Новости за 20.07.2022

Улуу Британиянын премьер-министрлик кызматына болгон жарыштын финалына эки талапкер – мурдагы финансы министри Риши Сунак жана азыркы тышкы иштер министри Лиз Трасс чыкты. Финалдык добуш берүүдө британ парламентиндеги консерваторлордун 137и Сунакка добуш берди. Трасс 113 добуш алды. Экс-коргоо министри Пенни Мордонт 105 добуш алып жарыштан четтеди. Жайдын аягына чейин келечектеги лидерди тандаган улуттук добуш берүү өтөт. Анда Консервативдүү  партияга тиешеси бар бардык британиялыктар – дээрлик 200 миң киши добуш берет. Читать дальше...

Президент Садыр Жапаров 20-июлда Кыргызстандын жарандыгына кабыл алуу жана чыгаруу жөнүндө жарлыктарга кол койду. Аларга ылайык, 1270 адам (анын 238и балдар) кыргыз жарандыгын алды. Алардын көпчүлүгү этникалык кыргыздар. Мамлекет башчынын башка жарлыгы менен 57 киши (экөө бала) жарандыктан чыгарылды. Бул тууралуу президенттин басма сөз кызматы кабарлады. 2021-жылдын күзүндө президенттин жарлыгынын негизинде негизинен этникалык кыргыздардан турган 800дөй адам кыргыз жарандыгын алган. Учурда өлкө калкынын саны – 6,7 млн. Читать дальше...

20-июлда 13 жаштагы кыздын зордукталышы боюнча Бишкектин Биринчи Май райондук сотунда алгачкы отуруму болуп, териштирүү 25-июлга жылды. Ага айыпкер буга чейин айыптоо актысынын көчүрмөсүн албаганы себеп болгонун аталган соттун басма сөз кызматы кабарлады. Ушул эле иш боюнча дагы бир жараян Свердлов райондук сотунда уланды. Өспүрүмдүн жакындары анда айыпталуучулар суралганын "Азаттыкка" билдиришти. Отурумдар жабык, айыпталуучу жана жабыркаган тараптардын катышуусу менен гана өтүүдө. 12-июлдагы... Читать дальше...

Казакстандын Алматы шаардык соту Өзбекстандын жараны, январдагы окуялардагы “жапырт баш аламандык” беренелери менен айыпталып жаткан Сакен Талиповду бир жылга шарттуу кести. Январдан бери тергөө абагында кармалып келген Талипов сот залынан бошотулду. Сакен Талиповдун апасы Камшат Дербисалиева маалыматты “Азаттыктын” казак кызматына ырастап, уулуна байланыштуу сот өкүмү 19-июлда чыкканын тактады. Уулу окуяларга аралашпаганын, жөн гана кызыгып көчөгө чыгып, кармалып калганын билдирди. Дербисалиева өз перзенти медициналык жардамга муктаж экенин... Читать дальше...

Чүй облустук соту Тилекмат Кудайберген уулун (Куренов) шарттуу түрдө мөөнөтүнөн мурда бошотуу тууралуу адвокаттын аппелляциялык арызын 25-июлда карай турган болду. Сот жумуш күнү бүтүп калганына байланыштуу жылганын отурумга катышкан саясатчы Жеңиш Молдакматов "Азаттыкка" кабарлады. Бишкектин Свердлов райондук соту былтыр 20-августта Тилекмат Кудайберген уулун күнөөлүү деп таап, 1,5 жылга абакка кескен. Сот аны Жазык кодексинин 310-беренесинин (Бийликти күч менен басып алууга ачык чакырыктар) 2-бөлүмүнүн 1-пункту... Читать дальше...

Кыргызстандык 300 адам Жапониянын фабрикаларына иштөөгө жиберилет. Мындай келишим 14-июлда Кыргызстандын Эмгек, миграция жана социалдык камсыздоо министрлиги менен Жапониянын KOBE International Trade Promotion Association ишканасынын ортосунда түзүлдү.

