Новости за 24.11.2022

Иликтөөчү журналист Болот Темировдун жубайы Махабат Тажибек кызы күйөөсүнүн Кыргызстандан күчтөп чыгарылышына байланыштуу "Азаттыкка" комментарий берди. Анын айтымында, журналистти Бишкектен Москвага чейин күч кызматкерлеринин эки өкүлү оштоп барган. Темировду аэропортто чек арачылар суракка алган. "Ал учактан түшкөндө чек арачылар "эмне иш кыласың" деп суракка алышыптыр. Иликтөөчү журналист экенин, Садыр Жапаров менен Камчыбек Ташиевди, коррупцияны иликтерин айтыптыр. Акчанын кайдан аласың деген суроосуна грант аларын айтыптыр. Читать дальше...

Жогорку Кеңеште эки күндүк кызуу талаш-талкуудан кийин депутат Өмүрбек Бакировдун иш бөлмөсү алмашкан окуяны иликтөө үчүн депутаттык комиссия түзүлдү. Бир катар депутаттар аны кызматтык бөлмөдөн чыгаруу мыйзамсыз болгонун айтып чыгышкан жана түшүндүрмө берилишин, чара көрүлүшүн талап кылган.  Парламенттин 23-ноябрдагы жыйынында буга байланыштуу президенттин иш башкармалыгынын жетекчиси чакыртылганы менен келген жок. Бакировдун Ак үйдүн 7-кабатындагы кызматтык бөлмөсү өткөн аптада алмашкан.... Читать дальше...

Жогорку Кеңештин 24-ноябрдагы жыйынында Улуттук коопсуздук комитетинин (УКМК) төрагасы Камчыбек Ташиев депутат Элвира Сурабалдиеванын кысым, коркутуу тууралуу дооматтарына жооп берди. Ал депутаттын жакындарына таандык Бишкектеги "Кудайберген" базары мамлекетке ири суммадагы салык төлөбөй койгонун маалымдады. Ошондой эле азыркы депутаттар арасында оор кылмыштарга шек саналып жаткандар бар экенин билдирип, алардын аты-жөнүн атаган жок. "Базарда контейнерлердин ар биринине 2-3 миңден жыйнадык деп отчет беришкен. Читать дальше...

Бир катар эл аралык уюмдар иликтөөчү журналист Болот Темировду депортациялоо чечимине тынчсыздануусун билдирүүдө. Европа Биримдигинин Кыргызстандагы өкүлчүлүгү бул чечим сөз эркиндиги жана иликтөөчү журналисттердин жеке коопсуздугуна кепилдик берүү боюнча эл аралык милдеттенмелерге каршы келет деп эсептейт. АКШнын Кыргызстандагы элчилиги да Твиттерге ушундай билдирүү таратып, "Журналисттерге өч алуудан коркпой иштөөгө мүмкүнчүлүк берилиши керектигин, сөз эркиндиги Кыргызстандын Конституциясы менен корголгонун... Читать дальше...

Жогорку Кеңештин 24-ноябрдагы жыйынында депутат Элвира Сурабалдиева кыргыз-өзбек чек ара келишимине каршы добуш берген депутаттарга коркутуу, кысым башталганын айтып чыкты. Ал спикер Нурланбек Шакиевге кайрылып, парламент өкүлдөрүн коргой албай жатканын сынга алды. "Кемпир-Абаддын берилишине каршы добуш берген депутаттарга корутуп-үркүтүү болуп жатат. Бизди коргой албасаңыз, анда биз сизди эмнеге шайладык? Баса, кечээ менин туулган күнүм болду, урматтуу Камчыбек Кыдыршаевич (Ташиев), белегиңизди эч качан унутпайм. Читать дальше...

Жогорку Кеңеште депутат Дастан Бекешов парламенттин 23-ноябрдагы жыйынында иликтөөчү журналист Болот Темировдун Кыргызстандын күчтөп чыгарылышына байланыштуу маселе көтөрдү. Ал кесиптештерине кайрылып, бул окуяны талкуулоону сунуштады. "Кечээ кыргызды кыргыз Кыргызстандан мыйзамсыз чыгарды. Бул өтө ашыкча болду. Соттун чечими чыга электе эле милициялар аны аэропортко алып барышты. Ал иликтөөчү журналист, анын жазгандары кээ бир адамдарга жакпасын түшүнүп жатам. Укук коргоо органдары аркылуу, соттор аркылуу өч алуу туура эмес. Читать дальше...

Министрлер Кабинетинин төрагасынын орун басары Бакыт Төрөбаев 23-ноябрда административдик-аймактык реформа маселелерине байланыштуу кеңешме өткөрдү. Өкмөтүн басма сөз кызматынын билдиришинче, өлкөнү 2026-жылга чейинки өнүктүрүүнүн улуттук программасына ылайык, жергиликтүү өз алдынча башкаруу системасынын жаңы үлгүсүн иштеп чыгуу боюнча иштер жүрүп жатат. "Аталган реформалар жергиликтүү өз алдынча башкаруу органдарынын потенциалын күчөтүүгө жана алардын ишинин натыйжалуулугун жогорулатууга багытталган",-деп жазылган маалыматта. Читать дальше...

Армениянын премьер-министри Никол Пашинян Еревандагы Жамааттык коопсуздук келишим уюмунун (ЖККУ) саммитин жыйынтыктаган декларацияга кол койгон жок. Бул тууралуу армян өкмөтүнүн басма сөз кызматы кабарлады. Анын алдында Пашинян аталган уюмду Азербайжандын Арменияга каршы аракеттерине саясий баа берүүгө, бул маселеде өнөктөштүк көрсөтүүгө чакырган. Ал ошол эле маалда ЖККУдан аскердик жардам сурабай турганын белгилеген. Беларус президенти Александр Лукашенко саммитте Армения кол коюлчу документтерге кошумча киргизүүнү сунуштаганын... Читать дальше...