улуттук коопсуздук мамлекеттик комитетинин Чек ара кызматы кабарлады. Расмий маалыматка караганда, аткезчилик жол менен жүк ташууга аракет кылган жана окуяга тиешеси бар башка адамдарды издөө иши уланып жатат. Маалыматта каза болгон эки жаран Жалал-Абад облусуна караштуу Аксы районунун Дейрес айылынын тургундары экени жана... Читать дальше...