Новости за 05.07.2022

5-июлда жергиликтүү убакыт боюнча саат 16.20ларда Өзбекстандын аймагына Ооганстан тараптан беш ракета атылган. Бул тууралуу Өзбекстандын Ички иштер министрлиги билдирди. «Түшкөн снаряддар жарылган эмес. Мындан улам адам курмандыктары болгон жок. Термез шаарынын «Мажнунтол» айылындагы жеке турак жайларга зыян келтирилген. Ал эми бешинчи снаряд футбол талаасынан табылды. Алардын баардыгын саперлер зыянсыздандырды», - деп жазылат маалыматта. Ушул тапта Өзбекстандын тийиштүү мекемелери ооган тарап менен окуянын себептерин иликтеп жатышат. Читать дальше...

Президенттин администрациясы Кыргызстандагы 30га жакын кризистик борбор, укук коргоо уюмдарынын Садыр Жапаровго кайрылуусуна жооп берди. Билдирүүдө өлкөдө балдарды коргоо мамлекеттин жана президенттин артыкчылыктуу багыттарынын бири экени айтылат. “Айрым кейиштүү окуялар бул багыттагы иштерди күчөтүү зарылдыгын гана айгинелейт”, - деп жазылган анда.  Президенттин администрациясы аялдарга жана балдарга карата зомбулукту жоюу максатында 2030-жылга чейин гендердик теңчиликке жетишүүнүн стратегиясы жана иш планы иштелип чыканын... Читать дальше...

Коомчулук, кыргыз медицинасы жана бийлик туура эки жыл мурдагы "каралуу июлдан" кандай сабак алды? Ал кезде коронавирустан каза болгондордун жакындары өз суроолоруна жооп таптыбы? Убадаланган ооруканалар салынып, кемчиликтер оңдолдубу? Бул суроолорго "Арай көз чарай" талкуусунда жооп издейбиз.

Министрлер кабинетинин төрагасы Акылбек Жапаров 5-июлда Бишкекте журналист, блогер жана социалдык тармактардын активдүү колдонуучулары менен жолугушуу учурунда 13 жаштагы кыздын зордукталышы, күч органдарынын реформасы жөнүндө “Азаттыктын” суроосуна жооп берди. Жапаров күч органдарынын башчылары колдон келишинче иштеп жатканын, милициянын арасында дагы кылмышка баргандар бар экенин билдирди. “Милициялардын арасында дагы жанагындай айбандар болот экен. Илгери өлүм жазасын алып, демократиялык өлкө... Читать дальше...

Ички иштер министрлиги (ИИМ) аялдар жана балдарга карата зомбулуктун көбөйүшү, милицияга айтылган сын-пикирлер боюнча статистика камтылган кенен билдирүү таратты. Мекеменин басма сөз кызматы тараткан маалыматта Жогорку Кеңештин айрым депутаттарынын ИИМ жетекчисине болгон сын-пикирине жооп жазылган. Кыргызстанда жарандардын укуктары, үй-бүлөлүк зомбулуктан коргоо боюнча мыйзам иштеп жатканы, ага карабастан зордук-зомбулук фактылары көбөйгөнү белгиленген.  Статистикага караганда, 2021-жылы зордуктоо фактысы боюнча 604 иш катталып... Читать дальше...

Зордукталган 13 жаштагы кыздын укугун коргоону талап кылган укук коргоочулар Бишкекте пикетке чыгышты. Алар ички иштер министринин кызматтан кетишин, зомбулукту токтотууну талап кылышты. Бул аралыкта вице-премьер министр Эдил Байсаловдун окуяны жазган жалпыга маалымдоо каражаттары тууралуу айткандары коомчулуктун катуу сынына кабылды. Министрдин отставкасы талап кылынды Зордукталган 13 жашар кыздын укугунун корголушун талап кылган укук коргоочулар, активисттер 5-июлда Ички иштер министрлигинин алдында нааразылык акциясына чыгышты. Читать дальше...

Бишкек-Ош автожолунда Кусеин Көлбаев атындагы тоннелдин ичинде 5-июлда өрттөнүп кеткен автоунаа чыгарылып, жол ачылды. Учурда электр жарыгын күйгүзүү үчүн адистер иштеп жатат. Бул тууралуу Транспорт жана коммуникациялар министрлиги кабарлады. Буга чейин тоннелдин ичинде автоунаа өрттөнүп, анын эки тарабы тең убактылуу жабылган болчу. Өзгөчө кырдаалдар министрлигине (ӨКМ) тоннелдин ичинде автоунаа өрттөнүп кеткени тууралуу маалымат кечки саат 16:30га чукул түшкөн. "Кыргызавтожол" мамлекеттик ишканасы... Читать дальше...

