Новости за 23.09.2022

Кабулда мечиттин жанындагы жарылуудан 7 адам өлүп, 41 адам жаракат алды. Бул тууралуу Ооганстанды башкарып жаткан “Талибан” кыймылынын өкүлдөрү кабарлады. 23-сентябрдагы жарылуу Вазир Акбар-Хан районунда катталды. Бул кварталда мурда бир катар чет элдик элчиликтер, НАТОнун өкүлчүлүгү жайгашкан, учурда аны талибдер көзөмөлдөйт. Талибдердин өкмөтүнүн маалыматына караганда, жарылуу жума күнкү намаздан чыгып бараткан учурда катталган. Жардырууга азырынча эч бир топ жоопкерчилик ала элек. Коопсуздук күчтөрү окуя болгон жерди курчоого алып... Читать дальше...

Жарандык активист, блогер Эрик Абдыкалыков милицияга сурак берип чыкты. Ал Инстаграмдагы баракчасына жарыялаган пикири үчүн чакырылганын "Азаттыкка" билдирди. Эми ал тийиштүү экспертизадан өткөрүлөт. Өзүнүн айтымында, ал 24-сентябрда боло турган Кыргызстан менен Орусиянын ортосунда футбол боюнча жолдоштук беттешти чек арада курман болгондорду эскерүү менен баштоону сунуштаган. Мунун алдында активист аны ыкчам кызматкерлер машинага салып Бишкек милициясына алып кеткенин жазган. Анын жазганына караганда... Читать дальше...

Кыргызстандагы чет мамлекеттердин элчилери, эл аралык уюмдардын өкүлдөрү жана журналисттер кирген чоң топ Баткенге барып, чек арадагы куралдуу кол салуудан жакындарын жоготкон тургундар менен жолугуп, талкаланып, өрттөлгөн айыл-кыштактарды көрүштү. Алар менен сапарлаш болгон "Азаттыктын" кабарчысы Токтосун Шамбетовдун блогу. Кыргыз өкмөтү билдиргендей, бул сапардын максаты Баткенге куралдуу кол салуу болгонун эл аралык коомчулукка ачык көрсөтүү эле. Бирок белгилүү себептерден улам дипломаттар менен... Читать дальше...

Кыргыз-тажик чек арасында куралдуу жаңжалдан жабыркаган эки өлкөнүн тең айылдарында дүкөн-базарлар өрттөнүп, ондогон үйлөр күлгө айланып, жүздөгөн адам өмүрү кыйылды. Он миңдеген тургун башка жерлерге башкалка издеп качууга аргасыз болду. "Азаттык" жана "Озоди" радиосунун видео баяны.

Баткенде төрт мобилдик клиника иштеп жатат. Бишкектен барган 16 медициналык бригада жергиликтүү элге жардам берүүдө. Орусиянын мыйзамына ылайык, кош жарандыгы барлар орус жараны гана болуп эсептелет. Бул тууралуу Кыргызстандын Москвадагы элчилиги билдирди.

Куралдуу кармашта Баткен облусунун чек аралаш айылдарында талкаланып, өрттөлгөн турак жай, имараттарды тактоо жүрүп жатат. Ишембидеги маалыматка караганда, 600дөн ашуун үй-жай, социалдык жайлар кыйраган. Учурда айрым айылдарда жарылбай калган снаряддарды тазалоо иштери да жүрүп жатат.

22-сентябрда Тажикстандын Тышкы иштер министрлигинин (ТИМ) расмий сайтына Кыргызстанда тажик жарандарын жана этникалык тажиктерди куугунтуктоо саясаты жүрүп жатканы тууралуу билдирүү жарыяланган. Кыргызстандын ТИМи муну чагым деп атаган. Кыргызстанда жашаган этникалык тажиктер расмий Дүйшөмбүнүн соңку билдирүүсүндө айтылган айрым жагдайларды четке кагышууда. Коңшу өлкөнүн тышкы саясат мекемеси жарыялаган маалыматтардын чын-төгүнүн териштирүүгө аракет кылдык. "Дипломатиялык кайым айтыш" Чек арадагы... Читать дальше...

