Новости за 21.12.2022

Белгилүү төкмө акын Курсант Нурматовдун сөөгү бүгүн өзү туулуп-өскөн Ничке-Сай айылында коюлат.   Бул тууралуу “Азаттыкка” төкмө акын Чыңгызхан Кожошев билдирди. Акын Курсант Нурматов 20-декабрда оорудан улам 49 жашында акка моюн сунган.  Курсант Нурматов 1973-жылы 1-февралда Токтогул районунун Ничке-Сай айылында туулган. Акын 2001-жылы “Айтыш” коомдук фонду түптөлгөн кезде атактуу акындар Ашыраалы Айталиев, Эстебес Турсуналиев, Тууганбай Абдиевдерден сабак алган. Кийин устаттарынын көзү өткөндөн... Читать дальше...

Жогорку Кеңештин төрагасы Нурланбек Шакиев өлкөдө сасык тумоо курчуп жаткан учурда дары-дармек баасын көзөмөлгө алууну сунуштады. Бул тууралуу ал бүгүн, 21-декабрда парламент жыйынында билдирди. "Бүгүнкү күндө өлкөдө оорулар күчөп, сасык тумоонун бир нече түрү жүрүп жатат. Жарандардын, элибиздин саламаттыгы чоң маселе болуп турат. Ушундай учурда бардык дарыканалардагы дары-дармектин бааларын, жетиштүүлүгүн Саламаттык сактоо министрлиги, өкмөт көзөмөлгө алыңыздар. Спекуляцияга жол бербеш керек", - деди спикер. Читать дальше...

Маданият, маалымат, спорт жана жаштар саясаты министрлиги “Политклиника” басылмасынын үстүнөн жазган арызды четке какты. Бул тууралуу аталган медиа министрликтин алдындагы Маалымат жана массалык коммуникациялар департаментинин башчысы Салкын Сарногоевага таянып өзүнүн сайтына жазды. Маалыматка караганда, басылмага чара көрүү боюнча арызды Кара-Буура райондук сотунун судьясы Индира Асилова жазган. Министрлик “Политклиника” медиасынын “Чолпон-Атадагы маданият үйүнүн жери кримтөбөл Камчы Көлбаевдин... Читать дальше...

Ооганстанда студент кыздардын университетке баруу мүмкүнчүлүгү токтотулду. Бул тууралуу Reuters агенттиги талибдердин өкмөтүнүн Билим берүү министрлигинин катына таянуу менен билдирди. Ооганстанда Министрлер кабинетинин чечимине ылайык, мамлекеттик жана жеке менчик университеттерине студент кыздардын окуусун тез арада токтотуу тапшырмасы берилди. Чет элдик өкмөттөр, анын ичинде АКШ талибдердин администрациясын расмий таануудан мурда ооган бийлиги кыз-келиндердин билим алуусуна байланыштуу саясатын өзгөртүшү керектигин билдирди. Читать дальше...

Ааламга жолду айылдан баштаган англис тилчи Барчынай 31 жашта. Ал турмушка чыккандан иштебей үйдө отуруп калган. Бирок ага карабай алган билимин эл менен бөлүшүп, Тик-Ток платформасы аркылуу англис тилин жайылтууда. Каарманыбыз үйдө отуруп эле интернет аркылуу Америка, Европада иштеген чет элдик мугалимдердин видео сабактарын көрөт. Үч баланын энеси менен аймактагы кабарчыбыз Алмира Абидинова баарлашып кайтты.

Кыргыз эл артисти Советбек Жумадылов кыргыз театр өнөрүндө "психологиялык реализмдин" башатында турган интеллектуал актер болгон. Мындай баасын театр таануучу, публицист Кыргыз Республикасынын эл жазуучусу Жаныш Кулмамбетов "Азаттыкка" курган маегинде берди.

Билим берүү жана илим министрлиги жогорку окуу жайларга 2022-2023-окуу жылына кышкы кабыл алууга байланыштуу буйрук чыгарды. Ага ылайык, жалпы республикалык тестирлөөнүн жыйынтыгы боюнча жогорку окуу жайларына абитуриенттерди кабыл алуунун биринчи этабы 26-декабрдан 31-декабрга чейин жүрөт. Конкурска катышуу үчүн талапкерлерди каттоо 26-декабрда башталып, 28-декабрь күнү саат 14:00до аяктайт. Кабыл алууга сунушталган абитуриенттердин тизмеси 29-декабрь күнү саат 9:00го чейин жайгаштырылат. Читать дальше...

20-декабрда БУУнун баш катчысынын Ооганстан боюнча атайын өкүлү жана Улуттар Уюмунун Ооганстанга жардам көрсөтүү миссиясынын жетекчиси (UNAMA) Роза Отунбаева Коопсуздук кеңешинде ондогон жыл согуштан жабыркаган өлкөдөгү абал тууралуу баяндама жасады. Отунбаева 2021-жылы августта Кабулда "Талибан» кыймылы бийликти басып алгандан кийинки өлкөдө саясий жана адам укуктарына байланыштуу көйгөйлөр менен катар эле оң жылыштар бардыгын белгиледи. “Талибан” менен бир катар маселелер боюнча көз карашыбыз дал келбейт... Читать дальше...