Дыйкандар жазда жер айдоонун акысы, жер семирткичтер, комбайн акысы кымбат болуп, чыгашаны жаппай жатканына нааразылык билдирип жатышат. Алар бир гектар буудай айдаган дыйкан күзгө чейин болжолдуу керектеген 35 миң сомдон ашып, жыйнап алган түшүмдүн акчасынан ашып кетип жатканын айтышууда. Дыйкандар 10 күндөп кезекте туруп буудай ордуруп жатканын социалдык тармактарда да жарыялап жатышты.  "Дыйкандар жылдап кылкандуу дан эгиндерди эгүүнү кыскартып жаткан учурда өкмөт айыл чарбага көңүл бурбай сыртта карап турганы жакшы эмес. Читать дальше...

Казакстандын президенти Касым-Жомарт Токаев 20-21-июлда Чолпон-Ата шаарында өтүүчү Борбор Азия мамлекет башчыларынын кеңешме жыйынына катышуу үчүн Кыргызстанга келди. Аны "Ысык-Көл" эл аралык аэропортунда Министрлер кабинетинин төрагасы Акылбек Жапаров тосуп алганын өкмөттүн басма сөз кызматы кабарлады. Андан кийин Чолпон-Атага өзбек премьери Шавкат Мирзиёев келди. Маалыматка караганда, жолугушуунун алкагында бир катар документтерге кол коюу, ошондой эле эки тараптуу жолугушууларды өткөрүү пландалууда. Читать дальше...

Дайынсыз болуп жаткан эки бир туугандын сөөгү Талас дарыясынан табылды. Бул тууралуу Өзгөчө кырдаалдар министрлигинин басма сөз кызматы билдирди. Маалыматка караганда, 19-июлда Манас районунун Покровка айылынын 16-18 жаштагы эки тургуну дайынсыз жоголгон. Жоголгондорду издөөгө Өзгөчө кырдаалдар бөлүмүнүн беш куткаруучусу жана милиция кызматкерлери тартылып, кыздын сөөгүн дарыядан 20-июлда алып чыгышкан. Бир сааттан кийин ушул эле суудан агасынын сөөгү табылган. Кыргызстанда сууга чөгүп кеткендердин... Читать дальше...

Министрлер кабинетинин төрагасынын орун басары, Улуттук коопсуздук комитетинин башчысы Камчыбек Ташиев өлкөдө ыңкылап уюштурууну каалаган күчтөрдүн "күлү көккө сапырыла" турганын эскертти. Бул тууралуу ал оппозициялык "Бириккен демократиялык кыймылдын" соңку билдирүүсүнө жооп берип жатып айтты. Бийликтин саясий оппоненттери Ташиевдин айткандарын ачык коркутуу, "опуза" катары баалап жатат. Камчыбек Ташиев оппозиция тууралуу 19-июлда "Саясат" басылмасына берген маегинде сөз кылган. Анда "Бириккен... Читать дальше...

Кыргызстан мусулмандар дин башкармалыгы (муфтият) зыяратчылардын алгачкы тобу бүгүн, 20-июлда Бишкекке учуп келгенин кабарлады. Кыргызстандыктар мусулманчылык парзын аткаруу үчүн Мекке шаарына 16-июндан тарта барган. Бул Кыргызстандык зыяратчылардын пандемиядан берки алгачкы ажылык сапары. Быйыл юелгиленген жобого ылайык мурда ажылыктын базасына кирбеген 65 жаштан төмөнкү курактагыларга барышты.  Ажылыкка барууга 2766 квота бөлүнгөн. Коронавирус пандемиясына байланыштуу Сауд Арабиясы 2020-жылы... Читать дальше...

Мэриянын алдындагы "Бишкекгенплан" долбоорлоо институтунун жетекчиси Жыргалбек Асаналиев кызматынан алынды. Буга байланыштуу буйрукка мэр Эмилбек Абдыкадыров кол койгонун мекеменин басма сөз кызматы кабарлады. Маалыматта Асаналиевди кызматтан алууга Министрлер кабинетинин төрагасы Акылбек Жапаровдун коррупция маселелери боюнча координациялык кеңештин 19-июлдагы жыйынындагы сыны себеп болгону айтылат. Мэрдин башка буйругу менен аталган ишканынын директору болуп Эдил Касмалиев дайындалды. Ал буга... Читать дальше...

