Новости за 19.12.2022

Оогандык качкындар Тажикстандын мыйзамдарын бузган деген негизде өлкөдөн депортацияланганы ачыкка чыкты. Бул тууралуу "Озоди" радиосу расмий Дүйшөмбүнүн Бириккен Улуттар Уюмуна берген баяндамасына таянып билдирди. Тажикстандын бийлигинин БУУнун Адам укуктары комитетине берген отчетунда чет элдиктер өлкөнүн мыйзамдарын бузганы жана коопсуздукка байланыштуу чыгарылганы жүйө келтирилген. Документте ошондой эле ооганстандык качкындар уруксат берилбеген шаарларга жана райондорго мыйзамсыз көчүп баргандыктан депортацияланганы белгиленет. Читать дальше...

Кыргызстанда кунарсыз жерлердин жалпы аянты 500 миң гектар. Анын көбү Баткен облусунун аймагында. Бир нече жылдан бери токойчулар мындай боз талааларга жан киргизип, жаңы ландшафт түзүү үчүн сөксөөл бадалдарын тандап алышкан. Натыйжада соңку жыйырма жылда жасалма токойлордун аянты эки миң гектарга жетиптир.

Жогорку Кеңештин Бюджет, экономика жана фискалдык саясат боюнча комитети эки тараптуу келишимдин негизинде Бишкектеги эки имаратты Орусиянын Федералдык чек ара кызматына 49 жылга берүүгө макул болду. Бул маалыматты мамлекеттик мүлктү башкаруу фондунун башчысы Мирлан Бакиров "Азаттыкка" ырастады. "Кыргызстан менен Орусиянын ортосунда 2000-жылда түзүлгөн келишимге ылайык кыргыз тарап чек ара кызматкерлерин жашоочу жана кызмат өтөөчү имарат менен камсыз кылуу милдетин алган. Ал үчүн Новопокровкадан имараттар сунушталган... Читать дальше...

Кемпир-Абад иши боюнча камалган саясатчы Клара Сооронкулова абакта ачкачылык кармап жаткандардын абалы боюнча коомчулукка кайрылуу жасады. Анын кайрылуусун укук коргоочу Азиза Абдирасулова өзүнүн Фейсбуктагы баракчасына жарыялады. Анда Сооронкулова Перизат Суранова менен Орозайым Нарматованын абалы оор экенин, алар өз алдынча баса албай калганын жазган. "Мен билген маалыматка караганда, Суранова оор абалда, өз алдынча баса албайт. Анын ден соолугу тууралуу суроолорго СИЗОнун жана санитардык... Читать дальше...

Тайланддын падышалык деңиз күчтөрүнүн "Сукхотай" корвети Тайланд булуңундагы бороон учурунда чөгүп кетти. Кемеде 106 аскер кызматкери болгон. 75 адам куткарылды, 31инин дайыны чыкпай жатат. Куткаруу иштерине чоң толкундар тоскоол болуп жатканын Bangkok Post дүйшөмбүдө билдирди. Куткарылгандардын биринин айтымында, ал чөгүп кетпөөгө аракет кылып, үч саат деңизде сүзүп жүргөн. Кеме зарыл учурда балык уулоочу кайыктарга жардамга келүү максатында жээктен 32 чакырым алыста болчу. 18-декабрда аба ырайы... Читать дальше...

Борбордук Африка Республикасынын башкалаасы Банги шаарында дүйшөмбүгө караган түнү Евробиримдиктин өкүлчүлүгүнүн имараттарынын комплекси күйүп кетти. Бул тууралуу Евробиримдиктин аталган өлкөдөгү элчиси Дуглас Карпентер Твиттерге жазды. Анын айтымында, жабыркагандар жок.   Өрттүн кесепетин чагылдырган сүрөттөрдө имараттар олуттуу зыянга учураганы көрүнүп турат. Азырынча анын себептери тууралуу маалымат жок.   Өрт Банги шаарындагы "Русский дом" маданий борборунун жетекчиси Дмитрий Сытыйга... Читать дальше...

Кеңешбек Шоруков 30 жылдан бери Түп районундагы Долон кыштагынан Жылдыз айылына чейин ат менен барып-келип иштеп, күнүгө 10 чакырым жол жүрөт. Шоруков тууралуу "Азаттык" бир нече жыл мурун тасма тарткан. Жакында эле кабарчыларыбыз анын азыркы жашоосу менен таанышып келди.

