Новости за 24.07.2022

Ош шаардык казыяты жергиликтүү бийлик өкүлдөрү менен бирге "Биримдик жана ынтымак - бакубатуулук" аталышында жыйын өткөрдү. Бул тууралуу Кыргызстан мусулмандарынын дин башкармалыгынын басма сөз кызматы маалымдады. Анда “үй-бүлө баалуулуктарын сактоо”, “жалган маалымат таратуунун кесепеттери”, “этностор аралык ынтымак, нарк-насил маселелери”, “конфессиялар жана этностор аралык ынтымак” темасында баяндамалар жасалды. Жыйында диний ишмерлер, мэрия жетекчилеринен сырткары Кыргызстан калкы ассамблеясынын өкүлдөрү катышты. Читать дальше...

Өзгөчө кырдаалдар министрлигинин суучулдары Ысык-Көлгө чөгүп кеткен төрт жашар кызды алты күндөн бери издеп жатат. Өлкөдө күн адатта тыш ысып жатканы үчүн сууга түшкөндөр көбөйүп, чөгүп кеткендердин да саны артты. Министрлик жыл башынан бери кырктай адам сууга чөккөнүн билдирди. Сууга чөгүп кеткен төрт жашар кыз табыла элек 18-июлда Ысык-Көлгө чөгүп кеткен төрт жашар кыздын сөөгү дале изделип жатат. Издөө иштерине 20дан ашык суучул, Тору-Айгыр айылынын айрым тургундары тартылган. Айылдын тургуну Адилеттин айтымында... Читать дальше...

24-июлда Алматынын полициясы шайлоодогу байкоочулардын укуктарын чектеген мыйзамдык өзгөртүүлөргө каршы пикетке чыккан активист Данияр Супиевди кармап кетти. Ал Желтоксон жана Сатбаев көчөлөрүнүн кесилишинде жалгыз пикет өткөрүп жаткан. “Бул өзгөртүүлөр байкоочулардын укуктарын аябай чектейт. Көз карандысыз байкоочуларды жөнөтө турган уюмдар эми атайын аккредитациядан өтүшү керек деген норма жеке мага жакпайт. Менимче, шайлоолорго мындай жол менен байкоо салдыруу туура эмес. Бул өзгөртүүлөр кабыл алынса... Читать дальше...

Дача СУ каргашасын иликтеген коомдук комиссиянын отурумдары 20-августтан кайра уланат. Алар жуманын бейшемби күндөрү жыйынга чогулуп жаткан. Учурда көпчүлүк органдардын айрым кызматкерлери жайкы эс алууда болгондуктан жыйындын мөөнөтүн жылдырууга туура келген.  Комиссиянын төрагасынын орун басары Мавлян Аскарбеков кийинки отурумдарда мамлекеттик органдардын маалыматын угуу башталарын “Азаттыкка” билдирди. Буга чейинки отурумда Дача СУдагы кырсыктан кийин чогултулган акча каражат жөнүндө маалымат алынган. Читать дальше...

Этил спиртин өндүрүүгө, импорттоого, өлкө аймагында өндүрүлгөн жана импорттолгон этил спиртин сатууга эксклюзивдүү укук алган “Кара-Балта спирт заводу” мамлекеттик ишканасын модернизациялоо тапшырмасы берилди. Бул тууралуу Министрлер кабинетинин төрагасынын орун басары Бакыт Төрөбаев Фейсбуктагы баракчасында жазды. “Кара-Балта спирт заводу" мамлекеттик ишканасынын жетекчилиги менен өндүрүш процессинде жаралган көйгөйлөр, тармакты өнүктүрүү мүмкүнчүлүктөрүн кайрадан карап чыктык. Заводдун жетекчилигине... Читать дальше...

Эртең, 25-июлда Ысык-Көл облусунун айрым жерлеринде өткүн өтүп, күн күркүрөйт. Калган аймактарда жаан-чачын болбойт. Түштүк-батыштан соккон шамалдын ылдамдыгы секундасына 3-8 метрге жетиши мүмкүн. Абанын температурасы: Чүй облусунда түнкүсүн 20...25, күндүз 35…40; Талас жергесинде түнкүсүн 15...20, күндүз 33…38; Баткен, Ош, Жалал-Абадда түнкүсүн 21…26, күндүз 36…41; Ысык-Көл облусунда түнкүсүн 12...17, күндүз 27...32; Нарындын өрөөндөрүндө түнкүсүн 9…14, күндүз 30…35; Бийик тоолордо түнкүсүн 1…6, күндүз 14…19 градус. Читать дальше...

Кытай космосто куруп жаткан үч модулдан турган станциясынын экинчи модулун ийгиликтүү учурду. Космостук станция 2022-жылдын аягына чейин курулуп бүтөрү пландалууда. 23 тонналык лабораториялык модуль 24-июлда Хайнан аралындагы Вэньчан космос майданынан учурулду. Экинчи модуль үч бөлүктөн турат: жумушчу бөлүк, шлюз жана ресурстук бөлүк. Үчүнчү изилдөөчү модулду учуруу да быйылкыга пландалган. Кытай станциянын негизги бөлүгүн алгачкы жолу 2011-жылы апрелде учуруп, “Тяньгун” станциясынын курулушу башталганын расмий жарыялаган. Читать дальше...

