Новости за 29.09.2022

Бүгүн 29-сентябрда Өзгөндө Кемпир-Абадга байланыштуу 100дөй адам чогулду. Орусиянын бийлиги Казакстан, Грузия, Финляндиянын чек араларына мобилдик аскердик комиссариаттарды коюп, аскердик каттоодо тургандарга ошол жерден чакыруу кагазын таратууда. Түркияда IV Дүйнөлүк көчмөндөр оюндары башталды.

Казакстанда Тунгуч президент Нурсултан Назарбаевдин күнүн мамлекеттик майрамдардын катарынан чыгарылып, Республиканын күнү расмий киргизилди. Тиешелүү мыйзам долбооруна 29-сентябрда президент Касым-Жомарт Токаев кол койду. 1990-жылдын 25-декабрында Казакстандын суверенитети жөнүндө декларация кабыл алынган. Анын текстин өлкөнүн Жогорку Совети жактырган жана бул күндү Республика күнү катары майрам катары бекиткен. Ал 2009-жылга чейин белгиленген жана ошол учурдагы президент Нурсултан Назарбаев кол койгон жарлыкка ылайык жоюлган эле. Читать дальше...

29-сентябрда Түркиянын Изник шаарында Төртүнчү Дүйнөлүк көчмөндөр оюндары башталды. Ага 102 өлкөдөн барган үч миңдей спортчу катышууда. Кыргызстандан барган 148 атлет спорттун 11 түрү боюнча ат салышат. Кыргызстанда башат алган Көчмөндөр оюндарынын расмий ачылышына президент Садыр Жапаров катышат.

Билим берүү жана илим министрлигинин кызматкерлери өлкө бийлигине кайрылып, министр Алмазбек Бейшеналиевдин ишин калыс иликтенишин камсыздап берүүнү суранышты. Текст түрүндөгү кайрылуу жана аны коштогон видео мекеменин Фейсбуктагы баракчасына жарыяланды. Кайрылуу президент Садыр Жапаровдун, Министрлер кабинетинин төрагасы Акылбек Жапаровдун жана Жогорку Кеңештин спикери Талант Мамытовдун атына жолдонду. Министрликтин кызматкерлери Бейшеналиевди реформачыл жетекчи катары мүнөздөп, билим берүү... Читать дальше...

Президент Путин мобилизация жарыялаган соң Орусиянын көп шаарында нааразылык акциялары болуп, үч миңдей киши кармалды. Кремль фронтко 300 миң кишини тартууну көздөрүн билдирди. Армияга Орусиянын жарандыгын алган мигранттар да тартылууда. Согушка баргысы келбеген мигранттар эмне кылышы керек?

Түркиянын Изник шаарында өтүп жаткан IV Дүйнөлүк Көчмөндөр оюндарында көкпар боюнча таймаштарда Кыргызстандын командасы түркиялык атаандаштарын 9:3 эсебинде утуп алды. Бул тууралуу Кыргызстандын көкбөрү федерациясынын маалымат кызматы билдирди. Маалыматка караганда спорттун бул түрүнөн алты команда ат салышууда. Кыргызстан менен Түркиянын оюнчуларынан сырткары Казакстан, Өзбекстан, Монголия жана Венгриянын улакчылары катышат. Кыргызстан ойногон А тобуна Түркия менен Монголия курамалары бөлүнгөн. Читать дальше...

Ирандагы адам укуктарын коргоо борбору (ICHRI – Iran Center Human Rights) машстабдуу нааразылык акцияларында өлгөндөрдүн саны кеминде 76га жеткенин маалымдады. Расмий Тегеран каршылыктарда 60тай адам мерт болгонун, алардын бир тобу коопсуздук кызматкерлери экенин кабарлоодо. Жүздөгөн адамдар жабыркады. Социалдык тармактарда тараган видеолордон көрүнүп тургандай, соңку суткада демонстрациялар кеминде алты шаарда – Тебриз, Нажафабад, Исфахан, Тегеран, Мешхед, Санандаж жана Урмия шаарларында уланды. Читать дальше...

