Новости за 19.07.2022

Кыргызстандык 300 жаранды Жапонияга жумушка жөнөтүү боюнча келишим түзүлдү. Алар алгач үч жылдык мөөнөткө жөнөтүлүп,  фабрикаларда иштешет. 14-июлда жарандарды жумушка жөнөтүү боюнча Кыргызстандын Эмгек, миграция жана социалдык камсыздоо министрлиги менен Жапониянын KOBE International Trade Promotion Association ишканасы келишимге кол коюшту. Ага ылайык, Жапонияга жөнөтүлгөн 300 жаранга үч жылдан беш жылга чейин өндүрүш тармагында иштөөгө уруксат берилет. "Жапониядан үйрөнгөнүмдү бул жакка алып... Читать дальше...

Пакистандын улуттук валютасы – рупий АКШ долларына карата болуп көрбөгөндөй күчүн жоготуп, эң төмөнкү чекке түштү. 18-июлда бир доллар 215 рупийге сатылып жатса, 19-июлда ал 224 рупийге теңелип калды. Рупийдин кунун жоготушу ички саясий туруксуздукка байланыштуу болуп жатат. Мындан сырткары дүйнөлүк экономикадагы кризистердин Пакистандын экономикасына тийгизген таасири да буга бир себеп катары айтылууда. Жергиликтүү эксперттер бул жагдай инфляцияны дагы күчөтөрүн эскертүүдө. Мунун алдында Пенжаб... Читать дальше...

Санариптик өнүктүрүү министри Талантбек Иманов жарым жылда жасаган ишинин жыйынтыгы боюнча отчет берди. Анда ал министрликтин курамына алынып, акциясы ага берилген мамлекеттик ири компанияларды өткөрүп алуу боюнча укуктук кайра уюштуруу иштери жүргөнүн билдирди. Мындан башка ал калкты, мекеме-ишканаларды жана мамлекеттик башкаруу органдарын санариптештирүүгө өткөрүү иши уланып жатканын айтты. Ал эми ишкер чөйрөнүн өкүлдөрү ачык-айкындыкты камсыздоочу токтоосуз санариптик платформалар киргизилбей келе жатканын сынга алышууда. Читать дальше...

Ысык-Көлдө аттракцион парашютун сүйрөгөн моторлуу кайыктын арткы калагы Орусиядан келген 1979-жылы туулган туристтин (аял киши - ред.) оң бутун тилип кетти. Окуя 15-июлда "Көгүлтүр Ысык-Көл" пансионатынын жээгинде болгон.  Жабырлануучу Чолпон-Атадагы ооруканага жаткырылган.  Окуя милицияда каттоого алынып, тийиштүү экспертиза жүргүзүлүүдө. Өзгөчө кырдаалдар министри Бообек Ажикеевдин 18-июлдагы маалыматы боюнча быйыл 6 ай ичинде өлкөдө жалпысынан 47 өзгөчө кырдаал катталып, өткөн жылга салыштырмалуу ал 51,5%га көбөйгөн. Читать дальше...

Улуттук коопсуздук мамлекеттик комитетинин төрагасы Камчыбек Ташиев 19-июлда "Саясат" маалымат каражатына маек берип, анда "Бириккен демократиялык кыймылдын" Таластагы жыйынына байланыштуу пикирин билдирди. “Күздө төңкөрүш, жазда төңкөрүш” деген бул кыргызстандыктардын арасында 2002-жылдагы Аксы окуясынан бери дайыма айтылып келген дежур сөз. Кресло жетпей калгандардын сүйүктүү сөзү. Ооба, чындыгында 2005-жылдан бери үч жолу революция болду. Экөө жазда, бирөө 2020-жылы күздө. Революция эмнеден келип чыгат? Читать дальше...

Ирандын борбору Тегеранда 28 жаштагы жазуучу жана сүрөтчү Сепидех Рашно хижаб кийбегени үчүн камакка алынды. Бул тууралуу “Азаттыктын” жергиликтүү кызматы – “Фарда” радиосу кабарлады. Маалыматта айтылгандай, мунун алдында Рашно тартылган видео интернетке тарап кеткен. Анда белгисиз аял автобуста бараткан жазуучу айымды телефонго тасмага тартып, аны башына жоолук салынбаганы үчүн айыптаган. Ал видеону Ислам революциясынын сакчыларынын корпусуна жөнөтөрүн айтып коркуткан. Мындан кийин Сепидех Рашнону... Читать дальше...