Улуттук коопсуздук мамлекеттик комитетинин Чек ара кызматы Баткен районундагы тажик тараптын аткылоосуна кабылган "Тамдык" чек ара бекети Кыргызстандын көзөмөлүндө экенин билдирди. Бул тууралуу аталган мекеме 23-сентябрда маалымат таратты. Анда 16-сентябрда чек арадагы куралдуу кагылышууда тажик тарап "Тамдык" чек ара тозотун артиллериялык куралдар менен аткылаганы, алар сан жагынан көп болгону айтылат. "Чек ара тозотунун башчысы өз өмүрүн кыйып, тозоттун өздүк курамына үстөмдүк кылган бийиктикке чыгууга мүмкүнчүлүк берип... Читать дальше...

Ирандагы адам укуктарын коргоо борборунун (ICHRI – Iran Center Human Rights) маалыматында машстабдуу нааразылык акцияларында өлгөндөрдүн саны кеминде 36га жетти. Расмий Тегеран каршылыктарда 17 адам мерт болгонун, анын ичинде бешөө коопсуздук кызматкерлери экенин тактады. Жүздөгөн адамдар жабыркады. 13-сентябрда Тегеранда адеп-ахлак полициясы көчөдө хижабсыз жүргөнү үчүн деген негизде кармап кеткен 22 жаштагы студент кыз Махса Амини абакта каза болгону 16-сентябрда кабарланган. Полиция ал жүрөгү кармап көз жумганын маалымдаган... Читать дальше...

Баткендин чек арадагы каргашада үй-жайын таштап чыгууга аргасыз болгон тургундарынын айрымдары үйлөрүнө кайта башташканын 23-сентябрда Ички иштер министрлиги (ИИМ) билдирди. Мекеме милиция кызматкерлери күнү-түнү күзөт жүргүзүп жатышканын белгилеп, үйүнө кайтып жаткандарды этият болууга чакырды: “Айыл ичинде же короодо, үйдө жарылбай калган снаряддарды же шектүү буюмдарды байкасаңар өз алдынча чара көрбөй, ал нерселерге жакын жолобой, дароо кайгуулда жүргөндөргө же ыкчам топторго билдириңиздер. Читать дальше...

Баткен облусунун Баткен районунда абал салыштырмалуу туруктуу экенин 23-сентябрда саат 15те район акими Учкунбек Жоробаев билдирди. Анын айтымында, 100 миң калкы бар райондун 60 миңге жакыны коопсуз райондорго эвакуация болгон. Бүгүнкү күндө айылдарда жарылбай калган болушу ыктымал снаряддарды аныктоо жана аларды зыянсыздандыруу иши жүрүп жатканы, 321 үй жараксыз абалга кептелгени, жети мектеп, беш бала бакча, эки фельдшердик-акушердик пункт, райондун тиричилигин камсыздоочу 145 объект жабыркаганы, бул сандар акыркы эмес экени белгиленди. Читать дальше...

Президент Садыр Жапаров 23-сентябрда Кыргызстандын жарандыгын берүү жана жарандыктан чыгаруу тууралуу жарлыктарга кол койду. Ага ылайык, 1790 адамга (1433ү чоңдор, 357си балдар) жарандык берилди. Президенттин басма сөз кызматы алардын басымдуу бөлүгү тарыхый мекенине кайтып келген этникалык кыргыздар экенин билдирди. Президенттин дагы бир жарлыгына ылайык, 25 киши Кыргызстандын жарандыгынан чыгарылды. Алардын 20сы чоңдор, бешөө балдар. Садыр Жапаров былтыр июль айында этникалык кыргыздарга... Читать дальше...