Эл аралык мунапыс (Amnesty International) укук коргоо уюму Нукустагы окуяларды тыкыр, бейтарап, көз карандысыз иликтөөгө өзбек бийлигин чакырды. Бул тууралуу уюмдун Чыгыш Европа жана Борбор Азия боюнча башкы директору Мари Стразерс билдирди. "Өзбекстандын бийлиги көз карандысыз пикирлердин чыгышына жол бербей, маалыматты бөгөттөп, өзгөчө кырдаал жарыялоо менен адаттагы тажрыйбасына салып жатат. Нукуста Интернеттин жана мобилдик байланыштын өчүрүлгөнү чындыгында эмне болуп жатканын билүүгө жолтоо болууда", - деди Стразерс. Читать дальше...

Кыргызстандын балдар укугу боюнча ыйгарым укуктуу өкүлү Асел Чынбаева 13 жаштагы кыздын зордукталышы боюнча ишке көз салып жатканын президенттин басма сөз кызматы маалымдады. Андагы маалыматта иш Башкы прокуратуранын дагы көзөмөлүндө экени айтылат. “Көзөмөлдөөчү органдын маалыматы боюнча шектүүлөргө карата бөгөт чарасы камакка алуу деп кабыл алынган. Тергөөнүн жыйынтыгы менен кылмыш иши Бишкек шаарынын Свердлов райондук сотуна жөнөтүлдү. Азыркы учурда иш кароо алдында турат. Өз кезегинде Асел... Читать дальше...

Бишкек-Ош автожолунда Кусеин Көлбаев атындагы тоннелдин ичинде автоунаа өрттөнүп, Төө-Ашуу постундагы тоннелдин эки тарабы тең убактылуу жабылды. Бул тууралуу Өзгөчө кырдаалдар министрлигинин (ӨКМ) басма сөз кызматы билдирип, куткаруу иштерине алты кызматкер тартылганын кабарлады. Маалыматка ылайык, тоннелдин ичинде автоунаа өрттөнүп кеткени тууралуу маалымат 5-июлда кечки саат 16:30га чукул түшкөн. "Кыргызавтожол" мамлекеттик ишканасы өрттөнүп кеткен Lexus 470 унаасында эки адам болгонун, алар аман-эсен коопсуз жайга чыгарылганын билдирди.

Кыргызстандын мурдагы президенти Курманбек Бакиев өзүнө каршы козголгон кылмыш иштерине байланыштуу сот жараяндарына онлайн катышууга даяр экенин билдирди. Анын соңку маеги Бакиевдердин акталышы тууралуу талаш-талкууну кайра козгоду. Буга чейин президент Садыр Жапаров дооматтар тууралуу комментарий берип жатып, "12 жылда эл Бакиевдерди унутту" деп билдирген. Курманбек Бакиев ушул аптада "Жаңы Ордо" басылмасына курган маегинде бийликтен кулаган учурун кенен-чонон сүрөттөп айтып берген. Атайын... Читать дальше...

Кыргызстандагы 30га жакын кризистик борбор, укук коргоо уюмдары жакынкы күндөрү эле аялдар, балдар кордолгон 20дай фактыны тизмелеп, президент Садыр Жапаровдон зордук-зомбулукту токтотуу чараларын көрүүгө чакырган кайрылуу таратты. “Биз күн сайын аялдарды жана кыздарды өлтүргөнүн, асып койгонун, өрттөп жатканын, тирүүлөй көмүп жатканын, майып кылып койгонун, зордуктаганын, уруп сабаганын, уурдаганын жана никеге турууга мажбурлаганын билип жатабыз. Муну менен катар зордукталган аялдар көп учурда соттордун босогосун жыртууда. Читать дальше...

