Новости за 05.12.2022

Жогорку Кеңештин тармактык комитетинде депутат Дастан Бекешев "Улуу көчмөндөр мурасы” мамлекеттик ишканасынын жоюлуп жатканына жана аны түзүүгө миллиондогон сом кетип, долбоорлор жазылганы тууралуу маселе көтөрдү. Депутат ишкана түзүп, кайра жоюудагы чыгымдар үчүн эч ким жоопкерчилик албай жатат деп сындады. Ага каржы министри Алмаз Бакетаев мындай жооп берди. “Жалпылап айтканда "Улуу көчмөндөр мурасын” 2022-жылы 3,4 млрд. сомго каржыланган. Азыр бул сумманын 100% кайтарылат. 700 млн. сом өз милдеттенмелерин жабуу үчүн калат. Читать дальше...

Иранда Адеп-ахлак полициясын жоюлуп, хижабды милдеттүү түрдө кийүү мыйзамы кайра каралары кабарланганы менен, анын макамы бүдөмүк бойдон калууда. Сентябрда 22 жаштагы студент Махса Аминини полиция кармап кеткенден кийин каза тапкан. Бишкектин айрым жерлеринде тынч жыйын, акция жана митингдерди өткөрүүгө тыюу салган соттун чечими жыл аягына чейин узартылды. Айрым активисттер бул өңдүү чектөөлөр сөз эркиндигине жана конституцияга каршы келерин белгилөөдө. Актёр Азиз Мурадилаевдин боорун алмаштырууга донор изделүүдө.

Президенттик администрация сунуштаган “Жалпыга маалымдоо каражаттары” жөнүндө мыйзам долбоорун кайра иштеп чыгуу үчүн жумушчу топ түзүлдү. Ага президенттик администрациянын өкүлү Мурат Укушев баш болгон беш киши, Маданият, маалымат, спорт жана жаштар саясаты министрлигинен жана медиа коопчулуктан 15 киши кирди.  Курамды мамлекет башчы бекитиши керек. Президенттик администрация өткөн айда “Жалпыга маалымдоо каражаттары жөнүндө” жаңы мыйзам долбоорду коомдук талкууга чыгарган. Долбоордун негиздемесинде... Читать дальше...

Таласта төө буурчактан гүлазык чыгарган ишкерлер. Мамлекет өз көзөмөлүнө алган Майлуу-Суу лампа заводунун азыркы абалы. Чычырканакты коргоого аттанган атбашылык экоактивисттер.

Кыргызстандын президенттик администрациясынын тышкы саясат бөлүмүнүн башчысы Муратбек Азымбакиев өзбек лидери Шавкат Мирзиёевдин мамлекеттик сапары 10-декабрда башталарын билдирди. “Эки өлкөнүн лидерлери чакан жана кеңейтилген курамда кыргыз-өзбек стратегиялык өнөктөштүгүнүн кеңири чөйрөсүндөгү маселелерди, ошондой эле достук, бир туугандык жана ынак коңшулук маанайдагы мамилелерди мындан ары өнүктүрүү пландарын талкуулашат”, - деди Азымбакиев. Эки тараптуу документтерге дагы кол коюшу мүмкүн экенин айтылды. Читать дальше...

Жогорку Кеңештин тармактык комитети Кыргызстан менен Өзбекстандын жарандарынын чек арадан өтүүсүн жеңилдеткен келишимди жактырды. Тышкы иштер министринин орун басары Айбек Артыкбаевдин маалыматына караганда, бул келишимдин негизинде эки өлкөнүн жарандары чек арадан ID-карт менен өтө алышат. Балдар жалпы жарандык паспорт менен өткөрүлөт. Сөз болуп жаткан макулдашуу качан ишке киргизилери маалымдалган жок. Азыр эки өлкө тургундары тигил же бул жака жалпы жарандык паспорт  менен өтүшөт.  Учурда... Читать дальше...

