Новости за 15.07.2022

Пакистандын Түндүк Вазиристан округунда белгисиз адамдар эки диний ишмерди атып кетишти. Бул тууралуу маалыматты “Азаттыктын” Пакистан кызматы – “Машаал” радиосу жергиликтүү полицияга таянуу менен кабарлады. Кари Самиуддин менен Кари Науман бараткан автоунаага мотоцикл айдаган куралчан адамдар көчөдө баратып жакындап, терезеден ок чыгарышкан. Кари Самиуддин “Джамиат Улема-и-Ислам Фазал” партиясынын жергиликтүү лидери жана диний окуу борбордун администратору болгон. Ал буга чейин парламентке талапкер катары катышып жүргөн. Читать дальше...

Таластын Кара-Буура районундагы Көк-Сай айылынан сибирь жарасы жуккан деген шек менен төрт киши ооруканага түшүп, 53 адам көзөмөлдө турат. Айыл 1-августка чейин карантинге алынып, мал алып чыгууга, алып кирүүгө жана союуга тыюу салынды. Айыл тургундары күйдүргү уйдун этинен жугушу ыктымал деп шек санап жатышат. Анткени жайлоого чыккан ую мал болбосуна көзү жеткен ээси союп, этин он түтүн бөлүп алган. Ооруканага түшкөндөр ошол үй-бүлөлөрдүн мүчөлөрү экени белгилүү болду. Кара-Буура районунун санитардык-эпидемиологиялык... Читать дальше...

Казакстандын кинотеатрларында америкалык Pixar жана Walt Disney Pictures компанияларынын жаңы продуктусу - “Базз Лайтер” мультфильмин көрсөтүүгө тыюу салынды. Бул тууралуу Казакстандын маданият жана спорт министри Даурен Абаев Фейсбуктагы баракчасында кабарлады. “Жарандардын жана жалпыга маалымдоо каражаттарынын көптөгөн суроо-талаптарына жооп кылып кабарлайм: “Базз Лайтер” анимациялык фильми Казакстандын аймагында көрсөтүлбөйт”,-деп жазды ал. Социалдык түйүндөрдүн казак сегментинде аталган фильмди көрсөтүүгө каршы пикирлер жазылып жаткан. Читать дальше...

Соңку кезде кыз-келиндерге болгон зомбулуктун күчөшү өзүн-өзү коргоонун маанилүүлүгүн арттырды. Өзүн-өзү коргоонун мыйзамдагы чектери, талабы кандай? Коргонууда кандай каражаттарды колдонсо болот? Психолог бул боюнча эмнелерди сунуштайт? "Азаттык+" программасынан көрүңүз.

Кыргызстандын тарыхында алгачкы жолу судьялар маалымат жыйын өткөрүп, кабыл алган чечимине түшүндүрмө беришти. Буга майыптыгы бар 13 жаштагы кызды зордуктоо боюнча иште эки айыпталуучунун абактан бошотулушу себеп болду. Созулган убакыт, кыскарган кылмыш иши Бишкек шаардык соттун судьялары "жашы жете элек кызды зордуктоого айыпталгандар акталды" деген маалыматты четке кагышты. Айыптуулардын ар бирин жабырлануучуга 100 миң сомдон төлөп берүүгө милдеттендирген токтом кабыл алынып, иштин мөөнөтү өтүп... Читать дальше...

Оштогу "Россия" май куюучу бекетте электрик болуп иштеген 23 жаштагы Нарынбек Мурзаканов март айында иш учурунда токко урунуп, набыт болгон. Атайын түзүлгөн комиссия кырсыкка маркум иштеген май куюучу бекеттин айыбы 60% деген тыянак чыгарып, иш берүүчүнү маркумдун үй-бүлөсүнө 864 миң сом кенемте төлөп берүүгө милдеттендирген. Ишкана жетекчилиги кенемтени төлөөдөн баш тартып, сотко кайрыларын айтууда.

Бир аптадан бери коомчулукта сөз болуп жаткан "Дөө Чыңгыз" деген каймана аттуу кримтөбөл Чыңгыз Жумагулов кармалды. Бишкек шаарынын Биринчи май райондук сотунун 15-июлдагы токтому менен анын бөгөт чарасы аныкталып, 7-сентябрга чейин камакта калды. Ал Юстиция министрлигине караштуу Жаза аткаруу кызматынын №21 абагында кармалат.   Улуттук коопсуздук мамлекеттик комитети 15-июлдагаы билдирүүсүндө Жумагулов эки кылмышка шек саналып жатканын маалымдады. "Ыкчам издөө иш-чараларынын жүрүшүндө 15-июлда... Читать дальше...