Кыргызстан мусулмандар дин башкармалыгынын Аалымдар кеңеши 19-декабрда муфтий Замир Ракиевдин отчетун угуп, өлкөдөгү диний кырдаалды талкуулады. Муфтияттын басма сөз кызматы учкай маалымат таратып, анда Ракиевдин ишине "жакшы" деген баа берилгенин билдирди. "Жыйында муфтиятка бир катар сунуштар жана тапшырмалар берилип, муфтийдин орун басарларына, бөлүм башчыларга милдеттемелер жүктөлдү. Жыйынга Аалымдар кеңешинин төрагасы Абдыманап Масалиев баштаган мүчөлөр катышты",-деп айтылат маалыматта. ... Читать дальше...

Министрлер кабинетинин төрагасы Акылбек Жапаров 19-декабрда Майлуу-Суу лампа заводуна байланыштуу кеңешме өткөрдү. Анда ишкананы, айнек идиштерди чыгаруу, айнек эритүүчү мешти оңдоого байланыштуу долбоорлордун бет ачары болду. Өкмөттүн басма сөз кызматынын билдиришинче, Жапаров заводду тынбай иштетүү керектигин айтты: "Завод керек болсо күнү-түнү, бир нече нөөмөт менен иштеши керек. Министрлер кабинети ишканага бюджеттик кредит берди жана биз насыя каражаттарынын максаттуу пайдаланылышын көзөмөлдөйбүз. Читать дальше...

Ооганстандык качкындар жергиликтүү мыйзамдарды бузганы үчүн Тажикстандан депортацияланды. Бул тууралуу тажик өкмөтү БУУнун Адам укуктары боюнча комитетине жолдогон баяндамада айтылат. Буга чейин ооган качкындары мекенине күч менен чыгарылып жатканына даттанышкан. Өкмөттүн баяндамасы БУУнун Адам укуктары боюнча комитетине быйыл ноябрда жөнөтүлгөн. Документте ооган качкындарынын жашоого уруксат берилбеген райондор менен шаарларга мыйзамсыз барышы депортациянын бирден бир себеби болгону айтылат. ... Читать дальше...

Президент Садыр Жапаровдун Кемпир-Абад ишине байланыштуу кармалгандар тууралуу соңку билдирүүсүнө байланыштуу 12 адвокаттын турган топ ага кайрылуу жолдоду. Анда өлкөнүн Конституциясына ылайык, президент адамдын жана жарандын укугунун гаранты экени эске салынган жана анын айткандары сынга алынган. "Жалпы эл, камалгандар сизден акыйкаттуу, мыйзамдуу чечимди, көз карандысыз пикирди, Кемпир-Абад ишине байланышуу камалгандардын бузулган конституциялык укуктарын жана кызыкчылыктарын калыбына келтирүүнү күтүп жатканда сиз адепке жат... Читать дальше...

2023-жылы Бишкекте жана өлкөнүн башка аймактарында "Тез жардам" машинелеринин саны көбөйөт. Келерки жылдын башында 90дон ашуун машине келет деп күтүлүүдө. Анын сегизи Бишкекке бөлүнөт. Бул тууралуу 19-декабрда саламаттык сактоо министри Гүлнара Баатырова Жогорку Кеңештин тармактык комитетинин жыйынында билдирди. Анын айтымында, учурда Бишкектеги автобазада 74 унаа бар. Анын 30у ар кандай себептерден улам колдонуудан алынган. "Азыр чакырууларга 33 унаа жана 37 бригада чыгып жатат. Беш машине жол кырсыгына кабылган. Читать дальше...

Жаза аткаруу кызматынын басма сөз катчысы Элеонора Сабатарова Кемпир-Абад ишине байланыштуу тергөө абагында отурган, учурда ачкачылык кармап жаткандарга байланыштуу "Азаттыкка" учкай комментарий берди. Алардын баарынын саламаттыгы туруктуу экенин, дарыгерлердин көзөмөлүндө турганын айтты. Ал ошондой эле ачкачылык кармагандардын бири, оор абалда экени айтылган Перизат Сурановага "Тез жардам" кызматы чакырылып, медициналык кароодон өткөрүлүп, ооруканага жаткырууга негиз жок деген корутунду чыгарылганын маалымдады. Читать дальше...

