Новости за 28.07.2022

"Чек арасыз кабарчылар" (RSF) эл аралык уюму тажикстандык журналисттердин кармалганын айыптады. Укук коргоочулар муну маалымат каражаттарын коркутуп-үркүтүү кампаниясынын бир бөлүгү деп эсептейт. Уюм 27-июлда жарыялаган билдирүүсүндө, блогер жана журналисттер Абдулло (Авазмада) Гурбати, Далери Имомали, Завкибек Саидамини жана Абдусаттор Пирмухаммадзодага каршы иштерди "жасалма токулган" деп сыпаттады жана бийликти аларды дароо кое берүүгө чакырды. Уюмдун аймактык директору Жанна Кавальер белгилегендей... Читать дальше...

Кумтөр алтын кенине байланыштуу эл аралык соттордогу териштирүүлөргө мурда кыргыз өкмөтүнөн акчасын өндүрө албай жүргөн башка чет элдик компаниялар да кошулганы белгилүү болду. Юстиция министри Аяз Баетов 27-июлда жарым жылдык ишмердиги тууралуу маалымат жыйынында отчет берип жатып, эл аралык арбитраждардагы Кыргызстанга каршы доолорго токтолду. Ал "Центерра Голд" компаниясынын "Кумтөр" боюнча иши жакында Нью-Йорктун, Стогольмдун жана Онтарионун сотторунда карала баштаганын билдирди. Анын айтымында... Читать дальше...

Улуттук коопсуздук мамлекеттик кызматы мамлекеттик мүлктү уурдоого шек санап Профсоюздар федерациясынын жетекчи орун басары А.М.Д. аттуу жаранды камакка алды. Бул тууралуу мекемеден кабарлашты.  Маалыматта айтылганга караганда, ал 2012-жылдын 2021-жылга чейинки аралыкта "Жалал-Абад" пансионатын жетектеп турган маалда жасалма документтердин аркасы менен мамлекетке 42 млн. сом зыян келтирген деп шектелип жатат. Азыр тергөө иштери уланууда. "Жалал-Абад" курорту аты уйкаш облустагы бирден бир ден соолукту чыңдоочу жай болуп эсептелет. Читать дальше...

Балдар омбудсмени Асел Чынбаева эки кылмыш ишин көзмөлүнө алды. Алар - Түп районунда зордукталган 16 жаштагы кыз жана Каракол шаарында катуу сабалган Айзат Үсөнбаевага байланыштуу иштер.  Таратылган маалыматка караганда, Асель Чынбаева Ысык-Көлдө облустук ички иштер башкармалыгынын, облустук прокуратуранын, социалдык коргоо кызматтарынын жетекчилери менен жолугуп, маселени талкуулаган.   Маалым болгондой Айзат Үсөнбаеванын үй-бүлөдө зомбулукка кабылганы боюнча кылмыш иш сотко өттү.  Ал эми... Читать дальше...

Кыргыз Республикасынын Улуттук банкынын башкармалыгы 27-июлда "айрым ченемдик укуктук актыларына өзгөртүүлөрдү киргизүү жөнүндө" токтомун (№ 2022-П-14/47-7-(ПС)) кабыл алды, ага төраганын милдетин аткаруучу Р.Чокоев кол койгон.  Документкен ылайык 2010-жылдын 26-майындагы Улуттук банктын № 36/7 «Банктык чекене кызмат көрсөтүүлөрдү сунуштоо боюнча агенттик келишимдерди түзүүдө коммерциялык банктардын ишине карата коюлуучу негизги талаптар жөнүндө» жобону бекитүү тууралуу» токтомго, ошондой эле,... Читать дальше...

Экономика жана коммерция министрлиги Кыргызстанда казино өңдүү кумарканаларды кайра ачуу тартиби каралган өкмөттүн токтомунун долбоорун коомдук талкууга чыгарды. Анда мындай жайларды ачуу үчүн лицензиялардын баасы 10,5 миллион сомдон 84 миллион сомго чейин деп сунушталган. Өткөн айда Жогорку Кеңеш кумарканаларды кайра ачуу каралган мыйзам долбоорун кызуу талаш-талкуу менен кабыл алган жана ага президент Садыр Жапаров кол койгон. Кумарканалардын кайра ачылышына каршы нааразылык акциялары өткөн.... Читать дальше...