Орусия Федерациясынын субъектиси – Дагестан Республикасынын Дербент шаарынын аскердик комиссариаты калаада жашаган эркек тургундарынын бардыгын аларга келип кетүүсүн талап кылды. Комиссарлар шаардын көчөлөрүн аскердик автоунаа менен кыдырып, үн күчөткүч менен ушундай кайрылуу жасады. Мындай формадагы чакырууну “Осторожно, новости” Телеграм-каналы жарыялады. “Эркин Европа/Азаттык радиосунун” “Кавказ.Реалии” долбоорунун журналисттери комиссариатка катардагы жаран катары чалып байланышкан учурда муну ырасташкан. Читать дальше...

Бишкек шаарынын Шүкүров көчөсүндө "кызыл тилкеден" чыгып кеткен имараттардын, анын ичинде Жогорку Кеңештин депутаты Элмурза Сатыбалдиевге таандык үйдүн короосунун дубалы сүрдүрүлдү. Парламенттин тармактык комитетинде депутат менен шаардын вице-мэри Нурдан Орунтаев ушул көчө боюнча кайым айтышкан видеосу социалдык тармактарда кызуу талкууланган.

Билим берүү жана илим министри Алмазбек Бейшеналиев 48 саатка Бишкек шаардык Ички иштер башкармалыгынын убактылуу кармоочу жайына камалды. Маалыматты Ички иштер министрлиги "Азаттыкка" тастыктады. Бейшеналиев чет өлкөлүк студенттерди ата мекендик жогорку окуу жайларына киргизүү үчүн 110 миң доллар пара алуу фактысы менен кармалганын милиция 28-сентябрда түнү кабарлаган. Бейшеналиевдин тарапкерлери муну чагым деп аташууда. Өзүнөн же адвокатынан комментарий алууга азырынча мүмкүн болгон жок. ... Читать дальше...

Бишкек шаарынын вице-мэри Бактыбек Абдиев коррупцияга шек саналууда. "Азаттыктын" атайын кызматтагы ишенимдүү булактары ал Мамлекеттик курулуш комитетин жетектеп турганда жемкорлукка барганы үчүн кармалганын кабарлашты.  Азырынча маалыматты Абдиевдин өзүнөн,  жакындарынан же мэриядан тастыктаганга мүмкүн болгон жок.  Мурдараак Улуттук коопсуздук мамлекеттик комитети (УКМК) Улуттук онкология жана гематология борборун курууда коррупциялык схема аныкталып, ага бөгөт коюлганын кабарлаган. Буга байланыштуу... Читать дальше...

Улуттук онкология жана гематология борборун курууда коррупциялык схема аныкталып, ага бөгөт коюлганы тууралуу Улуттук коопсуздук мамлекеттик комитети (УКМК) кабарлады. 29-сентябрда таратылган расмий маалыматка ылайык, Кылмыш-жаза кодексинин 336-беренеси (коррупция) менен иликтенип жаткан иштин алкагында аталган борбордун имараттарын курууда жана капиталдык оңдоодо Мамлекеттик курулуш комитетинин жооптуу адамдарынын жемкорлугу аныкталган. Курулуш иштерин жүргүзүү үчүн подрядчыны тандоодо сынак өткөрүлбөй... Читать дальше...

Кыргызстандын президенти Садыр Жапаров 29-сентябрда иш сапары менен Түркияга барды. Мамлекет башчысынын учагы Бурса шаарына конду. Андан ары Изник шаарында өтө турган IV Дүйнөлүк көчмөндөр оюндарынын ачылыш аземине катышары расмий кабарланды. Президентти биринчи айым Айгүл Жапарова коштоп барды. 29-сентябрда Түркиянын Изник шаарында IV Дүйнөлүк көчмөндөр оюндары башталды. Ага 102 өлкөдөн барган үч миңдей спортчу катышууда. Изникке Кыргызстандан 148 спортчу барды. Алар спорттун 11 түрүнөн ат салышат. Читать дальше...