Бишкек шаарында 9-декабрда Жогорку Евразиялык экономикалык кеңештин (ЖЕЭК) жыйынындө талкуулануучу маселер боюнча президенттин администрациясынын тышкы саясат бөлүмүнүн башчысы Муратбек Азымбакиев маалымат берди. “Евразия экономикалык биримдигине мүчө мамлекеттердин башчылары учурдагы экономикалык абалды, ошондой эле евразиялык мейкиндиктеги интеграциянын актуалдуу маселелерин талкуулашат. ЕАЭБ өлкөлөрүнүн лидерлери өтүп бараткан жылдын жыйынтыгын чыгарып, биримдиктин өнүгүү келечеги боюнча пикир алмашат”... Читать дальше...

Монголияда өкмөттүн отставкасын талап кылган акциялар өтүп жатат. Демонстранттар Улан-Батордогу өкмөттүн сарайына кирүүгө аракет кылышты. Алар коррупцияны иликтеп, өкмөттү кетирүүнү талап кылып жатышат. Бул тууралуу Монголиянын башкаруучу партиясынын “Монголын үнен” басылмасы жазды. Нааразылык акциялары 4-декабрда башталган. Буга 12,9 миллиард долларга көмүр уурдоо фактысы аныкталганы негиз болду. Көмүр Кытайга жеткирилмек. Демонстранттар жаратылыш байлыктарын жана бюджеттик акчаны уурдоо фактыларын териштирүү... Читать дальше...

Сараево шаарынын 22 жаштагы тургуну Дамир Ханич шаарды каптаган түтүн менен өз алдынча күрөшүп жатат. Ал көйгөйдү чечүү үчүн күмүштүн иодидин дрон менен абага чачууну сунуштайт.

Чүйдүн Милянфан айылдык кенешиндеги 11 депутаттын төртөө аял. Алардын бири Лабира Ламзарова айылдык кеңеште социалдык комиссияны жетектейт. 2021-жылы Милянфан айылдык кеңешке жыйырма аял талапкерлигин койгон. Айылдык депутат мындай көрсөткүч биринчи жолу болгонун кубануу менен белгилейт.

Омбудсмен Атыр Абдрахматова Башкы прокуратура Акыйкатчы институтун бир айдай текшергенин “Азаттыкка” билдирди. Абдрахматованын айтымында, институттун ишин жакшыртуу үчүн жасалып жаткан реформага каршы айрым кызматкерлер көзөмөл органга арыз менен кайрылышкан. Текшерүүнүн жыйынтыгында Башкы прокуратура бир катар сунуштарды берген. “Кээ бир кызматкерлер арыз-даттануулар менен жылуу-жумшак ордунан чыкпай, жыйынтыгы жок жоопторду жазып, сый акы, айлык алып отурушат. Алар каралап, тоголок кат жазып жатышат”, - деди акыйкатчы. Читать дальше...

Жогорку Кеңештин Эл аралык иштер, коргоо, коопсуздук жана миграция комитетинде Кыргызстан менен Азия өнүктүрүү банкынын ортосундагы мектептеги билим берүүнү реформалоо боюнча долбоор талкууланып, четке кагылды. Комитеттин көпчүлүк депуттары долбоордогу мектептерди 12 жылдык окутуу системасына каршы болушту. Билим берүү жана илим министри Уланбек Мамбетакунов 12 жылдык окутуу системасы замандын талабы экенин, бул долбоордо өлкөдөгү мектепке чейинки даярдык болгон нөлүнчү классты гана мыйзамдаштыруу деп түшүндүрүүгө аракет кылды. Читать дальше...

Бишкек шаардык соту саясатчы , Жогорку Кеңештин мурдагы депутаты Канатбек Исаевдин бөгөт чарасы боюнча апелляциялык арызды карап, биринчи инстанциянын 23-декабрга чейин тергөө абагында камоо  чечимин күчүндө калтырды. Бул тууралуу “Азаттыкка” саясатчынын жакындары маалымдады. Биринчи май райондук соту 21-ноябрда Исаевдин тергөө абагындагы мөөнөтүн дагы бир айга узартуу чечимин чыгарган. Улуттук коопсуздук комитети (УКМК) ага козголгон кылмыш ишинде "жашыруун" деген гриф бар экенин жарыялаган. Читать дальше...

