Новости за 18.09.2022

Кыргыз бийлиги 16-17-сентябрдагы кыргыз-тажик чек арасындагы куралдуу кол салуудан мерт болгондордун саны 59га жеткенин билдирди. Алардын бири 15 жаштагы окуучу кыз. Чек аралаш аймакта 144 киши жараат алганы маалым болду.

Улуттук коопсуздук мамлекеттик комитетинин Чек ара кызматынын маалымат жана коммуникация башкармалыгынын маалыматына караганда, 18-сентябрь саат 22:30гө карай кыргыз-тажик чек арасынын Чоң-Алай районундагы жана Баткен облусундагы тилкесинде абалды турукташтыруу уланганы менен кырдаал чыңалуу бойдон сакталып турат. Маалыматка ылайык, жетишилген макулдашуулардын алкагында мамлекеттик чек ара сызыгындагы кошумча күч туруктуу жайгашкан пункттарына чыгарылып жатат. Кыргызстан менен Тажикстандын... Читать дальше...

Чек арадагы куралдуу кагылыштан жабыркагандар үчүн 17,4 миллион сом чогулду. Баткен облусуна жана тынч аймакка чыгарылган тургундарга гуманитардык жардам чогултуу, жөнөтүү уланууда. Бишкекке келген жабырлануучуларга жана Баткенге жардам чогултуу ишин жүздөгөн ыктыярчылар өз мойнуна алган.

18-сентябрда мекенин коргоп, курман болгон дагы бир жоокерди Нарын районунун Оттук айылында акыркы сапарга узатышты. Куралдуу кагылышууда мерт болгон Нурсултан Жаныбеков Чек ара кызматынын атайын даярдыктагы "Бөрү" отрядынын улук чалгынчысы жана көзгө атаары эле.

Жекшемби күнү Армениянын борбору Ереванда Жамааттык коопсуздук келишим уюмунан (ЖККУ) чыгууну талап кылган митинг өттү. Ага жүздөгөн адамдар катышты. Бул акциялар АКШ Конгрессинин Өкүлдөр палатасынын спикери Нэнси Пелоси Ереванга иш сапар менен барган учурда уюштурулду. Пелоси сөз сүйлөгөн “Гафесчян” арт-борборуна чыккандар АКШны Азербайжандын агрессиясына каршы чара көрүүнү өтүнүшсө, Эркиндик аянтына чогулгандар Арменияны ЖККУдан чыгуусун талап кылган чакырыктарды жасап турушту. Азербайжан менен... Читать дальше...

Кыргыз бийлиги 16-17-сентябрдагы кыргыз-тажик чек арасындагы куралдуу кол салуудан мерт болгондордун саны 59 адамга жеткенин билдирди. Алардын бири 15 жаштагы окуучу кыз. Саламаттык сактоо министрлигинин 18-сентябрда саат 22:30га карай берген маалыматына ылайык, чек арадагы кагылышта 144 адам түрдүү жаракат алды. Алардын арасында жаш балдар бар. Абалы оор бир нече кишиге Бишкекте операция жасалууда. Жаракат алгандардын 102си Бишкек менен Ош шаарындагы ооруканаларда жатат. Жети адам амбулатордук дарыланууда. Читать дальше...

Ленин айылынын тургуну Аксамай Борбуков 20 жылдан бери жашап келаткан батиринен күчкө салып чыгаруу аракети болуп жатканын айтат.

Жекшембинин кечинде Кыргызстандын Тышкы иштер министрлиги билдирүү таратып, 14-17-сентябрда кыргыз-тажик чек арасында болгон окуяны "Тажикстандын алдын ала пландаган куралдуу агрессиясы" деп атады. "Тажик тараптын адамгерчиликсиз аракеттеринен улам 18-сентябрга карата Кыргызстандын 46 жараны курман болуп, 140 киши жараланды. 140 миңден ашуун адам аргасыз эвакуацияланды. Эбегейсиз материалдык чыгым келтирилди. Душанбенин "Тажикстан республикасына карата куралдуу агрессия жасалды" деген негизсиз... Читать дальше...

Баткендеги чек ара жаңжалында ноокендик эки жоокер курман болду. 26 жаштагы Бекмырза Шарабидин уулунун бир айдан кийин сүйлөшкөн кызына сөйкө салып, үйлөнөм деген аруу тилеги бар эле. Ал эми Гүлжигит Бектанов бир ай мурда кыздуу болуп, бакытка балкып турган. Жалал-Абад облусунан беш жоокер мекен чегинде туруп, мерт болду.