Дээрлик бир аптадан бери Европанын көп бөлүгү адаттан тыш ысыктан жабыркап атат. Бул убакыт ичинде абанын табы айрым аймактарда 40 градустан ашты, жүздөгөн кишилердин өлүмүнө себеп болду. Ансыз да коронавируска чалдыккандар көбөйүп жаткан маалда ооруканаларга ысыктан жабыркап түшкөндөрдүн саны көбөйүп, кошумча чыңалуу жаратууда. Британиядагы аэропорттордун учуп-конуу тилкелери ээрип, каттамдарды кабыл алуу убактылуу токтосо, башка аймактарда темир жолдор ысыктан эриши мүмкүн деген кооптонуудан улам поезддер жай жүрүп жатат. Читать дальше...

Кыргызстанда жогорку окуу жайларга студенттерди кабыл алуунун биринчи туру башталды. Мектеп бүтүрүүчүлөрү кайсы окуу жайларды жана кайсы адистиктерди тандап жатат? "Азаттык" болочок студенттерге микрофон сунду.

Орусиянын Ростов облустук соту осетиялык опера ырчысы, коронавирус боюнча чектөөлөргө каршылык билдирген Вадим Челдиевди 10 жылга катаал режимдеги колонияга камакка алуу өкүмүн чыгарды. Прокуратура аны 11 жылга кесүүнү өтүнгөн эле. Челдиев менен кошо кармалган Рамис Чиркинов менен Арсен Бесолов 8-8,5 жарым жылга камалды. Соттолуучулардын адвокаттары чечимди даттанарын маалымдашты. 2020-жылдын апрель айында Түндүк Осетиянын борбор калаасындагы Эркиндик аянтында митинг өтүп, ага 2,5 миңдей киши келген. Читать дальше...

Кыргызстанда эки күндө эки келинди күйөөсү бычактоого шек саналган окуялар катталды. Жараат алган келиндер экөө тең оор абалда ооруканада. Укук коргоочулар кыз-келиндерге жакындары кол салып, зомбулук кылган учурлар көбөйүп жатканына кабатырлыгын билдиришүүдө.

Макаланын автору Аманбек Жапаров - журналист, педагог-режиссер. 1979-1983-жылдары Бишкектеги Бүбүсара Бейшеналиева атындагы мамлекеттик көркөм өнөр институтунун режиссура бөлүмүндө окуган. Муратбек Рыскулов атындагы Нарын музыкалык драма театрында артист жана режиссёр болуп иштеген. “Азаттык” үналгысы менен 1998-жылдан тартып кызматташып, ондогон маек жана макалаларды жазган. Соңку жылдары кыргыз искусствосуна, көркөм өнөрүнө бараандуу салым кошкон инсандар тууралуу макалаларды жазып келүүдө. ... Читать дальше...

Next TV телеканалынын директору Таалай Дүйшөмбиевдин кылмыш ишин кароону Бишкектин Биринчи май райондук соту 21-июлда улантат. Каналдын уюштуруучусу, мурдагы депутат Равшан Жээнбековдун маалыматы боюнча жактоочулар 18-июлдагы сот маалында Дүйшөмбиевдин баш коргоо чарасын өзгөртүп, үй камагына чыгаруусун өтүнүшкөн, бирок ал канааттандырылган жок. Сот 29-майда Таалай Дүйшөмбиевдин бөгөт чарасын карап, абактагы мөөнөтүн дагы бир айга узарткан. Март айынын башында аталган медиага карата Жазык кодексинин “Расалык... Читать дальше...

Кыргызстанда эки күндө эки келинди күйөөсү бычактоого шек саналган окуя катталды. Жараат алган келиндер ооруканада оор абалда жатат. Укук коргоочулар кыз-келиндерге жакындары кол салып, зомбулук көрсөткөн учурлар көбөйүп жатканына кабатыр. 16-июль күнү кечке жуук Аламүдүн базарында 38 жаштагы келин бычакталып, ооруканага түшкөн. Милициянын маалыматына ылайык денесинин 16 жерине бычак урулган келинди "Тез жардам" кызматы оор абалда Улуттук хирургия борборуна жеткирген. Аны бычактоого шек саналган адам кармалып, камалды. Читать дальше...

