Новости за 09.07.2022

Казакстандык теннисчи Елена Рыбакина Британиядагы Уимблдон ачык чемпионатынын финалында тунистик Онс Жаберди жеңип алды. Ал "Чоң шлем" турнирлеринин жекеме-жеке беттештерин уткан алгачкы казакстандык спортчу болуп калды. 23 жаштагы Рыбакина ишембиде Лондон шаарындагы финалдык оюндун биринчи айлампасын уттуруп жибергени менен калган эки айлампаны бир топ артыкчылык менен (3:6, 6:2, 6:2) жеңип алды. Анын атаандашы Онс Жабер "Чоң шлем" турнирлеринин финалына чыккан биринчи араб жана африкалык теннисчи айым болуп калды. Читать дальше...

Күч органдарынын Көк-Жар айылындагы ийгиликсиз операциясынан бери төрт күн өттү. Бирок атайын кызматтын кимди кармоого аракет көргөнү, качып кеткен кара түстөгү машиненин ичинде кимдер болгону расмий айтылбай жатат. Ал эми журналисттердин маалыматы такыр башка. Интернетке тараган видеодо Көк-Жар айылындагы “Фрунзе” дүкөнүнүн тушунда бараткан кара түстөгү “Гелендвагендин” алдын тороп токтогон кичи автобустун ичинен атайын кийимчен кишилер чуркап чыкканын, бирок машине токтобой кеткенин көрүүгө болот. Читать дальше...

Улуттук коопсуздук боюнча мамлекеттик комитет Чүйдө кылмышкер изделип жатканын, бирок “Дөө Чыңгыз” деген каймана аты бар Чыңгыз Жумагулов менен атышуу болбогонун билдирди. 8-июлда Бишкектин четиндеги Көк-Жар айылында Жумагуловду кармоо аракети болуп ага ок тийгенин, бирок “Дөө Чыңгыз” качып кетүүгө үлгүргөнүн журналисттер жазып чыккан. Интернетке тараган видеодо Көк-Жар айылындагы “Фрунзе” дүкөнүнүн тушунда бараткан кара түстөгү “Гелендвагендин” алдын тороп токтогон бустун ичинен атайын кийимчен адамдар чуркап чыкканын... Читать дальше...

Зордуктоодон жабыр тарткан 13 жаштагы кызга жардам акциясы жарыяланган алгачкы күнү 340 миң сом чогулду. Бул тууралуу бүгүн 9-июлда "Азаттык" радиосуна акциянын демилгечиси, жарандык активист жана белгилүү алып баруучу Эркин Рыскулбеков билдирди. Ал кечээ 8-июлда социалдык түйүндөрдөгү баракчалары аркылуу кайрылуу жарыялап, кызга жардам берүүгө чакырган болчу. 2-июлда “Азаттык” милиция кызматкерлери секелекти зордуктоого шек саналып жатканы жөнүндө "Кызымды колдон колго өткөрүшкөн" деген макала жарыялаган. Читать дальше...

Шри-Ланканын борбор шаары Коломбодо бүгүн 9-июлда митингчилер президенттин резиденциясын ээлеп алып, анын кызматтан кетүүсүн талап кылып жатышат. Мамлекет башчысы коопсуз жерге чыгарылып кеткени, ал аскердик-деңиз күчтөрүнүн коргоосунда экени, ал эми шаарда демонстранттар менен полициянын кагылышуусу уланып жатканы кабарланууда. Бийликке каршы нааразылык акциясына он миңдеген адам чыкканы, арасында аймактардан баргандар да көп экени, 14 адам көздөн жаш агызуучу газдан жабыркап ооруканага түшкөнү маалымдалды. Читать дальше...

Өлкөдөгү беш жогорку окуу жайына өзгөчө макам берүү сунушу каралып жатканын 9-июлда өкмөттүн басма сөз кызматы билдирди. Маалыматта айтылгандай, Министрлер кабинетинин төрагасы Акылбек Жапаров Илим, инновациялар жана жаңы технологиялар боюнча кеңештин кезектеги жыйынын өткөрдү. Анда жогорку окуу жайлары менен Улуттук илимдер академиясын реформалоо тууралуу сөз болду. Өзгөчө макам берүү караштырылып жаткан жогорку окуу жайлар Кыргыз улуттук университети, Кыргыз мамлекеттик техникалык университет... Читать дальше...