Жалал-Абад облустук ички иштер башкармалыгы социалдык тармактарда тараган эки видео жөнүндө түшүндүрмө таратты. Ал видеолордун биринде Жалал-Абад мэриясынын имаратынын жанында кечинде бир кызды экинчи кыз катуу сабап жатканы тартылган. Ал эми экинчи тасмада аёосуз сабалган келиндин сөөгүнүн жанында ыйлап жаткан аялдар көрсөтүлгөн. Облустук милициянын басма сөз кызматкери Нурдин Жээнтаев эки видео эки башка окуя экенин билдирди. “Бул окуя ушул жылдын 7-июнь күнү Жалал-Абад шаарында болгон. Текшерүүнүн... Читать дальше...

Бишкектин Свердлов райондук сотунда зордуктоого кабылган 13 жаштагы кыздын ишин кароо 5-июлда төртүнчү жолу жылды. Бул тууралуу Бишкек шаардык сотунун басма сөз кызматы кабарлады. Мекеменин маалыматына ылайык, иш ушул жылдын 20-майында сотко түшкөн. 30-майда алдын ала угуу башталып, шектүүлөр Бишкектин №1 тергөө абагына камакта калтырылган. Сотто ишти териштирүү 14-июнга белгиленип, анда жабырлануучу тараптын өкүлдөрү суралган. Кылмыш ишин кароого бөлүнгөн убакыт өтүп кеткенине байланыштуу соттук отурум 23-июнга дайындалган. Читать дальше...

Мурда Башкы прокуратура жайгашкан имараттын ордуна үч долбоор сунушталып жатат. Бул тууралуу бүгүн, 5-июлда Бишкек шаарынын мэри Эмилбек Абдыкадыров билдирди: “Немис долбоорчулары бизнес борбор же отель сыяктуу үч вариант сунуштап жатышат. Комиссия карап чыгып, бирөөнү тандайбыз. Эски имараттын калдыктары сүрдүрүлгөндөн кийин аукцион жарыялайбыз”. Мэр жалпысынан 40 сотых жердин тагдыры 12 жылдан бери белгисиз бойдон турганын белгиледи. Киев жана Орозбеков көчөлөрүнүн кесилишиндеги имаратта мурда Башкы прокуратура жайгашчу. Читать дальше...

Бишкектин Ленин райондук сотунун судьясы (Т.М.) жогорку билими тууралуу дипломду мыйзамсыз алган деп шек саналып жатканын Улуттук коопсуздук боюнча мамлекеттик комитет (УКМК) билдирди. Атайын кызматтын маалыматына караганда, бул факты 4-июлда аныкталып, Кылмыш-жаза кодексинин “Кызмат абалынан кыянаттык менен пайдалануу” беренеси менен кылмыш иши козголду. УКМК ал 2003-жылы Жусуп Баласагын атындагы Кыргыз улуттук университетинин экономика факультетинин 3-курсунда окуп жүрүп, ушул эле окуу жайдын... Читать дальше...

№4 төрөт үйүндө кесарево жолу менен төрөгөндөн кийин ден соолугу начарлаган келиндин иши боюнча дайындалган соттук-медициналык экспертизанын жыйынтыгы чыга элек. Төрөт үйүнүн жетекчилиги жана дарыгерлери өздөрүнө коюлган дооматты четке кагууда.

Орусия жана Кытай мамлекеттеринин Кыргызстандагы элчиликтерине бомба коюлганы жөнүндө маалымат тастыкталган жок. Бул тууралуу Бишкек шаардык милициясынан кабарлады. Учурда элчиликтерде жардыруучу зат коюлганын маалымдаган киши изделип жатат. 5-июлда эртең менен саат 10:45 чамасында 102 кызматына Орусия жана Кытай элчиликтеринин имараттарында бомба коюлганы тууралуу маалымат түшкөн. Милиция жеринде тийиштүү ыкчам-иш аракеттерин кылышты. Кыргызстанда айрыкча Бишкек шаарында ар кандай соода борборлорунда... Читать дальше...

Бишкектин четиндеги “Дордой” базарында 5-июлда чыккан өрттү өчүрүүгө 60 куткаруудан турган жети бөлүм тартылды. Өзгөчө кырдаалдар министрлигинин (ӨКМ) Бишкек шаардык башкармалыгынын башчысы Эрнест Жусупов эки кабаттуу контейнерди өрт чалып, жалпы миң чарчы метрге жакын жер күйгөнүн билдирди. Кырсыктан үч киши жабыркаган, алардын бири ӨКМдин кызматкери.  Алдын ала маалыматка караганда, тилсиз жоо базардагы тез татым даярдоочу жерден башталып, андан кийин кийим-кече сатылган аймакка жайылган. Өрттөн канча соодагер чыгым тартканы... Читать дальше...

