Новости за 30.07.2022

Селге байланыштуу жабылып калган Бишкек - Нарын - Торугарт унаа жолу бир тараптуу ачылды. Бул тууралуу Ысык-Көл облустук милициясынын басма сөз кызматы кабарлады. Маалыматка караганда, жеринде Жол тейлөө ишканасынын кызматкерлери иштеп жатат. 30-июлда саат 11:00 чамасында кыска мөөнөттө жааган жаандын кесепетинен Бишкек - Нарын - Торугарт унаа жолунун 128-129 чакырым аралыктарында сел жүрүп, кум-шагыл унаа жолду жаап калган. Жол каттамы эки тараптуу жабылган. Мындан улам жол тыгыны пайда болгон. Читать дальше...

Бишкек шаарында Кыргызстан менен Орусиянын Тышкы иштер министрлеринин орун басарлары Нуран Ниязалиев менен Андрей Руденконун деңгээлинде кыргыз-орус министрликтер аралык кеңеш өттү. Бул тууралуу мекеменин басма сөз кызматы кабарлады. Анда эки тараптуу кызматташтык, эл аралык жана аймактык уюмдардын алкагындагы өз ара аракеттенүүнүн актуалдуу маселелери, ошондой эле аймактык жана глобалдык күн тартибиндеги маселелер боюнча пикир алмашуулар болду. Тараптар алдыда боло турган эки тараптуу жана көп тараптуу тышкы саясий иш-чараларды... Читать дальше...

Кылмыш чөйрөсүндө "Дөө Чыңгыз" деген каймана ат менен таанымал Чыңгыз Жумагулов 30-июлда №21 абактын камераларынын биринде киши колдуу болду. Жаза аткаруу кызматынын маалыматында, аны камералашы жеке кастык мамиленин негизинде өлтүргөн. "Аны өлтүргөн жаран кылмышын моюнуна алган. Окуянын чоо-жайын тийиштүү тергөө органдары териштирип жатат", - деп жазылган ЖАМК тараткан маалыматта. Улуттук коопсуздук комитети (УКМК) Жумагуловду 15-июлда кармаган. Атайын кызмат ал опузалап акча талап кылууга шек саналып кармалганын кабарлаган. Читать дальше...

Кылмыш чөйрөсүндө "Дөө Чыңгыз" деген каймана ат менен таанымал Чыңгыз Жумагулов 30-июлда №1 тергөө абагында киши колдуу болгонун Жаза аткаруу кызматынан ырасташты. ЖАМКнын басма сөз кызматынан анын өлүмү тууралуу толук маалыматты кечирээк бере турганын билдиришти. Бишкектин Биринчи май райондук соту кылмыш тобунун мүчөсү Чыңгыз Жумагуловдун бөгөт чарасын 15-июлда караган. Ага ылайык, Жумагулов 7-сентябрга чейин №21 абакта болору кабарланган. Улуттук коопсуздук комитети (УКМК) кримтөбөл кармалганын 15-июлда билдирген. Читать дальше...

Ат-Башыдагы Кошой-Коргон тарыхый комплексинин жанындагы музей 2007-жылдан бери иштейт. Тарыхый эстеликтер сакталган бул имарат 15 жыл жеке башкарууда болгон. Быйыл жай айында гана өкмөттүн карамагына өтүп, эми гана музей деген расмий статус алганы турат.

Кыргызстандын президенти Садыр Жапаров бүгүн, 30-июлда Кытайдын Мамлекеттик кеңешинин мүчөсү, тышкы иштер министри Ван Ини кабыл алды. Бул тууралуу президенттин басма сөз кызматы кабарлады. Расмий маалыматка караганда, жолугушууда ар тараптуу стратегиялык өнөктөштүктү өнүктүрүү, глобалдык жана чөлкөмдөгү коопсуздукту камсыздоо боюнча пикир алмашуу болду. Президент Жапаров жолугушууда Кытай-Кыргызстан-Өзбекстан темир жолун куруу долбоорун ишке ашыруу маселесине көңүл бурду. Кытай адистеринин Кыргызстанга келип... Читать дальше...

Кыргызгидромет 30-31-июль күндөрү нөшөрлүү жаан-чачынга байланыштуу, тоо этектеринде жана тоолуу райондордо сел жүрүшү мүмкүн экенин эскертти. Ысык-Көл облусунун дарыяга жакын жайгашкан аймактарда суу каптоолор болушу ыктымал. 31-июлда өлкөнүн дээрлик бардык аймактаарында өткүн өтүп күн күркүрөйт. Батыштан соккон шамалдын ылдамдыгы секундасына 4-9 метрден, күндүз Ысык-Көл, Нарын облустарынын кээ бир райондорунда 15-20 метрге чейин жетиши мүмкүн. Абанын температурасы: Чүй облусунда түнкүсүн 16...21... Читать дальше...

