Новости за 23.11.2022

Кыргызстанда жылына орто эсеп менен 50-51 миңге чамалуу түгөй баш кошуп, 10-12 миңдей жуп ажырашат. Бул тууралуу 23-ноябрда Жогорку Кеңеште Санариптик өнүктүрүү министрлигинин өкүлү Калый Жунусова билдирди. Анын маалыматына ылайык, өлкөдө ар жылы 145 миңден ашык ымыркай төрөлөт. Ошондой эле 35-36 миңдей адам көз жумат. Жогорку Кеңеш учурда “Жарандык абалдын актылары жөнүндө” мыйзамга өзгөртүүлөрдү киргизүү долбоорун биринчи окууда талкуулап жатат. Документти Министрлер кабинетинин төрагасы Акылбек Жапаров сунуштаган. Читать дальше...

Кыргызстанда диндердин өнүгүү тарыхы сабагы боюнча 7-8-класстар үчүн окуу-методикалык комплекс иштеп чыгууга жарыяланган ачык сынак жыйынтыкталууда. 23-ноябрда Билим берүү жана илим министрлиги эмгектерди кабыл алуу 1-декабрда аяктай турганын эскертти. Мекеменин маалыматына караганда, комплекс атайын иштелип чыккан предметтик стандартка ылайык түзүлүшү шарт, стандарт тууралуу кеңири маалымат министрликтин сайтына жарыяланган. Предметтик стандартта белгиленгендей, "диндердин өнүгүү тарыхы сабагынын негизги максаты ... Читать дальше...

Англиянын "Манчестер Юнайтед" футбол клубу Криштиану Роналду менен келишимди үздү. Расмий кабарга ылайык, португалиялык спортчу өз ара макулдашуу менен дароо клубдан кетип жатат. Клуб ага "Олд Траффорддогу" эбегейсиз салымы, 346 беттеште 145 гол киргизгени үчүн ыраазычылык билдирип, ага жана үй-бүлөсүнө келечектеги жакшылыктарды каалады. Клубдун билдирүүсүндө, "Манчестер Юнайтеддеги" бардык адамдар Эрик Тен Хагдын жетекчилиги менен команданы өнүктүрүүнү улантууга жана оюн талаасында ийгиликке... Читать дальше...

АКШнын Виржиния штатындагы супермаркетте куралдуу кол салуудан онго жакын адам каза таап, көп сандаган киши жараат алды. Окуя 22-ноябрда түндө Чесапик шаарындагы Walmart супермаркетинде болду. Ок аткан адам дүкөндүн кызматкери деп болжолдонууда. Ал бир канча кишини өлтүргөндөн кийин өзүн да атып салган. Жергиликтүү полициянын басма сөз катчысы Лео Косински ок аткан кишинин шериги жок экенин айтты. Walmart кызматкерлери "каргашалуу окуядан нес болуп калышканын", укук коргоо органдарына зарыл жардамдарды көрсөтүүгө даяр экенин билдиришти. Читать дальше...

Жогорку Кеңештеги "Альянс" фракциясы Бишкек шаарынын мэрин түз шайлоого байланыштуу мыйзам долбоорун 23-ноябрда коомдук талкууга чыгарды. Бул тууралуу аталган фракциянын лидери, депутат Жанар Акаев маалымдады.  Ал Фейсбуктагы баракчасы аркылуу "Биз "Жергиликтүү мамлекеттик администрация жана жергиликтүү өз алдынча башкаруу жөнүндө", ошондой эле "Борбордун макамы тууралуу" мыйзамдарга өзгөртүү боюнча долбоорду сунуштап жатабыз. Биздин фракция борбор калаанын мэрин шаардыктар өздөрү шайлашы керек деп эсептейбиз. Читать дальше...

23-ноябрда эртең менен Иерусалимде жарым сааттын ичинде эки жардыруу болду. Эки автобус аялдамасында болгон жардыруудан баштапкы маалыматтарга караганда, кеминде 15 киши жараат алды. Биринчи жардырууда жабыркаган 12 адамдын экөөнүн абалы оор. Экинчисинде автобус катуу зыян тартты, үч киши ооруканага жаткырылды. Израилдин коопсуздук министри окуяны кол салуу катары мүнөздөдү. Полиция ага палестиналык радикалдардын тиешеси бар экенин четке каккан жок. Тергөө жүрүп жатат.