10-июлда түнкүсүн Ысык-Көл облусунун кээ бир райондорунда, Ош облусунун тоолорунда өткүн өтүп, күн күркүрөйт, калган аймактарда жаан-чачын жаабайт. Күндүз Ысык-Көл, Нарын облустарынын кээ бир жерлеринде, Чүй, Ош облустарынын тоолорунда өткүн өтүп, күн күркүрөйт, Чүй облусунун өрөөндөрүндө, Ош облусунун дыйканчылык аймактарында жана Талас, Жалал-Абад, Баткен облустарында жаан-чачын жаабайт. Батыш тараптан келген шамалдын ылдамдыгы секундасына 4-9 метрге, күндүз Ысык-Көл, Нарын облустарынын кээ бир райондорунда 15-20 метрге жетет. Читать дальше...

Чаткалда кен казууга лицензия берүүдө жемкорлук болгону тууралуу маалыматтар боюнча иликтөө уланып жатканын жергиликтүү тургандар менен жолугушууда Министрлер кабинетинин төрагасынын орун басары Бакыт Төрөбаев билдиргенин 9-июлда өкмөттүн басма сөз кызматы маалымдады. Мекеме билдиргендей, жолдорду оңдоодогу мыйзам бузуулар тууралуу да маалыматтар текшерилүүдө. Башкы прокурор Курманкул Зулушев жана ички иштер министри Улан Ниязбеков катышкан жолугушууга 300дөй жергиликтүү тургун барып, суроолорун бергени... Читать дальше...

Апта ичинде дүйнөлүк басма сөзгө жарыяланган макалаларга сереп.  Талибдерге бут тоскон террордук уюм Өткөн жайда бийликке кайтып келген “Талибан” кошуналарын Ооганстан бизнес жүргүзүүгө ачык, инвестициялар корголот деп ишендиргени менен “Ислам мамлекети” радикал уюму талибдердин бул убадасын аткарууну татаалдаштырып жатат. Ушундай мазмундагы макала 6-июлда Eurasianet сайтында жарык көрдү. Макаланын автору Лукас Веббер бир нече мисал келтирген. Алсак, Ташкент Өзбекстанды Пакистандын порттору менен туташтырган... Читать дальше...

Жапониянын киши колдуу болгон мурдагы өкмөт башчысы Синдзо Абэнин сөөгү бүгүн 9-июлда үй-бүлөсү жашаган Токиодогу батирине жеткирилди. Көп кабаттуу үйдүн короосунан аны эң жакын санаалаштары – бийликтеги Либералдык-демократиялык партиянын саясий кеңешинин төрагасы Санаэ Такаити жана "Комэйто" партиясынын төрагасы Нацуо Ямагути тосуп алышканын, маркумдун үйүнүн тегерегиндеги көчөлөр полициянын жана улуттук коопсуздук кызматынын тыкыр көзөмөлүндө экенин журналисттер жазышты.    “Киодо” маалымат агенттиги... Читать дальше...

Улуттук коопсуздук боюнча мамлекеттик комитет (УКМК) кылмыш ишинин алкагында Чүй облусунда уюшма кылмыштуу топтордун айрым мүчөлөрүнүн кылмыштуу аракеттерине бөгөт коюу боюнча ыкчам издөө иш-чаралары жүрүп жатканын 9-июлда билдирди. Мекеме кайсы кылмыш иши тууралуу сөз болуп жатканын тактаган жок, бирок анын негизинде 8-июлда Чүй облусунун аймагында тийиштүү иш-аракеттер жүргүзүлгөнүн маалымдады. УКМК Чыңгыз Жумагулов аттуу адам менен атышуу болгону жана ал кармалганы тууралуу айрым маалымат... Читать дальше...

Бүгүн 9-июлда Кыргызстанда Курман айт майрамы белгиленүүдө. Бардык мечиттерде майрамдык айт намазы окулду. Эл эң көп чогулган айт намазы Бишкектин Эски аянтында өттү. Ага президент Садыр Жапаров, Министрлер кабинетинин төрагасы Акылбек Жапаров баштаган өлкө жетекчилиги да катышты. Коронавирус пандемиясына байланыштуу соңку эки жылда айт намазы борбордук мечиттерде окулбай келген. Ошондон бери алгачкы жолу быйыл 2-майда Орозо айт намазына байланыштуу негизги иш-чара Бишкектин Эски аянтында уюштурулуп, ага 35 миңдей адам чогулган. Читать дальше...

