Новости за 02.11.2022

Парламенттеги “Ата Журт Кыргызстан” фракциясынын депутаты Фархат Исмаиловдун президент Садыр Жапаровдун ишмердүүлүгүн мактап, аны күнгө салыштырган пикири коомчулукта кызуу талкуу жаратты. Эгемендүү өлкө тарыхында президенттерди мактап, сөздөрү талкууга алынган эл өкүлдөрүн эстейли.

Президент Садыр Жапаров кыргыз-өзбек чек арасындагы Кемпир-Абад суу сактагычын биргелешип башкаруу боюнча макулдашуу тууралуу пикирин билдирди. Ал мамлекеттик "Кабар" маалымат агенттигине маек куруп, кош башкарууда "кыргыз тарап эч кандай чыгым көтөрбөй турганын" белгилеген. "Мадумаров өмүр бою парламенттен чыкпай отура берип, теоретик болуп калган. Практикалык иш жасап көргөн эмес. Ошон үчүн практика жүзүндө кандай иштер болуп каларын билбейт. Бул жердеги форс-мажор деген сөз боюнча, өткөндө ... Читать дальше...

Президент Садыр Жапаров 2-ноябрда "Кабар" улуттук маалымат агенттигине курган маегинде "Улуу көчмөндөр мурасы" улуттук холдингинин башчысы Тенгиз Бөлтүрүктүн камалышы тууралуу комментарий берди. Анда туугандары "Кумтөрдүн" ишине аралашып жатканы тууралуу сөздөрдү четке кагып, бардык чечимди Бөлтүрүк кабыл алып келгенин айтты. "Биз "Кумтөрдү" кайтарып алган күнү эле тааныш-билиштерибиз "жумушка киргизип койсоңор" деп эшик кага башташты. Мен бардык туугандарымды чогултуп "Кумтөргө" жолобогула... Читать дальше...

Президент Садыр Жапаров Кумтөрдөн өндүрүлгөн алтындын сатылышын иликтеген депутаттык комиссия анын демилгеси менен түзүлгөнүн билдирди. Ал 2-ноябрда "Кабар" улуттук маалымат агенттигине курган маегинде казылган алтын учурда Улуттук банкта сакталып турганын айтты.  "Айрым ою бузук жарандар, бир депутатыбыз шек санап, "Жапаровдор алтын уурдап жатат, 19 тонна алтын жоголуптур" деп жалаа жабууга аракет кыла баштаганда өзүм демилге көтөрүп, "депутаттардан турган комиссия түзгүлө" деп эл өкүлдөрүнөн сурандым. Читать дальше...

Бишкекте "Босого" туристтик меймандостук борбору ачылды. Бул тууралуу өкмөттүн басма сөз кызматы кабарлады. Маалыматка караганда, өлкөгө келген коноктор бул жайдан Кыргызстандагы конок үйлөрдүн жана туристтик жайлардын тизмесин алса болот. Автоунааны ижарага алуудан баштап банктык жана СИМ-карталарды алуу, фирма ачуу өңдүү кызыктырган суроолорго жооп тапса болору айтылган. Бул быйыл март айында түзүлгөн Туризмди өнүктүрүүнү колдоо фондунун долбоорлорунун бири болуп саналат. "Босого" туристтик... Читать дальше...

Мурдагы саламаттык сактоо министри Алымкадыр Бейшеналиевге карата козголгон бардык кылмыш иштери токтотулду. Бул тууралуу анын адвокаты Кайсын Абакиров "Азаттыкка" билдирди. Анын айтымында, кылмыштын курамы жок болгондугуна байланыштуу иш август айында токтотулган. Бейшеналиевдин ишин тергеп жаткан Ички иштер министрлиги маалыматка байланыштуу комментарий бере элек. Бейшеналиев июнь айынын башында "коррупцияга" айыпталып камакка алынып, 16-июнда кайра үй камагына чыккан. Башкы прокуратура ага чет өлкөлүк менчик компаниялардан 1 млрд. Читать дальше...

Жогорку Кеңештеги "Ыйман Нуру" фракциясынын лидери, депутат Нуржигит Кадырбеков Кемпир-Абад маселесине байланыштуу президент Садыр Жапаровго кайрылды. Ал 2-ноябрдагы сессияда сүйлөп жатып, бул жагдай талаштуу болуп калганынан улам чечим кабыл алууга убактылуу мораторий жарыялоону сунуштады. "Мен Кемпир-Абад боюнча ак да, көк да дебейм, туура же туура эмес деп да айтпайм. Бирок сизден бир сураныч, чечим кабыл алууга жок дегенде үч-төрт жылга мораторий жарыялабайлыбы? Анткени бул чечимди кабыл алчу, тарыхта калчу бизбиз. Читать дальше...

Жогорку Кеңештин 2-ноябрдагы жыйынында "Альянс" фракциясынын төрагасы, депутат Жанар Акаев Кемпир-Абад ишине байланыштуу камалгандар тууралуу маселе көтөрдү. Ал өзү баштаган төрт депутат жана акыйкатчы ушул тушта №1 тергөө абагында отургандардан кабар алып чыгышканын билдирди. "Кемпир-Абадды коргоо комитети деп камалгандардын баары бир ооздон "биз эч кандай башаламандыкка, ызы-чууга үндөгөн эмеспиз, болгону оюбузду билдирип, тынч жыйындарды өткөрүүнү гана пландаганбыз" деп айтышты. Атай Бейшенбек... Читать дальше...

Жогорку Кеңештин 2-ноябрдагы жыйынында депутат Дастан Бекешев "Азаттык Медиа" мекемесинин банктагы эсебинин сот чечими жок бөгөттөлүшү тууралуу маселе көтөрдү. Буга байланыштуу ал президенттин жана өкмөттүн парламенттеги өкүлү Алмасбек Абытовго кайрылды. "Чындыгында банктагы эсептин бөгөттөлүшүнө мыйзамда үч эле негиз бар. Биринчиси - бул салыктан карызы болсо, экинчиси - арам акчаны адалдап, террорчуларга жана экстремисттерге акча которсо, үчүнчүсү - сот чечими болсо. Көпчүлүгү бул "Азаттыкка" гана тиешелүү маселе деп ойлошу мүмкүн. Читать дальше...

Журналисттерге каршы кылмыштар үчүн жазасыз калууну токтотуунун эл аралык күнүнө карата Кыргызстандагы АКШнын, Британиянын, Германиянын, Франциянын элчиликтери жана Европа Биримдигинин өкүлчүлүгү кыргыз бийлигине кайрылды. Биргелешкен билдирүүдө эркин журналистика өлкөнүн өнүгүшү үчүн маанилүү экени белгиленген. "Журналисттер коомчулукка маалымат берип, түрдүү көз карашты чагылдырууга мүмкүндүк берет. Көз карандысыз жана түркүн маалымат каражаттары гана жарандарга бийликтерин жоопкерчиликке тартууга керектүү маалымат алууга жардам бере алат.