Бир аптадан бери коомчулукта сөз болуп жаткан "Дөө Чыңгыз" деген каймана аттуу кримтөбөл Чыңгыз Жумагулов кармалганы дайын болду. Мындай маалыматты Улуттук коопсуздук мамлекеттик комитети 15-июлда таратып, Жумагулов эки кылмышка шек саналып жатканын билдирди. "Ыкчам издөө иш-чараларынын жүрүшүндө 15-июлда Бишкек шаарынын аймагында уюшкан кылмыштуу топтун мурда издөөдө жүргөн мүчөсү, криминалдык чөйрөдө "Дөө Чыңгыз" деген ат менен белгилүү Дж.Ч.А. кармалды. Кармоо кылмыштуу топту уюштуруу, ошондой... Читать дальше...

АКШнын Техас Христиан университетинин профессору, Нигерияда төрөлүп, өскөн Амисо Жорж айым ушу тапта Борбор Азиядагы Америка университетинде билими, тажрыйбасы менен бөлүшүүдө. Ал буга чейин Австралия, Малайзия жана башка жерлерде дарс окуп, кризис коммуникациясы, медиадагы стереотиптер боюнча китеп, макалалар жарыялаган. - Профессор айым, биздин студияга кош келипсиз. Бүгүн сиз жүргүзгөн илимий изилдөөлөр, Кыргызстандан алган таасир, тажрыйбаңыз тууралуу сүйлөшөлү деп турам. Сиз дүйнөнүн бир катар өлкөлөрүндө коомдук мамилелер... Читать дальше...

АКШнын Техас Христиан университетинин профессору, Нигерияда төрөлүп өскөн Амисо Жорж айым ушу тапта Борбор Азиядагы Америка университетинде билими, тажрыйбасы менен бөлүшүүдө. Ал буга чейин Австралия, Малайзия жана башка жерлерде дарс окуп, кризис коммуникациясы, медиадагы стереотиптер боюнча китеп, макалалар жарыялаган.  Профессор Амисо Жорж менен Венера Сагындык кызы маектешет.

Улуттук банк “Аманбанк” коммерциялык банкына 15-июлдан тартып алты айлык мөөнөткө убактылуу администрация атайын режими киргизилгенин кабарлады. Банкка убактылуу администратор болуп Рустам Абдулдабеков дайындалды. Башкы банк мындай чечиминин себебин түшүндүргөн жок. Аталган банктын өкүлдөрү менен байланышууга мүмкүнчүлүк боло элек. Убактылуу администрация – банктын ишин башкаруудагы атайын режим. Мындай чара банктын активдерин, документтерин жана маалыматтарын сакталышын камсыз кылуу максатында көзөмөл орнотуу үчүн киргизилет. Читать дальше...

Кара-Буура районунун Көк-Сай айылынан күйдүргүгө шек саналып ооруканага түшкөн төрт адамдын алдын ала анализдеринин жыйынтыгы менен алардын экөөнө оору жукканы аныкталды. Бул тууралуу райондун санитардык-эпидепиологиялык көзөмөлдөө бөлүмүнүн башкы дарыгери Элина Качыбекова "Азаттыкка" билдирди. Азыр алар менен байланышта болгон 53 киши ооруга каршы алдын алуучу дарыларды алууда. Ооруканада жаткан бейтаптардын абалы жакшы. Буга чейин Кара-Буура районунундагы Көк-Сайга жанаша жайгашкан Шекер айылына... Читать дальше...

Шри-Ланканын премьер-министри Ранил Викрамасингхе өлкөнүн президентинин милдетин аткаруучу кызматына киришти. Бул тууралуу англис тилдүү жергиликтүү Ceylon Today басылмасы кабарлады. Ал бул кызматты парламент жаңы президентти шайлаганга чейин ээлеп турат. Жаңы мамлекет башчыны шайлоо келерки аптага дайындалган. Шри-Ланканын борбор шаары Коломбодо 9-июлда нааразылыкка чыккан митингчилер президенттин резиденциясын жана башка бир катар өкмөттүк имараттарды ээлеп алышкан. Мамлекет башчысы Готабая... Читать дальше...