Тоолуу Бадахшан автоном облусунун соту Польшада жашаган оппозиция өкүлү Алим Шерзамоновдун бир тууганы Муслим Шерзамоновду 18 жылга эркинен ажыратты. Бул тууралуу “Азаттыктын” тажик кызматы билдирди. Алим Шерзамонов соттун өкүмүн "кабыл алынгыс жана бир жактуу" деп атады. "Мен кайсы кылмыштар боюнча күнөөлүү деп табылганын азырынча билбейм. Биздин Тоолуу Бадахшандагы туугандарыбыз, досторубуз бул тууралуу эч нерсе билишпейт. Биз кыйынчылык менен тапкан адвокат унчукпай отурат.  Жакын туугандарыбыз Муслим менен тергөө абагына барып жолугушту... Читать дальше...

Боом капчыгайында жүргөн селден улам темир жол менен автоунаа жолу убактылуу жабылды. Өзгөчө кырдаалдар министрлигинин маалыматы боюнча 30-июлда саат 11:00 чамасында кыска мөөнөттө жааган жаандын кесепетинен Бишкек - Нарын - Торугарт унаа жолунун 128-129-чакырым аралыктарында сел жүрүп, кум-шагыл жолду жаап калган. Учурда жол каттамы эки тараптуу жабык.

Улуттук банк 27-июлда чет өлкөдөн жана өлкө ичинде эсептер аралык которулган валюталарды конвертациялоону маалымат тактада көрсөтүлгөн курс боюнча жүргүзүү токтомун чыгарды. Ал эми коммерциялык банктардын ишиндеги тобокелдиктерди төмөндөтүү үчүн АКШ долларын берүү же алмаштыруу суммасы боюнча чектөөлөр жана кошумча алымдарды алуу улана бермекчи. Адистер валюта рыногундагы түшүнүксүз жагдайлардан улам кийинки кездери көмүскө валюталык соода көбөйүп баратканын жана ага коммерциялык банктар да катышып жатканын айтып, коңгуроо кагууда. Читать дальше...

Жума күнү, 29-июлда Испаниянын Саламаттык сактоо министрлиги маймыл чечегин жугузуп алган бейтап каза болгонун кабарлады. Бул Европада ушул оорудан каза болгон биринчи учур болуп саналат. Учурда Испания вирусту жугузуп алгандардын саны боюнча дүйнөдө АКШдан кийинки экинчи орунда турат. Өлкөнүн Саламаттык сактоо министрлигинин отчетуна ылайык, өлкөдө оорунун 4 миң 298 учуру катталган. 135 бейтаптын оорусу күчөгөн, алардын көбү "бактериялык инфекциялар жана ооз көңдөйүндөгү жара" менен кайрылган. Читать дальше...

Бишкек - Балыкчы темир жол каттамы селге байланыштуу убактылуу жабылды. "Кыргыз темир жолу" мамлекеттик ишканасынын тиешелүү кызматтары тазалоо иштерин жүргүзүп жатканын аталган мекемеден билдиришти. Өзгөчө кырдаалдар министрлигинин маалыматы боюнча бүгүн, 30-июлда саат 11:00 чамасында кыска мөөнөттө жааган жаандын кесепетинен Бишкек - Нарын - Торугарт унаа жолунун 128-129 чакырым аралыктарында сел жүрүп, кум-шагыл унаа жолду жаап калган. Учурда жол каттамы эки тараптуу жабык. Жерине тактоо... Читать дальше...

Улуттук коопсуздук мамлекеттик комитетинин басма сөз кызматы 30-июлда аскер кызматкери маңзатын сатууга жана колдонууга шек саналып кармалганын билдирди. Маалыматта Бишкек гарнизонунун Аскер прокуратурасы УКМК менен бирге Коргоо министрлигинин Г.В. аттуу аскер кызматкерин баңгизат сатуу учурунда кармаганы айтылат. Шектүүнүн бир канча убакыттан бери Бишкек шаарынын жарандарына гашишти сатуу боюнча системалуу канал уюштуруп келгени аныкталган. Кармалган аскер кызматкерине Кылмыш-жаза кодексинин 282-беренесинин 1-бөлүгү (Баңги каражаттарын... Читать дальше...

