Новости за 31.07.2022

Австрияда вакцинацияга каршы чыккандардын коркутууларына кабылган дарыгер Лиза-Мария Келлермайр өз жанын кыйды. Бул тууралуу Reuters агенттиги маалымдады. Дарыгердин сөөгү анын иш бөлмөсүнөн табылган. Өлүм алдындагы катында опузалардан улам ал ушул жолго барганын жазган. Австриянын президенти Александр ван дер Беллен калкты жек көрүүгө жана кодулоого каршы бирге турууга чакырды. Саламаттык сактоо министри Йоханнес Раух дарыгердин өлүмүнө байланыштуу жек көрүү кечиримсиз экенин, ал токтотулушу керектигин айтып чыкты. Читать дальше...

Жарым-жартылай таанылган Косово мамлекетиндеги этникалык сербдер өкмөттүн паспортторго жана машинелердин номерлерине байланыштуу талабына каршы болуп, Сербия менен чек арадагы эки негизги жолду тосуп салды. Косовонун түндүгүндөгү серб тектүү жарандар 1999-жылкы согуштан кийин Сербиядан паспорт алышат жана Сербиянын мекемелери берген автоунаа номерлери жүрүшөт. Косовонун өкмөтү муну мыйзамсыз деп эсептейт, бирок сербдер басымдуулук кылган түндүктөгү төрт муниципалитетте аны колдонууга уруксат берип келген. Читать дальше...

Молдовановка айылындагы түзөтүү колониясын кайтарган учурда каза тапкан 18 жаштагы жоокердин жакындары анын өлүмүн акыйкат териштирүүнү талап кылууда. Алар маркум автоматтан өзүн атып алды деген жүйөгө ишенбей жатышат. Тиешелүү органдар аскер өзүн-өзү атып алган деген маалымат таратты. Колонияны кайтарган жоокерлердин бул сыяктуу өлүмү мурда да болгон. Расмий маалымат боюнча окуя 29-июль күнү эртең менен саат 08:30 чамасында болгон. Жазаларды аткаруу кызматы азырынча кыска маалымат таркатуу менен чектелип турат. Читать дальше...

Борбор Азиядагы эл аралык университет Токмок шаарында жаңы имаратын куруп баштады. Он миллион доллардан ашуун каражатка курула турган жаңы университет 2023-жылы август айында ишке кирээри пландалган. Окуу жайдын президенти, доктор Жон Кларк менен бул долбоор тууралуу маектештик.  - Сиз Кыргызстан, Казакстандын билим берүү тармагында иштеп келатканыңызга 20 жылдан ашыптыр. Бул аймакка кандайча кызыгып калдыңыз эле, алгачкы сапарыңыз эмнеден башталган? - Эң биринчи жолу 1994-жылы АКШнын Фулбрайт... Читать дальше...

Орус президенти Владимир Путин Орусиянын жаңы аскердик деңиз доктринасын бекитүү тууралуу жарлыкка кол койду. Жарлык жекшемби, 31-июлдан тартып күчүнө кирди. Путин Санкт-Петебург жана Кронштадт шаарларындагы аскердик-деңиз күчтөрүнүн параддарынын маанисин чечмелөө менен доктринада “Орусиянын улуттук кызыкчылыктарынын зонасы жана чек арасы” аныкталганын түшүндүрдү. Орус президенти ага арктикалык акваторияны, Кара деңизди, Охот, Беринг деңиздерин, Балтика жана Түштүк-Курил кысыктарын кошту. Документте... Читать дальше...

Сот Дүйшөмбүдө кармалган журналисттер Абдусаттор Пирмухаммадзода менен Завкибек Саидаминини камоо тууралуу чечим чыгарды. Бул тууралуу "Азаттыктын" тажик кызматы Абдусаттор Пирмухаммадзоданын туугандарына таянып жазды. Маалыматка караганда, ал Сомони райондук сотунун чечими менен 27-июлда убактылуу тергөө абагына камалган. Журналист менен адвокат жолугуп чыккан. "Анын ден соолугу жакшы. Тергөө уланууда. Тажикстандын тартип коргоо органдарына ишти адилеттүү иликтейт деп ишенебиз", - деген ал. ... Читать дальше...

1-августта өлкөнүн тоолуу райондорунда жана тоо этектеринде, Ысык-Көл облусунун көпчүлүк аймактарында өткүн өтөт. Батыштан соккон шамалдын ылдамдыгы секундасына тогуз метрге жетет. Абанын температурасы: Чүй облусунда түнкүсүн 16...21, күндүз 28…33; Талас жергесинде түнкүсүн 10...15, күндүз 26…31; Баткен, Ош, Жалал-Абадда түнкүсүн 18…23, күндүз 31…36; Ысык-Көл облусунда түнкүсүн 11...16, күндүз 22...27; Нарындын өрөөндөрүндө түнкүсүн 10…15, күндүз 22…27; Бийик тоолордо түнкүсүн -2…+3, күндүз 12…17 градус. Читать дальше...