Кыргызстандын президенти Садыр Жапаров Өзбекстандын мамлекет башчысы Шавкат Мирзиёев менен телефон аркылуу сүйлөшүп, эки өлкөнүн мамилесин жана Чолпон-Ата шаарында өткөн Борбор Азия мамлекет башчыларынын төртүнчү консультативдик жолугушуусунун жыйынтыгын талкуулашты. Бул тууралуу президенттин басма сөз кызматы маалымдады. Маалыматта Жапаров Шавкат Мирзиёевду туулган күнү менен куттуктаганы дагы айтылат. Ысык-Көл облусунун Чолпон-Ата шаарында 21-июлда Борбор Азия мамлекет башчыларынын төртүнчү кеңешмеси өткөн. Читать дальше...

Кыргызстандыктар Европада мыйзамдуу жолдор менен кантип иш тапса болот? Бул чөлкөмдөгү өлкөлөргө эмгек миграциясына жөнөп жаткандар эмнени эске алышы керек? 12-13-июль күндөрү Люцерн шаарындагы “Чөйрө” форумуна чогулган Италия, Германия жана Англияда иштеген кыргыз активисттери ой бөлүштү.

Кыргыз эл акыны Вячеслав Шаповалов 75 жашында дүйнө салды. Бул тууралуу анын жакындары кабарлады. Вячеслав Шаповалов 1947-жылы 28-октябрда туулган. Кыргыз мамлекеттик университетинин филология факультетин аяктаган. Шаповалов Орусиядагы "Русская премия" эл аралык сыйлыгына «Евроазис» аттуу ыр жыйнагы менен татыган. 2017-жылы Кыргыз-Орусия Славян университетинин «Перевод» илимий борборун башкарып турган учурда III даражадагы «Манас» ордени менен сыйланган. Акын, окумуштуу, котормочу Вячеслав Шаповалов классикалык чыгармаларды которгон. Читать дальше...

Дүйнөлүк саламаттык уюмунун (ДСУ) башкы директору Тедрос Гебрейесус ишембиде маймыл чечеги боюнча абалды "саламаттык сактоодогу эл аралык мааниге ээ өзгөчө кырдаал” деп жарыялады. Уюмдун соңку маалыматына караганда, май айынан бери бул ооруну 70тей мамлекеттен 16 миңдей киши жуктуруп алган. Гебрейесус Дүйнөлүк саламаттык уюму ич ара муну өзгөчө кырдаал деп жарыялоо боюнча бир чечимге келе албай койгондуктан, өзү жеке чечим кабыл алганын кошумчалады. Ал оорунун жугушу Европада жогору экенин белгиледи. Читать дальше...

Макаланын автору Аскер Сакыбаева - журналист. Бир катар басылмаларда эмгектенген. Соңку кезде эркин медиалар менен кызматташып келет.   Автордун пикири "Азаттыктын" көз карашын чагылдырбайт. "Мурдагы, азыркы учурдагы аялдын орду" деген темада бир ТВ каналдагы көрсөтүүгө катышып, өз оюмду толук жеткире албай калганыма абдан бушайман болдум. Көрсөтүүгө катышкан башка адамдар мыкты, үлгүлүү аялдарды айта беришти, мен азыркы учурдагы күнү куру эмес аялдарды өлтүрүү, зордуктоо окуялары болуп жатканын айтып... Читать дальше...

Айыл чарба министрлиги Ысык-Көл облусунда өрүктүн баасы арзан болуп жатышынын бир нече себеби бар экенин билдирди. Мекеменин басма сөз кызматы тараткан маалыматка ылайык, буга чейин Борбор Азияда  Кыргызстан, Өзбекстан, Тажикстан элди өрүк менен камсыздап келген. Акыркы жылдары Казакстанда да өрүк бактары отургузула баштады. Быйыл Борбор Азиядан сырткары Орусия жана Арменияда дагы өрүктүн түшүмү мол болгондуктан баа төмөндөп кетти. Министрлик баанын төмөндөшүнө чөлкөмдө кумшекердин кымбаттап кеткени да себеп болду деп эсептейт. Читать дальше...

Президенттин Нарын облусундагы ыйгарым укуктуу өкүлү Алтынбек Эргешoв Жетим-Тоо кенин иштетүү боюнча эч кандай сөз жок экенин айтты. Президенттин облустагы өкүлүнүн басма сөз кызматы тараткан маалыматка караганда, Эргешев бул тууралуу 21-июлда Ат-Башы районунун эли менен жолугушуу учурунда билдирген. “Жетим-Тоо - бул элдин байлыгы. Кенди иштетүү боюнча эч кандай сөз жок”, - деди Эргешев. Министрлер кабинетинин төрагасы Акылбек Жапаров 8-апрелде "Азаттыкка" курган маегинде Кумтөрдөн түшкөн кирише башка кендерди иштетүүгө жумшаларын... Читать дальше...