Омбудсмен Атыр Абдрахматова Ала-Бука районундагы сексуалдык ыдык көргөн беш жаштагы кыздын видеосун таратпоого чакырды. Акыйкатчы бул тууралуу Фейсбуктагы баракчасында видео кайрылуу жасады. “Тилекке каршы азыр ыкчам маалымат келди, тергөөчүнүн гана колунда болгон видео социалдык тармактарга тарап кетиптир. Сураныч, бул видеону таратпаңыздар, анткени баланын укугун коргошубуз керек. Алдын ала маалымат боюнча бул видео тергөөчүнүн гана колунда болгон. Тергөөчүнү жоопко тартууга аракет кылабыз. Баланын кызыкчылыгын коргошубуз керек”... Читать дальше...

Кызматтан убактылуу алынган саламаттык сактоо министри Алымкадыр Бейшеналиевдин кеңешчиси Мээрим Тилекованын бөгөт чарасы бүгүн, 15-июлда Каракол шаардык сотунда каралып, анын абактагы мөөнөтү 11-августка чейин узартылды. Бул тууралуу Тилекованын жактоочусу Кайсын Абакиров “Азаттыкка” билдирди. Мээрим Тилекованын бөгөт чарасы 28-июнда Ысык-Көл облустук сотунда каралып, абакта калган. Жакындары анын ден соолугу начарлап кетти деген негизде үй камагына чыгарууну өтүнгөн. Ага чейин Каракол шаардык... Читать дальше...

Эмгек, социалдык камсыздоо жана миграция министри Кудайберген Базарбаев 2024-жылга чейин Ооганстандагы Кичи жана Чоң Памирде жашаган 1,5 миңдей (400 үй-бүлө) этникалык кыргызды көчүрүп келүү каралып жатканын маалымдады. Бул тууралуу министр “Кабар” агенттигинде өткөн маалымат жыйынында билдирди. Министрдин айтымында, аларга шарт түзүү үчүн 244 миллион сом бөлүү пландалып жатат. Былтыр октябрь айында бийлик Ооганстандагы этникалык кыргыздарды эки жылдын ичинде толугу менен көчүрүп келүүнү пландап жатканын билдирген. Читать дальше...

Кыргызстандын укук коргоо органдарынын демилгеси менен ар кандай кылмышка айыпталган 650дөн ашык киши Интерпол уюму аркылуу эл аралык издөөгө алынган. Бул тууралуу Ички иштер министрлигинин басма сөз кызматы маалымдады. Кыргызстан Эл аралык кылмыш полициясына 1996-жылдын 23-октябрында кошулган. Кыргыз өкмөтү 1997-жылы 18-июлда Ички иштер министрлигинде 8 кызматкерден турган Интерполдун Улуттук Борбордук бюросу түзүлгөн. Бүгүн, 15-июлда Интерполдун Улуттук борбордук бюросунун (УББ) кызматкерлери кесиптик майрамын белгилеп жатат. Читать дальше...

Польшада Экинчи дүйнөлүк согуш учурундагы жапырт сөөк көмүлгөн эки жай табылды. Анда сегиз миңден кем эмес адам көмүлгөн болушу мүмкүн. Бул тууралуу Польнанын Улуттук эс-тутум институту кабарлады. Уюмдун жетекчиси Кароль Навроцкий бул жайлар мурдагы "Дзялдово" концлагеринен алыс эмес жердеги токойлордон табылганын билдирди. Адистер бул мүрзөлөрдөн 17 тонна күл табышкан. Жакын жерлерде мындан башка да массалык көмүлгөн жайлар табылышы ыктымал. "Дзялдово" концлагери 1939-жылы курулган. Нацисттер... Читать дальше...

"Дастан" трансулуттук компаниясы Орусиянын "Ростех" корпорациясынын тышкы соода боюнча туунду компаниясы "Электронинторг” ишканасынын заводду банкрот деп табуу аракеттерин негизсиз жана ИВЛ аппараттарына байланыштуу соттук териштирүүлөргө басым катары баалайт. Бул тууралуу мекеменин басма сөз кызматы кабарлады. Мекеменин билдирүүсүндө, "Электронинторг” ишканасынын өкүлү Евгения Руденконун заводду банкрот деп таптыруу аракети негизсиз экени, “Дастан” заводу Кыргызстанда 700 адамга жумуш берген... Читать дальше...

