Новости за 17.12.2022

Кыргыз Республикасынын эмгек сиңирген артисти, актер Азиз Мурадилаев узакка созулган оорудан каза болду. Алып баруучу Ассоль Молдокматова бул кабарды актердун жубайына шилтеме берип Фейсбук баракчасына жазды.   Буга чейин Мурадилаев боордун циррозу деген диагноз менен Бишкектеги ооруканага түшүп, жандандыруу бөлүмүнө жаткырылганы кабарланган. Актердун жакындары анын боорун алмаштыруу үчүн чет өлкөдө жасалчу операцияга 45 миң доллар керек экенин кабарлашып, элден жардам сурашкан. Кайрымдуулук... Читать дальше...

Кочкор районуна караштуу Чолпон айыл аймагында жайыт жерлери коргоого муктаж. Жергиликтүү айыл чарба адиси Урмат Өмүрбеков соңку 20 жыл ичинде жайыттардын абалына көз салып, эл аралык уюмдардын күчү менен аларды калыбына келтиргенге аракет кылып келет. Мындан тышкары ал жайытты кургакчылыктан сактоо үчүн жасалма мөңгү тондуруу ыкмасын ишке ашыра баштады.

Интерньюстун Кыргызстандагы өкүлчүлүгү жыл сайын тапшырылчу “Умтулуу” медиа сыйлыгын журналисттерге ыйгарды. Сынакка кабыл алынган 162 материалдардын 18и жеңүүчү деп табылды.

Кыргыз-тажик чек арасындагы айылдарда мал уурулукка шек саналып 29 жаштагы тажик жараны кармалды.  Баткен облустук ички иштер башкармалыгынын басма сөз кызматынын кабарлашынча, шектүү кармалган учурда Кыргызстандын аймагында жүргөн.  Маалыматта Лейлек районунун Жаңы-Жер аймагына караштуу Арка 2 айылынын 58 жаштагы Д.А. аттуу тургуну милицияга үлүш жайындагы тогуз баш бодо малы уурдалганын билдирип кайрылган. Бул факт Лейлек райондук ички иштер бөлүмүнүн (РИИБ) бирдиктүү реестрине Кылмыш-жаза... Читать дальше...

Макаланын автору Аманбек Жапаров - журналист, педагог-режиссер. “Азаттык” үналгысы менен 1998-жылдан тартып кызматташып, ондогон маек жана макалаларды жазган. Соңку жылдары кыргыз искусствосуна, көркөм өнөрүнө барандуу салым кошкон инсандар тууралуу макалаларды жазып келүүдө. Автордун пикири "Азаттыктын" көз карашын чагылдырбайт. 1996-жылы кинорежиссер Бакыт Карагулов Чыңгыз Айтматовдун “Саманчынын жолу” повести боюнча көркөм тасманы түстүү пленкага тартты. Мен экинчи режиссермун. Чыгармадагы... Читать дальше...

Абакта ачкачылык кармап жаткан алты аялдын бири, мурдагы депутат Орозайым Нарматованын абалы начарлаганы кабарланды. Ал арада президент Садыр Жапаров "Кабар" маалымат агенттигине камактагы аялдар тууралуу пикирин билдирип, алардын ишин сот чече турганын айтты. Орозайым Нарматованын абалы 17-декабрда Омбудсмен институтунун кызматкери Бишкектеги №1 тергөө абагында төрт күндөн бери ачкачылык кармап жаткан Орозайым Нарматова менен жолугушуп чыкты. Акыйкатчы Атыр Абдрахматованын маалыматына караганда... Читать дальше...

Омбудсмен институтунун кызматкери Бишкектеги №1 тергөө абагында төрт күндөн бери ачкачылык кармап жаткан Орозайым Нарматова менен жолугушуп чыкты. Акыйкатчы Атыр Абдрахматованын маалыматына караганда, Нарматова ашказанында жара бар экенин айтып, ооруп жатканына даттанган. Тергөө абагынын дарыгерлери ооруну басаңдатуучу ийне сайып, дары берип жатышат. Орозайым Нарматова ден соолугунун начарлаганына карабай ачкачылыгын токтотпой турганын билдирген. Тергөө абагынын кызматкерлери да Нарматова ачкачылыгын улантып... Читать дальше...

Орусиянын соттору аскерден качкандарга жана аскер бөлүгүн өз алдынча таштап кетип калгандардын ишин жаңы мыйзам менен карап, өкүм чыгарууда. "Медиазона" басылмасы маалымдагандай, учурда бул мыйзамдар менен үч адам соттолду: бирөө аскерден качканы үчүн - Мурманскиде, экөө аскер бөлүгүн өз алдынча таштап кеткени үчүн -  Новгороддо жана Солнечногорск шаарында. 14-декабрда Мурманскинин гарнизондук соту Максим Малышевди аскерден качканы үчүн айыптады. Ал мындан тышкары чек араны мыйзамсыз кесип өтүүгө аракеттенгени үчүн да айыпталууда. Читать дальше...

