Новости за 23.07.2022

Кыргызгидромет 25-июлга чейин Кыргызстандын аймагында ченемден тышкары ысык жана кургак аба ырайы күтүлөрүн эскертет. Абанын күндүзгү табы Чүй өрөөнүндө 41°, Таласта 39°, Ош, Жалал-Абад, Баткен облустарынын өрөндөрүндө 42º чейин ысыйт. Кыргызгидромет аптаптуу күндөрү ысык өткөрүп алуудан сактануу үчүн күндүз күн ачык жерлерлерде көпкө жүрбөөгө чакырат. Эртең, 24-июлда күндүз Ысык-Көл, Нарын, Чүй облустарынын тоо этектеринде өткүн өтүп, күн күркүрөйт. Түштүк-батыштан соккон шамалдын ылдамдыгы секундасына 3-8 метрге жетиши мүмкүн. Читать дальше...

Көзгө жакын эски буюм - өткөндүн элеси,  көргөн сайын кыйланы эске салган таберик. Анын керектүү-керексизин мезгил аныктайт. Махабат Алымбекованын “Эски керебети” жөнөкөй турмуш тиричиликтин ичте катылган чоң сырын ачып берүүгө арналган.  Мал сарай Пенде баласынын түшүнүк, көз карашы жагдай-шартка жараша өзгөрүп турушу белгилүү. Алдыда сөз болчу аңгемеде мына ушул турмуштук көрүнүш муундар ортосундагы мамиле-катнаш призмасынан талдоого алынган. Дат баскан эски темир керебет кайнене менен келиндин мамилесин кантип өзгөртүп... Читать дальше...

Акчасын алдырып, өзү кордук көргөн Өзбекстандан келген Исламбек акыйкат издеп кайрылды. Эч кандай шарты жок, курулушу токтоп калган жаңы үйдүн тургундарынын ыңгайсыз жашоосу. Акыйкатсыз кадр тандоону ашкере кылгысы келген юрист. Ушул жана башка сунуш-пикирлер “Эл үнү” топтомунда. Өзбекстандык Исламбек Арапбаев 26-июнь күнү Чүйдүн Сокулук айылына мал базарга барганда белгисиз адамдар аны обочо жерге ээрчитип чыгып, эсин оодара чаап, Ысык-Көлдүн Бостери айылына алып барып 800 миңден ашуун сомун, телефонун тартып алганын айтып берди. Читать дальше...

Ысык-Көлдүн Булан-Сөгөтү айылында "Альбатрос" деп аталган теплоходдун кыймылдаткыч бөлүгүнөн өрт чыккан. Өрт өчүргүчтөр жеткичекти отту теплоходдогулар өз алдынча өчүрүшкөн. Бул тууралуу Өзгөчө кырдаалдар министрлиги маалымдады. “Алдын ала маалымат боюнча жабыркагандар жок. Кемедеги жүргүнчүлөр жергиликтүү пансионаттын кызматкерлери тарабынан эвакуацияланган. Өрттүн келип чыгуу себеби учурда такталууда”, - деп айтылат мекеменин басма сөз кызматынын маалыматында. Учурда Ысык-Көлдө эс алуу сезону кызуу жүрүп жаткан мезгил. Читать дальше...

Өткөн жылы кыргыз-тажик чек арасындагы куралдуу кагылыштан кийин курулган үйлөрдүн сапатына жашоочулар нааразы. Баткен районунун Достук айылынын тургундары үй кышында суук тартса, азыркы 40 градус ысыкта үп тартып ичине жатууга мүмкүн болбой калганын айтып беришти.

Ысык-Көл облусундагы Каркыра жайлоосунда чыгаан жазуучу Түгөлбай Сыдыкбековдун 110 жылдыгы жана Кыргыз ССРинин эл артисти Советбек Жумадыловдун 90 жылдыгы белгиленип жатат. Мааракеде сөз сүйлөгөн мамлекет башчы Садыр Жапаров улуттук нарктуулукту кайра калыбына келтирүү зарылчылыгынан улам, атайын жарлык кабыл алынып, иш-чаралар өтүп жатканын билдирди. Жапаров "нарктын таасири эӊ жогорку деңгээлге өсүп чыгып, хан бийлигинен нарк күчтүү болгон” деди. Мамлекет башчы эки чыгаан инсандын кыргыз элине жасаган эмгегин белгиледи. Читать дальше...

