Новости за 20.12.2022

"Жалпыга маалымдоо каражаттары” жөнүндө мыйзам долбоорун кайра иштеп чыгуу үчүн жумушчу топ бүгүн, 20-декабрда алгачкы жыйынга чогулду. Президенттик аппарат сунуштарды иштеп чыгып, биринчи вариантын жаңы жылга чейин жумушчу топтун мүчөлөрүнө таратып бермей болду. Жумушчу топтун кийинки жыйыны 23-январга белгиленди. Президенттик администрация сунуштаган “Жалпыга маалымдоо каражаттары” жөнүндө мыйзам долбоорун кайра иштеп чыгуу үчүн жумушчу топ 5-декабрда түзүлгөн. Ага президенттик администрациянын өкүлү Мурат Укушов баш болгон беш киши... Читать дальше...

Пакистандын атайын күчтөрү Банну шаарында терроризмге каршы борборунда бир нече кишини барымтага алган бардык талиб согушкерлерин жок кылды. Шаар Ооганстан менен чектешкен Хайбер Пахтунхва чөлкөмүндө орун алган. Коргоо министри Хаважа Асиф шейшембиде Пакистан парламентинде айтканына караганда, "Техрик-и-Талибан" уюмунун 33 жоочусу Баннудагы борбордо кармалып жаткан жеринен күзөтчүнүн куралын тартып алып, комплексти басып алганда бир нече киши барымтада калган. Асифтин айтымында, 40 саатка созулган... Читать дальше...

Жогорку Кеңештин Бюджет, экономикалык жана фискалдык саясат комитетинин төрагасы, депутат Данияр Төлөнов Салык кодексине сунушталган өзгөртүүлөрдү кабыл алууга шашпоо керектигин билдирди. Ал 20-декабрда “Салык салуу чөйрөсүндөгү айрым мыйзам актыларына өзгөртүүлөрдү киргизүү жөнүндөгү” мыйзам долбоору боюнча парламенттик угууда айтылган сунуштарды талдап чыгуу үчүн жумушчу топ түзүүнү сунуштады.  "Иштеп келаткан Салык кодекси 6-чакырылышта шашылыш өтүп калган. Ошонун кемчиликтери, кесепети биздин ишкерлерге тийди. Читать дальше...

Кемпир-Абад ишине байланыштуу кармалып, абакта ачкачылык кармап жаткан Жогорку Кеңештин мурдагы депутаты Орозайым Нарматова ден соолугуна байланыштуу толук текшерүүдөн өтүүгө жетишпей калганын адвокаты Гуляна Убалиева "Азаттыкка" билдирди. Ал Нарматованын абалы оор экенин, бүгүн, 20-декабрда жүрөгүн гана текшерткенин айтты. "Дарыгерлер негизинен Нарматованын ашказанын, жүрөгүн, муундарын текшериш керек болчу. Кан тапшыраганга дагы жетишкен жок. Аны абактан кеч, саат 11де диагностикалык клиникага алып барышты. Читать дальше...

Арслан Койчиев президент Садыр Жапаровдун кеңешчиси болуп дайындалды. Тийиштүү жарлыкка мамлекет башчы бүгүн, 20-декабрда кол койду. Бул тууралуу президенттин басма сөз кызматы кабарлады. Койчиев 2021-жылы дагы президенттин кеңешчисчи болуп иштеген. Быйыл июнь айында Түрк мамлекеттер уюмунун баш катчысынын орун басары болуп дайындалган. Президенттин дагы бир жарлыгына ылайык, Алтынбек Жумаев башка ишке өткөндүгүнө байланыштуу мамлекет башчынын кеңешчиси кызматынан бошотулду. Жумаев бул кызматта августтан бери иштеп келаткан. Читать дальше...

БУУнун баш катчысынын Ооганстан боюнча атайын өкүлү Роза Отунбаева 20-декабрда Коопсуздук кеңешинде ал өлкөдөгү абал тууралуу доклад жасайт. Бул тууралуу маалымат Улуттар Уюмунун Ооганстанга жардам көрсөтүү миссиясынын (UNAMA) сайтында жарык көрдү. Докладда саясий өнүгүүлөр, коопсуздук, аймактык кызматташуу, адам укуктары, экономикалык кырдаал, донорлордун жардамын координациялоо жана башка маселелер камтылган. "Талибан" кыймылы (Кыргызстанда тыюу салынган) Ооганстандагы бийликке кайтып келгенден... Читать дальше...