Европаны кайрадан аптаптын жаңы толкуну каптады. Бир нече өлкөдө күндүн табы кескин көтөрүлүп, жүздөгөн гектар аянт токой жана эгин талаалары өрттөндү. Ысыктан улам ондогон адамдар жана жүздөгөн мал-жандыктар өлүп, миңдеген адам үй-жайын таштап чыгып кетүүгө аргасыз болду. Окумуштуулар ысыктын аномалдык толкундарын глобалдык климаттын жылышы менен түшүндүрүп жатышат. Испаниянын премьер-министри Педро Санчес өлкөнүн жабыркаган аймактарын кыдырып жүрүп, ал дагы кырдаалды климаттык өзгөрүүлөр менен байланыштырды. Читать дальше...

Коррупция дагы эле болсо толук жоюлбай жатат, деп билдирди Министрлер кабинетинин төрагасы Акылбек Жапаров бүгүн - 19-июлда. Ал коррупцияга каршы күрөш боюнча координациялык кеңештин бүгүн өткөн жыйынында сүйлөп жатып, акыркы 30 жылда ар кандай форматта коррупцияга каршы күрөш жүргөнүнө карабай дале болсо анын тамыры кыркылбаганын белгиледи. "Ар кандай себептер менен жакшы жыйынтыктарды чыгара албай жатабыз. Натыйжада Кыргызстанда коррупция жашоо-турмушубуздун көптөгөн тармактарында сакталып кала берүүдө. Читать дальше...

"Фароз" көп тармактуу компаниясынын туунду уюмдары мамлекеттик мекемелердин аймагына улам жайгашкан сайын Тажикстандын президенти Эмомали Рахмон "мамлекеттин жеке сектор менен өнөктөштүгү" тууралуу айтып келет. "Фароз" компаниясы "рейдерлик" жол менен укмуштай акча таап жатат деген ЖМКлардагы маалыматка мамлекет башчы ушундай жооп кайтарды. Ар кандай ишканалардан түшкөн пайдадан тышкары транспорт, курулуш, соода-сатык, металлургия, туризм, мейманкана бизнеси, саламаттык сактоо, ЖМК жана билим... Читать дальше...

Бишкек шаарынын чок ортосундагы Байтик баатыр жана Горький көчөлөрүнүн кесилишинде жайгашкан "Вефа" соода борборундагы өрт чектөөгө алынды. Өзгөчө кырдаалдар министрлиги маалымдагандай, өрт аба желдеткичтеринин биринен чыккан. Саат 14:13тө өрт чектелди, болжол менен 20 чарчы метр аянт күйдү. Борбордун соодагерлери коопсуз жайга чыгарылды. Өрттү өчүрүүгө саат 13:20да Октябрь районунан бир бөлүм тартылды. Өрт Ош шаарындагы "Ак-Буура" кафесинде да болду.  Өзгөчө кырдаалдар министрлигинин маалыматы боюнча... Читать дальше...

Бишкектин Свердлов райондук сотунда бүгүн, 19-июлда иликтөөчү журналист Болот Темировдун соту уланды. Журналисттин айтымында, бүгүнкү отурумда айыптоочу тараптын документ маселеси боюнча күбөлөрү көрсөтмө беришти. Темиров ден соолугуна байланыштуу сотту башка күнгө которууну өтүнгөнүн, бирок күбөлөрдүн бири алыскы Казармандан келгендиктен отурумга катышууну чечкенин айтууда: «Ал Башкы штабдын кызматкери экен. Улуттук коопсуздук боюнча мамлекеттик комитеттин (УКМК) сурамы боюнча текшерүү жүргүзүп... Читать дальше...

Ысык-Көлдүн тескейиндеги "Аалам Ордо" борборунда эс алып жүргөн эки жаран сууга чөгүп кетишти. Маалыматты тастыктаган Тоң райондук милициясынын билдиргенине караганда, 16-июлда кечке маал Барскоон айылынын 2006-жылы жана 2000-жылы туулган эки тургуну сууга чөгүп кеткени тууралуу маалымат түшкөн. 16 жаштагы жигиттин сөөгүн эс алып жүргөндөр алып чыккан. Ал эми 22 жаштагы тургундун сөөгүн куткаруучулар табышты. "Ааалам Ордо" эс алуу комплексин мурдагы депутат, Талас облусунун экс-губернатору Ташкул Керексизов кура баштаган. Читать дальше...

