Новости за 22.11.2022

Иранда студент кыздын өлүмүнөн кийин тутанган нааразылык акцияларынын уланып жатканына эки айдан ашты. Каршылыктарда күч кызматкерлеринин колунан 400дөн ашуун адам өлдү. Митингчилер алгач өкмөттүн жүрүм-турумуна байланыштуу катаал чараларына нааразылык билдирип жатса, кийин бийликтин толук кызматтан кетишин талап кыла баштады. Күч кызматтары аларды аёосуз түрдө басып жатат. Хижабга эле эмес, режимге каршы акция Социалдык түйүндөрдө ушул күндөрү тараган видеодо Иран Ислам Республикасынын негиздөөчүсү... Читать дальше...

Жогорку Кеңештин төрагасы Нурланбек Шакиевдин Түркиядагы сапары маалында тартылган, учурда социалдык тармактарда талкуу жараткан сүрөтүнө байланыштуу анын басма сөз катчысы Алтынбек Деркембаев түшүндүрмө берди. Ал Фейсбуктагы баракчасына сүрөт Анкара шаарынын аба майданында, спикерди бейрасмий тосуп алуу учурунда тартылганын жазды. "Расмий сапардын алкагында жолугушуулар, сүйлөшүүлөр эртең (22-ноябрда) башталат. Бейрасмий тосуп алуу маалындагы сүрөттү жарыялап, ар кандай олдоксон пикирлерди жазуу, талкууга алуу акылга сыйбаган көрүнүш. Читать дальше...

Жогорку Кеңеште Транспорт, коммуникациялар, архитектура жана курулуш комитетинин 22-ноябрдагы жыйынында финансы министри Алмаз Бакетаев тышкы карыздарды тейлөөгө байланыштуу маалымат берди. Ал депутат Тазабек Икрамовдун суроолоруна жооп берип жатып, өлкөнүн тышкы карызынын көбөйгөнү инвестициялык долбоорлор менен байланыштырды. "Тышкы карызды төлөөнүн жадыбалы жана булактары бар. Мамлекеттик карызды тейлөөгө өзүбүздүн булактарыбыз толугу менен жетет. Бүгүнкү алган карыздарыбыз бул инвестициялык карыздар. Читать дальше...

Финансы министри Алмаз Бакетаев 22-ноябрда Жогорку Кеңеште Транспорт, коммуникациялар, архитектура жана курулуш комитетинин жыйынында энергетика тармагын каржылоого байланыштуу маалымат берди. Ал келерки үч жылдын ичинде акча бөлүү көбөйөрүн айтты.  "2023-жылы энергетикалык тармакты 10,8 миллиард сомго капиталдаштыруу пландаштырылып жатат. Ал эми 2024-жылы 55,8 миллиард, 2025-жылы болсо 57,1 миллиард сом бөлүү каралууда. Бул өлкөнүн энергетикалык системасын жакшыртууга өбөлгө түзөт",-деди Бакетаев. Читать дальше...

Индонезиянын Ява аралында күчү 5,6 баллга жеткен жер титирөөдө бери дегенден 162 адам мерт болуп, дагы 300дөн ашык тургун жараат алды. Расмий маалыматка ылайык, аралда жашаган 14 миңдей киши там-ташынан ажырады жана алар учурда качкындар лагерлерине жайгаштырылды. Батыш Ява провинциясынын башчысы Ридван Камил журналисттерге каза болгондордун жана жабыркагандардын саны дагы көбөйүшү мүмкүн экенин билдирди. Учурда куткаруу иштери уланууда. Зилзала болгон аймакта калк жыш жайгашкан жана жер көчкү коркунучу жогору болгон. Читать дальше...

Тышкы иштер министри Жээнбек Кулубаев 21-ноябрда Бишкекте Кытайдын Кыргызстандагы элчиси Ду Дэвень менен жолукту. Тышкы иштер министрлиги тараткан маалыматка ылайык, анда өз ара кызматташууга байланыштуу бир катар маселелер, анын ичинде жүк ташуу көйгөйү талкууланды.  “Тараптар алака-катыштын актуалдуу маселелери, соода-экономикалык кызматташууну өнүктүрүүгө, кытай өкмөтүнүн гранттарына инфраструктуралык долбоорлорду ишке ашырууга байланыштуу пикир алмашты. Ошондой эле көп жана эки тараптуу маанилүү иш-чаралардын планын талкуулады. Читать дальше...

Түркияга жылына жүз миңдеген чет өлкөлүк бейтап дарылануу үчүн келет. Анын ичинде кыргызстандыктар да бар. Түркиядагы ооруканалар менен байланыштырган ортомчу фирмалар бейтаптарга жатакана, каражат, дарыгер издөө жагынан да жардам беришет. Ошол эле учурда мындай фирмалардын арасында бейтапты алдап кеткендери да жок эмес. "Данисте" бул жолу Түкриядагы медициналык туризмдин өнүгүшү, бул өлкөгө шыпаа издеп келгендер тууралуу көргөзөт.