Кемпир-Абад ишине байланыштуу камалгандардын айрымдарынын жакындары тергөө создукканын, кээ бириники такыр баштала электигин айтып, нааразы болуп жатат. Ички иштер министрлиги (ИИМ) мындай дооматтарга жооп кайтара элек. Козголгон кылмыш ишинин алкагында 20дан ашык адам учурда тергөө абактарында отурат. Президент Садыр Жапаров өткөн айда курултайда аларды "ызы-чуу уюштурууга" байланыштуу айыптаган. Кемпир-Абад ишине байланыштуу кармалгандардын бири, Талас облусунун мурдагы губернатору Айбек Бузурманкуловду тергөөчүлөр сурай элек. Читать дальше...

Президенттин өзгөчө тапшырмалар боюнча атайын өкүлү Таалатбек Масадыков Европа Биримдигинин Ооганстан боюнча атайын өкүлү Томас Никлассон жана шаркеттин Кыргызстандагы өкүлүлчүлүгүнүн элчиси Мэрилин Йосефсон менен жолукту. Бул тууралуу президенттин басма сөз кызматы кабарлады. Тараптар Ооганстандагы кырдаал, ооган элине гуманитардык жардам көрсөтүү, аймактагы коопсуздукту сактоо боюнча кызматташтыкты талкуулашты. Масадыков 6-ноябрда Кабулда Ооганстанды башкарып жаткан бийликтин жетекчилиги менен жолуккан. Читать дальше...

Тажикстандын бийлиги коронавирустун жаңы толкунунун алдын алууга киришти. Саламаттык сактоо жана социалдык коргоо министрлигинин сунушу менен аэропорттордо жана мамлекеттик чек ара өткөрмө бекеттеринде текшерүү күчөтүлдү. Министрлик бул чараларды коңшу өлкөлөрдө COVID-19 вирусу күчөй баштаганы менен түшүндүрүүдө. Мындан ары аэропорт жана чек арадан өткөн бардык жарандардын дене табы текшерилип, эгер кишинин температурасы жогору болсо, ал жашаган жери боюнча бейтапканага жөнөтүлөт. Тажикстан... Читать дальше...

Кыргызгидромет борбору кабарлагандай, 6-декабрда Ош, Жалал-Абад, Нарын облустарынын айрым жерлеринде, Чүй, Баткен, Ысык-Көл облустарынын тоолуу райондорунда кар жаайт. Абанын температурасы: Чүй өрөөнүндө түнкүсүн -3…-8, күндүз 0…-5, Талас жергесинде түнкүсүн -7…-12, күндүз -1…-6, Баткен, Ош, Жалал-Абад аймактарында түнкүсүн 0…-5, күндүз -2…+3, Ысык-Көл дубанында түнкүсүн -4…-9, күндүз -4…+1, Нарын облусунда түнкүсүн -9…-14, күндүз -1…-6, Бийик тоолуу аймактарда түнкүсүн -22…-27, күндүз -8…-13. Читать дальше...

Өзбекстандын борбору - Ташкент шаарынын мэриясы автогаз станциялары убактылуу жабылганын 4-декабрда кабарлады. Буга газ басымынын төмөндөшү, ресурстардын жетишсиздиги түрткү болгон. "УзТрансгаз" ишканасы турак-жайларга көгүлтүр от менен жеткиликтүү камсызоо үчүн ушундай чектөө киргизген. Буга чейин автогаз станциялары жабылары тууралуу социалдык тармак колдонуучулары жазышкан. Бирок "Худудгазтаъминот" (Аймакгазтейлөө) ишканасы аны төгүндөп, "жалган маалыматтарга" ишенбөөгө чакырган. Ал арада... Читать дальше...

Кыргызстандын түштүк аймагында пахта эккен дыйкандардын эмгеги акталбай жатканын бүгүн 5-декабрда Жогорку Кеңештин Агрардык саясат, суу ресурстары, экология жана аймактык өнүктүрүү комитетинин жыйынында депутат Ырысбек Атажанов айтты: "Биздин дыйкандар жер семирткичтерди абдан кымбат баада алышкан. Азыр пахта эккендер сата албай жатат. Баасы 70 сомго түшүп кетти. Экспортко чыкпай жатат. Кайра иштеткен заводдордо пахта ошо бойдон турат. Он проценти сатылып, калганы дыйкандардын үйүндө, заводдордо турат". Читать дальше...