Бишкек мэриясы быйыл Ала-Тоо аянтындагы жаңы жылдык майрамдар түстүү фейерверктер атуу менен аяктай турганын билдирди. Ага шаардык бюджеттен 755 миң сом каралган. Мэриянын басма сөз кызматы тараткан маалыматка караганда, 2023-жаңы жылды тосууга майрамдык программа даярдалып жатат. Ал чыгармачыл жамааттардын жана эстрада жылдыздарынын катышуусундагы концерт менен коштолот. Мекеме жалпы майрамдык иш-чарага кете турган чыгымдын суммасын кабарлаган жок.  Соңку эки жылдан бери жаңы жыл майрамында салют атылган эмес. Читать дальше...

Өзбекстан бийлиги COVID-19га чалдыккандар көбөйгөнүн маалымдагандан кийин Тажикстандын Согд облусунда эпидемияга каршы чаралар күчөтүлдү. 19-декабарда Өзбекстанда коронавирустун 122 жаңы учуру катталган. Чек арадан өткөндөрдүн дене табын текшеришүүдө, алардан коронавируска каршы эмделген деген документ талап кылынат же тест тапшыруу зарыл экенинбилдирди облустун саламаттык сактоо башкармалыгы.  Маалыматка караганда, 25-ноябрдан бери тажик-өзбек чек арасында ооруну жугузуп алгандар аныктала элек. Читать дальше...

Бишкектеги №1 тергөө абагынын санитардык бөлүмүнүн жетекчиси Алмаз Иманбеков абакта ачкачылык кармап жаткан активист Перизат Суранованын абалы тууралуу анын апасына маалымат берди. Бул тууралуу укук коргоочу Азиза Абдирасулова "Азаттыкка" билдирди. Анын айтымында, Суранованын апасы абалы кескин начарлап кеткени айтылган кызынан кабар алганы барган. Бирок алардын жолугушуусуна мүмкүн болгон эмес. "Иманбеков Перизат Суранова азыр суу ичип жатканын, тамактан баш тартып жатканын айтты. Ден соолугун козөмөлдөп жатышканын билдирди"... Читать дальше...

Жапониянын Muroo Systems Co компаниясы Каракөлдө чакан ГЭС курмай болду. Буга байланыштуу жол картасына жана өз ара түшүнүшүү жөнүндөгү меморандумга энергетика министри Таалайбек Ибраев менен жапониялык компаниянын президенти Жонсинг Пан кол коюшту. Аталган министрликтин 20-декабрдагы маалыматына караганда, чакан ГЭС куруу жөнүндө долбоорду этап-этабы менен ишке ашыруу каралууда. Тараптар энергетика тармагындагы кызматташуунун келечегин талкуулашты. Жонсинг Пан Чакан ГЭСтерди куруу жана жалпысынан... Читать дальше...

Транспорт жана коммуникациялар министрлиги Түндүк-түштүк альтернативдүү жолдун курулушуна Кытайдан 59 млн. доллар грант алууну пландап жатканын билдирди. Мекеменин маалыматына караганда, анын 24 миллион доллары (264 млн. 134 миң юань) үч эстакадалык көпүрө, кар көчкү тоскон эки галерея курууга жумшалат. 59 миллион доллар толугу менен кайтарымсыз грант түрүндө берилет. Ал эми 35 миллион доллар Жалал-Абад шаарында 25 чакырымдык айланма жол курууга коротулат. Маалыматта Экономика жана коммерция... Читать дальше...

Казакстанда 37 Жылуулук электр борборунун 19у авариялык абалда экенин энергетика министри Болат Акчулаков 20-декабрда билдирди. Маалыматка караганда, «тобокел» зонаны аныктаганда жабдуулардын эскиргени, технологиялык эреже бузуулар, кесипкөй кадрлардын тартыштыгы белгилүү болгон. Энергетика министрлиги ЖЭБдерди ремонтоо үчүн миллиардаган тенге талап кылынарын билдирди. Ноябрдын этегинде Павлодар облусундагы Экибастуз шаарындагы ири авариядан улам жүздөгөн үйлөр жана социалдык жайлар кычыраган суукта жылуулуксуз калган. Читать дальше...

Бүгүн эртең менен Аргентинанын футбол боюнча улуттук командасы Буэнос-Айреске кайтып барды. Дүйнө чемпиондорунун капитаны Лионел Месси учактан баалуу трофейди көтөрүп түштү. Кызыл килем менен басып өткөн чемпиондор Аргентина футбол ассоциациясынын базасында эс алмакчы. Кечинде баш калаада он миңдеген кишинин катышуусунда ири майрамдык иш-чара пландалууда. Аргентина 18-декабрда Катарда өткөн дүйнө биринчилигинин финалында Францияны пеналтиден жеңип алган. Адистер менен күйөрмандар ал оюнду Дүйнө... Читать дальше...