Кемпир-Абад иши боюнча кармалып, Биринчи май райондук соту тарабынан 20-февралга чейин абакка камалган активист Али Шабдан үй-бүлөсү каржылык жактан кыйналып жатканын билдирди. Ал Фейсбуктагы баракчасына келинчеги бала менен иштей албасын айтып, коомчулуктан үй-бүлөсүнө каржылык жардам сураган. "Достор, мени дагы эки айга калтырып койгонун билесиңер. Үй-бүлөм финансы жагынан кыйналып жатат. Келинчегимдин кичинекей бала менен иштегенге мүмкүнчүлүгү жок, бала багуучуга да таштап иштегенге мүмкүнчүлүгү жок... Читать дальше...

18-декабрда Кыргызстанда жаан-чачын жаабайт, күн ачылат. Жолдор тоңголок, тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүй өрөөнүндө түнкүсүн -1…-6, күндүз -1…+4 Талас өрөөнүндө түнкүсүн -5…-10, күндүз 0…5 Баткен, Ош, Жалал-Абад облустарында түнкүсүн 0…-5, күндүз 5…10 Ысык-Көл облусунда түнкүсүн -5…-10, күндүз 1…6 Нарын облусунда түнкүсүн -19…-24, күндүз -6…-11 градус суук болот. Бишкек шаарында жаан-чачын жаабайт. Читать дальше...

Макаланын автору Жолдош Турдубаев - адабиятчы, публицист, журналисттер арасында өткөрүлгөн республикалык сынактарда бир нече ирет баш байгелерди жеңип алган, 2007-жылы Voice of Freedom Central Asia долбоорунун алкагындагы адам укуктары боюнча макалалардын Борбордук Азия журналисттеринин арасында жарыяланган сынактын экинчи байгесине ээ болгон. Автордун пикири "Азаттыктын" көз карашын чагылдырбайт. Борбор шаарыбыз ышка көмүлүп баратат. Жака белдеги райондорду кошуп, Оштогу жагдай деле ойдогудай эместигин эске алганда... Читать дальше...

Министрлер кабинетинин 16-декабрдагы жыйынында кабыл алынган чечимге ылайык, кыргызстандыктар 1-8-январь күндөрү эс алат. Өкмөттүн сайтындагы маалыматка караганда, бул чечим дем алыш жана майрам күндөрүн сарамжалдуу пайдалануу максатында кабыл алынды. Бул аралыктагы иш күндөрү 9-январь, 25-февраль, 11-март, 25-марттагы дем алыш күндөрүнүн эсебинен толукталат. Кыргызстанда 1-январь Жаңы жыл, 7-январь Иса пайгамбардын туулган күнү катары жылнаамада кызыл менен белгиленип, эс алуу күнү болуп... Читать дальше...

Президент Садыр Жапаров Кемпир-Абад тууралуу сүйлөшүү жапырт камалып, абакта жаткандардын төңкөрүш кылып бийликти алмаштыруу аракетине тек гана шылтоо болгон деп эсептейт. Бул тууралуу президент 17-декабрда "Кабар" агенттигине курган маегинде айтты. Ал "Кемпир-Абадды коргоо комитетинин" мүчөлөрүнүн абактагы мөөнөтүнүн узартылышы, аялдарга ырайым кылып, үй камагына чыгаруу сунуштары жана башка маселелер тууралуу оюн билдирди. "Ошол камакта жаткандардын дээрлик 90 пайызы жабык эшик артында өтүп турган чогулуштардын баарына бир эмес... Читать дальше...

Президент Садыр Жапаров борбор калаанын үстүн каптаган ышты азайтууга эл өзү жардам бериши керектигин "Кабар" агенттигине бүгүн, 17-декабрда курган маегинде билдирди. Мамлекет башчы тик учак менен Бишкектин үстүнөн айланып учуп кыдырганын, ыш Бишкек жылуулук электр борборунан (ЖЭБ) чыгып жатат деген дооматтарга кошулбай турганын айтты. "Мэрди кызматтан алып койсок эле түтүн жоголуп кетпейт. Түтүндү көзөмөлгө алганга жалпы эл өзү жардам бериш керек. ЖЭБдин түтүнү болгону 10-15 пайызды түзөт. Кечээ жакында тик учак менен шаардын үстүн... Читать дальше...

Италиялык белгилүү ырчы Алессандро Сафинанын Бишкекке келип, бир ырды аткарып эле кетип калганы социалдык тармактарда кызуу талкууга алынып, кайчы пикирлерди жаратууда. Окуяны милиция териштире баштаганы маалым болду. 8-декабрда Абдылас Малдыбаев атындагы улуттук опера жана балет театрында италиялык опера жана эстрада ырчысы Алессандро Сафинанын концерти өтпөй калды. Алессандро Сафина зал толтура көрүүчүлөрдүн алдында буга уюштуруучулар менен пикир келишпестик себеп болгонун айткан. “Соңку... Читать дальше...

