Новости за 11.11.2022

Бишкек шаардык соту бүгүн, 11-ноябрда Кемпир-Абад маселесине байланыштуу кармалган жарандык активист Рита Карасартованын бөгөт чарасын өзгөртүү боюнча доо арызды карап, мурдагы инстанциянын чечимин күчүндө калтырды. Ал буга чейин Биринчи май райондук сотунун чечими менен 20-декабрга чейин Бишкектеги №1 тергөө абагына (СИЗО-1) камалган. "Биздин кыймыл-аракетибизде эч кандай мыйзам бузуу жок. Биз өзүбүздүн Конституция берген укугубуз боюнча биригип, сүйлөшүп, мыйзамсыз иштерге жол бербейли деген эле аракет болчу. Читать дальше...

Өзбекстандын Самарканд шаарында Түрк мамлекеттери уюмунун (ТМУ) 9-саммити өтүп жатат. Ага уюмдун мүчөлөрү - Азербайжан, Казакстан, Кыргызстан, Түркия жана Өзбекстандын президенттери, байкоочу макамындагы Венгриянын премьер-министри жана Түркмөнстандын Халк Маслахатынын төрагасы Гурбангулы Бердымухамедов катышып жатат. Жыйынды өзбек президенти Шавкат Мирзиёев ачып, былтырдан тарта аталышын өзгөрткөн уюм түрк тилдүү өлкөлөрдүн кызматташтыгында жаңы барак ачылганын билдирди. Ал учурдагы дүйнөдөгү... Читать дальше...

Бишкектин Биринчи май райондук соту бүгүн, 11-ноябрда социалдык түйүндөрдө Адилет Балтабай деген ат менен таанымал блогер жана жарандык активист Адилет Али Мыктыбекке байланыштуу өкүмүн чыгарды. Ага ылайык, Балтабай 278-берененин ("Жапырт башаламандык") негизинде күнөөлүү деп табылып, беш жылга эркинен ажыратылды. Ошол эле учурда үч жылдык пробациялык көзөмөл чечими кабыл алынып, активист сот залынан бошотулду. Бүгүн айыпталуучуга акыркы сөз берилди. 1-ноябрдагы сотто мамлекеттик айыптоочу... Читать дальше...

Асеин Исаев тышкы иштер министринин орун басары болуп дайындалды. Тиешелүү чечимге Министрлер кабинетинин төрагасы Акылбек Жапаров кол койгонун өкмөттүн басма сөз кызматы кабарлады. Расмий маалыматта министрдин мурдагы орун басары Нуран Ниязалиев башка ишке өткөндүгүнө байланыштуу бул кызматтан бошотулганы жазылган. Анын кайсы кызматка кеткени айтылган эмес. Асеин Исаев Кыргызстандын Индиядагы жана Бангладештеги элчиси кызматынан октябрдын соңунда бошотулган. Ал Индиядагы элчилик кызматка 2019-жылы дайындалган. Читать дальше...

Чүй облусуна караштуу Аламүдүн районунун Энергетик шаарчасында гараж күйүп, 52 жаштагы бир киши каза болду. Бул тууралуу Өзгөчө кыраалдар министрлиги кабарлады. Маалыматка караганда, 11-ноябрда эртең менен саат 7ге жакын өрт өчүрүүгө бир бөлүм тартылып, бир сааттан кийин толугу менен өчүрүлгөн. Өрттүн себептери такталып жатканы айтылды. ӨКМдин маалыматына ылайык, бир суткада өлкө аймагында сегиз өрт кырсыгы катталды. Расмий маалыматтарга караганда, Кыргызстанда 2022-жылдын алты айында 823 өрт катталган. Читать дальше...

Президент Садыр Жапаров 11-ноябрда Кыргызстандын жарандыгын берүү жана жарандыктан чыгаруу тууралуу жарлыктарга кол койду. Ага ылайык, 2370 адамга (алардын 1871и чоңдор, 499у балдар) жарандык берилди. Президенттин басма сөз кызматы алардын басымдуу бөлүгү тарыхый мекенине кайтып келген этникалык кыргыздар экенин билдирди. Президенттин дагы бир жарлыгына ылайык, 360 киши Кыргызстандын жарандыгынан чыгарылды. Алардын 277си чоңдор, 83ү балдар. Садыр Жапаров былтыр июль айында этникалык кыргыздарга... Читать дальше...

Бишкек шаардык соту бүгүн, 11-ноябрда Кемпир-Абад маселесине байланыштуу кармалган саясатчы, активисттердин кармалышынын мыйзамдуулугун жана бөгөт чарасын өзгөртүү боюнча доо арыздарды кароону улантууда. Бул күнү сот Айданбек Акматов боюнча мурдагы инстанциянын чечимин күчүндө калтырды. Журналист бөгөт чарасын карап жаткан судьяларга кайрылып, Конституция бузулуп жатканын белгиледи. "Бизди соттой турган болсоңуздар Конституцияга чогулганга, сүйлөшкөнгө, талкуулаганга болбойт деп жазып коюңуздар. Читать дальше...

Жол кырсыгы 10-ноябрда түнкү саат 22:30 чамасында Бишкек-Нарын-Торугарт жолундагы Боом капчыгайында катталган. Жол коопсуздугун камсыздоо башкармалыгынын маалыматына караганда айдоочу бараткан автоунаа жолдон чыгып, бийиктиктен кулап түшкөн. Автонаанын айдоочусу жараат алып, Кемин райондук ооруканасына жеткирилген. Ал эми жүргүнчүсү - 27 жаштагы Бекжан Темиркан ошол жерден жан берген. Учурда жол кырсыгынын себептери иликтенип жатат. Бекжан Темиркан "Кантем", "Эзилип бүттүм" жана башка ырлары менен белгилүү болчу. Читать дальше...

Экономика жана коммерция министрлиги жол төлөмдөрүн киргизүү сунушун коомдук талкууга чыгарды. Сунуш “Салыктык эмес кирешелер жөнүндө кодекске өзгөртүүлөрдү киргизүү тууралуу” мыйзам долбооруна киргизилген. Анда автоунаа ээлеринен алынуучу төлөмдүн бир нече түрү сунушталган. - Айдоочу автоунаасынын жүргөн жолунун узундугуна жараша акы төлөйт. Бул эл аралык тажрыйбада колдонулгандай, күйүүчү майдын ар бир литрине кошулуп алынат. Мындан түшкөн каражат жолдорду оңдоого жана каржылоого жумшалат. Читать дальше...

АКШ президенти Жо Байден Кытайдын лидери Си Цзинпин менен Балиде өтө турган "Чоң жыйырманын" саммитинде, жыйындан тышкары жолугушат. Бул тууралуу Ак үй маалымдады. Бул эки ири державалардын лидерлеринин алгачкы жолугушуусу. Дүйнөдөгү экономикасы кубаттуу жыйырма өлкөдөн турган G20 тобунда АКШ, Орусия, Франция, Кытай, Индия, Жапония, Мексика жана башка мамлекеттер бар. Топтун бул жолку жыйынына Орусиянын президенти Владимир Путин катышпай турганы 10-ноябрда маалым болду. Си Цзинпин 23-октябрда... Читать дальше...