Новости за 30.12.2022

Жалал-Абад шаарында ата-энелер 10 күндөн бери мектептеги жана бакчадагы балдары үчүн электрондук тактама алуунун түйшүгүн тартууда. Аймактык мекемелерде кезек узарып, эки күндөн бери тактама ала албай жаткандар нааразы. Кезек күткөндөрдү тейлөө үчүн кызматкерлер түнкү саат 10го чейин иштеп жатышат.

Жолборс жылынын сапары карып, соңуна чыгып баратат. Бул жыл карапайым калктын жашоосун кантип өзгөрттү? Элдин жаңы жылда күткөнү эмне? "Азаттыктын" кабарчылары өлкөнүн булуң-бурчундагы тургундарга микрофон сунду.

Мурдагы президент Курманбек Бакиевдин уулу Максим Бакиевге тиешеси бар делген жер тилкеси боюнча Жогорку Кеңеште түзүлгөн комиссия чогулткан материалдардын баары жок болуп кеткени белгилүү болду. Легендарлуу футболчу Пеле дүйнө салды. 82 жаштагы футбол легендасынын абалы бир нече күн мурда кескин начарлап, үй-бүлөсү менен коштошкон эле. 2022-жылды кыргызстандыктар кантип узатууда, жаңы жылдан эмне кутүшөт? "Азаттык" шаар тургундарынын пикирлерине кызыкты.

Президент Садыр Жапаров тарыхый-маданий мурас объектилерин сактоону, изилдөөнү жана популярдаштырууга мамлекеттик колдоо көрсөтүү жөнүндө жарлыкка кол койду. Бул тууралуу мамлекет башчынын басма сөз кызматы кабарлады. Жарлыкка ылайык, Министрлер кабинети үч айлык мөөнөттө 2023–2027-жылдарга "Көөнө тарых сырлары" тарыхый-маданий мурас объектилерин сактоо, изилдөө жана археологиялык казууларды жүргүзүү боюнча мамлекеттик программаны иштеп чыгып, бекитиши керек. Өкмөттүн иш пландарына маданий баалуулуктарды мыйзамсыз казууну... Читать дальше...

Орусия президенти Владимир Путин кытай лидери Си Цзинпин менен видео байланыш аркылуу сүйлөштү. Путин тараптардын аскердик кызматташуусун талкуулоо үчүн жазында Си Цзинпинди Москвага келип кетүүгө чакырды. Орус президенти экономикалык жана саясий изоляцияга алган Батыш өлкөлөрүн сындап, Бээжин менен алакаларды бекемдөө ниетин айткан. Кытай лидери сүйлөшүү учурунда Москвага барарын бышыктаган жок. Мындан бир жумадай мурун The Wall Street Journal гезити Си Цзинпин Орусия менен экономикалык алакаларды өөрчүтүү тапшырмасын бергенин жазган. Читать дальше...

30-декабрга караган түнү Жалал-Абад облусунун Майлуу-Суу шаарында балаты өрттөгөн деген шек менен 34 жаштагы аял кармалып, ага түшүндүрүү иши жүргүзүлдү.  Бул тууралуу Жалал-Абад облустук ички иштер башкармалыгынын басма сөз кызматы билдирди. Маалыматта шектүү келин "Аяз ата жок, ишенбейм!" деп балатыны өрттөп жибергени тууралуу көрсөтмө бергени айтылат.  Майлуу-Суу шаардык мэриясы билдиргендей, балаты маданият үйүнүн жанына 25-декабрда орнотулган. Бийиктиги 5 метр, туурасы 1,5 метрди түзгөн... Читать дальше...

