Новости за 13.07.2022

Кыргызстандан жыл санап сыртка агылгандар көбөйүүдө. Кыргызстанга келген БУУнун атайын өкүлү муну кооптондуруучу абал деп сыпаттады. Кыргызстандан сыртка агылган «Акыл көчүнүн» кесепети кандай болот? Жапырт миграция улуттук коопсуздукка кандай таасир тийгизет?

Ички иштер министрлиги "Ихсан Групп ЛТД" турак жай кооперативине алданып калган жарандарды милицияга кайрылууга чакырды. Мунун алдында аталган компаниянын жетекчиси Акинай Бекмурзаева кардарлардын нааразылыгына байланыштуу камакка алынган. Бул окуя турак жай кооперативдери жана алардын ишмердигине байланыштуу маселени кайрадан күн тартибине чыгарды. Тапканы тамга буюрбагандар Бишкек шаарынын атын айткысы келбеген тургуну Сокулук районундагы үйүн сатып, 2014-жылдан бери топтоп жүргөн акчасын... Читать дальше...

Өзбекстандын Борбордук банкы 200 миң сумдук номиналдагы банкнотун жүгүртүүгө чыгарды. Мекеме өз сайтында кабарлагандай, акча каражаты 15-июлдан тартып элдин колуна тийет. Банкноттун жасалгасы “Улуу Жибек Жолу” тематикасына жана өлкөнүн Фергана өрөөнүнүн байыркы тарыхына арналган. Акчанын бир тарабында Жибек жолунун символу болуп саналган төөнүн элеси, экинчи жагында Фергана облусунун Кокон шаарындагы “Кудаяр хандын ордосу” архитектуралык эстелиги чагылдырылган. 2021-жылдын декабрында Өзбекстанда... Читать дальше...

Президент Садыр Жапаров 13-июлда жалпы республикалык тестирлөөдөн эң жогорку балл алган орто мектеп жана лицейлердин бүтүрүүчүлөрүнө “Алтын сертификаттарды” тапшырды. Анда мамлекет башчы пандемия билим берүү тармагына таасирин тийгизгенине, өлкө келечеги үчүн балдарга билим берүүнүн маанисине токтолду. “Кыргызстандын келечеги билимдүү жаштардын колунда деп баса белгилеп, билим берүү системасына комплекстүү чара көрүүнү колго алып келебиз. Билим берүү тармагындагы инвестициялар экономикалык адилеттүүлүктү өнүктүрүүдөн... Читать дальше...

Министрлер кабинетинин төрагасынын орун басары, Улуттук коопсуздук боюнча мамлекеттик комитеттин (УКМК) башчысы Камчыбек Ташиев ага  кайрылуу жолдогон курулуш компаниялардын жетекчилери менен жолукту. Бул тууралуу өкмөттүн басма сөз кызматы маалымдады. Маалыматка ылайык, куруучулар Бишкектин түштүк аймагындагы курулуш объектилерине техникалык шарттарды берүүнүн жана аларды туташтыруунун жоболорун жокко чыгаруу боюнча кайрылышкан. Алар бул маселе үч жылдан бери чечилбей жатканын айтышкан. Ташиев... Читать дальше...

Сребреницадагы геноцидде каза тапкан дагы 50 маркумдун сөөгү 11-июлда жерге берилди. Бул күндөрү Босния-Герцеговинада мусулмандар кабылган кыргындын 27 жылдыгы белгиленип жатат. 1995-жылдын июль айында босниялык сербдер 8 миңден көп мусулман эркектер менен өспүрүмдөрдү атып өлтүргөн.

Кыргызстандын Ички иштер министрлигинин бир катар кызматынын башчылары АКШ элчилигинин коопсуздук боюнча аймактык кеңешчиси Эрик Олеруд баш болгон өкүлдөр менен жолугушту. Бул тууралуу мекеменин басма сөз кызматы кабарлады. Жыйында тараптар Интерпол каналдары аркылуу кызматташууну күчөтүү жана ИИМдин кызматкерлерин окутуу боюнча маселелерди талкуулашты. Министрликтин Эл аралык кызматташтык башкармалыгынын башчысы Нурбек Жангабылов АКШнын буга чейин көрсөткөн жардамына ыраазылык билдирди. Июнь... Читать дальше...