Кыргыз-тажик чек арасындагы 14-17-сентябрдагы жаңжалда Баткен районунун Ак-Сай айылындагы талкаланган турак жайлардын короосу тазаланып жатат. Бийлик жаңы үйлөрдү кышка чейин куруп бүтүрүүгө убада берген. "Жаңы курган үйүм өрттөлдү" Ак-Сай айылынын тургуну Абдалим Акматов жаңы курган үйүнө көчүп киргенге жетишпей, чек арада кандуу кармаш башталганда өзүнүн жанын араң алып качкан. Ошондон бери үй-бүлөсү менен Баткен шаарында убактылуу жашап жатат. Жаңы бүтүп эми кирем деп турган үйүнүн аркайып төрт дубалы эле калган. Читать дальше...

Министрлер кабинетинин төрагасы Акылбек Жапаров 1-октябрдан тарта чек арада иштеген аскерлердин айлыгы эки эсе көтөрүлөрүн айтты. Ал Лейлек районунун Кулунду айыл аймагына караштуу Максат айылында болду. Жапаров менен жолуккан жергиликтүү тургундар чек арачылардын айлыгын көбөйтүү маселесин көтөрүштү. "16 миң сом айлык алып жаткандар эми 38 миң сом алат. Лейлек менен Баткенге эки коэффициент кошулат, ошондо алар 76 миң сом алышат, - деди Жапаров. Акылбек Жапаров 29-сентябрда Лейлек районуна барды. Читать дальше...

Жогорку Кеңеш кыргыз-тажик чек арасындагы куралдуу кагылышуу боюнча Бириккен Улуттар Уюмунун (БУУ) Коопсуздук кеңешине жана башка эл аралык уюмдарга кайрылуу жөнөтүү чечимин кабыл алды. Депутаттар тийиштүү чечимге парламенттин 29-сентябрдагы жыйынында добуш беришти. Эл аралык иштер, коргоо, коопсуздук жана миграция боюнча комитетинин төрагасы Чыңгыз Айдарбеков кайрылуунун текстин аталган комитет даярдаганын билдирди. "Бул Жогорку Кеңештин БУУнун Коопсуздук Кеңешине жана башка уюмдарга Тажикстандын... Читать дальше...

Кыргызстан быйыл кышында да сырттан электр энергиясын сатып аларын бүгүн 29-сентябрда Жогорку Кеңештин жыйынында энергетика министринин орун басары Тилек Айталиев билдирди. Депутаттардын суроолоруна жооп берип жатып ал Токтогул суу сактагычында азыркы кезде 13,6 миллиард куб метр суу бар экенин, былтыр 1-октябрда бул көрсөкүч 12,3 миллиард болгонун айтты: “Электр энергиясына болгон суроо-талапты эске алып импортту токтоткон жокпуз. Анткени кышында суроо-талап эселеп өсөт. Андан тышкары экологиялык категориялар да бар ... Читать дальше...

Кыргызгидромет кызматы 30-сентябрда күндүз Чүй, Талас, Ош, Баткен, Ысык-Көл облустарынын айрым жерлеринде жамгыр, бийик тоолуу райондорунда кар жаайт деп кабарлады. Жалал-Абад, Нарын облустарында жаан-чачын болбойт. Батыш тараптан жел согуп турат. Абанын температурасы: Чүй облусунда түнкүсүн 4...9, күндүз 17…22; Талас жергесинде түнкүсүн 0...5, күндүз 15…20; Баткен, Ош, Жалал-Абад дубандарында ​түнкүсүн 8…13, күндүз 21…26; Ысык-Көл облусунда түнкүсүн 4...9, күндүз 17...22; Нарын облусунда түнкүсүн 0…5... Читать дальше...

Кыргыз-тажик чек арасындагы каргашанын айынан үй-жайын таштап чыгууга аргасыз болуп, Ысык-Көл облусуна эвакуация болгондордун биринчи этабы кайрадан Баткенге кайтты. Бул тууралуу 29-сентябрда Өзгөчө кырдаалдар министрлиги билдирди. Мекеменин маалыматына караганда, Чолпон-Ата шаарынан 52 адам эки автобус менен жолго чыкты. Ысык-Көл облусуна Баткенден жалпысынан 169 адам барган. Жалпы Баткен облусу боюнча 136 770 адам эвакуация болгон. Алардын көбү облустун башка аймактарына, калгандары Ош, Жалал-Абад... Читать дальше...

