Новости за 05.12.2022

Евразия экономикалык биримдигине (ЕАЭБ) мүчө өлкөлөрдүн башчыларынын кезектеги саммити 9-декабрда Бишкекте өткөнү жатат. Быйыл уюмга Кыргызстан төрагалык кылууда. Орусиялык журналисттер саммитке орус президенти Владимир Путин баштаган делегация катышарын жазып жатышат. Саммиттин күн тартиби жана катышуучулары тууралуу азырынча расмий маалымат бериле элек. ЕАЭБге Кыргызстандан тышкары Армения, Беларус, Казакстан жана Орусия мүчө. Бул уюм ортодогу бажы тоскоолдуктарын жоюу, элди жана товарларды эркин өткөрүү максатында уюшулган. Читать дальше...

"Кылым шамы" укук коргоо борборунун жетекчиси Гүлшайыр Абдирасулова  Биринчи Май райондук сотунун Бишкектин айрым жерлеринде жыйын өткөрүүгө тыюу салган чечимине каршы арызданды. 5-декабрда “Азаттыкка” берген маалыматына караганда, ал арыз менен Бишкектин Административдик сотуна кайрылды. Абдирасулова муниципалдык бийликтин тыюу салуу тууралуу арыздарын карап, айрым мыйзам бузууларды аныктаганын айтып, “соттор нотариуска айланып калыптыр” деген пикирин билдирди. Анын айтымында, чектөө тууралуу чечимдер соттордо жарандык иш катары каралган... Читать дальше...

Программисттер арасында Баткен элине колдоо көрсөтүү максатында сынак жарыяланганын Кыргызстандын Жогорку технологиялар паркы 5-декабрда билдирди. Баткендиктердин жашоосун жеңилдете ала турган эң мыкты IT сунушту ишке ашырууга  1 миллион сом бөлүнүп берилет. Социалдык долбоор алкагында, мисалы, элди ыкчам маалымдоо системасы сыяктуу жаңы программалар же процессти автоматташтыруу ыкмалары каралып, эң мыктысы тандалып алынат. Долбоор техникалык да, экономикалык да жактан ишке ашырыла тургандай болушу шарт экени белгиленди. Читать дальше...

Бишкекте түнкү клубда ок атылган окуянын чоо-жайы териштириле баштаганын 5-декабрда шаардын ички иштер башкармалыгы билдирди. Мекеменин басма сөз кызматынын маалыматына караганда, милицияга 4-декабрда кайрылган адам клубда бирөөлөр менен уруша кетип, алар ок чыгарганын айтып берген. Promzone түнкү клубунда болгон окуя Октябрь райондук милициясында Кылмыш-жаза кодексинин “Ээнбаштык” беренеси менен каттоого алынып, шектүү эки киши убактылуу кармоочу жайга киргизилди. Кыргызстанда курал алып жүрүү... Читать дальше...

Бишкекте психотроптук дарыларды уруксатсыз сатууга шектелген дарыкана кызматкери кармалганын бүгүн, 5-декабра шаардык милициянын басма сөз кызматы билдирди. Мекеменин маалыматына караганда, милиция “Рефлекс” деген аталыш менен рейд уюштуруп, дарыканаларды текшерди. Текшерүү баңгиликтин дарыдан көз каранды түрүн алдын алуу, психотроптук дарылардын рецептсиз жана дарыгердин уруксатысыз сатылышына, андай каражаттарды өспүрүмдөр сатып алып жатышына каршы күрөшүү максатында жүргүзүлгөнү маалымдалды. Читать дальше...

Жалал-Абад облусунда кургак учуктан былтыр 28 бейтап каза болгон. Жыл өткөн сайын кургак учукка кабылган адамдардын саны облуста кыскарганы менен, илдети өтүшүп кеткенде кайрылгандар арбыган. Алардын арасында мигранттар да көп болууда.

Баткенде, кыргыз-тажик чек арасында 3-декабрда чыр чыккан аймакта абал тынч экенин бүгүн, 5-декабрда “Азаттык” радиосуна Баткен районунун акими Учкунбек Жоробаев билдирди. Ал Тажикстандын Исфара районунун жетекчилиги менен кечээ телефон аркылуу сүйлөшүп, эл арасында түшүндүрүү иштерин жүргүзүү, аймакта туруктуулукту камсыз кылуу маселелерин талкуулаганын айтты. Аким кошумчалагандай, эки коңшу райондун чек ара жана милиция жетекчилери өз алдынча жолугушууларды өткөрдү. Жараат алган жергиликтүү... Читать дальше...

Бүгүн 5-декабрдан тартып Европа Биримдигинин Орусиянын мунайын деңиз жолдору аркылуу сатып алууга жана анын баасына карата киргизген чектөөсү иштей баштайт. Евробиримдик жана Кошмо Штаттар Орусиянын мунайынын бир баррели 60 доллар болот деп өткөн апта соңунда макулдашкан. Эки ай мурда алар Орусиянын танкердик мунайын сатып алуудан баш тартышкан.  Дүйнөнүн өнүккөн жети өлкөсү Орусиянын мунай сатуудан кирешесин азайтуу максатында баанын жогорку чегин аныктап, ошондон кымбат сатып албоону чечкен. Читать дальше...