Кыргыз-тажик чек арасындагы куралдуу кагылышта жабыркагандар 140ка жетти. 84 бейтап Бишкекке жеткирилип, алардын басымдуу бөлүгү Улуттук госпиталга жаткырылган. Бишкектен 89 дарыгер жана медициналык кызматкер Баткенге жиберилген.

Расмий Бишкек кыргыз-тажик чек арасында 16-сентябрда башталган куралдуу жаңжалда Кыргызстандан 46 адам мерт болгонун, 140 киши жараат алганын билдирди. Жекшембиде Тажикстандын Тышкы иштер министрлиги 14-сентябрдан бери 32 тажик жараны каза тапканын, алардын көбү жайкын тургундар экенин маалымдады.

Чек арадагы куралдуу кагылышта курман болгон аскерлердин сөөгү жерге берилүүдө. АКШда кыргызстандыктар митингге чыгышты. Орусиянын президенти Путин Кыргызстандын жана Тажикстандын лидерлери менен телефондон сүйлөшүп, чек арадагы кырдаалды талкуулады.

АКШдагы кыргыз диаспораларынын өкүлдөрү Бириккен Улуттар Уюмунун Нью-Йорк шаарындагы баш кеңсесинин алдына чогулуп, Тажикстандын бийлигинен чек арадагы куралдуу жаңжалды токтотууну талап кылышты. Ушундай эле талап менен митинг Чикаго шаарында да өттү.

Кыргыз-тажик чек арасындагы куралдуу кагылышта курман болгон Эламан Ураимовдун сөөгү 18-сентябрда Кара-Суу районундагы өзү туулган Савай айылында жерге берилди. Жакындары 28 жаштагы офицер мекен чегинде эрдик көрсөтүп, мерт болгонун айтып беришти.

Өзгөчө кырдаалдар министри Бообек Ажыкеев Баткендеги кыргыз-тажик чек арасындагы куралдуу кол салуудан улам дайынсыз кеткендерди күч түзүмдөрүнөн турган атайын топ издеп жатканын маалымдады. Министр канча адам дайынсыз экенин тактаган жок. “Жоголуп кеткен адамдар болуп жатат. Издөө топтору түзүлүп, иштеп жатат”, - деди министр. Кыргыз бийлиги 16-17-сентябрдагы кыргыз-тажик чек арасындагы куралдуу кол салуудан мерт болгондордун саны 46 адамга жеткенин билдирди. Алардын бири 15 жаштагы окуучу кыз. Читать дальше...

Каржы министрлигинин 18-сентябрдагы кечки саат 18:00гө карата маалыматына ылайык, Баткенге жардам көрсөтүү үчүн ыктыярчылар ачкан атайын эсепке 18 миллион 175 миң 38 сом түштү. Кыргыз-тажик чек арасындагы куралдуу кагылышта жабыркагандарга гуманитардык жардам чогултуу уланууда. Жер-жерлерде жардамдарды кабыл алган бир нече атайын жайлар уюштурулуп, анда чек арадагы жаңжалда жабыркап, коопсуз жайга эвакуацияланган тургундарга азык-түлүк, тамак-аш, гигиеналык каражаттар, балдарга зарыл болгон буюм-тайымдарды чогултуп... Читать дальше...

Түркияда эмгектенген кыргызстандыктар кыргыз-тажик чек арасындагы куралдуу кол салуудан жабыркагандар үчүн акчалай жардам чогулта баштады. Бул тууралуу Түркиянын Анталия шаарындагы "Кыргыз айымдар" коомунун жетекчиси Периза Асаналиева "Азаттыкка" билдирди. Анын айтымында, коомдун мүчөлөрү 17-сентябрдан тарта материалдык жардам чогултулуп жатат. Ушул эле Анталия шаарындагы Кыргыз диаспорасынын төрагасы Шерикбек Акимов жергиликтүү бийлик менен биргеликте чек арада кызмат өтөп жаткан аскерлерге медициналык... Читать дальше...

Кыргыз-тажик чек арасындагы куралдуу кагылышта курман болгон чек арачы Чыңгыз Акчалов бүгүн, 18-сентябрда кичи мекени Талас облусунун Манас районуна караштуу Бала-Саруу айылында жерге берилди. Бул тууралуу "Азаттыкка" анын бир тууган эжеси Айжамал Акчалова билдирди. "Чыңгыз танкалык бөлүктүн командири эле. Бужум айылындагы атышуу учурунда танк түтөп, сыртка чыкканда жүрөгүнө ок тийип каза болуптур. Көптөн бери Таласка келем деп, бөлүктүн командири болгондуктан улам жумушу чыгып келе албай жүргөн. Читать дальше...