ICAO (International Civil Aviation Organization) – Эл аралык жарандык авиация агенттиги беларус бийлиги журналистти кармоо үчүн Минскиге мажбурлап кондурган Ryanair компаниясынын учагы боюнча иликтөөсүн жыйынтыктады. Эксперттер бортто жардыруучу зат бардыгы тууралуу маалымат атайылап жалган айтылган жана экипажга мындай кабарлама “Беларустун бийлигиндеги жогорку кызматтык адамдардын буйругу менен берилген” деп тапты. Уюм мындай маалыматтын өзү рейстин коопсуздугуна коркунуч келтирген деген бүтүмгө келди. Читать дальше...

Бириккен Улуттар Уюму (БУУ) талибдер бийликке келген дээрлик бир жыл ичинде Ооганстанда адам укуктары өтө оор абалга кептелгенин маалымдады. Бул тууралуу БУУнун Ооганстанга көмөктөшүү миссиясынын “Ооганстандагы адам укуктары” деп аталган жаңы баяндамасында айтылат. 20-июлда жарыяланган документте бул өлкөдө өзгөчө аялдардын абалы начарлап кеткени белгиленет. Ооганстандын көпчүлүк аймактарында 6-класстан кийинки кыздарга мектепке барууга тыюу салынган. Мартта кыздар үчүн билим берүү жайлары ачылып, бир күн окугандан кийин эле кайра жабылган. Читать дальше...

21-июлда Кыргызстандын аймагында жаан-чачын күтүлбөйт. Түштүк-батыштан соккон шамалдын ылдамдыгы 3-8 метрге жетиши мүмкүн. Абанын температурасы: Чүй облусунда түнкүсүн 18...23, күндүз 35…40; Талас жергесинде түнкүсүн 14...19, күндүз 33…38; Баткен, Ош, Жалал-Абад дубандарында ​түнкүсүн 20…25, күндүз 36…41; Ысык-Көл облусунда түнкүсүн 12...17, күндүз 27...32; Нарын облусунда түнкүсүн 10…15, күндүз 31…36; Бийик тоолордо түнкүсүн 0…5, күндүз 13…18 градуска чейин жогорулайт. Бишкекте жаан-чачын жаабайт. Читать дальше...

Кыргызстанда билим берүүнүн сапатын жогорулатуу максатында беш жогорку окуу жайына өзгөчө макам берилди. Бул кадам окуу жайларына кеңири уюштуруучулук, финансылык жана академиялык автономия берүүнү көздөйт. Эксперттер муну менен бирге окуу жайлардагы технологиялык факультеттерди жакшыртып, заманбап технопарк, стартап борборлорду ачууну сунуштап жатат. Президент Садыр Жапаров 18-июлда кол койгон жарлыкка ылайык, өзгөчө макам Жусуп Баласагын атындагы Кыргыз улуттук университетине, Исхак Раззаков... Читать дальше...

Бишкектен Балыкчыга каттаган поездге 22-июлдан тартып жаңы люкс вагон кошулат. Бул тууралуу бүгүн 20-июлда «Кыргыз темир жолу» ишканасы билдирди. Мекеменин маалыматына караганда, 51 жүргүнчүгө эсептелген, панорамалык терезелери бар жаңы вагон телевизор, заманбап аудиосистема, муздаткыч, кондиционер жана башка техника менен жабдылган. Билет баасы беш жаштан 10 жашка чейинки балдарга 250 сом, чоңдорго 500 сом болот. Люкс вагон 31-августка чейин эки күндө бир каттап турат. Бишкек-Балыкчы поезди жайкы сезондо иш күндөрү беш... Читать дальше...

Президент Садыр Жапаров Борбор Азия өлкөлөрү ортосундагы соода-экономикалык мамиле атаандаштык эмес, бирин бири толуктап турчудай болушу керек деп эсептейт. Бул тууралуу ал бүгүн 20-июлда Чолпон-Атада Казакстандын, Тажикстандын, Өзбекстандын тышкы иштер министрлери Мухтар Тлеуберди, Сирожиддин Мухриддин, Владимир Норов жана Түрмөнстандын Кыргызстандагы элчиси Шадурды Мередов менен жолугушууда айтты. Президент Кыргызстан товар жүгүртүүнүн көлөмүн көбөйтүүнү, чет өлкөлүк түз инвестиция тартууну жана... Читать дальше...

