Чаткалда дайынсыз болуп жаткан үч киши аман табылды
Чаткалда кен казуучу ишкананын дайынсыз болуп жаткан үч жумушчусу аман-эсен табылганын 16-декабрда Өзгөчө кырдаалдар министрлиги билдирди.
Мекеменин маалыматына караганда, окуя Кара-Буура ашуусунда болгон. Жумушчулар Каныш-Кыя айылын карай жолго чыгышкан. Алар дайынсыз болгондугу тууралуу маалымат 112 кызматына түшкөн.
Жерине төрт куткаруучу унаа менен чыгып, аларды таап келишкен. Учурда баарынын абалы жакшы.
Чаткалда алтын кени казылат.