Казакстан, Кыргызстан, Тажикстан жана Өзбекстандын 268 аял журналисти интернеттен ыдык көрүү боюнча сурамжылоого катышып, дээрлик 80% онлайн тийишүү, кемсинтүү, ал тургай коркутууларга туш болуп жатканын айтышкан. Журналист аялдарга оозго алгыс сөздөр айтылып, адамдык жана аялдык ар-намыска шек келтирген учурлар көп болору аныкталды.   Европанын коопсуздук жана кызматташтык уюму (ЕККУ) Бишкекте Өзбекстан, Кыргызстан жана Казакстандын журналист айымдары үчүн онлайн ыдык көрсөтүүгө каршы турууга багытталган чакан жыйын өткөрдү. Читать дальше...

Коронавирус пандемиясы Кытайдын Ухань шаарындагы айбанаттар базарынан жайылган. Окумуштуулардын эки тобу изилдөө жүргүзгөндөн кийин ушундай жыйынтыкка келгенин Science журналы жазды. Биринчи изилдөөдө адистер илдеттин тараганын түшүнүү үчүн картографиялык каражаттарды жана социалдык тармактардагы маалыматтарды пайдаланган. Натыйжада алар 2019-жылдын этегинде вирус базарда сатылган жаныбарлардын организминде бар болчу деген бүтүм чыгарышты. Бирок ал кайсы жандык экени айтылган жок. Алар тар жайда кармалганы гана белгиленди. Читать дальше...

Быйыл жарым жылда өлкөнүн балык чарбалары былтыркы жылдын ушул мезгилине караганда дээрлик үч эсеге көп балык өстүрүштү. Товардык балыктын көлөмү 6837,5 тоннаны түздү. Былтыр бул маалда 2810 тонна балык болгон. Анын аркасы менен чет мамлекеттерге балык сатуу да көбөйгөн, быйыл алты айда 1604,3 тонна балык четке сатылган, былтыр 1398,3 тонна болчу. Бул тууралуу Балык чарба департаментинен билдиришти. Маалыматка караганда, 2022-жылдын биринчи жарымында балыкты көбөйтүү жана сактоо максатында Ысык-Көл... Читать дальше...

Казакстандын мурдагы президентинин маалымат катчысы Айдос Укибай "Нурсултан Назарбаев эмгек өргүүсүнөн кийин Түркиядан кайтып келгенин" Твиттерге жазды. Укибай "эс алуу учурунда тунгуч президент чет өлкөлүк расмий адамдар же бизнес өкүлдөрү менен жолукпаганын" баса белгиледи. Буга чейин бир нече маалымат каражаты расмий эмес булактарга шилтеме берип, Түркияда Назарбаев орусиялык ЛДПР партиясынын лидери Леонид Слуцкий жана Орусиянын ири компанияларынын жетекчилери, бизнес өкүлдөрү менен жолуккан болушу мүмкүн деп жазышкан. Читать дальше...

Каракалпакстандын ички иштер министри Аманбай Оринбаев «башка ишке өткөнүнө байланыштуу» кызматынан алынды. Өзбекстандын өкмөттүк «Элдин сөзү» гезити кабарлагандай, аткаминер Каракалпакстан жумуриятынын министрлер кабинетинин төрагасынын экология маселелери боюнча орун басары болуп дайындалды. Оринбаев ички иштер мекемесин жетектөөгө быйыл мартта келген. Анын ордун ким басары айтыла элек. Буга чейин 23-июлда жумурияттын прокурору алмашкан. Мындай кадрдык орун которуулар Каракалпакстанда июлдун... Читать дальше...

Базардагы эттин баасын аялдардын кийими менен байланыштырып, алардын укуктарын бузду делип жаткан Бишкектин Свердлов районунун имамы Садыбакас Дооловдун айткандарын эми башкы прокуратура иликтемекчи. Арызды Улуттук коопсуздук мамлекеттик кызматына (УКМК) Умай Арыкова баштаган жарандык активисттер жазган.    Өз кезегинде УКМК териштирүүнү башкы прокуратуранын башкармалык жетекчиси У.Султановго жолдогон.  6-июлда Умай Арыкова социалдык тармакка жазган маалыматка караганда, арыз Садыбакас Доолов аялдардын кийингенине көзөмөл киргизгиси келип... Читать дальше...