Бүгүн, 20-декабрда Жогорку Кеңеште “Салык салуу чөйрөсүндөгү айрым мыйзам актыларына өзгөртүүлөрдү киргизүү жөнүндөгү” мыйзам долбоору боюнча парламенттик угуу өтүүдө. Экономика жана коммерция министри Данияр Амангелдиев мыйзам долбоору ишкердик субъектилери үчүн жагымдуу климатты түзүүгө багытталганын жана көмүскө экономиканы кыскартуу максатында сунушталып жатканын белгиледи. Ал сунушталган өзгөртүүлөрдү төмөнкүлөр экенин түшүндүрүп берди: Кассалык көзөмөл аппаратын (ККМ) колдонууда товарларды... Читать дальше...

Мамлекеттик салык кызматы "Чек талап кылып, байге утуп ал!" деген ураан менен өтүп жаткан лотереянын байге фонду көбөйгөнүн билдирди. Ага ылайык, буга чейин жарыяланган 32 белек 52 болду.  Лотерея 30-декабрда ойнотулат жана үчүнчү жолку утушка 12 даана iPhone 13, 11 Samsung смартфону, 5 кир жуугуч машина, 5 муздаткыч, 5 телевизор, 5 чаң соргуч, 6 микротолкундуу меш ойнотулат. Баш байге – Бишкектеги батир болот. Ошондой эле бир унаанын ордуна эки электромобиль ойнотулат. Лотерея Улуттук телеканалда... Читать дальше...

Аза кызматын көрсөтүү агенттигинин директору Төрөхан Жунусбеков Бишкек шаардык кеңешинин депутаты Кадырбек Атамбаевди жана Бишкек-24 интернет каналын сотко берди. Бул маалыматты Жунусбеков өзү "Азаттыкка" ырастады. Анын айтымында, аталган маалымат булагы Аза кызматынын ишин каралаган материал жасаган. "Улан Эгизбаев тарткандан кийинки видеолор, мурдагы кармалган кызматкерлерди кошуп бүгүн болуп жаткандай кооздоп чыгарышкан. Ошону төгүндөгөн маалымат берсин, кадыр-баркыбызга, ар-намысыбызга доо кетиргени үчүн компенсация төлөсүн деп жатабыз. Читать дальше...

19-декабрда Өзбекстандын Жогорку соту совет мезгилиндеги репрессиянын курмандыгы болгон 173 адамдын иши карала турганын билдирди. Республикалык жумушчу топ илимий изилдөөлөрдү жүргүзүп, ар кандай себептер менен акталбай калган репрессия курмандыктарын реабилитациялоону сунуштаган. Репрессиянын курмандыктарынын элесин түбөлүккө калтыруу боюнча республикалык жумушчу топ Өзбекстандын президентинин буйругу менен 2020-жылы түзүлгөн. Бул Жогорку соттун сталиндик репрессиянын курмандыктарын актаган үчүнчү жараяны болуп калат. Читать дальше...

Министрлер кабинетинин төрагасы Акылбек Жапаров 20-декабрда Жалал-Абад облусунда жайгашкан Токтогул ГЭСине барып, анын абалы менен таанышты. Анда өлкөнүн энергетикалык коопсуздугун камсыз кылуу өкмөттүн башкы максаттарынын бири экенин билдирди. "Учурда Токтогул ГЭСин модернизациялоо долбоору ишке ашырылууда, анын алкагында ГЭСтин жаңы төртүнчү гидроагрегаты орнотулуп, ал бир нече убакыттан бери тесттик режимде иштеп келген. Азыр агрегат толук түрдө ишке киргизилүүдө",-деп айткан Жапаров. Өкмөттүн басма сөз кызматынын билдиришинче... Читать дальше...

Орусия билим берүү боюнча долбоорлордун алкагында Кыргызстанда мектептерди курууну пландап жатат. Бул тууралуу Орусиянын Кыргызстандагы элчиси Николай Удовиченко бүгүн, 20-декабрда Жогорку Кеңештин төрагасы Нурланбек Шакиев менен жолуккан учурда билдирди. Парламенттин басма сөз кызматы билдиргендей, жолугушууда эки өлкөнүн ар тараптуу кызматташтыгы талкууланды. Шакиев быйыл тогуз айда Кыргызстан менен Орусиянын ортосундагы соода жүгүртүүнүн көлөмү 2,2 млрд. долларга жеткенин айткан. Бул былтыркы... Читать дальше...