Бишкек шаарынан 12-кичи районундагы курулушу бүтпөй турган үйдүн жашоочулары коомчулукка кайрылат. Дагы башка сунуш-пикирлер “Эл үнү” радио түрмөгүндө

Кыргызстанга келип 800 миң сом акчасын алдырып, өзү кордук көргөн Өзбекстандык Исламбек акыйкат издеп кайрылды. Дагы башка сунуш-пикирлер “Эл үнү” радио түрмөгүндө

Социалдык тармактарда Айжана Мырсан деген ат менен белгилүү жарандык активист Айжан Мырсалиевага карата "Улут аралык кастыкты козутуу" беренеси менен кылмыш иши козголду. Бул тууралуу Октябрь райондук ички иштер бөлүмүнөн кабарлашты. Милициянын маалыматына ылайык, интернеттеги мониторингдин алкагында быйыл 16-мартта Тик-Ток социалдык тармагындагы @rinat_usupbaev деген аккаунтта Айжан Мырсалиеванын видеосу жарыяланган. Анын сөзүндө улут аралык кастыкты козутуу болгон жана видео социалдык тармактарга кызуу талкууга алынып... Читать дальше...

Апта ичинде дүйнөлүк басылмаларга чыккан макалаларга сереп.  Eurasianet 22-июлда Си Цзинпин Шинжаңды “кытайлаштырууга” аракеттенүүдө деген мазмундагы макала чыгарды. Материалдын автору кытай лидери аймакты “элдик нааразылыктын очогу эмес, соода борбору” кылып көргөзгүсү келгени менен “Кытайдын мусулман азчылыктарын куугунтукташы автономиядагы саясатка көлөкө түшүргөнүн” жазды.  Макалада кеп Кытай лидеринин 12-15-июлда болгон Шинжаң сапарынын айланасында жүрөт. Акыркы жолу Си ал жерге 2014-жылы... Читать дальше...

Ысык-Көлдүн Бостери айылындагы эс алуучу жайлардын бирин иштеткен жарандын арызы менен милицияда уюшкан кылмыштуу топтун мүчөсү катары катталган 21, 27, 28 жаштардагы жергиликтүү үч тургун кармалды. Бул тууралуу милициядан кабарлашты. Арыз ээси кармалгандар таңкы саат бештерде келип, аны сөгүп, бычак менен коркутуп, эс алуу жайынын буюмдарын талкалап кетишкенин жазган. Окуя боюнча Кылмыш-жаза кодексинин 280 - (“Ээнбаштык”) беренеси менен кылмыш иши козголуп, тергөө жүрүп жатат. Буга чейин Ысык-Көлдө калайман мушташ катталган. Читать дальше...

Нарын облустук прокуратурасы “Үй-бүлөлүк зомбулуктан сактоо жана коргоо жөнүндө” мыйзамдын аткарылышы боюнча район жетекчилеринин ишин текшерди. Бул тууралуу Башкы прокуратуранын басма сөз кызматы маалымдады. Текшерүүнүн жыйынтыгында, прокуратура үй-бүлөлүк зомбулуктун алдын алуу иш-чаралары тийиштүү деңгээлде жүргүзүлгөн эмес деген район жетекчилеринин орун басарларына Укук бузуулар кодексинин 435-беренеси (“Кызмат адамдарынын ченемдик укуктук актыларынын талаптарын бузуусу”) менен иш козгогон. Читать дальше...

Аскер кызматындагылардын укуктарынын сакталышы боюнча түзүлгөн ведомстволор аралык жумушчу топтун алгачкы отуруму өтүп, иштөө тартиби бекитилди. Бул тууралуу Акыйкатчы институтунан кабарлашты. Жумушчу топ акыркы беш жыл ичиндеги аскер өлүмү, суицид, уруп-сабоо фактылары иликтенет. Топтун мүчөлөрү аскер бөлүктөрүнө барып, мониторинг жүргүзүп, жоокерлер жана анын ата-энелери менен сүйлөшүү, сурамжылоо жүргүзөт. Жыйынтыгында аскердеги адам укуктарынын сакталышы жөнүндө сунуш иштелип чыгат. Кой-Таш аскер бөлүгүндөгү жоокердин өлүмү... Читать дальше...

Аномалдуу ысык жана кургак аба ырайына байланыштуу Бишкек шаарынын борбордук көчөлөрүнө суу себүү бир жумага уланат. Атайын техникалар күнүнө эки жолу көчөлөргө суу себет. Бул тууралуу Бишкек мэриясы кабарлады. Гидрометеорология борбору Кыргызстандын аймагында аномалдуу ысык жана кургак аба ырайы 28-июлга чейин созуларын билдирди. Абанын күндүзгү температурасы Ош, Жалал-Абад, Баткен облустарынын өрөөндөрүндө 42 градуска, Чүйдө 41, Таласта 39, Ысык-Көлдүн ойдуңунда 34, Нарында 35 градуска чейин жогорулайт. Читать дальше...