Новости за 11.12.2022

Кыргызстанда дем алуу органдарынын курч вирустук оорулары күчөп, ага чалдыккандардын 70 пайызын 14 жашка чейинки балдар түзүүдө. Азыркы тапта Бишкектеги балдар ооруканаларында орун калбай, бейтаптар коридордо жаткырылып жатат. Бишкек шаарынын тургуну Аида Төлөмүшованын төрт баласынын үчөө бир нече күндөн бери жөтөлүп, мурдунан суу куюла баштады. Ал азыркы тапта балдарын үйдөн эле карап, сасык тумоого каршы дарыларды берип жатат. Төлөмүшованын айтымында, алгач бала бакчага барган баласы ооруп, андан кийин калгандарына жуккан. Читать дальше...

"Талибан" радикалдык кыймылы Кабулга орноткон глобуста Ооганстандын аймагы мамлекеттин реалдуу аянтынан ашып, коңшу өлкөлөрдүн жерлерин ээлеп турат. Би-Би-Синин маалыматына караганда, "талибдердин глобусунун" версиясында Ооганстандын аймагына Иран, Пакистан жана Борбор Азия мамлекеттеринин жерлери кошулуп, өлкө Казакстан менен чектешет. Корея жана Дания аралга айланып, Түркия европалык бөлүгүнөн "кол жууган". Ал эми Катар, Эстония жана Тайван глобуста жок. Социалдык түйүндө "Талибан глобусу" сынга кабылып... Читать дальше...

Жарым-жартылай таанылган Косовонун түндүгүндө жергиликтүү сербдер экинчи күн катары менен негизги жолдорду бууп жатышат. Приштина бийлигине баш ийген Косово полициясынын өкүлдөрү жекшембиге караган түнү алардын турумдарын белгисиз адамдар бир нече жолу аткылаганын билдиришти. Жабыркагандар тууралуу маалымат жок. Косово полициясы Сербияга өтүүчү эки чоң жолду жаап койду. Косовонун түндүгүндөгү кырдаал "жергиликтүү шайлоого даярдык көргөн аткаминерлерге зордук-зомбулук көрсөткөн" деп айыпталган... Читать дальше...

Өзбекстанда калктын саны 36 миллиондон ашты. Бул тууралуу 9-декабрда өлкөнүн Статистика комитети билдирди. Расмий эсепте өзбекстандыктардын теңинен көбүн эркектер түзөт.  Мурдараак статком элдин 50 пайыздан көбү шаарларда, 49 пайыздан ашыгы айыл жеринде жашай турганын маалымдаган.  Борбор Азия чөлкөмүндө калкы эң көп өлкө эсептелген Өзбекстан элинин саны боюнча дүйнө жүзүндөгү мамлекеттердин арасында 41-орунда турат.  Өзбекстандын кошуналары - Казакстанда 19 миллион 700 миң чамалуу, Тажикстанда 9 миллион 500 миңден көп... Читать дальше...

Кыргызстан Airbus H145 үлгүсүндөгү дагы бир тик учак сатып алды. Бул тууралуу президенттин басма сөз катчысы Эрбол Султанбаев бүгүн, 11-декабрда кабарлады. "Тик учакты президент Садыр Жапаров көрүп, учуп сыноодон өткөрдү. Республикалык бюджеттин эсебинен Германиядан сатылып алынган жаңы тик учак Өзгөчө кырдаалдар министрлигинин балансына өткөрүлдү", - деп жазды Султанбаев. Быйыл август айында да ӨКМ Airbus H145 үлгүсүндөгү тик учак сатып алган. Тик учактардын баасы канча экени тууралуу маалымат берилген жок. Читать дальше...

12-декабрда Кыргызстанда жаан-чачын болбойт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн -10…-15, күндүз 0…-5 Талас жергесинде түнкүсүн -11…-16, күндүз -3…+2, Баткен, Ош, Жалал-Абадда түнкүсүн -2…-7, күндүз -2…+3, Ысык-Көл дубанында түнкүсүн -10…-5, күндүз 0…+5, Нарын облусунда түнкүсүн -19…-14, күндүз 0…-5, Бийик тоолуу райондордо түнкүсүн -28…-23, күндүз -8…-13.  Бишкекте күн ачык болот. Читать дальше...

Орусиянын президенти Владимир Путин Өзбекстан жана Казакстан менен "газ биримдигин" түзүү маселеси өз ара координация жана компромисстик чечимдерди талап кыларын айтты. РИА Новости кабарлагандай, Путин бул жаатта "чечимдерди кабыл алууну талап кылган көптөгөн маселелер бар" экенин белгилеп, маселени чечүү жолун так табууга болорун билдирген. "Бул кандайдыр бир энергетикалык альянс болушу мүмкүн", - деди орус президенти. Владимир Путин Орусия, Казакстан жана Өзбекстандын ортосунда “үч тараптуу... Читать дальше...

