Новости за 08.08.2022

Кыргызстандын Тышкы иштер министрлиги Москвада суу коллекторун тазалоо учурунда каза болгон эки кыргыз жаранынын тек-жайын атады. Маалыматка ылайык, каза болгондор 20 жана 22 жаштагы кыргызстандыктар болгон.  7-августта Москвадагы суу коллекторлорун тазалап жаткан учурда катуу жааган жамгырдан улам суу толуп калып, үч адамды агызып кеткен. Бул окуя боюнча Орусияда кылмыш иши козголуп, тергөө жүрүп жатат. Учурда Кыргызстандын Орусиядагы элчилигинин кызматкерлери маркумдардын жакындары менен кырсык болгон жерде иш жүргүзүп жатканы кабарланды.

Баткен районунда чек арачынын куралынан ок тийген сегиз жаштагы өспүрүмдүн абалы оор. Бул тууралуу 8-августта Баткен районунун акимчилигинен «Азаттык» радиосуна кабарлашты. Жабыркаган өсүпүрүм учурда Баткен облустук биргелешкен ооруканасынын жандандыруу бөлүмүндө дарыгерлердин көзөмөлүндө. Окуя 7-августта кечинде Баткен районунун Тажикстан менен чектешкен аймактагы Миң-Өрүк айылында болгон. Алдын ала маалыматта 19 жаштагы жергиликтүү тургун чек арачылардын жанына келип, куралды кармап көрөм деп колуна алганы айтылат. Читать дальше...

3-4-августта Чолпон-Ата шаарында Араб координациялык тобунун өкүлдөрү катышкан IV тегерек стол болуп өттү. Жыйында Кыргызстанда ишке ашырыла турган 13 долбоорду каржылоо маселеси каралды. Министрлер кабинетинин төрагасынын орун басары Адылбек Касымалиев Араб координациялык тобунун фонддорунун Кыргызстандагы ишин жогору баалай турганын айтып, карала турган долбоорлорду атады. "Бул долбоорлор саламаттык сактоо, ирригация, темир жол инфратүзүмү, турак жай куруу, билим берүү мекемелерин куруу, айыл жерлерин суу менен камсыздоону жакшыртуу... Читать дальше...

Кыргызстанга "Протафан" инсулини алып келинди. Бул тууралуу «Азаттыкка» Саламаттык сактоо министрлигинен кабарлашты. Маалыматка ылайык, бул дары-дармек өлкөдөгү инсулинге муктаждардын бир жылдык керектөөсүн камсыздай алат. Мекеме препарат жакынкы күндөрү өлкөнүн бардык аймактарына жеткирилерин билдирди. Кыргызстанда быйыл февраль айында тендер үзгүлтүккө учурагандыктан инсулин менен камсыз кылуу кармалып, көйгөй жаралган. Кант диабетинен жабыркагандар үчүн инсулин түгөнүп бара жатканы тууралуу маселе Жогорку Кеңеште да көтөрүлгөн. Читать дальше...

Москвада суу коллекторду тазалоо учурунда агып кеткен үч жумушчунун сөөгү табылды. Бул тууралуу Орусиянын баш калаасынын Өзгөчө кырдаалдар башкармалыгына таянып орус маалымат каражаттары жазып чыкты. Маалыматка ылайык, өткөн аптада Москвадагы суу топтолчу коллекторду 15 жумушчу тазалап жаткан. Ошол маалда суунун агымы дароо көбөйүп кетип, үч адамды агызып кеткен. Алардын экөө кыргызстандык, бирөө тажик жараны экени аныкталды. Алардын сөөгү 7-августта табылды. Бул кырсык боюнча Кыргызстандын Орусиядагы... Читать дальше...

«Кыргыз почтасы» мамлекеттик ишканасы кызмат көрсөткөн жайларда төлөмдөрдү төлөөдө техникалык мүчүлүштүктөр калыбына келтирилгенин кабарлады. Бул тууралуу аталган ишканадан кабарлашты. Маалыматка ылайык, учурда техникалык мүчүлүштүктүн себеби такталып жатат. Буга чейин айрым жарандар калкты тейлөө борборлорундагы «Кыргыз почтасы» кызмат көрсөткөн төлөмдөр аткарылбай жатканын, анын айынан кыйынчылыктар жаралганын кабарлашкан эле.(BkA)

Президент Садыр Жапаров сентябрь айында Бириккен Улуттар Уюмунун Башкы ассамблеясынын 77-сессиясына катышуу үчүн Нью-Йоркко барат. Бул тууралуу тышкы иштер министри Жээнбек Кулубаев Улуттук телеканалга берген маегинде билдирди. Анын айтымында, президент БУУнун жыйынында тоолуу өлкөлөрдөгү экологияны коргоо маселеси боюнча сөз сүйлөйт. Ошондой эле сапардын алкагында БУУнун баш катчысы Антониу Гутерриш жана башка өлкө жетекчилери менен сүйлөшүүлөрдү өткөрөт. Муну менен Садыр Жапаров президент катары... Читать дальше...

Ош аэропортундагы такси айдоочуларына байланыштуу көйгөйдү айтып чыккан журналист Шохрух Саипов өз дарегине коркутуулар болуп жатканын "Азаттыкка" билдирди. "Менин соцтармактагы билдирүүлөрүмдүн алдына ачык эле коркутууларды жазып жатышат. Тааныштарымдан мен жөнүндө маалыматтарды сураган учурлар да болуптур. Андан сырткары көчөдө түшүнүксүз тоскоолдуктар болду", - деди Саипов. Ал коркутуулар боюнча милицияга арыз жазууга камынып жатканын кошумчалады. Буга чейин Шохрух Саипов Орусиядан "Ош" эл аралык аба майданына учуп... Читать дальше...

Адам өлүмү менен аяктаган жана ондогон адам жабыркаган Кой-Таш окуясына үч жыл толду. Тоз-тополоңго байланыштуу мурдагы президент Алмазбек Атамбаев баштаган 14 адамга айыбы угузулган. Учурда бул ишти Бишкектеги Биринчи май райондук соту карап жатат. 2019-жылы 7-8-август күндөрү кримтөбөл Азиз Батукаевдин мыйзамсыз бошотулушуна айыпталган Алмазбек Атамбаевди кармоо операциясы башаламандык менен коштолгон эле. Кой-Таш окуясына байланыштуу сот отуруму 8-августта кайра жанданат. Биринчи май районду... Читать дальше...

"Социал-демократтар" партиясынын лидери Темирлан Султанбеков өлкө бийлигине кайрылып, абактагы мурдагы президент Алмазбек Атамбаевди үй камагына чыгарууну суранды. Президент Садыр Жапаров жана күч органдарынын жетекчилерине жолдонгон кайрылууда Султанбеков мурдагы президент абакта кримтөбөл Азиз Батукаевдин иши боюнча кармалып турганын эске салган. Ал Азиз Батукаев мурдагы президент Курманбек Бакиевдин иниси, Кыргызстанда сыртынан өмүр бою соттолгон Жаныш Бакиевге алмашуу боюнча атайын операциясынын алкагында бошотулганын... Читать дальше...