Кыргызстанда жаңы окуу жылына чейин миңге чукул мектептин жетекчиси алмашат. Мындан ары директорлор беш жылдык мөөнөткө дайындалып, андан ашык иштегендери кызматтан алынмай болду. Билим берүү жана илим министрлиги муну мектептерде кадр тандоону акыйкат жүргүзүү, билим берүүнүн сапатын жакшыртуу аракети менен байланыштырууда. Директорлор беш жылдын ичинде дараметин толук көрсөткөнгө жетишеби, аларды тандоо чын эле таза өтөт деп ким кепилдик берет? Директорлорго берилген беш жыл Бишкектеги №42... Читать дальше...

Кыргызстандык студенттердин дээрлик 71% тез татымдан тамактанып, таттуу суусундуктар менен чаңкоосун кандыра турганы атайын изилдөөнүн жүрүшүндө белгилүү болду. Адистер мындай адат жаштар арасында ар кандай оорулардын көбөйүшүнө жол ачарын белгилешет. Бишкектеги эл аралык медициналык институту быйыл май, июнь айларында жүргүзгөн изилдөөгө борбор калаадагы ЖОЖдордун 500 студенти катышкан. "Ысык тамак ичкенге убактым жок" Нур Данияр уулу Исхак Раззаков атындагы техникалык университеттин 3-курсунда окуйт. Читать дальше...

Кызматтан убактылуу алынган саламаттык сактоо министри Алымкадыр Бейшеналиевдин кеңешчиси Мээрим Тилекованын негизсиз камакта отурганын айткан жактоочусу Кайсын Абакиров Фейсбуктагы баракчасында соттун документтерин жарыялады. Соттун бөгөт чарасы жөнүндө чыккан чечиминде Тилекованы айыптоо негиздемеси жазылган. Бирок Абакиров ал документте айтылгандар негизсиз, эч кандай кылмыштын курамы жок экенин "Азаттыкка" билдирди. "Акчаны баары өз калоосу менен чогултуп, кафеде отурушкан. Анан ошол жерден кармап кетип жатпайбы. Читать дальше...

Мамлекеттик салык кызматы көзөмөл-кассалык аппараттардын (ККМ) чеги аркылуу ойнотулган лотереянын эки байгесин жокко чыгарды. Комиссия iPhone 13 жана микротолкундуу меш утуп алган байге ээлери лотереянын талаптарын бузушкан деп тапты. Бул тууралуу мекеменин басма сөз кызматы маалымдады. Алардын бири ишкананын бухгалтери болуп иштегени, ал мекеменин ККМ чектерин сканерлеп 3 билети тең байгелүү болуп чыкканы аныкталган. Анын эки утушу жокко чыгарылды. Ал эми экинчи жаран мөөнөтү өтүп кеткен документ менен катталган. Читать дальше...

Ооганстандагы согуштан качкан 181 жаранды ташыган учак Нидерландга конду. Бул тууралуу Нидерланддын өкмөтү 13-июлда кабарлады. Качкындар Пакистандан учушкан. Алар Ооганстанды “Талибан” (Кыргызстанда тыюу салынган) басып алгандан кийин коңшу өлкөдө баш калкалап жаткан оогандыктардын соңку тобу экени айтылды. Жарандардын көпчүлүгү өлкөнү Пакистандын чек арасы аркылуу таштап чыгып кетишкен. Ал жакта Эл аралык миграция уюму жана голланд дипломаттары жардам берип, аларды Исламабадга чейин жеткиришкен. Читать дальше...

АКШнын президенти Жо Байден 13-июлда бир нече күндүк иш сапар менен Жакынкы Чыгыш өлкөлөрүнө жөнөдү. Ал алгач Израилде болот, кийин Палестина автономиясына, андан соң Сауд Арабиясына барат. Байден Иерусалимдеги жана Эр-Рияддагы жолугушууларында алардын коңшусу жана каршылашы Ирандын өзөктүк программасы жөнүндө сүйлөшүүлөрдү өткөрөрү кабарланууда. Мындан сырткары Сауд Арабиясы менен рынокто орус энергоресурстарынын азайышынын фонунда мунай өндүрүшүн күчөтүү темасы кеп болот. 2015-жылы Иран алты мамлекет ... Читать дальше...