Милиция Бишкекте бир апта мурун болгон окуядагы кыз менен баланын тек-жайы аныкталганын билдирди. Бишкек шаардык ички иштер башкармалыгы 20-21 жаштагы жарандар кыз-жигит болуп сүйлөшүп жүрүп, ошол күнү урушуп кеткен учуру видеого тартылып калган деп түшүндүрдү. “Эмне үчүн милицияга келбей жүрдүнөр деген суроого, алар жалпыга маалымдоо каражаттарында жарыялар жана социалдык тармактарда резонанс күчөгөндөн кийин милицияга баргандан коркуп, бир аздан кийин баары унутулат деп ойлогонун айтып, жооп беришти. Читать дальше...

6-июлда түнкүсүн Чүй, Ысык-Көл облустарынын кээ бир райондорунда, Жалал-Абад облусунун тоолорунда өткүн өтөт, Жалал-Абад облусунун өрөөндөрүндө жана калган аймактарда жаан-чачын жаабайт. Күндүз Ысык-Көл, Нарын облустарынын кээ бир жерлеринде, Чүй облусунун тоолорунда өткүн өтөт,  Чүй облусунун өрөөнүндө, Талас, Ош, Жалал-Абад Баткен облустарында жаан-чачын жаабайт. Батыш тараптан келген шамалдын ылдамдыгы секундасына 4-9 метрге, күндүз кээ бир райондордо 15-20 метрге жетет. Абанын температурасы... Читать дальше...

Чикагонун жака белиндеги Хайленд-Парк аймагында Американын Эгемендик күнүнө арналган парадга чыккандарды аткылаган шектүү камалды. 4-июлда болгон окуяда алты адамдын өмүрү кыйылды. Хайленд-Парктын полиция жетекчиси Лу Жогмен журналисттерге билдиргендей, 22 жаштагы Роберт Кримо аттуу шектүүнү машине менен артынан кууп барып кармашкан. Маалыматка караганда, жыйырмадай адам, анын ичинде балдар жараат алышкан. Айрымдарынын абалы оор. Эгемендик күнүнө арналган парад эртең мененки саат ондо башталып, он мүнөттөн кийин ок атыла баштаган. Читать дальше...

Ички иштер министрлигинин (ИИМ) алдында бүгүн 5-июлда кыз-келиндерге карата зомбулукту токтотуу талабы менен акция өтүп жатат. Укук коргоочулар жана жарандык активисттер катышкан акцияда министрдин отставкасы да талап кылынууда. Бир нече күндөн бери Кыргызстанда зордуктоого кабылган 13 жаштагы кыздын окуясы кызуу талкууланууда. 2-июлда “Азаттык” милиция кызматкерлери секелекти зордуктоого шек саналып жатканы жөнүндө "Кызымды колдон колго өткөрүшкөн" деген макала жарыялаган. Анда Бишкектин Свердлов... Читать дальше...

Кыргызстан мурдагы президенттерин кубалаган өлкө катары таанылбашы үчүн аларга соттук териштирүүлөргө катышып, пикирин билдирүүгө мүмкүнчүлүк бериши керек. Мындай пикирин бүгүн, 5-июлда “Азаттык” радиосунун суроолоруна жооп берип жатып Жогорку Кеңештин депутаты Улукбек Ормонов билдирди. Мурдагы президент Курманбек Бакиевдин сотко онлайн катышуу ниетин билдирген интервьюсу боюнча пикирин айткан депутат мурдагы мамлекет башчысы Аскар Акаев да келип, көрсөтмө берип кеткенин белгиледи. “Биз президенттерин... Читать дальше...

"Манас" жана "Ош" аэропортторун иштетүүнү ачык сынаксыз, түз келишим менен түркиялык курулуш компаниясына тең шерикке берүү тууралуу маалымат коомчулукта кызуу талкууга түштү. Айрым талдоочулар аэропортторду эл аралык аба каттамдарын көбөйтүп, авиа хабга айлантуу мүмкүнчүлүгү чектелери айтылууда. Буга чейинки келишимге ылайык Дүйнөлүк банк Эл аралык финансы корпорациясынын кеңеши менен бул эки аэропортту ишенимдүү башкарууга берүү боюнча ачык сынак өткөрүү туңгуюкка кептелди. Ал арада Министрлер... Читать дальше...