Шашылыш билдирүү 29-31-июлда абанын температурасы жогорулашына жана нөшөрлүү жаан-чачынга байланыштуу республиканын тоо этектеринде жана тоолуу райондорунда сел жүрүшү мүмкүн, дарыяларда суунун деңгээли көтөрүлүшү ыктымал. Ысык-Көл облусунун дарыяларында суу нугуна жанаша жайгашкан аймактардын жээктерин, жайылма участокторун жууп, суу каптоо болушу мүмкүн. 29-июлда түнкүсүн Ысык-Көл облусунун көпчүлүк аймактарында, Чүй, Нарын облустарынын кээ бир райондорунда, Баткен жана Ош облустарынын тоолорунда өткүн өтөт... Читать дальше...

Италиянын Палермо шаарында 99 жаштагы Жузеппе Патерно Философия жана тарых илимдери боюнча магистратураны аяктап, диплом алды.

Ош облусунун Кара-Суу районундагы «Датка» базарынын соодагерлери митингге чыгышты. Ачык булактардагы маалыматтарга караганда, акцияга чыккандар жакында орундар үчүн кымбаттатылган ижара акысына нааразы болушууда. Эми алар айына 1200 АКШ долларынан төлөй баштамакчы. Ош облустук ички иштер башкармалыгынан маалымдашкандай, милиция кызматкерлери жеринде окуяга көзөмөл жүргүзүшүүдө. Араздашууну жөнгө салууга облустук бийликтин өкүлдөрү аракет жасоодо. Кара-Суу районунда бир нече соода базар бар. Райондогу... Читать дальше...

Кыргызстандын жана Орусиянын Башкы прокуратуралары кызматташуунун биргелешкен планын кабыл алышты. Бүгүн 28-июлда Чолпон-Атада эки мекеменин башчылары Курманкул Зулушев менен Игорь Краснов жолугушуу өткөрүп, болочок пландарды талкуулашканын Кыргызстандын Башкы прокуратурасынын басма сөз кызматы билдирди. Жолугушууда кибер кылмыштуулукка, трансулуттук уюшма кылмыштуулукка, терроризмге, диний экстремизмге, коррупцияга, мыйзамсыз миграцияга, адам аткезчилигине каршы биргелешип күрөшүү тууралуу сөз болду. Читать дальше...

Кыргызстанда кумаркана иштетүү үчүн лицензиянын баасын 10 миллион сомдон 84 миллион сомго чейин деп аныктоо сунуш кылынууда. Экономика жана коммерция министрлиги 27-июлда токтом долбоорун коомдук талкууга чыгарды. Анда “оюн-зоок ишине лицензия үчүн төлөм мамлекеттик бюджеттин киреше бөлүгүн толтуруучу булактардын бири болору” белгиленди. Республикалык маанидеги шаарлардагы казинолор, онлайн казинолор, электрондук (виртуалдык) казинолор үчүн 84 миллион сом, ал эми Ош, Чүй жана Жалал-Абад облустарындагылар үчүн 42 миллион сом... Читать дальше...

АКШ президенти Жо Байден Орусияда камалган америкалык эки жаранды курал-жарак соодасы үчүн соттолгон орусиялык Виктор Бутка айырбаштоо сунушун колдоду. Ушундай вариантты анын администрациясы сунуш кылган. Бул тууралуу CNN телеканалы аты аталбаган булактарга таянуу менен кабарлады. Ак үй муну расмий комментарийлеген жок. Бут 2012-жылы колумбиялык козголоңчуларга курал сатуу ишин даярдаган деген айып менен 25 жылга кесилген. Маалыматка ылайык, ал Олимпиада чемпиону, баскетболчу Бриттни Грайнерге... Читать дальше...