Европа Биримдигинин (ЕБ) кеңеши уюмга мүчө Хорватияны евро зонага кошуу тууралуу укуктук актыларды бекитти. Бул тууралуу Deutsche Welle басылмасы кабарлады. Кеңештин басма сөз кызматынын маалыматына караганда, хорваттар өзүнүн улуттук валютасы – кунанын баарын еврого алмаштырышы керек. 1 евронун курсу 7,53450 куна деп аныкталды. Хорватия Евробиримдиктеги еврону колдонууга өткөн 20-өлкө болуп калат. Алар 2023-жылдын 1-январынан тартып бул валютаны толук пайдалана баштайт. Евро тыйындарын чыгарган... Читать дальше...

Жогорку Кеңеш турак жай кооперативдери боюнча мыйзам даярдап жатат. Бул тууралуу парламенттеги "Ишеним" фракциясынын лидери, депутат Улукбек Ормонов "Азаттыкка" билдирди: "Турак жай кооперативдеринин дарегине карата элден арыз-дооматтар көп түшүп жатканына байланыштуу биз атайын мыйзам жазууну чечтик. Азыр жаңы эле башталып, жумушчу топ түзүлдү. Күзгө барып, буюрса даяр болот. Ошого биз мыйзам түрүндө бөгөт коюу жагын карап жатабыз. Бүт жолдору каралат". ИИМ "Ихсан" турак жай кооперативинин... Читать дальше...

Ош облустук ички иштер башкармалыгы (ОИИБ) Араван районундагы алты жашар кызды зордуктоого шек саналган адамга милиция эч кандай чара көрбөгөнү тууралуу адвокаттын дооматына жооп берди. ОИИБнын басма сөз катчысы Жеңиш Аширбаевдин "Азаттыкка" маалымдашынча, бул иште кызга карата сексуалдык ыдык көрсөтүүгө шек саналган 62 жаштагы адамдын кылмыш иши далилденген эмес. "Кичинекей кызын зордуктоого 62 жаштагы күйөөсүнөн шек санап, былтыр 16-декабрда Араван районунун Тепе-Коргон айылынын тургуну жергиликтүү милицияга кайрылган. Читать дальше...

Шри-Ланканын президенти Готабая Ражапакса массалык акцияга чыккандардын талабына ылайык кызматын тапшырбай, шаршемби күнү таңга жуук өлкөдөн качып кетти. Ал Куралдуу күчтөрдүн учагы менен Мальдив өлкөсүнө келгени маалымдалды. Шри-Ланканын борбор шаары Коломбодо 9-июлда нааразылыкка чыккан митингчилер президенттин резиденциясын ээлеп алышкан. Мамлекет башчысы коопсуз жерге чыгарылып кеткен жана аскердик-деңиз күчтөрүнүн коргоосунда экени кабарланган эле. Андан соң парламенттин жетекчилиги жана... Читать дальше...

Июль айынын башында Аламүдүн районунун Көк-Жар айылында ок атуу менен коштолду деген окуя коомчулуктун кызуу талкуусуна түштү. Кыргызстанда криминогентик абал кандай? Уюшкан кылмыштуу топторго каршы күрөш өз деңгээлинде жүрүп жатабы? Бийлик кылмыштуу топторду өз кызыкчылыгына пайдаланат деген коомчулуктун пикиринде жүйө барбы?

