Новости за 31.12.2022

Урматтуу окурман, угарман, күйөрман журту! "Азаттыктын" жамааты баарыңыздарды кирип келген Жаңы жыл майрамыңыздар менен куттуктайбыз! 2023-жылы экономикабыз, илим-билимибиз, маданиятыбыз коёндой жүгүрүп, алдыга кетсин. Элибиз ден соолукта болсун. Наристелер ачык, тынч асман алдында күлүп чоңойсун. Элге кайрат берген Чындыктын үнү буулбасын! "Азаттык" үчүн ар бир окурман, угарман, көрөрмандын пикири кымбат! Анткени Ала-Тоону көрккө бөлөп, Кыргызстанды Борбор Азиядагы демократия аралчасы катары тааныткан бул анын Эли! Читать дальше...

1-январда түнкүсүн Чүй, Жалал-Абад облустарынын көпчүлүк аймактарында, Талас, Ош, Баткен, Ысык-Көл, Нарын облустарынын айрым райондорунда кар жаайт. Күндүз жаан-чачын болбойт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн -3…-8, күндүз -4…+1 Талас өрөөнүндө түнкүсүн -12…-7, күндүз -3…+2 Баткен, Ош, Жалал-Абадда түнкүсүн -2…-7, күндүз 3…8 Ысык-Көл облусунда түнкүсүн -4…-9, күндүз -1…+4 Нарында түнкүсүн -14…-19... Читать дальше...

Ош шаарынын мэри Бакытбек Жетигенов "Ынтымак" телеканалына курган маегинде калаада таза суу маселеси долбоор боюнча эки жылдан кийин толук чечиле турганын билдирди. Мэрдин айтымында, ага чейин таза суу берүүнү үзгүлтүккө учуратпоо чаралары көрүлөт. “Долбоор менен болгондо эки жыл ичинде чечилет. Мен келерим менен тийиштүү кызматтар менен сүйлөшүп, мэриянын каражаты менен суу өчкөн убакта шаардыктарды суу менен камсыз кылуу чаралары көрүлөт”, - деди Жетигенов. Жүз миңдеген адам жашаган Ош шаарында жамгыр жааган сайын дарыя ылайланып... Читать дальше...

Ватиканда 31-декабрда 95 жаштагы Рим папасы Бенедикт XVI көз жумду. Бул тууралуу ишембиде Ыйык Тактынын (Святой Престол) маалымат кызматы кабарлады. Буга чейин анын ден соолугу начарлап жатканы кабарланган. Бенедикт XVI - Йозеф Ратцингер Германияда төрөлгөн. Ал Рим папасы болуп 2005-жыл тандалган. 2013-жылы саламаттыгына байланыштуу тактыдан өз эрки баш тарткан.

Орусиянын президенти Владимир Путин газ акысын “дос эмес өлкөлөрдү” чет элдик валюта менен төлөөгө макулдук берген буйрукка кол койду. Бул тууралуу расмий документтер жарыяланган сайтта кабарланды. Документке ылайык, орусиялык газ жеткирүүчүлөр “дос эмес өлкөлөрдөн” газ үчүн карызды чет өлкөлүк валютада кабыл алса болот. Ал үчүн орусиялык газ жеткирүүчүнүн кайрылуусу менен ыйгарым укуктуу банкта атайын эсеп ачылышы керек. Газ сатып алуучу акча каражатын ошол эсепке которот. 31-мартта Путин “дос... Читать дальше...

Салтка айлангандай эле жыл соңунда саясий сахнадагы күлкүлүү, шакаба-мэмге айланган билдирүүлөрдү топтодук.

"Азаттык" 2022-жылы дүйнөнүн булуң-бурчунда болгон, калың элдин көңүлүн бурган урунттуу окуяларды эске салат.

«Азаттык» узап бара жаткан жылдагы Кыргызстанда болуп өткөн маанилүү окуяларды топтоду. Алардын арасында Казакстандагы Январь окуясы, чек арадагы чатак, Кемпир-Абад ишине байланыштуу камалгандар ж.б. окуялар камтылган.

"Эже-сиңдилердин" майрамдык чыгарылышында 2022-жылы популярдуу болуп, кыргызстандыктарга жагымдуу эмоцияларды тартуулаган айымдар менен бирге жылды жыйынтыктап, популярдуулук алардын жашоосун кандай өзгөрттү деген суроого жооп алабыз.