Кыргызстанда бир аптада сасык тумоо жана курч респиратордук вирустук инфекция 44 миңден ашык кишиден аныкталды. Бул тууралуу Оорулардын алдын алуу жана мамлекеттик санитардык-эпидемиологиялык көзөмөл департаменти билдирди. Маалыматка караганда, аталган департамент өткөн аптада атайын мониторинг жүргүзгөн. Буга чейин саламаттык сактоо министринин дарылоо боюнча орун басары Улан Садыков соңку эки күндө Республикалык жугуштуу оорулардын клиникалык ооруканасына 700дөй адам кайрылганын "Азаттыкка" билдирген. Читать дальше...

Улуттук банк жарандарга кайрылып, алардын атын колдонуп банк эсептердеги акчаны алууга аракет кылган шылуундар көбөйгөнүн эскертти. Мындан улам сак болууга, жеке маалыматтарды үчүнчү тарапка бербөөгө чакырды. "Эч кандай шартта жеке маалыматты, картанын номерин, анын мөөнөтү качан бүтөрүн, ПИН-коддорду, CVV/CVC коддорун (картанын артында жазылган үч сан) жана кодду тастыктаган СМС билдирүүлөрдү чоочун адамдар, үчүнчү тараптар менен бөлүшпөгүлө. Такталбаган шилтемелерди баспагыла, ал жерге өзүңөр тууралуу маалыматты киргизбегиле. Читать дальше...

Бишкек мэриясы шаардын четиндеги таштанды полигонун бетон дубал менен тосо баштады. Мэриянын басма сөз кызматынын билдиришинче, анын узундугу 3254 метрди түзөт жана анда 64 видеокамера жана 100дөн ашык прожектор орнотулат. Өткөн аптада шаар мэри Эмилбек Абдыкадыров таштанды полигонун иретке келтирип, акыр-чикирди кайра иштеткен завод куруу маселеси дээрлик чечилип калганын айткан. Ал америкалык жана чехиялык компаниялар менен сүйлөшүүлөр аяктаганын билдирген. Соңку кездери таштанды, транспорт... Читать дальше...

Жогорку Кеңештин Социалдык саясат комитети 19-декабрдагы жыйынында "Интеллектуалдык менчик чөйрөсүндөгү айрым мыйзам актыларына өзгөртүүлөрдү киргизүү жөнүндөгү" мыйзам долбоорун экинчи окууда карап, аны көпчүлүк добуш менен жактырды. Парламенттин басма сөз кызматынын билдиришинче, документ бул тармактагы мыйзам долбоорлорун Конституцияга шайкеш келтирүү, товарларды жана кызмат көрсөтүүлөрдү жекелештирүүнүн жаңы каражаттарын киргизүү жана интеллектуалдык менчик объектилерин каттодо жаңы ыкмаларды колдонуу максатында жазылган. Читать дальше...

Тунисте 17-декабрда мөөнөтүнөн мурда өткөн парламенттик шайлоого добуш берүү укугуна ээ жарандардын 9% гана катышты. Өлкөнүн Шайлоолор боюнча көз карандысыз жогорку органынын өкүлү Тлили Мансри белгилегендей, добуш берүүгө каттоого алынган 9 миллиондон ашык шайлоочунун 804 миңи гана келген. Бир нече партиялардан жана саясий күчтөрдөн турган "Улуттук куткаруу фронту" оппозициялык альянсы шайлоочулардын аз катышканына байланыштуу президент Каис Саидди отставкага кетүүгө чакырды. Оппозициянын лидери... Читать дальше...

Кемпир-Абад иши боюнча кармалып, абакта отурган саясатчы Азимбек Бекназаров 15-декабрдан тартып саясий ачкачылык кармап жатканын анын жакындары "Азаттыкка" ырасташты. Алар Бекназаровдун абалы азыр жакшы эле экенин, бирок ден соолугуна байланыштуу ачкачылык кармоого болбой турганын айтышты. Бекназаров өзү абактан жазган катында бийликтин чечимдерин колдобогондорду кармоо өнөкөткө айлып кеткенин жазган. "Конституцияда бекитилген, жалпы таанылган эл аралык ченемдер менен аныкталган адамдын сөз... Читать дальше...