Президент Садыр Жапаров 18-сентябрда "Баткен жана Ош облустарынын административдик-аймактык бирдиктерин калыбына келтирүү жана өнүктүрүү боюнча биринчи кезектеги чаралар жөнүндө" жарлыкка кол койду. Ага ылайык, эки облуста болгон куралдуу кагылыштан жабыр тарткандардын, курман болгондордун, дайынсыз жоголгондордун, жарадарлардын, турак жай жана кыймылсыз мүлкүнөн айрылгандардын укугун коргоо, жоголгон документтерди, талкаланган административдик-аймактык бирдиктерди калыбына келтирүү иштери Министрлер... Читать дальше...

Кыргыз бийлиги 16-17-сентябрдагы кыргыз-тажик чек арасындагы куралдуу кагылышуудан мерт болгондордун саны 46 адамга жеткенин билдирди. Алардын бири 15 жаштагы окуучу кыз. Саламаттык сактоо министрлигинин 18-сентябрь, саат 17:00гө карай берген маалыматына ылайык, чек арадагы кагылышта 140 адам түрдүү жаракат алды. Алардын арасында жаш балдар бар. Абалы оор бир нече кишиге Бишкекте операция жасалууда. Жаракат алгандардын 102си Бишкек менен Ош шаарындагы ооруканаларда. Алардын 10у жаш балдар. Баш-аягы... Читать дальше...

Казакстандын президенти Касым-Жомарт Токаев борбор шаарды кайрадан Астана деп өзгөртүү жөнүндө Конституцияга киргизилген өзгөртүүлөргө кол койду. Иш жүзүндө бул шаардын атын өзгөрткөн алтынчы чечим болуп калды. Баш мыйзамды өзгөртүү боюнча Токаев кол койгон өзгөртүүлөр мындан сырткары президенттик мөнөттү беш жылдан жети жылга чейин узартып, бир мөөнөткө гана шайлоону да камтыйт. Нур-Султан шаардык кеңешинин депутаттары 15-сентябрдагы жыйынында борбор калаанын аталышын кайрадан Астана деп өзгөртүү демилгесин бир добуштан колдогон. Читать дальше...

Азербайжан менен Армениянын ортосундагы куралдуу жаңжалдын фонунда АКШ Конгрессинин Өкүлдөр палатасынын спикери Нэнси Пелоси Ереванга иш сапар менен барды. Бул тууралуу эл аралык жана жергиликтүү басылмалар кабарлады. Визит 19-сентябрга чейин созулат. Бул аралыкта Пелоси Армениянын премьер-министри Никол Пашинян, бул өлкөнүн Улуттук жыйынынын спикери Ален Симонян жана башка жогорку аткаминерлери менен жолугат. Нэнси Пелоси Армения эгемендик алгандан кийин келген АКШнын эң жогорку аткаминери болуп калды. Читать дальше...

Президент Садыр Жапаров менен Орусиянын мамлекет башчысы Владимир Путин телефондон сүйлөшүп, кыргыз-тажик чек арасындагы кырдаалды талкуулады. Бул тууралуу Кыргызстандын президентинин басма сөз кызматы билдирди. “Садыр Жапаров Владимир Путинге учурдагы абал, кыргыз тараптан каза болгондордун жана жабыркагандардын саны, кагылышуулардын натыйжасында Баткен облусунун чек аралаш айылдарындагы жарандык жана социалдык инфраструктуралык объектилер талкаланганын маалымдады”, - деп айтылат президенттин басма сөз кызматы тараткан маалыматта. Читать дальше...

Президент Жапаров кол койгон жарлыкка ылайык, 19-сентябрь өлкөдө Улуттук аза күтүү жарыяланды. Бул тууралуу президенттин расмий сайты жазды. Улуттук аза күтүү күнүндө өлкөнүн бүткүл аймагында, ошондой эле чет өлкөдөгү дипломатиялык жана консулдук мекемелердин имараттарында Кыргыз Республикасынын мамлекеттик туусу түшүрүлөт. Маданият мекемелерине жана телерадиокомпанияларына аза күтүү күнү оюн-зоок иш-чараларын жана берүүлөрүн токтотуу сунушталат. Кыргызстандын расмий билдирүүсүндө, 16-17-сентябрдагы... Читать дальше...

Президенттин Баткен облусундагы ыйгарым укуктуу өкүлү Абдикарим Алимбаев Төрт-Көчө аймагы толук ачык экенин "Азаттыктын" кабарчысына жеринен ырастады. Кыргызстандын ИИМи Лейлек менен Баткендин ортосунда жарандар кооптонбой каттай берсе болорун билдирди.