Ирандын бир нече шаарында 30-декабрда нааразылык акциялары болду. Анын катышуучулары коопсуздук күчтөрүнүн колунан каза тапкан 10 митингчинин кыркын белгилешти. Семиром шаарынын борборундагы акциядан тартылган видеодо эл өкмөткө жана жогорку лидер аятолла Али Хаменеиге каршы ураандарды кыйкырып турганын көрүүгө болот. Ал жерде 16-ноябрда жергиликтүү тургун, 24 жаштагы Али Аббаси коопсуздук аскерлеринин огунан мерт кеткен. Эскерүү иш-чарасы Тегеранда, Букан, Марвадашт, Ахваз жана Изехте да уюштурулду. Читать дальше...

Кыргызстандын тарыхындагы эң чоң массалык камоолордун бири катары сыпатталып жаткан Кемпир-Абад иши боюнча жапырт кармалган 24 кишинин бөгөт чарасы узартылып, абакта калтырылды. Алар бийликтин куугунтугуна, жабык жайда басымга кабылганын айтып жатышат. Ички иштер министрлиги (ИИМ), президент шектүүлөр Кемпир-Абадды шылтоо кылып өлкөдө башаламандык уюштурууга аракет кылган деп кайталап келет. 2022-жыл Кыргызстанда оппозициялык саясатчылардын массалык камалышы, макамы талаш жараткан Элдик курултай... Читать дальше...

Жогорку Кеңеште Кыргызстанда Конституциянын, адам укуктарынын сакталышын иликтөө үчүн депутаттык комиссия түзүлдү. Быйыл оппозициялык саясатчылар жапырт камалып, Кыргызстандан журналист биринчи жолу күч менен чет өлкөгө чыгарылды. Акыйкатчы институту cөз болуп жаткан мыйзамга да, эл аралык стандарттарга да каршы келерин билдирүүдө. Бийлик болсо сөз эркиндиги бар экенин, камакта жаткандар башаламандык уюштурууга аракет көргөнүн кайталап жатат.  Комиссия түзүүгө түрткөн окуялар 29-декабрда парламентте Конституциянын... Читать дальше...

Баткен мамлекеттик окуу жайында 30-декабрда чыккан өрт өчүрүлгөнүн Өзгөчө кырдаалдар министрлигинин басма сөз кызматы "Азатыткка" кабарлады. Маалыматка караганда, өрт тууралуу маалымат түшкү саат 14:00 чамасы  түшүп, аны өчүрүүгө эки бөлүм тартылды. Университеттеги өрт бир сааттан ашыгыраак убакытта өчүрүлдү. Алдын ала маалыматка караганда, окуу жайдын эки бөлмөсү күйүп кеткен. Учурда тилсиз жоонун себеби жана чыгымы такталып жатат. Жабыр тарткандар жок. Быйылкы жылдын 11 айында 2779 өрт кырсыгы каталып... Читать дальше...

Өзбекстандын тышкы иштер министри Владимир Норов башка ишке өткөнүнө байланыштуу ээлеген кызматынан бошотулду. Расмий маалыматка караганда, тиешелүү буйрукка президент Шавкат Мирзиеев кол койду. Норов тышкы саясий мекемени 2022-жылдын апрелинен бери ээлеп келген. Адегенде министр кызматын аткарып, сентябрда бекитилген. Президенттин дагы бир буйругу менен билим берүү министри Бахтиер Саидов тышкы иштер министринин милдетин аткаруучу болуп дайындалды. 41 жаштагы Саидов Ташкенттеги Мамлекеттик экономикалык университетте билим алган. Читать дальше...

Мамлекеттик салык кызматы Кыргызстандагы президент баш болгон бардык саясий кызматтагылардын 2021-жылдагы декларациясын жарыялады. Ага ылайык, президент Садыр Жапаров 2021-жылы 997 миң сом киреше тапкан. Документте Жапаровдун 0,6 гектар жерге ээ экени жазылган. Министрлер кабинетинин төрагасы Акылбек Жапаров 2021-жылы 1 000 471 сом киреше тапкан. Орун басарлары Адылбек Касымалиев 896 658,87 сом, Эдил Байсалов 4 172 468 сом тапкан. Мурдагы орун басарлары Арзыбек Кожошев 735 760 сом, Азиз Аалиев... Читать дальше...