Өзбекстандан Каспий жана Кара деңиз аркылуу жүк тарткан биринчи поезд Европага жөнөтүлдү. Жез жүктөлгөн поезд Орусияны айланып өткөн жаңы каттам менен Болгариянын Бургас портуна баратат. 16-декабрда Алмалык тоо-металлургиялык комбинатынан жөнөгөн поезд 46 вагондон жана 20 фунттук жез концентраты жүктөлгөн 91 контейнерден турат. «Узтемирйулконтейнер» ишканасынан билдиришкендей, поезд «Өзбекстан – Түркмөнстан – Азербайжан – Грузия – Болгария/Европа» багытында 4000 чакырымдан ашык аралыкты басып өтөт. Читать дальше...

Айыл чарба министринин жаңы дайындалган орун басарлары - Мурат Раматов менен Самат Насирдинов 19-декабрда эмгек жамаатына тааныштырылды. Бул тууралуу мекеменин басма сөз кызматы билдирди. Министрлер кабинетинин төрагасы Акылбек Жапаровдун айыл чарба министринин жаңы орун басарларын дайындоо боюнча буйругу 15-декабрда чыккан. Мурат Раматов 2014-2016-жылдары Жети-Өгүз райондук администрациянын акиминин орун басары, 2018-2021-жылдары Өзгөн районунун акими болгон. Быйыл июндан баштап үч ай "Кумтөр... Читать дальше...

Кыргызстандын Орусиядагы элчилиги миграциялык талаптарга байланыштуу бул өлкөдө жүргөн кыргыз жарандарына дагы кайрылды. Анда былтыр жыл аягына чейин келген мигранттар 2023-жылдын 10-январына чейин бармак изин каттоодон өткөрүп, сүрөткө түшүүдөн жана медициналык кароодон өтүшү керектиги жазылган. Ошондой эле, 1-8-январь күндөрү майрам болгондуктан тийиштүү иштерди ушул жагдайды эске алуу менен бүтүрүү зарылдыгы эскертилген. Элчиликтин консулу Манас Жолдошбеков 8-декабрда Москвада тиешелүү медициналык жайлардын өкүлдөрү менен жолугуп... Читать дальше...

Кыргызстандын Соода-өнөр жай палатасынын төрагалыгына талапкерлигин койгон ишкер Жодар Сайдилканов 19-декабрда өткөн шайлоону тааныбай турганын билдирип, ага катышуудан баш тартты. Ал “Азаттыкка” берген маалыматында палатанын жаңы жетекчисин шайлоодо регламент бузулганын билдирди. “Соода-өнөр жай палатасынын уставында бир мүчө бир добуш деген эреже жазылган. Жыйында бардык мүчөлөр добуш бериши керек болчу. Булар болсо делегаттарды жашыруун түрдө өздөрү тандап алышкан. Бир мүчө бир добуш деген камсыз кылынган жок. Читать дальше...

Акыйкатчы Атыр Абдрахматова Кемпир-Абад ишине байланыштуу абакта отурган, учурда ачкачылык кармап жаткандарга байланыштуу Саламаттык сактоо министрлигине жана Жаза аткаруу мамлекеттик кызматына кайрылды. Ал өз катында алардын саламаттыгын атайын комиссия менен текшерип чыгышы керектигин, бул комиссияга укук коргоочулар дагы кириши зарылдыгын жазган. Акыйкатчы 19-декабрь түнү абакта ачкачылык кармап саламаттыгы начарлап кеткени айтылган Перизат Сурановага кирип чыккан. Анын айтымында, Сурановага "Тез жардам" чакыртылып... Читать дальше...

Кыргызстандын велоспорт боюнча эмгек сиңирген машыктыруучусу, СССРдин спорт чебери Эркен Акрамовдун сөөгү 19-декабрда Бишкекке коюлду. 82 жаштагы Акрамов 17-декабрда дүйнөдөн кайткан. Маданият, маалымат, спорт жана жаштар саясаты министрлигине караштуу Дене тарбия жана спорт департаменти билдиргендей, ал акыркы убакта катуу ооруп жаткан. Эркен Акрамов 1940-жылы 8-майда Фрунзе шаарында (Бишкек) төрөлгөн."Кыргыз Республикасынын маданиятына эмгек сиңирген ишмер", "Кыргыз Республикасынын велоспорту... Читать дальше...