Баткендеги соңку окуяларга байланыштуу Бишкекте Кожомкул атындагы Спорт ордосунда ачылган “Баткенге жардам” республикалык штабы ишин жыйынтыктады. Бул тууралуу 23-сентябрда “Азаттык” радиосуна маданият, маалымат, спорт жана жаштар саясаты министринин орун басары, штабды уюштуруу тобунун мүчөсү Союзбек Надырбеков билдирди. Анын айтымында, бул штабга Баткенден үй-жайын таштап чыгууга мажбур болгон алты миңдей адам кайрылды, алардын эки миңге жакыны атайын жайларга, калгандары жакындарыныкына жайгаштырылды... Читать дальше...

Баткенден Ак-Татыр айылы чек арадагы куралдуу кагылышта эки жоокеринен айрылды. Анын бири тоо тараптагы позицияда акырына чейин кармашса, экинчиси ок атылып жаткан жерден бир тууганына аман-эсен чыгып кетүүгө шарт түзүп берген.

Бишкек шаарында 15 жаңы мектеп жана бир бала бакчанын курулушуна мамлекеттик бюджеттен 2,5 миллиард сом, борбор калаанын мэриясынан 500 миллион сом бөлүнгөн. Бул тууралуу 23-сентябрда Министрлер кабинетинин төрагасы Акылбек Жапаров билдирди. Өкмөттүн басма сөз кызматы билдиргендей, Жапаров 23-сентябрда Бишкектеги эки мектептин кошумча имараттарынын ачылыш аземине катышкан.  "Буга чейин президент Бишкек шаарында күзгө чейин 15 орто мектеп жана 1 бала бакча куруу милдетин койгон. Бул милдеттер аткарылды. Читать дальше...

Кыргыз-тажик чек арасындагы жаңжалда Баткен жана Лейлек районундагы бир катар сактык кассалары, банкоматтар талкаланып, өрттөлгөн. Бул тууралуу Улуттук банктын Баткен облусундагы өкүлчүлүгүнүн директору Акмал Раззаков 23-сентябрдагы брифингде билдирди. Анын айтымында, Лейлек районундагы Жаңы-Жер, Борбордук, Ак-Сай, Кулунду, Интернационал айылдарында банктык жабдуулар жабыркап, иштебей турат. Алардын көбү күйүп кеткен. "Кыргыз-тажик кагылышуусунан кийин келтирилген жалпы чыгымдын суммасы эсептелүүдө. Читать дальше...

Армениянын жана Азербайжандын бийлиги бири-бирин ок атышуу режимин бузууга айыптады. Эки өлкөнүн Коргоо министрликтери чек арада окту биринчи каршылашкан тарап чыгарды деп билдирди. Атышууда Армения тараптан бир аскер жаракат алганы айтылды. Армения өткөн жумадагы чек арадагы кагылышууда 207 киши курман болгонун же дайынсыз жоголгонун билдирди. Алардын арасында эки карапайым тургун бар экени маалымдалды. Андан тышкары 300дөй аскер жана бир нече жайкын тургун жарадар болгону, 20дай аскер туткунга... Читать дальше...

"Кыргызстандагы тажиктер" коомдук бирикмесинин биринчи вице-президенти Мавлянжан Абдураззаков Тажикстандын Тышкы иштер министрлигинин "Кыргызстанда этникалык тажиктер кысымга кабылууда" деген маалыматын төгүндөдү. Ал 23-сентябрда "Азаттык" радиосуна комментарий берип, Дүйшөмбү тараткан билдирүү чындыкка дал келбей турганын айтты: "Тажик тектүүлөр коркутууга кабылып, басым өткөрүлүп жатканы тууралуу эч ким кайрылбады, факты жок. Чек арадагы кырдаалдан улам эл арасында чагым чыгып кетпесин деп той-зыяпаттарды токтотконбуз. Читать дальше...

Кадамжай аймактык ооруканасында кыргыз-тажик чек арасындагы куралдуу кол салуудан качып келген алты келин төрөдү. Жалпысынан убактылуу башкалкалап жаткандардын арасында 100дөн ашык кош бойлуу келин бар.

