Новости за 23.12.2022

Кыштын келиши менен Бишкекти коюу түтүн, ыш каптайт. Жыл сайын кайталанган бул көрүнүш менен шаар тургундары өз алдынча күрөшүп жатышат. “Азаттык+” ышка каршы карапайым жарандардын уникалдуу демилгелери менен тааныштырат.

“Азаттык” эл аралык иликтөөчү журналисттердин материалында Беларуска Евробиримдиктин санкцияларын айланып өтүүгө жардам көрсөткөнү айтылган кыргыз компаниялардын негиздөөчүлөрүн тапты. Алар иликтөөдө айтылган фактыларды четке кагышты. Кыргыз бийлиги жыгач материалдарын ЕАЭБдин аймагынан сыртка чыгарууга тыюу салынганын билдирип жатат.

“Азаттык” Беларустун жыгачын Кыргызстандын атынан Евробиримдикке экспорттоого жардам көрсөткөнү айтылган кыргыз компаниялардын негиздөөчүлөрүн тапты. Алар иликтөөдө айтылган фактыларды четке кагууда. Казакстан менен Өзбекстандын президенттери эки өлкөнүн чек арасын демаркациялоо жана чогуу коргонууга жол ачкан союздаштык келишимге кол коюшту. Башкы прокуратура “Керемет Банктын” төрагасынын орун басары Максат Дадыбаевди жана УКМКнын Бишкек шаардык башкармалыгынын ыкчам кызматкерин кармады.

Күрттөрдүн Париждеги коомдук борборунун жанында болгон ок атууда үч киши мерт кетти, бир нече адам жараат алды. Кармалган 69 жаштагы шектүү адам буга чейин расисттик мүнөздөгү зомбулук үчүн камалган экен. Кол салуу баш калаанын Анген көчөсүндө, борборго жакын жерде болгонун француз маалымат каражаттары кабарлашты. Ал чөлкөмдө эки чоң темир жол вокзалы орун алган. Шектүү күрттөрдүн борбору, ресторан жана чач тарачты көздөй тапанчадан ок аткан. Анын атын полиция шардана кылган жок. Прокуратура... Читать дальше...

Өзбекстандын акыркы 11 айдагы соода жүгүртүүсү дээрлик 45 миллиард долларды түздү. Былтыркы ушул эле мөөнөткө салыштыргында бул көрсөткүч 18% өстү. Бул тууралуу кошуна өлкөнүн Мамлекеттик статистика комитетинин маалыматында айтылат. Экспорт жагынан биринчи орунда өнөр жай продукциясы, кызмат көрсөтүү жана алтын турат. Өзбекстандын тышкы соодасында биринчи сапка Орусия чыкты. Жалпы көлөмдүн 18,6% ал өлкөгө туура келет. Кытайга экспорт тескерисинче азайган. Андан киинки орундарда Казакстан, Түркия жана Корея турат. Читать дальше...

Токмок шаарында 80 жаштагы киши эже-сиңди өспүрүмдөрдү зордуктоого шек саналууда. Алардын бири сегиз айлык кош бойлуу экени кабарланды. Бул тууралуу Чүй облустук милициясынын басма сөз кызматы кабарлады. Маалыматка караганда, 19-декабрда балдар иштери боюнча инспектор 12 жаштагы кыз кош бойлуу экенин облустук милициянын жетекчисине билдирген. 1942-жылы туулган Д.В. аттуу тургундун үстүнөн милицияга арыз 20-декабрда түшкөн. Арызда шектүү 12 жана 14 жаштагы кыздарды алдап үйүнө алып кирип, зордуктаганы белгиленген. Читать дальше...

Бишкекте дагы үч эм төрөлгөнүн бүгүн 23-декабрда мэриянын басма сөз кызматы билдирди. Мекеменин маалыматына караганда, №2 клиникалык Төрөт үйүндө 20-декабрда көз жарган 37 жаштагы Нурзида Садырбаева үч уулдуу болду. Эненин да, салмагы 2,3 кг, 1,9 кг жана 2,4 кг болуп төрөлгөн ымыркайлардын да абалы канааттандырарлык, алар Төрөт үйүнүн ай-күнүнө жетпей төрөлгөн наристелер бөлүмүндө дарыгерлердин көзөмөлүндө жатышат. Быйыл биринчи жарым жылдыкта Кыргызстанда үч эм төрөлгөн үй-бүлөлөр 15ке жеткен. Читать дальше...