Кемпир-Абад иши боюнча камалгандардын жакындары президенттик администрациянын өкүлдөрү менен жолугушту. Бул тууралуу камактагы укук коргоочу Рита Карасартованын кызы Касиет Мамырбай "Азаттыкка" билдирди. "Биз президент Садыр Жапаровдун өзү менен жолугушууну жана Кемпир-Абад иши боюнча камалгандарды тергөө иши аяктаганга чейин үй камагына чыгарууну талап кылдык. Биз менен сүйлөшкөн эки адис катыбызды президентке эртерээк жеткирип, жардам берүүгө убада берди. Бирок дайымкыдай эле "соттун ишине кийлигише албайбыз... Читать дальше...

Оорулардын алдын алуу жана мамлекеттик санитардык-эпидемиологиялык көзөмөл департаменти мектептердеги карантиндин мөөнөтүн 30-декабрга чейин узартууну сунуштады. Расмий маалыматка ылайык, соңку бир күндө өлкөдө сасык тумоо менен ооруган 6,5 миңден ашык учур катталды. Департамент балдар арасында ооругандар көбөйүп жатканын эскертти. "Ооруп жаткандардын ичинен балдардын саны 68,7%тен 72,6%ке көбөйгөнүнө байланыштуу мектептердеги карантиндин мөөнөтүн узартуу, онлайн окутууну улантуу жана балдардын... Читать дальше...

21-декабрда Кыргызстандын аймагында түнкүсүз жана күндүз кар жаабайт. Кечке жуук Чүй, Талас, Ош, Жалал-Абад, Баткен облустарынын айрым жерлеринде кар жаашы мүмкүн. Батыштан соккон шамалдын ылдамдыгы секундасына 4-9 метрден, күндүз Чүй, Талас облустарынын айрым жерлеринде 15-20 метрге жетет. Абанын температурасы: Чүй өрөөнүндө түнкүсүн -2…-7, күндүз 0…-5; Талас өрөөнүндө түнкүсүн -4…-9, күндүз 1…6; Баткен, Ош, Жалал-Абад облустарында түнкүсүн 0…-5, күндүз 4…9; Ысык-Көл облусунда түнкүсүн -4…-9... Читать дальше...

Казакстандын президенти Касым-Жомарт Токаев 21-22-декабрь күндөрү мамлекеттик сапар менен Өзбекстанга барат. Расмий маалыматка ылайык, ал коңшу мамлекеттин башчысы Шавкат Мирзиёев менен эки тараптуу жана аймактык кызматташуунун, алака-катыштын актуалдуу маселелерин талкуулайт. Ошондой эле тараптар бир катар инвестициялык ири долбоорлорду бирге ишке ашырууну сүйлөшөт жана маанилүү документтерге кол коюлат. Токаевдин Ташкент сапары маалында Казакстан, Өзбекстан жана Орусия менен "газ биримдигин"... Читать дальше...

Өзбекстанда жакында мугалимдерди өзүнүн кесиптик түз милдетинен башка жумуштарга аралаштыргандарды жазалоо, кылмыш жоопкерчилигине тартуу каралган мыйзам долбоору кабыл алынат. Бул тууралуу "Заковат" интеллектуалдык олимпиадасынын жыйынтыгынын алдында президент Шавкат Мирзиёевдин кызы, анын администрациясынын байланыш жана маалымат саясаты бөлүмүнүн башчысы Саида Мирзиёева билдирди. Ал учурда өлкөдө мугалимдерди пайдаланган учурлар көп экенин айтты. "Бүгүнкү күндө мугалимдер мамлекеттик иш-чаралардын тейлөөчүлөрү... Читать дальше...

Жогорку Кеңештин Бюджет, экономикалык жана фискалдык саясат комитетинин 19-декабрдагы жыйынында бул комитеттин төрагасы, депутат Данияр Төлөнов Кыргызстанда мамлекеттик өнүктүрүү банкы түзүлөрүн айтты. Бул өкмөттүн демилгеси экенин билдирип, башкы максаты бизнести колдоо болорун белгиледи. "Негизи бул банкты максаты акча табуу эмес. Орто жана ири бизнестерди өнүктүрүү максатында насыя берүү болуп саналат.Мамлекеттик өнүктүрүү банкын түзүү мыйзамы бар, ал жерде так жазылып турат. Банктын директорлор кеңеши жети мүчөдөн турат... Читать дальше...