Президент Садыр Жапаров чакан жана орто ишкерликти колдоо тууралуу жарлыкка кол коюп, өкмөткө көзөмөл-кассалык аппараттар (ККМ) боюнча айыппул өлчөмүн жана бирдиктүү салык ставкасын төмөндөтүү чараларын көрүүнү тапшырды. Бул тууралуу мамлекет башчынын маалымат кызматы бүгүн 28-июлда билдирди. Министрлер кабинетине тийиштүү мыйзам долбоорлорун иштеп чыгып, Жогорку Кеңештин кароосуна киргизүү тапшырмасы берилди. Ал эми Улуттук банкка коммерциялык банктардын көзөмөл-кассалык функциясы бар POS-терминалдарды... Читать дальше...

Ош облустук ички иштер башкармалыгы машинанын ичинде ур-токмокко алынып жаткан кыздын видеосу боюнча териштирүү жүргүзүп жатканын бүгүн 28-июлда “Азаттык” радиосуна мекеменин басма сөз катчысы Жеңиш Аширбаев билдирди. Анын айтымында, окуя боюнча териштирүү иштери үч күндөн бери жүрүүдө. “Үч күндөн бери биз тактоо иштерин жүргүзүп жатабыз. Баштапкы тактоо көрсөткөндөй, коркуткан бала Ноокат районунун мурда үч жолу соттолгон тургуну болуп жатат. Учурда окуя каерде болгондугун тактоо Баткен облустук... Читать дальше...

Бишкек шаарындагы айрым мектептин директорлорун алмаштырууга ата-энелер нааразы болууда. Буга чейин Билим берүү жана илим министрлиги Кыргызстандагы миңге чукул мектеп директорунун кызмат ордуна сынак жарыялаган. Акцияга чыккандар президентке, министрге кайрылып, алдыңкы мектеп директорлоруна артыкчылык берилиши керектигин белгилешти. Балдары Бишкектеги №61 мектепте билим алган 100дөй ата-эне директор Юрий Низовскийди өз ордунда калтырууну талап кылып, Горький сейил багында акция өткөрүштү. Читать дальше...

Бишкекте жүргүнчү ташыган маршруттук кичи автобус жол кырсыгына учурап, ичиндеги төрт адам жараат алды. Бул тууралуу бүгүн 28-июлда Бишкек шаардык кайгуул кызматынын маалымат катчысы Байказы Айтикул уулу билдирди: “Болжол менен саат 7:40 чамасында 105-маршруттук унаа Сухэ Батор көчөсү менен күн чыгышты көздөй бара жатып, Юнусалиев көчөсүнөн солго бурулганда “Фольсфаген Пассат” үлгүсүндөгү автоунаа менен сүзүшкөн. Жол кырсыгынын натыйжасында 105-маршруттук унаадан төрт жүргүнчү жаракат алды”. Окуя болгон жерден тартылып... Читать дальше...

Ошто аялдардын жана балдардын укуктарын коргоо менен алектенип келаткан уюмдардын лидерлери президентке кайрылуу жолдоп, сунуштарын айтышты. 27-июлда алар журналисттер үчүн пресс-конференция уюштуруп, президент Садыр Жапаровдон чукул арада алар менен жолугушуу уюштурууну, жыйын өткөрүүнү өтүнүштү. Лидер аялдар укук тартибин коргоо жана сот органдарынын аялдардын конституциялык укуктарын бузуп жатканы системалуу көрүнүшкө айланганын, буга көңүл буруу керек экенин, кечиктирилгис мыйзамдык чараларды көрүү зарыл болуп жатканын айтып... Читать дальше...

Кыргызстан менен Чеченстан ортосунда түз аба каттамы ачылганы жатат. Бул тууралуу 27-июлда “Урал аба жолдору” компаниясы билдирди. Алгачкы учак 11-августта Чеченстандан учуп келет. Грозный–Бишкек–Грозный каттамы ар жуманын бейшемби күндөрү ишке ашырылып турат. 10-июндан тартып Ысык-Көлдүн жээгиндеги Тамчы айылындагы аэропортко Орусиядан учактар түз каттай баштаган. Москвадан, Екатеринбургдан, Санкт-Петербургдан жана Новосибирскиден жумасына бир нече жолу каттап турушат. Коронавирус пандемиясына... Читать дальше...