Улуттук банк Кыргызстандын валюта рыногундагы азыркы абалды салыштырмалуу туруктуу деп баалап жатканын мекеменин басма сөз кызматы “Азаттык” радиосуна 22-ноябрда билдирди. Мекеме акыркы мезгилде өлкөдө долларга суроо-талап маал-маалы менен жогорулашы байкалып жатканын белгилеп, Кыргызстандагы өзгөрүлмө алмашуу курсу саясатына ылайык, доллардын кыргыз сомуна карата курсу ички валюта рыногундагы чет өлкө валютасына болгон суроо-талапка жана сунушка жараша эркин түзүлөрүн, андыктан кайсы бир күндөрдө курс жогорулашы да... Читать дальше...

Жогорку Кеңештин 23-ноябрдагы жыйынында экономика жана коммерция министри Данияр Амангелдиев Кыргызстандын өзүндө куш этин өндүрүүнү көбөйтүү аракеттери көрүлүп жатканын билдирди. Ал учурда канаттуулардын этинин 60%дан ашыгы импорттолуп келерин маалымдады. "Бизде импортту алмаштыруу программасына өзүңүздөр билгендей, канаттуулардын эти жана жумуртка кирген. Бизде азыр бул импорттун көлөмү 60%дан ашык болуп турат. Орус-кыргыз өнүктүрүү фондунун алкагында куш этин өндүргөн завод куруу демилгеси көтөрүлүп, фонддун кеңешинде талкуу болгон. Читать дальше...

22-ноябрда Түркия парламентинин төрагасы Мустафа Шентоп Жогорку Кеңештин төрагасы Нурланбек Шакиев менен жолугушуусунда “ФЕТО” (түрк бийлиги Гүлендин кыймылын ушинтип атайт-ред.) уюму жөнүндө маселе көтөрдү. Бул тууралуу мамлекеттик "Анадолу" агенттиги маалымат таратты. "Дос жана боордош өлкөлөргө ФЕТОго каршы эскертүүнү улантып жатабыз. Бул маселеде кыргыз бийлигинин позициясына ыраазыбыз. Кызматташтыгыбызды улантууну каалайбыз”, - деди Шентоп. Кийин түрк парламентинин төрагасы Твиттердеги... Читать дальше...

23-ноябрда Түркиянын Дүзже аймагында күчү алты баллга жеткен жер титирөө катталды. Силкинүүнүн күчү баш калаа Анкара, Стамбул, Бурса жана Измир шаарларында да сезилди. Ички иштер министри Сулайман Сойлу аймакта жер титирөөдөн жабыркаган жарандардын абалы такталып жатканын Твиттерге жазды. Өлкөнүн Саламаттыкты сактоо министрлиги 35 киши жараат алганын кабарлады. Түркиялык маалымат каражаттары дубалдары кулаган үйлөр жана имараттар бар экенин кабарлашууда. Түркияда эң күчтүү жер титирөө 1999-жылы... Читать дальше...

Баткенде жол кырсыгынан сегиз адамдын өмүрү кыйылды. Кырсык 22-ноябрдын кечинде Ош–Раззаков автожолунун 212-чакырымында болгонун “Азаттыкка” облустук Жол коопсуздугун камсыз кылуу башкармалыгынан билдиришти. Баткен тарапты көздөй бараткан кичи автобус менен Ошко бараткан жеңил машине сүзүшүп, беш адам ошол жерден, үчөө ооруканага жеткирилип жаткан учурда үзүлгөн. Дагы бир адам облустук биргелешкен ооруканада оор абалда жатат. Милиция окуянын чоо-жайын териштирип жатат. Айрым маалыматтарга караганда... Читать дальше...

Парламентте депутат Балбак Түлөбаев 23-ноябрдагы жыйынында Кумтөргө байланыштуу түзүлгөн депутаттык комиссиянын төрагасынан маалымат алууну сунуштады. Ал иликтөө иштери кечеңдеп жатканын сынга алды. "Кумтөр боюнча, алтын боюнча оппозиция дагы, позиция дагы айтты эле, коомчулук дагы күтүп жатат. Депутаттык комиссиянын төрагасын угуп койбойлубу?  Баягыда "Кумтөрдүн алтыны кайда" деп кырылып, талашып жаттык эле. Эч нерсе жок, иликтөөнү баштай элекпиз. Төраганы шайладык, анын орун басарларын талашып-тартышып жатып шайладык. Читать дальше...