“Азаттык+” жаңы жылдык чыгарылышында жыл ичинде элге кеңири тааныла алган ар тармактагы жаштарды кепке тартты.

Баткенде чек ара чырында жабыркаган айылдардан чыгып кеткендердин 3 миңден ашууну үйүнө кайта элек. Алардын миңге чукулу тынчтык издеп Бишкекке келген. Ушул тапта куралдуу жаңжалдан таптакыр жараксыз абалга келген 426 үйдү калыбына келтирүү иштери журуп жатат. "Данисте" бул жолу борбордо аргасыз баш калкалап жаткан баткендик үй-бүлөлөрдүн жашоо-турмушуна кайрылды.

"Кемпир-Абадды" коргоо комитетинин абакта отурган мүчөсү Марат Баязов ачкачылыкты токтотту. Бул тууралуу анын адвокаты Эркин Саданбеков 30-декабрда "Азаттыкка" кабарлады. Маалыматты Жаза аткаруу кызматы дагы ырастап, абактагылардын саламаттыгы дарыгерлердин көмөлүндө экенин, өмүрүнө коркунуч келтирген жагдайлар жок экенин билдирди. Саданбеков өздөрүнүн күнөөсүз экенин билдирип,  ачкачылык жарыялаган 17 кишинин катарында болчу, буга чейин алардын 16сы ден соолугуна байланыштуу акцияны токтотуп, тамак иче баштаган. Читать дальше...

Кытайда коронавируска кабылгандар көбөйүп жатканына байланыштуу бир катар өлкөлөрдө ал жактан келгендерди текшерүү күчөтүлдү. Биринчилерден болуп Кытайдан каттагандарга чектөөнү Жапония киргизди. 30-декабрдан тарта жүргүнчүлөр анализ тапшырып, оору табылса, жети күндүк карантинге алынмакчы. Андан тышкары Кытай же Чыгыш майрамынын алдында санитардык чараларды күчөтүү каралууда. Тест тапшырууга Индия, Тайвань, АКШ, Италия, Испанияга келгендер да милдеттендирилет. Италия бийлигинин маалыматына караганда... Читать дальше...

Ондогон адам өмүрү кыйылган толкундоолор, чек арадагы куралдуу жаңжал, энергетикалык кризис чөлкөмдөгү өлкөлөрдүн бийлигинине катуу сыноо болду. Узаган жылда Кыргызстандын кошуналарында болгон коомдук-саясий окуяларга сереп салабыз.

2023-жылдан тартып Нарын облусундагы айылдарды ирригациялык система, ичүүчү суу менен камсыздоо, жайыттарды башкарууга багытталган пилоттук долбоор ишке кирет. Бул тууралуу Министрлер кабинетинин басма сөз кызматы кабарлады. Долбоордун алкагында эки жыл ичинде ирригациялык, ичүүчү суу менен камсыздоо системаларын эксплуатациялоону, өнүктүрүүнү камсыз кылуу, жайыттарды жана жайыт инфратүзүмүн жакшыртуу максатында алынуучу төлөмдөрдү жыйноонун, башкаруунун жана бөлүштүрүүнүн бирдиктүү системасы түзүлөт. Читать дальше...

Бишкекте 31-декабрда коомдук транспорт түнкү саат 01:00гө чейин иштейт. Бул тууралуу Бишкек мэриясынын басма сөз кызматы кабарлады. Автобус жана троллейбустар 1-январь, майрам күнү атайын түзүлгөн жадыбал боюнча эртең мененки саат 8:00дөн баштап каттамга чыгышат. Буга чейин Жол кыймылынын коопсуздугун камсыздоо башкармалыгы башкалаадагы автобекеттерди кыдырып, шаар аралык каттамдагы маршруттук жана жеке таксилерди текшерип жатканын кабарлаган. Айрым айдоочулар жол кире акысын өз алдынча көтөрүп алгандыктан... Читать дальше...