Казакстанда Касым-Жомарт Токаев түзгөн атайын комиссия 480 миллион доллар өлкөгө кайтарылганын маалымдады. “Кылмыштуу кирешеден алынган деген белгилери бар” бул иштерди Башкы прокуратура иликтеп жатканы маалым болду. Жээнден "келген" акча Фактылар боюнча биринчи президент Нурсултан Назарбаевдин маркум инисинин уулу Кайрат Сатыбалды, анын мурдагы аялы Гүлмира Сатыбалды, экс-президенттин тун кызы Дарига Назарбаеванын мурдагы кудасы Кайрат Боранбаев, экс-президенттин кичүү кызы Алия Назарбаева менен... Читать дальше...

Чоң-Алайда аюу кол салган чек арачынын өлүмү иликтенип жатканын 20-июлда Улуттук коопсуздук боюнча мамлекеттик комитеттин (УКМК) Чек ара кызматы билдирди. Мекеменин маалыматына караганда, окуя 19-июлда Ош облусунун Чоң-Алай районундагы Түштүк Бокбашы ашуусунда болгон. Мамлекеттик чек араны кайтаруу учурунда жоокерге капысынан аюу кол салган. Ага алгачкы медициналык жардам көрсөтүлгөн, бирок алган жарааты оор болгондуктан өмүрүн сактап калуу мүмкүн болбой калган. Маркум 20 жашта болчу, ал аскердик... Читать дальше...

Быйыл жыл башынан бери Кыргызстанда аймактарды өнүктүрүү фонддорун каржылоого республикалык бюджеттен дээрлик 822 миллион сом бөлүндү. Бул тууралуу 20-июлда журналисттерге маалымат берип жатып каржы министри Алмаз Бакетаев билдирди. Анын айтымында, быйыл бюджетте аймактарды өнүктүрүү боюнча фонддорду түзүү маселеси коюлган. Ошонун негизинде область, район жана райондук деңгээлдеги шаарларга тиешелүү фонддор түзүлгөн. Быйылкы жылга бюджеттен жалпысынан 2,1 миллиард сом ушул фонддорго каралууда. Кыргызстанда жети облус... Читать дальше...

Бүгүн 20-июлда Бишкекте «Ихсан» турак жай кооперативинин жетекчилигине байланыштуу козголгон кылмыш ишине карата нааразылык айтылган акция өтүп жатат. Кооперативдин мыйзамдуу өкүлү Төлөгөн Келдибаев «Азаттыкка» билдиргендей, алар камакка алынган Акинай Бекмурзаеванын күнөөсү жок экенин айтып, анын бошотулушун талап кылууда. Келдибаев милицияга арыз «онго жетпеген адамдан» гана түшкөнүн, кооператив мыйзамдуу иштеп жатканын, маселе айрым кардарларга батир алуу мөөнөтү боюнча так эмес маалымат берилип... Читать дальше...

Дээрлик бир аптадан бери Европанын көп бөлүгү адаттан тыш ысыктан жабыркап атат. Бул убакыт ичинде абанын температурасы айрым аймактарда 42 градуска чейин көтөрүлүп, жүздөгөн кишилердин өлүмүнө себеп болду. Аптаптан улам Португалия, Испания жана Франциядагы токойлорду өрт каптады. Миңдеген адамдар коопсуз жактарга көчүрүлдү.

Курулуш мамлекеттик агенттиги Бишкектеги мыйзамсыз берилген жер аянттары жана башаламан курулуштар үчүн мэриянын жетекчилигин айыптады. Мэрия дооматтарды четке кагып, шаар курууну калаа бийлиги колго алышы керек экенин билдирди. Мэрияга айтылган ачык сын Коррупцияга каршы координациялык кеңештин 19-июлдагы жыйынында курулуш тармагындагы жемкорлук талкууланды. Жыйында Архитектура, курулуш жана турак жай-коммуналдык чарба мамлекеттик агенттигинин жакында эле дайындалган башчысы Нуртазин Жетибаев баяндама жасады. Читать дальше...