Саламаттык сактоо министрлигине караштуу Ооруларды алдын алуу жана мамлекеттик санитардык-эпидемиологиялык көзөмөл департаменти кабарлагандай, өткөн аптада 13 киши коронавирус инфекциясын жуктуруп алды. Алардын экөө ооруканага жаткырылган, калган 11и үйүндө дарыланууда. 27-ноябрдан 4-декабрь аралыгындагы кырдаал эске алынып, Кыргызстандын бардык аймагы жашыл зонада калды. Өлкөдө эпидемиологиялык абал туруктуу деп бааланууда. Расмий маалыматка караганда, Кыргызстанда вируска каршы вакцинанын биринчи дозасын 1 млн. Читать дальше...

Чеченстандык оппозициялык блогер Тумсо Абдурахманов Швецияда киши колдуу болду. Баштапкы маалыматтарга караганда, аны 2-декабрга караган түнү атып кетишкен. Бул тууралуу 1ADAT телеграм каналы жеке булактарына таянып жазды. Маалыматты "Эркин Европа\Азаттык" радиосуна блогердин жакындары тастыктады. Швециянын укук коргоо органдары азырынча комментарий бере элек. Кремлдин саясатын жана Чеченстандын башчысы Рамзан Кадыровду сындап жүргөн 34 жаштагы Абдурахманов 2015-жылы өлкөдөн чыгып кеткен. 2020-жылы... Читать дальше...

Республиканын түштүк аймагында дыйкандар мөөнөтү өтүп кеткен жер семирткичтин айынан түшүмүнөн зыян тартып калышы ыктымал деген кооптонуусун 5-декабрда Жогорку Кеңештин Агрардык саясат, суу ресурстары, экология жана аймактык өнүктүрүү комитетинин жыйынында депутат Алишер Эрбаев билдирди. Ал кеп өлкөгө аткезчилик жол менен ташылып келген селитра жөнүндө болуп жатканын белгиледи: “Азыр түштүк жакта коңшу мамлекеттерден аткезчилик жолу менен кирген селитра көбөйдү. Баасы 26-29 сом. Бул да силердикине окшогон, жарактуу мөөнөтү өтүп бараткан. Читать дальше...

Бүгүн, 5-декабрда "Ош" аба майданында коюу туманга байланыштуу аба каттамдардын убактысы жылды.  "Манас" аэропортунун басма сөз кызматы билдиргендей, туруксуз аба ырайына байланыштуу эл аралык жана ички каттамдагы учактар коно албай жатат. Андан тышкары Оштон уча турган каттамдардын убактысы да өзгөрүүдө.  Социалдык тармактын айрым колдонуучулары "Ош" аэропортунда калың туман түшкөнүнө байланыштуу учактар учпай жатканын жазышты.  Кыргызгидромет борбору 5-декабрда өлкөнүн көпчүлүк аймагында кар жаай турганын... Читать дальше...

Бишкектеги Алыкул Осмонов атындагы Улуттук китепканада белгилүү манасчы, маркум Салимбай Турсунбаев эскерилди. Иш-чарага бир катар коомдук ишмерлер, акын-жазуучулар, манасчылар жана Турсунбаевдин жакындары катышты. Эскерүү кечесинде Салимбай манасчынын вариантындагы “Чоң казат” китебинин жана “Санаты сансыз – Салимбай” аттуу эскерүүлөрдөн турган жыйнактын бет ачары болду. “Чоң казат” Улуттук “Манас” театрынын колдоосу менен жарык көрсө, Турсунбаевдин чыгармачылыгына арналган эмгек анын жакындарынын колдоосу менен чыккан. Читать дальше...

Катарда чейрек финалдын алгачкы төрт командасы аныкталды. Аны менен катар чемпионаттын ушул таптагы эң мыкты бомбардири да белгилүү болду. 1\8 финалдын биринчи беттеши Нидерланддар менен АКШ ортосунда өттү. “Халифа” стадионундагы мелдеш бул эки команда ортосундагы дүйнөлүк чемпионаттар алкагындагы алгачкы жолугушуу болду. Анткени командалар тарыхында беш мелдешин тең достук алкакта ойногон. Оюн 3:1 эсеби менен голландиялыктардын пайдасына чечилди. Ошол эле күнү Нидерланддардын чейрек финалдагы... Читать дальше...