Баткендеги чек ара коогалаңдарында мекен үчүн курман болгон жоокерлердин портреттери бүгүн 23-декабрда расмий түрдө мамлекеттик сактоого Улуттук тарых музейине өткөрүлүп берилди. Журналист Элнура Кулуева баштаган чыгармачыл топ уюштурган бул эскерүү иш-чарасына маркум жоокерлердин жакындары, бийликтин жана коомчулуктун өкүлдөрү катышты. Коңшу Тажикстан менен чек ара такталып бүтө элек болгондуктан ортодогу тилкеде жайгашкан Баткенде соңку жылдары адам өлүмүнө алып келген кандуу окуялар катталууда. Читать дальше...

Бишкектин Октябрь райондук ички иштер башкармалыгынын мурдагы башчысы Уланбек Аалиев бүгүн 23-декабрда негизинен акталып, сот залынан бошотулду. Анын ишин Биринчи Май райондук соту карады. Соттун өкүмү менен ал Кылмыш-жаза кодексинин “Кыйноо”, “Опузалап пара алуу” жана “Пара алуу” деген беренелери боюнча “кылмыш курамы жок болгонуна байланыштуу” деген негизде акталды. Ал эми “Кызмат абалынан кыянаттык менен пайдалануу” деген берене боюнча күнөлүү деп табылып, ага 300 миң сом айып салынды. Аалиевдин... Читать дальше...

Исламабадда турак үйлөр жайгашкан районго жакын жерде жанкечти дүрмөттөлгөн машинесин жардырып, полицинын бир кызматкери мүрт кетип, кеминде 10 киши жараланды. “Машал” радиосунун маалыматына караганда, кол салуу үчүн жоопкерчиликти Пакистандагы талибдердин тобу алды. Полиция башчысынын орун басары Сохаил Зафар Чаттанын айтымында, тартип сакчылар мындан да чоң чабуулдун алдын алууга жетишти. Даярдалып жаткан кол салуу тууралуу маалымат түшкөндө полиция районду кайтарып, шектүү машинени байкаган. Читать дальше...

Алматы шаарында Январь окуяларында курман болгондорго арналган мемориал ачылды. Расмий маалыматтарда, ал трагедия 200дөн ашуун кишинин өмүрүн алганы айтылып жүрөт. Тынч нааразылык акциялары куралдуу тополоңго айланып, Алматы анын чордону болуп калган. Эстеликти ачууга Казакстан президенти Касым-Жомарт Токаев катышты. "Азаттык" радиосунун казак кызматы Жумурият аянты курчалып, иш-чарага мамлекеттик кызматкерлерди автобустар менен алып келишкенин жазды. Аянтка мамлекеттик маалымат каражаттарынын өкүлдөрүн кое берип... Читать дальше...

Рулу оң тарабында жайгашкан транспорт каражаттарынын кузовун алмаштырууга тыюу салуу Конституцияга карама-каршы келбейт. Бул тууралуу Конституциялык соттун басма сөз кызматы кабарлады. 21-декабрда сот Даниэл Акматов жана Жогорку Кеңештин депутаты Дастан Бекешевдин Транспорт каражаттарын, түзүлүштөрдү жана жабдууларды, аларга карата менчик укуктарын мамлекеттик каттоо, кайра каттоо эрежелеринин 541-пунктунун мыйзамдуулугун текшерүү жөнүндө кайрылуусун карады. Бул пунктта рулдук башкаруусу оң... Читать дальше...

“МувГрин” экологиялык кыймылынын мүчөлөрү Бишкек мэриясына кайрылып, жаңы жылдык фейерверктен баш тартууга чакырышты. Экоактивисттер кайрылуусунда Бишкекти ыш каптап, экологиялык абалдын начарлашын жүйө келтиришкен. Алар салютсуз деле технологиянын жардамы менен майрамдык атмосфераны жаратууга болот деп эсептешет. "Фейерверк климаттын өзгөрүшүнө себеп болгон уу газдарды бөлүп чыгуусуна салым кошот. Ондогон оор металлдардан тышкары абада PM2.5 майда бөлүкчөлөрү жана кычкылдандыргыч заттар кездешет. Читать дальше...