Сокулук районунда майыптыгы бар 13 жаштагы кызды зордуктоого айыпталган эки адамды эркиндикке кое берген судьялар бүгүн, 15-июлда маалымат жыйынын өткөрүштү. Алар "жашы жете элек кызды зордуктоого айыпталгандар акталды" деген маалыматтарды четке кагышты. Айыптуулардын ар бирин жабырлануучуга 100 миң сомдон төлөп берүүгө милдеттендирген токтом кабыл алынып, иштин мөөнөтү өтүп кеткенине байланыштуу эркиндикке кое берилгенин айтышты. 13 жаштагы, майыптыгы бар кызды зордуктоого алты адам шек саналган. Читать дальше...

Кара-Буура районунун Көк-Сай айылына кошуна Шекер айылына ветеринардык чектөөлөр киргизилди. Шекер айыл өкмөтүнүн башчысы Канат Чомотоевдин "Азаттыкка" билдиргени боюнча, чектөөнүн адамдарга тиешеси жок. "Айылдын кире беришине ветеринардык пост коюлду. Эртең мал базар болот, ошого байланыштуу айылдагы малды сыртка чыгарбайбыз. Базарга да жөнөтпөйбүз. Ошондой эле сүт менен этти да айылдан алып чыгууга убактылуу чектөө киргиздик", - деди Чомотоев. 14-июлда Кара-Буура районунун Көк-Сай айылында... Читать дальше...

13-июлда Ала-Бука райондук милициясына беш жашар кызына сексуалдык ыдык көрсөтүлгөнүн айтып, 32 жаштагы жаран кайрылган. Ал бир күн мурун саат 16:00 чамасында кызына азиат түспөлүндөгү 35-40 жаштардагы киши дүкөндөн таттуу сатып берип, андан ары бакка ээрчитип барып сексуалдык ыдык көрсөткөнүн билдирген. Бул арыз райондук ички иштер бөлүмүнүн (РИИБ) бирдиктүү реестрине катталып, Кылмыш кодексинин 158-беренеси ("Ыплас аракеттер") менен кылмыш иши козголуп, тергөө амалдары жүргүзүлө баштаган. Окуя болгон жерде кароо жүрүп... Читать дальше...

Сузак районунун жашоочулары 15-июлда Министрлер кабинетинин төрагасынын орун басары Бакыт Төрөбаев жана башкы прокурор Курманкул Зулушев баштаган бир катар өкмөт мүчөлөрү менен жолугушууда мектеп маселесин көтөрүштү. Алар эскилиги жеткен, ашар жолу менен курулган авариялык абалдагы мектептердин ордуна жаңы, сапаттуу имараттарды курууну талап кылды. Жергиликтүүлөр окуу жайдагы китептердин сапаты начар экенин айтып, райондогу жатак мектепте балдардын үч маал тамагына бөлүнгөн акчанын көлөмүн көбөйтүү маселесин көтөрдү. Читать дальше...

Бишкектин Ленин райондук ички иштер башкармалыгы Ак-Өргө жаңы конушундагы мектепте даават жүргүзгөн окуя боюнча иликтөө иштери аяктаганын маалымдады. Ага ылайык, диний үгүттөө жүргүзгөн делген дин ишмери жана ага катышкан мугалимдер суралып, соттук-диний экспертиза дайындалган. "Экспертизанын жыйынтыгында дин ишмеринин мектептеги айткан сөздөрүндө диний кастыкты козутуу аракеттери аныкталган жок", - деп жазылган маалыматта. Ошол себептүү милиция бул иш боюнча кылмыш ишин козгоодон баш тарткан. Читать дальше...

15-июлга карата Кыргызстанда 85 адам коронавирус жуктуруп алганы лабораториялык жактан ырасталды. Санэпидкөзөмөл жана ооруларды алдын алуу борборунун маалымдашынча, илдетке чалдыккан 76 адам Бишкекте. Ош, Чүй облустарында үчтөн, Жалал-Абадда эки адам, Ош шаарында бир адам катталды. 28 адам коронавирустун симптомдоруна байланыштуу дарыгерге кайрылышкан. 57 адам ПЦР тапшырган учурда аныкталган. Илдетке чалдыккандардын 12си ооруканада, калгандары үйүндө дарыланып жатат. Ооруну жаңы жуктургандардын... Читать дальше...