Парижде футбол күйөрмандары дүйнө чемпионатынын чейрек финалында Франция менен Марокконун жеңишин майрамдап, башаламандык уюштурушту. 11-декабрга караган түнү Франция башкалаасынын борборуна миңдеген адамдар чогулду. Алардын айрымдары шаардагы имараттарга зыян келтирип, Елисей талаасындагы дүкөндөрдүн айнектерин сындырууга аракет жасаганын Reuters жазды. Башаламандыкты токтотуу үчүн полиция көздөн жаш агызуучу газ жана башка атайын каражаттарды колдонууга аргасыз болду. Футбол фанаттарынын демонстрациясына... Читать дальше...

Бишкекте бүгүн, 11-декабрда абадагы зыяндуу РМ 2,5 заттарынын көлөмү максималдык көрсөткүчкө жетип, 288 деген сан менен дүйнөдөгү эң булганыч шаарлардын сап башына чыкты.  Бул тууралуу  дүйнөлүк абанын сапатынын индексин иликтеген World Air Quality Index порталы маалымдады. Башкалаада абанын сапаты Дүйнөлүк саламаттыкты сактоо уюмунун белгиленген нормасынан 47,7 эсеге булганыч болууда. Мындай аба адамзаттын ден соолугуна олуттуу терс таасир этерин адистер белгилеп жатышат. Бишкектен тышкары Ош шаарындагы ыштын көрсөткүчү 171... Читать дальше...

"Жапырт башаламандык уюштурууга даярдык" беренесинин негизинде айыпталган активист Улукбек Маматаев 2023-жылдын 20-февралына чейин камакта калды. Бул чечимди 10-декабрда Биринчи май райондук соту чыгарды. 23-24-октябрда Кыргызстанда оппозициялык маанайдагы бир топ саясатчы, укук коргоочу, активист жана блогер, жалпысынан 26 адам жапырт кармалган. Ички иштер министрлиги алар Жазык кодексинин "Жапырт башаламандык уюштурууга даярдык" беренесинин негизинде кармалганын билдирген. Кылмыш ишин козгоого... Читать дальше...

Бишкек шаары менен Чүй облусунда балдар арасында дем алуу органдарынын курч вирустук оорулары күчөгөндүктөн, балдарга убагында жардам көрсөтүү үчүн ооруканаларга дагы кошумча орун ачуу тууралуу буйрук чыкты. Балдар ооруканаларында кошумча 200 орун ачыла турганын 9-декабрда Саламаттык сактоо министрлиги кабарлады. Мындан тышкары өлкөнүн бардык облустарынын саламаттык сактоо координаторлоруна сасык тумоо, пневмония менен ооруп жаткан балдарды күнү-түнү тынымсыз кабыл алып, стационарларда кошумча орун ачуу көрсөтмөсү берилди. Читать дальше...

Марокконун курама командасы футбол боюнча чемпионатта жарым финалга чыкты. 10-декабрдагы беттеште Марокконун футболчулары Португалияны 1:0 эсебинде утту. Голду биринчи таймдын аягында Юссеф Эн-Несири аттуу футболчу киргизди. Марокконун футбол боюнча курама командасы Дүйнө чемпионатынын жарым финалына чыккан Африкадагы жалгыз жана биринчи топ болуп калды. Катарда өтүп чаткан чемпионатта жарым финалга биринчилерден болуп Хорватия, Аргентина чыккан. 11-декабрда Франция Англияны 2:1 эсебинде утуп алды. Читать дальше...

Британиянын Кыргызстандагы мурдагы элчиси Чарльз Гареттин жубайы Вероник Гарретке Ардак грамота жана төш белги ыйгарылды. Бул тууралуу Министрлер кабинетинин төрага орун басары Эдил Байсалов 10-декабрда Твиттердеги баракчасына жазды. Ал Лондондогу сапары учурунда Гарретке жолугуп, Кыргызстандагы майыптыгы бар жана багар-көрөрү жок балдарды колдогону үчүн өкмөттүн атынан ыраазычылык айтты. “Мен өкмөттүн атынан Вероник Гарретке Ардак грамотасы менен Министрлер кабинетинин медалын тапшырып жатканыма өтө кубанычтамын. Читать дальше...

9-декабрда Бишкекте өткөн өлкөдөгү адам укугуна байланыштуу улуттук диалогдун катышуучулары акыркы кырдаалга байланыштуу бир нече пункттан турган резолюция кабыл алышты. Өлкөдө жарандык коом, сөз эркиндиги жана саясий плюрализм кысымга алынып жатканына тынчсыздануу билдиришип, бийликтин бардык бутактарын эл аралык адам укугу декларациясынын  принциптерин сактоого чакырышты. «Эркин, демократиялык мамлекетти куруу менен, адамдын өмүрү, ден соолугу, укугу жана азаттыгы биринчи орунда турарын, тынчтыкты... Читать дальше...