2022-жылдагы Кыргызстандын маданият айдыңындагы олуттуу окуяларды эске салабыз. Коомчулук коргоп калган музыкант 2022-жыл жаңырары менен эле маданий чөйрөнү, коомчулукту селт эттирген чуулгандуу окуя катталды. Январь айында Казакстанда орун алган башаламандыкта кыргызстандык музыкант, пианист Викрам Рузахуновдун кармалып, кылмышкер катары ур-токмокко алынышы кыргыз коомчулугунда резонанс жаратты. 9-январда "Qazaqstan Ұлттық Телеарнасы" тараткан видеодо бети-башы көгөрүп, сабалган жигит аны “белгисиз адамдар 90 миң теңгеге жалдап... Читать дальше...

Salt peanuts “Азаттыктын” студиясында жаңы жылдык музыка белегин тартуулады. Топтун негиздөөчүсү Бакыт Кыдыкбаев Jazzды Кыргызстанда таза түрдө жайылтуу татаал экенин айтып, аны кыргыз эстарадасына курактай кылып аралаштырса, мыкты кайрыктар жараларын белгиледи/ Алардын “Ата-бала” жаңы альбомунда эски кыргыз кайрыктарын да угууга болот.

Экономика жана коммерция министрлиги Кыргызстандан Евразия экономикалык биримдигинен (ЕАЭБ) сырткары өлкөлөргө жыгач материалдарын ташып чыгууга убактылуу тыюу салуу киргизүүнү сунуштады. Бул тууралуу токтом долбоору Министрлер кабинетинин сайтында жарыяланды. Токтом долбоорунун негиздеме катында “өлкөнүн ички рыногунда жыгачтын жана жыгач материалдарынын кескин жетишсиздигин алдын алуу максатында Евразия экономикалык биримдигинин бажы аймагынан тышкары Кыргыз Республикасынан жыгач материалдарын... Читать дальше...

Вашингтондо жайгашкан Инвестициялык талаштарды жөнгө салуучу эл аралык борбордун (ICSID) сайтында International Mining Company Invest inc компаниясы Кыргызстандын уран казууга тыюу салганына байланыштуу арбитражга кайрылганы кабарланды. Уюмдун сайтында Кыргызстан 2020-жылы 1-январдан тартып өлкөдө уран казууга тыюу салынганына байланыштуу чет өлкөлүк компания (АКШ) лицензиясынан ажырап калганы айтылат. Доонун төлөмү 63 миллион доллар деп эсептелген. Буга чейин Кыргызстандын Юстиция министрлиги... Читать дальше...

Күрөш дүйнөсү уюму (UWW) кыргызстандык спортчу Жоламан Шаршенбековду грек-рим күрөшү боюнча жылдын мыкты балбаны деп тапты. Бул тууралуу уюмдун сайтында кабарланды. Бул жылы балбан алты эл аралык мелдешке катышып, байгелүү орунга илинген. Буга чейин Күрөш дүйнөсү уюму Акжол Махмудов менен Жоламан Шаршенбековду 2022-жылдагы тарых жаратуучулардын катарына кошкон. Жоламан Шаршенбеков 23 жашта. Грек-рим күрөшү боюнча Дүйнө чемпионатынын финалында үчүнчү жолу күрөшкөн. Эки жолу Дүйнө чемпионатында (2018, 2021-жылдар) күмүш байге алган. Читать дальше...

Кыргызстандын Тышкы иштер министрлиги (ТИМ) Кытай мамлекетине барган жарандарга карантиндик эрежелердин өзгөргөнү тууралуу маалымат таратты. Ага ылайык, 2023-жылдын 8-январынан тартып Кытайга келүү үчүн чет өлкөлөрдөгү дипломатиялык жана консулдук мекемелеринен саламаттыгы жөнүндө QR код алуу талабы жокко чыгарылат. Кытайга сапар тарткандар 48 саат мурда жасалган CОVID-19 ПЦР-тестинин жыйынтыгын көрсөтүп, учакка түшкөндөн тарта беткап тагынышы керек. Өлкөгө жеткенде обсервациядан милдеттүү түрдө өтүү талаптары жокко чыгарылат. Читать дальше...

Улуттук коопсуздук кызматы Toyota Land Cruiser Prado машинеси жасалма номур менен кармалганын маалымдады. Атайын кызматка айдоочу жолтандабасты коңшу мамлекеттин жаранынан сатып алганын айткан. Бул факт машинени контрабанда жолу менен ташып келүү боюнча катталып, тергөө жүрүп жатат. Кыргызстандын мыйзамдары боюнча Евразия экономикалык биримдигинен сырткары мамлекеттерден сатып келген машинелердин бажы төлөмдөрү кымбат алынат. Адистер мындан улам машине ташуу аткезчилиги бар экенин айтып келет. Читать дальше...