Ош драма театрында аял укугуна арналган спектакль коюлат
Оштогу Улуттук кыргыз драма театрында аял укугуна арналган спектакль коюлат.
Театрдын жетекчиси Керимбек Калыкуловдун "Азаттыкка" маалымдашынча, "Аялдар баш калкалоочу жай" деп аталган спектаклди Бакен Кыдыкеева атындагы жаштар театры тартуулайт.
Спектакль Ошто 2-3-декабрда көрсөтүлөт.
"Аялдар баш калкалоочу жай" - түрк драматургу Тунжер Жүженоглунун пьесасынын негизинде коюлган.
Пьесада зордук-зомбулукка кабылган аялдардын окуялары, алардын коомдон өз ордун табуу үчүн күрөшү чагылдырылган.
Кыргызстанда 25-ноябрдан бери Кыргызстанда адам укуктарын коргоого арналган 16 күндүк өнөктүк өтүп жатат.
Ички иштер министрлигинин маалыматында 2021-жылы Кыргызстанда үй-бүлөлүк зомбулук боюнча 10 151 факты катталган.(ZKo)