Бишкектин сыртындагы Степное айылындагы аялдар колониясына төрт мобилдик телефон алып кирүүгө аракет кылган аял кармалды. Бул тууралуу Жаза аткаруу кызматы кабарлады. Мекеменин басма сөз кызматы билдиргендей, Г.А. аттуу аял телефондорду шыпыргыга катып алып кирип баратканда кармалган. Абак-жайларда мобилдик байланыш каражаттары тыюу салынган буюмдардын катарына кирет. Кыргызстанда телефон аркылуу элден акча алдаган учурлар көп катталат. Буга чейин эркинен ажыратылгандар түрмө жетекчилиги менен... Читать дальше...

Жогорку Кеңештин “Бүтүн Кыргызстан” фракциясынын лидери Адахан Мадумаров өткөн айда Бишкекте уюштурулган Элдик курултайга байланыштуу Конституциялык сотко сунуштама тапшырды. Бул тууралуу бүгүн 23-декабрда фракциянын катчылыгы билдирди. Маалыматта айтылгандай, президенттин быйыл 15-августтагы «Элдик курултайды чакыруу жөнүндө» жана 28-сентябрдагы “Президенттин Элдик курултайды өткөрүү маселелери боюнча айрым чечимдерине өзгөртүү киргизүү жөнүндө” деген эки жарлыгын конституциялык эмес деп табуу тууралуу сунуштама берилди. Читать дальше...

24-декабрда Кыргызстандын аймагында жаан-чачын болбойт. Жолдор тоңголок, тайгак болот. Түнкүсүн жана эртең менен айрым аймактарда туман түшөт. Түштүк-чыгыштан соккон шамалдын ылдамдыгы секундасына 3-8 метрге жетет. Абанын температурасы: Чүй, Талас облустарында түнкүсүн -7…-12, күндүз -2…+3; Баткен, Ош, Жалал-Абадда түнкүсүн -2…-7, күндүз 3…8; Ысык-Көл облусунда түнкүсүн -5…-10, күндүз -1…+4; Нарын облусунда түнкүсүн -17…-22, күндүз -7…-12; Бишкекте жаан жаабайт, күндүз жаан жаабайт. Читать дальше...

Дүйнөлүк криптовалюта жана NFT рыногу миллиарддаган доллар менен өлчөнөт. Барган сайын кыргызстандыктар санариптик валюта соодасынан же санариптик сүрөттөрдөн акча таба баштады. Бул чөйрө кантип иштейт жана ага кирүү канчалык оңой? Программанын атайын чыгарылышында адистер менен кеңешебиз. (видео орус тилинде)

Бишкектин мектептеринде онлайн окутуу режиминин мөөнөтү 28-декабрга чейин узартылды. Бул тууралуу бүгүн 23-декабрда Билим берүү жана илим министрлиги билдирди. Мекеменин маалыматына караганда, буга борбор калаада сасык тумоого байланыштуу түзүлүп турган эпидемиологиялык кырдаал себеп болууда. Сасык тумоо күчөгөнүнө байланыштуу Кыргызстанда мектептер 15-декабрдан 24-декабрга чейин онлайн окууга өткөн болчу. Кышкы каникул быйыл мектептерде 30-декабрда башталып, 10-январга чейин уланат, үчүнчү чейрек 11-январда башталат. Читать дальше...

Кыргызстандын Саламаттык сактоо министрлигинин Дары-дармек жана медициналык техника департменти Өзбекстандагы окуядан улам "Док-1 Макс" дарысын сатууга тыюу салынганын билдирди. Департамент "Док-1 Макс" Кыргызстанга 2018-жылы ташылып келе баштаганын, акыркы ирет 2021-жылы киргенин билдирди. "Түзүлгөн кырдаалды эске алуу менен 2022-жылдын 23-декабрынан тартып Кыргыз Республикасынын аймагында сатууну убактылуу токтотуу чечими кабыл алынды. Үлгүлөр лабораториялык анализ жүргүзүү үчүн Борбордук текшерүү-аналитикалык лабораторияга жөнөтүлдү"... Читать дальше...