Улуу Британиянын Кыргызстандагы элчилиги иликтөөчү Болот Темировдун соттон акталышына байланыштуу билдирүү таратты. Элчилик Темировго козголгон ишке кылдаттык менен байкоо салганын маалымдады. 29-сентябрда таратылган билдирүүдө көз карандысыз журналистика Кыргызстан дайыма бекемдөөгө умтулуп келген демократиянын негизги бөлүгү экени айтылып, журналисттерге коюлган айыптар конкреттүү далилдерге негизделиши керектиги кошумчаланган.   Мунун алдында Европа Биримдиги жана АКШнын Кыргызстандагы... Читать дальше...

Ирактын Күрдистан аймагында Ирандын өкмөттүк күчтөрүнүн 28-сентябрдагы бомбалоосунан улам кеминде 13 адам өлүп, 58 адам жараат алды. Бул тууралуу Ирандын IRNA мамлекеттик маалымат агенттиги кабарлады. Анда айтылгандай, бул жолку соккулар Ирактагы күрддөрдүн аймактык борбору Эрбиль шаарында жана Сулеймания шаарына жасалды. Ирандагы Ислам революциясынын сакчылар корпусу 24-сентябрда да коңшу Ирактын түндүгүндө жайгашкан согушкерлердин базасына сокку урган. 28-сентябрдагы чабуулдар күрддөргө жасалган андан кийинки чабуул болуп калды. Читать дальше...

Европа Биримдиги кыргызстандык иликтөөчү журналист Болот Темировго коюлган айыптоолордон актаган соттун чечимин кубаттады. "Биз Кыргызстандын өкмөтүн адам укуктары жаатындагы улуттук мыйзамдарга жана эл аралык милдеттенмелерге ылайык, тиешелүү даттануу процессинде акыйкат соттук териштирүүнү камсыз кылууга чакырабыз", - деп айтылат Евробиримдиктин 29-сентябрда тараткан билдирүүсүндө. Евробиримдик журналисттердин сөз эркиндигин жана жеке коопсуздук кепилдиктерин камсыз кылуу маанилүү экенин белгиледи. Читать дальше...

Улуттук коопсуздук комитетинин (УКМК) басма сөз катчысы Күмүшбек Шабданов президенттин Ысык-Көлдөгү мурдагы өкүлү Алтынбек Сулаймановдун кармалганы тууралуу маалыматты четке какты. Мунун алдында социалдык тармактарда анын камалганы тууралуу маалыматтар чыккан. Айрым басма сөз каражаттары Сулайманов бир суткадан бери УКМКда сурак берип жатканын жазышкан. Сулаймановдун айрым партиялаштары, санаалаштары аны менен байланыша албай жатканын билдиришүүдө. Алтынбек Сулайманов 27-сентябрда кызматтан кеткенин жарыялап... Читать дальше...

Орусияда жарыяланган жарым-жартылай мобилизация Кыргызстанда да талкуунун чордонунда турат. Себеби бул өлкөдө бейрасмий маалыматтар боюнча 1 миллиондон ашык кыргызстандык мигрант, анын ичинде Орусиянын жарандыгын алган мекендештер бар.

29-сентябрда Түркиянын Изник шаарында IV Дүйнөлүк көчмөндөр оюндары башталды. Ага 102 өлкөдөн барган үч миңдей спортчу катышууда. Изникке Кыргызстандан 148 спортчу барды. Алар спорттун 11 түрү боюнча ат салышат. Спортчулар ат оюндарында көкбөрү жана көкпар, күрөш боюнча- ашыртмалы аба күрөшү, капышмалы аба күрөшү, пахлавани, шалвар күрөшү, май күрөшү, бел боо күрөшү, кураш, мас-рестлинг жана жаа атуу боюнча мелдештерде күч сынашат. Ал эми тогуз коргоол жана кыргыз күрөшүнөн таймаштар көрсөтмө оюндары катары өтөт. Читать дальше...