Министрлер кабинети электр энергиясын керектөөчүлөрдүн жаңы категориясын киргизүүдө. Өкмөттүн басма сөз кызматы тараткан маалыматка караганда, электр энергиясын чектөөсүз (лимитсиз) пайдаланууну каалагандар үчүн жаңы тариф 5 сом 4 тыйын өлчөмүндө бекитилди. Энергетика министрлигинин маалыматында, электр энергиясы үчүн жогорулатылган тариф боюнча төлөөгө даяр жарандардан келип түшкөн кайрылууларды эске алуу менен “Электр энергиясын жана анын кубаттуулугун чектөөсүз пайдаланган калктын категориясы" киргизилүүдө. Читать дальше...

Чүй облусунун Сокулук районуна караштуу Орок айыл аймагында 20,78 гектар аянттагы жер тилкеси дене тарбия-ден соолукту чыңдоо комплексин куруу үчүн айыл чарба багытындагы жерлер категориясынан өнөр жайынын, транспорттун, байланыштын жана энергетиканын жерлери категориясына которулду. Мындай чечим Министрлер кабинетинин кезектеги жыйынында кабыл алынганын өкмөттүн басма сөз кызматы кабарлады. Кабыл алынган чечимге ылайык, Чүй облусунун Сокулук районунун мамлекеттик администрациясына жерди эсепке... Читать дальше...

Орусиянын Урал федералдык округунда жашаган кыргызстандыктардын балдары Ысык-Көлдө эс алат. Бул тууралуу Тышкы иштер министрлигинин басма сөз кызматы кабарлады. Маалыматка ылайык, балдар 1-10-август күндөрү "Алтын балалык" ден соолукту чыңдоо жана реабилитациялык борборунда эс алат. Окууда, чыгармачылыкта, спортто жана коомдук-маданий иш-чараларда өзгөчө айырмаланган 100 мекендештин балдарына Ысык-Көлдө алууга шарт түзүү Саламаттык сактоо министрлигинин чечими менен ишке ашууда. Эс алуу Жогорку Кеңештин депутаттарынын колдоосу... Читать дальше...

20 жылдан бери башталбай келаткан Кытай-Кыргызстан-Өзбекстан темир жолу долбоору ордунан жылгансыды. Борбор Азия мамлекеттери ага старт берүүгө даяр, курулушка бир-эки жылда киришерин билдирүүдө. Бирок азырынча долбоордун көп маселелери чечиле элек. "Азаттыктын" атайын эксплейнеринде кеп болот.

Өзгөчө кырдаалдар министрлигинин маалыматына караганда, Бишкектин Мурманск жана Садыгалиев көчөлөрүнүн кесилишинде жайгашкан кампадан 30-июлда түнкү саат үчтөн өткөндө өрт чыкты. Өрттүн аянты чоң болгондуктан жерине өрт өчүрүүчү жети бөлүм, "Тез жардам" кызматы, “Жашылдандыруу” муниципалдык ишканасынан эки суу ташуучу автоунаа тартылып, өрт таңкы 7ден өтүп чектөөгө алынды. Өрт чалган кампа тууралуу ӨКМ толугураак маалымат тараткан жок. Кырсыктын себептери айтыла элек. Алдын ала маалыматтарга караганда, жабыркагандар жок. Читать дальше...

Кыргызстанга 30-июлда Кытайдын ТИМ башчысы Ван И келди. Бул КЭР өкүлдөрүнүн пандемия башталгандан берки алгачкы сапары. Бишкек бул кездешүүдө чечилиши эң зарыл маселелерди тизмектеп койгон. Баарынан да ал Кытай менен болгон мурдагы соода агымын калыбына келтирүүнү каалайт, анткени республиканын башка ири өнөктөштөрүнө салыштырмалуу бул багыттагы мамиле эң чоң зыянга учураган эле. “Ошол мүмкүнчүлүктү кайра ала албайбыз” Кыргызстандын соода өнөктөштөрүнүн ичинен биринчи орунду ээлеген Кытай... Читать дальше...

29-июлда нөшөрлөгөн жаандан улам болжол менен саат 21:30 чамасында, Каракол капчыгайынын эки тилкесинде таш-шагыл аралаш сел жүрүп, эки көпүрөнү жаап калган. Бул тууралуу Өзгөчө кырдаалдар министрлигинин басма сөз кызматы кабарлады. Маалыматка караганда, жабылган көпүрөлөр бүгүн оор техниканын жардамы менен тазаланат. Ушул эле күнү Түп районунун Балбай, Күрмөнтү айылдарында сел жүрүп турак үйлөрдү, ички чарбалык жолдорду, эгин талааларды каптаган. Ал эми тазалоо иштери уланууда. Селден кийинки чыгымдар эсептелүүдө. Читать дальше...