Жогорку Кеңештин 23-ноябрдагы жыйынында депутат Мейкинбек Абдалиев түндүк-түштүк альтернативдүү жолунун курулушун иликтөө үчүн депутаттык комиссия түзүүнү сунуштады. Ал парламенттин буга чейинки чакырылышында дагы мындай демилге көтөрүлгөнүн, бирок ишке ашпай калганын айтты. "Ош-Бишкек альтернативдүү жолуна бир миллиард доллардай акча каралган. Эгер биздин тышкы карызыбызды 4,5 миллиард доллар десек анда бул каражат анын төрттөн бир бөлүгүн түзөт. Буга чейинки чакырылышта дагы комиссия түзүп үлгүрбөй калганбыз. Читать дальше...

Жогорку Кеңештин 23-ноябрдагы жыйынында депутат Өмүрбек Бакировдун кызматтык бөлмөсү алмашкан окуядан улам президенттин иш башкармалыгына байланыштуу маселе көтөрүлдү. Анда депутат Тазабек Икрамов башкармалыктын жетекчисинин орун басары Элмира Усенованы сынга алды жана президенттин жана өкмөттүн парламенттеги өкүлү Алмасбек Абытовго кайрылып аны иштен алууну сунуштады. "Бул жерде депутаттын макамы жөнүндөгү мыйзамда так жазылып турат. Жогорку Кеңештин депутатына тиешелүү жеке жана кызматтык турак жай... Читать дальше...

Кыргызстандын алгачкы муфтийи, Орто Азиядагы белгилүү дин аалымы Кимсанбай Абдурахманов 22-ноябрда 82 жаш курагында көз жумду. Бул тууралуу Кыргызстан мусулмандар дин башкармалыгы кабарлады. Кимсанбай Абдурахманов көз карандысыздыктын алгачкы жылдары Кыргызстанда диний мамилелердин калыптанышына жана бекемделишине зор салым кошкон. Азыркы муфтий Замир Ракиевдин көңүл айткан билдирүүсүндө Абдурахмановдун демилгеси менен Бишкек шаарындагы борбордук мечит баштаган бир катар диний жайлар, мечит-медреселер, Ислам институту ачылганы белгиленген. Читать дальше...

Бишкек шаардык сотунда бүгүн 23-ноябрда иликтөөчү журналист Болот Темировду өлкөдөн чыгаруу чечими чыкты. Аны дароо сот залынан кармап, алып кетишти. Болот Темировдун атасы Маматкасым Темиров күч кызматтары соттон алып кеткен уулунун дайыны чыкпай жатканын "Азаттыкка" билдирди. Социалдык тармактын колдонуучулары Болот Темировдун жактоочуларына шилтеме кылып журналистти Орусияга депортация кылуу үчүн аэропортко алып кеткенин жазышууда.   Иликтөөчү журналист Болот Темиров бүгүн 23-ноябрда... Читать дальше...

Бишкек шаардык сотунда иликтөөчү журналист Болот Темировдун иши боюнча соттук отурум өтүп жатат. Эске сала кетсек, буга чейин Бишкек шаардык прокуратурасы Свердлов райондук сотунун журналист боюнча чечимине даттанган. Соттук процессте мурда Кыргызстандын паспортторун жасап келген "Интел линкс" ишканасынын жетекчиси Таалайбек Жумадылов 2008-2009-жылдары паспорт берүүнү жол-жоболору боюнча күбө катары суралды. Андан кийин тараптар жарыш сөзгө өтүштү. Болот Темиров өзүнө козголгон кылмыш иштерин журналисттик ишмердигине байланыштырып... Читать дальше...

Бүгүн, 23-ноябрда Бишкек шаардык сотунда иликтөөчү журналист Болот Темировдун иши каралып жатат. Сот жараянында буга чейин Кыргызстанда паспорт жасап келген "Интел линкс" компаниясынын башчысы Таалайбек Жумадылов ошол маалдагы паспорт берүүнүн жол-жобосу тууралуу күбө катары көрсөтмө берди. Азыр тараптардын жарыш сөзү башталды. 28-сентябрда Бишкектин Свердлов райондук сотунда судья Акылбек Адимов Темировго маңзат боюнча коюлган айып негизсиз экенин айтып, аны актаган. Алган паспорту менен чек арадан өткөнү мыйзамдуу болгонун билдирип... Читать дальше...