Кыргызстандагы "Азиздер жана дүлөйлөр коомунун" ишканалары, мекемелери жана уюмдары үчүн суу, канализация, коммуналдык кызматтар жана газдын акысын төлөөдө 50 пайыздык жеңилдик белгиленди. Жеңилдик мамлекеттик бюджеттен берилет. Тиешелүү чечим Министрлер кабинетинин 16-декабрдагы жыйынында кабыл алынды. Өкмөттүн сайтында жарыяланган маалыматка ылайык, бул чечим "Кыргыз азиздер жана дүлөйлөр коомундагы" майыптыгы бар адамдарга мамлекеттик колдоо көрсөтүү максатында кабыл алынды. “Кыргыз азиздер... Читать дальше...

Баткендин Кадамжай райондук милиция кызматкерлери бүгүн, 17-декабрда Кадамжай шаарындагы Фергана чек ара бекетинин алдында Өзбекстандын Сох, Шаймерден (Шахимардан), Жигит-Пирим анклавдарына каттаган өзбекстандык айдоочуларга жол эрежесин түшүндүрүү иштерин жүргүзүштү. Аларга Кыргызстандын эл жашаган айылдарын аралап баратканда ылдамдыкты азайтып, жол эрежесин сактоо керектиги тууралуу маалымат берилди. Облустук ички иштер башкармалыгынын (ОИИБ) басма сөз кызматынын маалымдашынча, анклавга кирип-чыккан... Читать дальше...

Бүгүн, 17-декабрда Кыргызстандын Мамлекеттик гимни кабыл алынганына 30 жыл толду. Буга байланыштуу мааракелик салтанат А.Осмонов атындагы Улуттук китепканада өтүп жатат. Иш-чараны Маданият, маалымат, спорт жана жаштар министрлиги уюштурду. Министрдин орун басары Түмөнбай Колдошевдин "Азаттыкка" билдиргенине караганда, аземге гимнди кабыл алган легендарлуу парламенттин депутаттары, гимндин сөзүн, музыкасын жазган авторлордун балдары - Канат Садыков, Элнура Кулуева, Батыр Давлесов, окумуштуулар жана башка жарандар катышууда. Читать дальше...

Улуттук коопсуздук боюнча мамлекеттик комитети (УКМК) ыкчам-иликтөө иш-чараларынын негизинде Жалал-Абад облусундагы Аксы районунун Ак-Жол жана Ак-Суу айыл өкмөттөрүнүн аймагында жайгашкан көмүр казган менчик ишканалардын мыйзамсыз иштери аныкталганын маалымдоодо. Мекеменин басма сөз кызматы билдиргендей, бул ишканалар эч кандай иш-кагаз жана каттоо уруксаты жок иштеп келген. Анын кесепетинен мамлекетке 4 млн. 477 миң 723 сом зыян келтирилген. УКМКнын жүргүзгөн иш-чараларынын натыйжасында бул ишканалар өз ыктыяры менен мамлекетке 2 млн. Читать дальше...

Үстүбүздөгү кылымдын аягына чейин Жер планетасында жашаган жаныбарлар менен өсүмдүктөрдүн ар бир онунчу түрү жок болушу ыктымал. Бул тууралуу 3 миңге чукул окумуштуу катышкан иликтөөдө белгиленгенин The Guardian басылмасы жазды. Маалыматка ылайык, Жер планетасындагы биотүрдүүлүктүн азаюусуна климаттык кризис жана адам фактору себепчи болот. Биологдор мамлекет башчыларына кайрылып, экосистеманы коргоо чараларын көрүүнү талап кылышты. Кайрылууга 2700дөн ашуун окумуштуу кол койгон. Алар 2030-жылга... Читать дальше...

Катарда өтүп жаткан футбол боюнча дүйнө чемпионатын кыргызстандыктар кандай маанайда тосуп жатат? Дүйнөлүк ири спорттук иш-чарага мекендештер кандай салым кошту? “Азаттык+” бул ирет футбол чемпионатындагы Кыргызстандын ордун көрсөтөт.

Интерньюстун Кыргызстандагы өкүлчүлүгү тарабынан жыл сайын өтүп келе жаткан “Умтулуу-2022” медиа сынагынын жыйынтыгы чыгарылып, жеңүүчүлөргө сыйлыктар тапшырылды. 16-декабрда өткөн аземге өлкөдөгү маалымат каражаттарынын, эл аралык уюмдардын жана жарандык коомдун өкүлдөрү катышты. Сынакка жалпы 162 иш жөнөтүлгөн. Анын жыйынтыгында алты номинация боюнча 18 материалдын авторлору жеңүүчү деп табылды. Сыйлык тапшыруу аземи учурунда жергиликтүү калыстар тобунун төрайымы, журналист Аскер Сакыбаева... Читать дальше...