Баткенде кыргыз-тажик чек арасындагы каргашалуу окуя учурунда үй-жайын таштап чыгып кетүүгө мажбур болгондордун арасынан кош бойлуу 39 келин дарыгерлерден жардам сурап кайрылганын 23-сентябрда “Кабар” улуттук маалымат агенттигинде өткөн маалымат жыйынында Саламаттык сактоо министрлигинин Жарандык коргонуу секторунун башчысы Кубаныч Калмаматов билдирди. Анын айтымында, 39 аялдын 27си аман-эсен көз жарып алды. Дарыгерлерге кайрылгандардын 10у Бишкектин ооруканаларына жактырылган, алардын үчөө көз жарды... Читать дальше...

Баткенде жараат алгандарга зарыл кан запасы толук чогулуп бүткөнүн 23-сентябрда “Кабар” улуттук маалымат агенттигинде өткөн маалымат жыйынында Саламаттык сактоо министрлигинин Жарандык коргонуу секторунун башчысы Кубаныч Калмаматов билдирди. Анын айтымында, жалпысынан Баткендеги каргаша башталган күндөн тартып Кан борборуна ыктыярдуу түрдө 1200дөн ашык адам барып, кан тапшырды: “Баткен облусуна жетиштүү көлөмдө эритроцит массасы жана жаңы тоңдурулган плазма, ошондой эле керектүү медициналык материалдар... Читать дальше...

Баткенде чек арадагы каргашада жараат алган 198 адамдын  61и азыркы тапта үйдөн дарыланууда, 126сы Бишкектин жана Оштун, калгандары Баткендин ооруканаларында жатышат. Бул тууралуу 23-сентябрда “Кабар” улуттук маалымат агенттигинде өткөн брифингде Саламаттык сактоо министрлигинин Жарандык коргонуу секторунун башчысы Кубаныч Калмаматов билдирди. Анын айтымында, жараат алгандардын 13ү балдар, 14ү аялдар. Баткенде үй-жайын таштап чыгып кетүүгө мажбур болгондор үчүн төрт мобилдик клиника иштеп жатканын... Читать дальше...

24-сентябрда түнкүсүн Ысык-Көл облусунун айрым жерлеринде өткүн өтүп, күн күркүрөйт. Калган аймактарда жаан-чачын болбойт. Күндүз Ысык-Көл, Нарын облустарынын айрым жерлеринде, Жалал-Абад облусунун тоо этектеринде жана тоолуу райондорунда, Чүй, Талас, Ош, Баткен облустарынын тоолуу райондорунда өткүн өтүп, күн күркүрөшү мүмкүн. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 11…16, күндүз 26…31; Талас жергесинде түнкүсүн 6…11... Читать дальше...

Көкбөрү жана алыш улуттук спорту IV Дүйнөлүк көчмөндөр оюндарына расмий мелдеш катары кирди. Бул тууралуу маданият, маалымат, спорт жана жаштар саясаты министри Азамат Жаманкулов билдирди. Мындан сырткары көкпар, ашыртмалы аба күрөшү, капышмалы аба күрөшү, пахлавани, шалвар күрөшү, май күрөшү, бел боо күрөшү, кураш, мас-рестлинг жана салттуу жаа атуу боюнча мелдештер өтүп, аталган оюндарга кыргыз спортчулары да катышмакчы. Ал эми тогуз коргоол жана кыргыз күрөшүнөн таймаштар көрсөтмө оюндары катары өтөт. Читать дальше...

Бишкектин Биринчи Май райондук сотунда бүгүн 23-сентябрда ички иштер министринин мурдагы орун басары Курсан Асановдун соту уланды. Асановго 2019-жылдагы Кой-Таш окуясына байланыштуу коюлуп жаткан айып боюнча сөз берилди. Ал “буйрукту укпай коюп, Атамбаевдин үйүнө  кирип кеткен” деген айыпка макул эместигин, күнөөсү жок экенин белгилеп, иш саясий негизде козголгонун айтты. “Кашкар Жунушалиев үч жолу штурм кылып, алып чыга албай койгондон кийин жоопкерчиликти өз мойнума алып, Атамбаевди тирүү алып чыкканымды бүгүнкү отурумда айтып бердим. Читать дальше...