Индиянын Marion Biotech компаниясы Өзбекстанда 19 баланын өлүмүнө байланыштуу жөтөлгө каршы “Док-1 Макс” дарысын чыгарууну токтотту. Бардык дарыканалардан “Док-1 Макс” таблеткалары жана сироптору алынды. Кыргызстандын Саламаттык сактоо министрлиги да аталган дарыны сатууга тыюу салды.

31-декабрда Кыргызстандын аймагында түнкүсүн жаан-чачын күтүлбөйт. Күндүз көпчүлүк аймактарда кар жаашы ыктымал. Айрым облустарда туман түшөт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетиши мүмкүн. Абанын температурасы: Чүй өрөөнүндө түнкүсүн -1…-6, күндүз 1…6; Талас өрөөнүндө түнкүсүн -2…-7, күндүз 0…5; Баткен, Ош, Жалал-Абадда түнкүсүн 0…-5, күндүз 2…7; Ысык-Көл облусунда түнкүсүн -3…-8, күндүз 0…5; Нарында түнкүсүн -15…-20, күндүз... Читать дальше...

Жол кыймылынын коопсуздугун камсыздоо боюнча башкы башкармалыгы Бишкектеги автобекеттерди кыдырып, шаар аралык каттамдагы маршруттук жана жеке таксилерди текшерип жатканын кабарлады. “Айрым айдоочулар жол кире акысын өз алдынча көтөрүп алгандыктан, алардын фирмаларынын жетекчилери менен жолугуп, эскертүү берилген. Өз алдынча көтөрүп алышкан жол кире мурдагы бекитилген тарифине түшүрүлдү”, - деп айтылат билдирүүдө. Жаңы жыл майрамына карата Бишкек шаарынан аймактарга каттаган жарандар, студенттер көбөйөт. Читать дальше...

Мурдагы президент Курманбек Бакиевдин уулу Максим Бакиевге тиешеси бар делген жер тилкеси боюнча Жогорку Кеңеште түзүлгөн комиссиянын чогулткан материалдарынын баары жок болуп кеткенин 29-декабрда депутат Нурбек Сыдыгалиев билдирди. Бул тууралуу ал парламенттин буга чейинки чакырылышында түзүлгөн айрым убактылуу депутаттык комиссияларды жоюу тууралуу токтом талкууланып жатканда айтты: “Бакиевге тиешелүү 1,28 гектар жер тилкесин жана айланасындагы мурдагы тиешелүү болгон объектилерди сатуу фактыларын... Читать дальше...

Президент Садыр Жапаров 30-декабрда АКШнын Кыргызстандагы жаңы дайындалган элчиси Лесли Вигерини кабыл алды. Бул тууралуу президенттин басма сөз кызматы маалымдады. Жапаров элчинин ишеним грамотасын кабыл алып, эки тараптуу кызматташтыктын актуалдуу багыттары боюнча пикир алмашты. Маалыматта, Жапаров Кыргызстан АКШ менен өз ара пайдалуу кызматташууга даяр экенин, элчи эки тараптуу мамилени чыңдоого жардам берерине ишеним артканы айтылат. Элчи Лесли Вигери эки мамлекет ортосундагы достук мамилени белгилеп... Читать дальше...

Бишкек шаардык ички иштер башкармалыгынын башчысы Азамат Ногойбаев 3-5 күнгө чейин атайын жайда камакка алуу жана түшүндүрүү иштеринен улам өткөн жылдарга салыштырмалуу үй-бүлөлүк зомбулук фактысы аз каттала баштаганын билдирди. Бул тууралуу Ногойбаев УТРКга курган маегинде айтты. Милициянын башчысы мурдагы жылдардын статистикасын айткан жок. Анын маалыматында, 2022-жылы 102 кызматына үй-бүлөлүк зомбулук боюнча 4172 билдирүү түшүп, анын 3462си аныкталган. Жыйынтыгында 3354 аял, 83 эркек, 26 балага коргоо ордерлери берилген. Читать дальше...