Өзбекстандын курамына кирген Каракалпакстан автономдук республикасынын борбору Нукустагы июлдун башындагы акцияларда жараат алган дагы үч адам каза болуп, курмандыктардын саны 21ге жетти. Бул тууралуу Өзбекстандын Башкы прокуратурасынын басма сөз катчысы Хаёт Шамсутдинов атайын брифингде билдирди.  4-июлга карата 18 киши каза болгону, алардын төртөө укук коргоо органдарынын кызматкерлери экени маалымдалган. Жабыркагандар 274кө жеткени, анын 16сы дале ооруканада экени кабарланды. Нукустагы окуялар 1-2-июлда болду. Читать дальше...

Улуттук опера жана балет театрынын эмгек жамааты быйылкы жай айында чакан жаңылык жарата алышты. Алар шаар тургундарына жана сырттан келген конокторго өзгөчө концерттик программа тартуулап жатышат.

20-июлда түнкүсүн Ысык-Көл облусунун айрым жерлеринде өткүн өтөт, калган аймактарда жаан-чачын жаабайт. Күндүз өлкө аймагында жаан-чачын болбойт. Түштүк-батыш тараптан келген шамалдын ылдамдыгы секундасына 3-8 метрге жетет. Абанын температурасы: Чүй облусунда түнкүсүн 16...21, күндүз 32…37; Талас жергесинде түнкүсүн 12...17, күндүз 30…35; Баткен, Ош, Жалал-Абад дубандарында ​түнкүсүн 20…25, күндүз 35…40; Ысык-Көл облусунда түнкүсүн 12...17, күндүз 25...30; Нарын облусунда түнкүсүн 8…13... Читать дальше...

Ноокен райондук соту Өзбекстандын жараны - Кыргызстанга келин болгон аялга эгиз кыздарын төркүнүнө алып чыгууга тыюу салган чечим чыгарды. Жолдошу менен ажырашкан келин учурда талаада жалданып иштеп, балдарын багып жатат.  Өзбекстандын Анжиян облусунун 25 жаштагы тургуну Хуснийда Отамирзаева 2018-жылы Жалал-Абаддын Ноокен районуна келин болуп келген. Жубайлар үч жыл жашап, эгиз кыздуу болгондон кийин эки ача жолго түшкөн. Хуснийда Кыргызстанда туугандары жок болгондуктан Өзбекстанга кетүү чечкен. Читать дальше...

Бишкек шаарынын мэри Эмилбек Абдыкадыров Мамлекеттик курулуш агенттигинин башчысы коррупцияга айыптаган вице-мэрге болушту. Бүгүн 19-июлда коррупцияга каршы координациялык кеңештин отурумунда архитектура жана курулуш тармагындагы жемкорлук талкууланды.  Мамкурулуш агенттигинин башчысы Нуртазин Жетибаев азыркы учурда Бишкектин вице-мэри болуп иштеп жаткан Бактыбек Абдиевди курулуш агенттигин башкарып турганда коррупцияга аралашкан жана жер тилкелерин мыйзамсыз бөлүп берген, курулуштарга уруксат берген деп айыптады. Читать дальше...

Бишкекте мурдагы күйөөсү бычактап кеткен келиндин абалы туруктуу оор экенин бүгүн 19-июлда "Азаттыкка" Улуттук хирургия борборунан билдиришти. Дарыгерлердин айтымында, келиндин өпкөсүнө жана ашказанына көбүрөөк залал тийген. Операция жасалып, азыр ал эсине келип, тамак иче баштады, бирок абалы оор.  Окуя 16-июлда Бишкек шаарындагы Аламүдүн базарында болгон. Милициянын маалыматына караганда, 38 жаштагы келин кечке жуук соода жайын жаап жаткан маалда бирөө келип 16 жолу бычак сайган. Ыкчам иликтөө-тергөөнүн... Читать дальше...