Орусиянын Клинцы шаардык соту 29 жаштагы кыргызстандыкты интернет аркылуу ири көлөмдөгү маңзат сатуу боюнча күнөөлүү деп таап, 7,5 жылга катаал режимдеги абакка кести. Бул тууралуу маалымат Клинцы шаардык сотунун сайтына жарыяланды. Ага ылайык, Новосибирск шаарында жашаган кыргызстандыкка Орусиянын Кылмыш кодексинин "Маалыматтык жана телекоммуникациялык тармактарды (анын ичинде интернетти) пайдалануу менен, алдын ала макулдашуу боюнча адамдардын тобу менен ири өлчөмдө баңги каражаттарын мыйзамсыз... Читать дальше...

Советтик репрессиянын курмандыктарын актоо боюнча мыйзам долбоорун Жогорку Кеңеш коомдук талкууга койду. Долбоор 1918-1953-жылдары саясий жана диний ынанымы, социалдык, улуттук жана башка белгилери боюнча куугунтукка алынган жарандарды актоого багытталган. Мыйзамдын демилгечилери - депутаттар Жанар Акаев, Нурланбек Шакиев, Чолпон Султанбекова жана Мирлан Самыйкожо. Долбоордо Кыргызстанда советтик репрессиянын курмандыктарын реабилитациялоо боюнча мыйзам 1994-жылы кабыл алынып, алты жолу өзгөргөнү... Читать дальше...

Отун-энергетика комплексин жөнгө салуу департаменти Кыргызстанда электр энергиясынын өнөр жай тарифи жогорулай турганы жөнүндө тарап жаткан маалыматты четке какты. Мекеме 23-декабрда “Азаттык” радиосуна билдиргендей, сөз бюджеттик керектөөчүлөр жөнүндө жана өкмөттүн токтомуна киргизилип жаткан редакциялык мүнөздөгү өзгөртүү тууралуу гана болуп жатат. Маалыматта айтылгандай, бюджеттик керектөөчүлөр буга чейин 1 кВт/саат үчүн 3,40 сом төлөп келген болсо, өкмөттүн 25-ноябрдагы токтомунан кийин деле 3,40 сом төлөйт. Читать дальше...

“Керемет Банкка” байланыштуу иликтенип жаткан кылмыш иши алкагында Улуттук коопсуздук боюнча мамлекеттик комитеттин (УКМК) эки кызматкери кармалганын бүгүн 23-декабрда “Азаттык” радиосуна Башкы прокуратурадан кабарлашты. Мекеменин маалыматына караганда, ишти Башкы прокуратуранын Тергөө башкармалыгы тергеп жатат. Маалыматта айтылгандай, кармалгандар – УКМКнын Бишкек шаары боюнча башкармалыгынын ыкчам кызматкери жана ушул эле мекеменин Өздүк коопсуздук башкармалыгынын төрагасынын орун басары. “Керемет Банктын” төрагасынын орун басары... Читать дальше...

Бишкекте сексуалдык эксплуатацияга кабылган 14 жаштагы кыздын окуясына байланыштуу козголуп, кийин жабылган иш кайра тергеле баштаганын “Оазис” уюмунун өкүлү Мээрим Осмоналиева билдирди. Иш Кылмыш-жаза кодексинин 154-беренесинин негизинде козголгонун 23-декабрда “Азаттык” радиосуна Бишкек шаарынын Биринчи Май райондук ички иштер башкармалыгынын басма сөз кызматы маалымдады. “Учурда тийиштүү ыкчам тергөө иштери жүрүп жатат. Иликтөө уланууда” деп билдирди мекеме. Осмоналиеванын айтымында, кызын бирөөлөр алдап... Читать дальше...

Кыргызстанда мектеп, бала бакчалар карантинге жабылды. Сасык тумоо болгондордун 70% чукулу балдар, адистер балдар арасында дене табы көтөрүлүп, эстен тангандар арбын экенин айтышууда.