Кыргызстанда 38 бейөкмөт уюмдун өкүлдөрү президент Садыр Жапаровго аялдар менен балдардын коопсуздугу барган сайын оорлоп баратканын айтып, кайрылуу жолдошту.  Президенттик администрация аялдарга жана балдарга карата зомбулукту жоюу максатында Улуттук стратегия иштелип чыкканын билдирүүдө.  Кризистик борборлор тартыш  Оштогу "Ак жүрөк" кризистик борборунда кош бойлуу келин эки айдан бери баш калкалап келе жатат. Айы-күнү жетип турган келин төрөгөндөн кийин кайда барары белгисиз. Кризистик борбордун жетекчиси... Читать дальше...

Президент Садыр Жапаров 28-июлда көзөмөл-кассалык аппараттарды колдонууга байланыштуу "Чакан жана орто ишкердик субъекттерди колдоо тууралуу" жарлыкка кол койду. Ага ылайык, өкмөткө көзөмөл-кассалык аппараттар (ККМ) боюнча айыппул өлчөмүн жана бирдиктүү салык ставкасын төмөндөтүү чараларын көрүүнү тапшырды. Учурда айрыкча соодагерлер арасында кассалык аппаратты киргизүүгө каршылар азая элек. Майрам Султанова Токмок шаарындагы базарда соода кылат. Ал эгер соодагерлерди жапырт көзөмөл-кассалык аппарат колдонууну талап кылса... Читать дальше...

Өзгөчө кырдаалдар министрлиги үч дубанды бириктирүүчү Боом капчыгайында жол каттамы толугу менен калыбына келтирилгенин бүгүн, 31-июлда кабарлады. Министрликтин маалыматына караганда, бул аймакта болжол менен сел менен кошо түшкөн 20-22 миң куб кум-шагыл тазаланды. Сел алып келген чыгымдар айтыла элек. Мекеме сел агызып кеткен автоунаа изделип жатканын "Азаттыкка" билдирди. "Машинени сел агызып чоң сууга түшүп кеткен, бирок ээлери жабыркаган эмес. Учурда унааны издөө иштери жүргүзүлүүдө", - деди мекеменин расмий өкүлү Алим Токторов. Читать дальше...

31-июлда саат 07:55те Кыргызстандын аймагында Чаткал тоо кыркаларында жер силкинүү катталганын Сейсмология институту кабарлады. Маалыматка караганда, жер титирөөнүн күчү очогунда 3,5 баллга жетип, Жалал-Абаддын Чаткал, Тегирмен-Сай, Жылгын, Аркыт айылдарында жана Талас шаарында сезилген. Аталган институттун маалыматына караганда, ушул эле аймакта 25-27-июль күндөрү дагы күчү 3,5-5 баллга жеткен жер титирөө катталган. (КЕ)

Өзгөчө кырдаалдар министрлигинин маалыматына караганда, 30-июлда саат 19:00 чамасында жаап өткөн жамгырдын кесепетинен Таш-Көмүр шаарында жайгашкан 10го жакын турак жайдын ичин жана бир көп кабатуу үйдүн жер төлөсүн сел каптады. Ички чарбалык жолго кум аралаш шагыл түштү. Жерине министрликтин облустук бөлүмүнөн 40 куткаруучу тартылып, сел тазаланды. Ушул эле күнү саат 13:00 чамаларында жааган жамгырдан кесепетинен Балыкчы шаарынын Озёрная көчөсүндөгү турак үйлөрдү, ички чарбалык жолдорду суу каптаган. Читать дальше...

Министрлер кабинети калыбына келтирүүчү беш борбордо балдардын жана өспүрүмдөрдүн тамак-ашына каралган чыгымдардын акчалай ченемдерин 100 пайызга жогорулатты. Тиешелүү чечим өкмөттүн 29-июлдагы жыйында кабыл алынды. Буларга Чүйдөгү "Максат", Жалал-Абадагы "Бакыт", Базар-Коргон райондор аралык кайра калыбына келтирүү борбору, "Родничок" балдардын психоневрологиялык реабилитациялык борбору, Ош шаарындагы кыймыл таяныч тутумундагы мүмкүнчүлүгү чектелген балдардын ден соолугун калыбына келтирүү борбору кирет. Читать дальше...