4-8-июлда Өзбекстандын Анжиян шаарында кыргыз-өзбек мамлекеттик чек арасын демаркациялоонун уюштуруу-укуктук маселелерин макулдашуу боюнча өкмөттүк делегациялардын жумуш топторунун кезектеги жолугушуусу өттү. Бул тууралуу 8-июлда кыргыз өкмөтүнүн басма сөз кызматы билдирди. Маалыматта айтылгандай, "Тараптар кыргыз-өзбек мамлекеттик чек арасын демаркациялоо процессин жөнгө салуучу ченемдик-укуктук жана техникалык документтердин долбоорлорун даярдашты. Жолугушуу достук жана өз ара түшүнүшүү маанайында өттү. Читать дальше...

Кыргызстанда бүгүнкү күндө коронавируска каршы эч кандай чектөө чаралары пландалган жок. Бул тууралуу COVID-19га каршы республикалык штаб бүгүн 9-июлда билдирди. Штаб жалпы өлкөдө карантин жарыяланышы ыктымал деген маалыматтын Кыргызстанга тиешеси жоктугун, анда Европанын айрым мамлекеттериндеги абал тууралуу сөз болгонун белгиледи. Дарыгерлер соңку эки аптадан бери Кыргызстанда коронавирус жуктуруп алган бейтаптар кайра каттала баштаганын, бул илдеттин оор формасынан коргонуу үчүн вакцина алуу керектигин эскертип жатышат. Читать дальше...

Президент Садыр Жапаров бүгүн 9-июлда кыргызстандыктарды Курман айт менен куттуктап, бул күн мусулмандардын адамзаттын баа жеткис рухий байлыктары болгон биримдикти, боорукерликти жана кайрымдуулукту даңазалаган башкы майрамдарынын бири экенин белгиледи. Курмандык чалуу адам баласын ашкере сараңдыктан жана дүнүйө-мүлкүн көбөйтүүнүн артынан сая түшүү жосунунан куткарарын айткан мамлекет башчысы ошону менен бирге жаман адаттардан арылууга да чоң өбөлгө түзөрүн кошумчалады жана ушул күндөрү ажылыкта... Читать дальше...

“Дордой” базарында 5-июлда катталган өрттөн соодагерлер 100 млн. сомдой чыгым тартканы айтылды. Алар азыркы тапта базардын жетекчилигинен жана өкмөттөн жардам күтүп жатышат. Ал арада өрт мыйзамсыз курулган тамактануучу жайдан чыкканы белгилүү болду. Азыр шаардык мэрия иликтөө иштерин жүргүзүп жатат. Соодагерлер буга чейин бир нече жолу мэрияга кайрылышканын, өрт чалгандан кийин гана реакция болгонун сынга алышууда.

Нарында жер талаштан чыккан жаңжалдан улам ок атылып, жергиликтүү алты тургун жараат алды. Үчөөнүн абалы оорлоп, аларга Нарын облустук ооруканасында операция жасалды. Азыр укук коргоо органдары окуянын чоо-жайын териштирип, окуяга себепчи болду делген Бакыт Кыдырмышовду суракка алып жатат.

Бишкектин четиндеги Көк-Жар айылында жолдо кетип бараткан машинага ок атылганы тууралуу тарап жаткан маалымат боюнча укук тартибин коргоо органдары расмий комментарий берише элек. “Азаттык” радиосу 9-июлда бул боюнча Ички иштер министрлигинин (ИИМ) жана Улуттук коопсуздук боюнча мамлекеттик комитеттин (УКМК) басма сөз кызматтарына кайрылып, маалымат ала алган жок. Көк-Жар айылындагы “Фрунзе” дүкөнүнүн тушунда жолдо бараткан кара түстөгү “Гелендваген” машинасынын алдын тороп токтогон бустун ичинен атайын кийимчен... Читать дальше...

Бүгүн 9-июлда Кыргызстанда Курман айт майрамы белгиленүүдө. Бардык мечиттерде майрамдык айт намазы окулду.

Бүгүн 9-июлда Кыргызстанда Курман айт майрамы белгиленүүдө. Бардык мечиттерде майрамдык айт намазы окулду. Эл эң көп чогулган айт намазы Бишкектин Эски аянтында өттү. Ага президент Садыр Жапаров, Министрлер кабинетинин төрагасы Акылбек Жапаров баштаган өлкө жетекчилиги да катышты. Коронавирус пандемиясына байланыштуу соңку эки жылда айт намазы борбордук мечиттерде окулбай келген. Ошондон бери алгачкы жолу быйыл 2-майда Орозо айт намазына байланыштуу негизги иш-чара Бишкектин Эски аянтында уюштурулуп, ага 35 миңдей адам чогулган. Читать дальше...