Президент Садыр Жапаровдун жарлыгы менен Улуттук коопсуздук боюнча мамлекеттик комитетинин (УКМК) төрагасынын орун басары болуп Тимур Шабданбеков дайындалды. УКМК төрагасынын мурдагы орун басары Бекбосун Апсатаров башка ишке өткөнүнө байланыштуу кызматынан бошотулду. Бул тууралуу мекеменин басма сөз кызматы кабарлады. Бекбосун Апсатаров бул кызматка 2020-жылы октябрда дайындалган. Тимур Шабданбеков мурда УКМКнын 9-бөлүмүн жетектеп, коррупцияга каршы кызматта иштеген.(ZKo)

13-июлга карата Кыргызстанда 39 адам коронавирус жуктуруп алганы лабораториялык жактан ырасталды. Бул тууралуу Санэпидкөзөмөл жана оорулардын алдын алуу борбору маалымдады. Ага ылайык 27 адам оорунун белгилерине даттанып, дарыгерге кайрылган. Эки адам чет жактан келген. 10 киши чет өлкөгө кетүү үчүн ПЦР тест тапшырган учурда аныкталган. Ушул тапта 34 адам үйүндө, беш бейтап ооруканада дарыланууда. Санэпидкөзөмөл жана оорулардын алдын алуу борбору азырынча бардык облустар жашыл аймакта экендигин... Читать дальше...

Жаңы окуу жылына карата миңге чукул мектептин директору алмашат. Бул тууралуу билим берүү жана илим министринин орун басары Надира Жусупбекова бүгүн, 13-июлда маалымат жыйынында билдирди. Анын айтуусунда, президенттин 12-июлдагы жарлыгына ылайык, мектеп директорлору беш жылдык мөөнөткө дайындалат. Ал эми беш жылдан ашык иштеген жетекчилер кызматынан бошотулат. "Бирок алар дагы кайрадан жетекчилик кызматка сынакка катыша алышат. Биз эртең эле Таласта алгачкы сыноону жүргүзүүнү чечтик, ал жакта эки мектептин жетекчи орундары бош. Читать дальше...

Быйылкы окуу жылында Кыргызстандын жогорку окуу жайларында 6 миң бюджеттик орун болот, анын ичинн 4 663 орун педагогикалык кадрларды даярдоого бөлүнөт. 205 орун так жана техникалык илимдерди окутуучу педагогикалык багытка берилди. Мындай чечим Министрлер кабинетинин 12-июлдагы отурумунда чыгарылганын өкмөттүн басма сөз кызматы маалымдады. Отурумда билим берүү жана илим министринин орун басары Расул Абазбек уулу маалымдагандай, Жогорку окуу жайларына кирүүгө жеңилдик алган абитуриенттер аныкталды. Читать дальше...

Зордукталган 13 жаштагы секелекке колдоо көрсөтүү үчүн акча чогултуу акциясына кыздын ата-энесинин тиешеси жок. Бул тууралуу акциянын демилгечиси, журналист жана жарандык активист Эркин Рыскулбеков Фейсбуктагы баракчасы аркылуу билдирди. Анын айтымында, зордуктоого кабылган кызга жардам көрсөтүү үчүн элден акча чогултуу идеясы активист Азамат Акенеевге таандык. Алгач аны башка тилектештери, кийинчерээк көптөгөн адамдар колдошкон. "Кыздын ата-энесинин дарегине "бул трагедиядан пайдаланып, акча... Читать дальше...

12-13-июлда чет өлкөдөгү жаратман кыргызстандыктар, IT көчмөндөрү, активисттер Люцерн шаарындагы "Чөйрө" форумуна чогулушту. Бул иш-чаранын "Мекендештер" форумунан өзгөчөлүгү эмнеде? Чет жактагы мекендештердин потенциалын кантип натыйжалуу колдонсо болот? "Азаттыктын" талкуусунан угуңуз.

"Борбор Азия аймагында экстремисттик жана террордук коркунучтун деңгээли жогорулап, эл аралык экстремисттик жана террордук уюмдар аймактагы өлкөлөрдүн ички чыр-чатактарына активдүү катышууга умтулуп жатканы байкалууда". Бул тууралуу Ички иштер министрлигинин (ИИМ) Экстремизмге жана мыйзамсыз миграцияга каршы башкармалыгынын башчысынын орун басары Улан Бердибаев билдирди. Ал бул тууралуу 12-июлда "Кыргызстанда экстремизмдин чакырыктары жана ага каршы аракеттенүү артыкчылыктары” деп аталган тегерек үстөлдө билдирди. Читать дальше...