Новости за 17.09.2022

Казакстандык журналист Назгүл Жарбулова кыргыз-тажик чек арасындагы кагылышуудан жабыркаган кыргызстандыктарга гуманитардык жардам үчүн акча чогултууда. Ал 1 миллиондон ашык теңге топтоп (2100 АКШ долларына чукул каражат), аны азык-түлүк, дары-дармек алыш үчүн кыргызстандык ыктыярчыларга жөнөткөн. “Коңшу өлкөдө болуп жаткан трагедияны жөн эле карап туруу мүмкүн эмес. Өз үйүнөн ажырап, тиричилигин таштай качкандарга кийим, тамак, дары керек”, - деди Жарбулова “Азаттыктын” казак кызматына. Жарбулованын... Читать дальше...

Президент Садыр Жапаров кыргыз-тажик чек арасындагы кырдаалды көзөмөдөп жатканын мамлекет башчынын басма сөз катчысы Эрбол Султанбаев Фейсбуктагы баракчасында жазды. Ал Жапаров чек арага чектеш аймактардын коопсуздугун камсыз кылуу боюнча тийиштүү көрсөтмөлөрдү берип, бардык маалыматтарды алып жатканын билдирди. “Мамлекет башчысынын тапшырмасы менен ар кандай деңгээлдеги жаракат алгандарга зарыл жардам көрсөтүү маселесине өзгөчө көңүл бурулууда. Өзгөчө оор абалдагылар Бишкек жана Ош шаарларындагы... Читать дальше...

17-сентябрда Бириккен Улуттар Уюмунун баш катчысы Антониу Гутерриш менен Кыргызстандын тышкы иштер министри Жээнбек Кулубаев телефондон сүйлөштү. Бул тууралуу аталган министрликтин басма сөз кызматы кабарлады. Сүйлөшүү учурунда министр Кулубаев БУУнун баш катчысына кыргыз-тажик чек арасындагы кагылышуулардан каза болгон, жараат алган жайкын тургундар, талкаланган инфратүзүм, үй-жай, мектептер, кыргыз жарандарынын мал мүлкүн талап-тоноо фактылары тууралуу маалымат берди. Саясий-дипломатиялык чыңалган абалды оңдоого багытталган аракеттер... Читать дальше...

Саламаттык сактоо министрлиги 17-сентябрь, саат 22:30га карата берген маалыматта кыргыз-тажик чек арасындагы куралдуу кагылышта 129 адам жараат алган. Алардын ичинен жетөө үйүнөн дарыланууга жиберилген. Жаракат алгандардан Бишкекте 79, Баткенде 39, Ошто 4 киши ооруканада дарыланып жатат. 16-сентябрдагы куралдуу кагылышуудан Кыргызстандан кеминде 24 адам мерт болду. 140 миңден ашуун адам коопсуз жакка жер которду. Кыргызстандын Чек ара кызматы 17-сентябрь, саат 21:00гө карата Оштун Чоң-Алай районунда... Читать дальше...

Чек арадагы кагылышуудан 24 кыргыз жаран каза таап, дагы 121 киши жарадар болду. 140 миңден ашык тургун коопсуз жакка жер которгонго аргасыз болду. "Азаттыктын" кабарчысы Баткендеги соңку абалды жеринен баяндайт.

Кыргызстандын Чек ара кызматы 17-сентябрь, саат 21:00гө карата Оштун Чоң-Алай районунда, Баткен облусунда кыргыз-тажик чек арасындагы кырдаал чыңалып турганын маалымдады. Чек ара кызматынын маалыматына караганда, саат 19:00дө Чоң-Алайдын Карамык аймагында кыргыз чек арачыларын аткылоо токтотулду. Саат 21:00дө Кыргызстан менен Тажикстандын Чек ара кызматынын жетекчилери “Гулистон” (Тажикстан) бекетинде жолугушту. Азырынча жыйынтыгы маалымдалган жок. Саламаттык сактоо министрлиги 17-сентябрь, саат... Читать дальше...

Бириккен Улуттар Уюмунун баш катчысы Антониу Гутерриш кыргыз-тажик чек арасындагы чыңалууга тынчсыздануу менен көз салып жатат. Ал каза болгондордун жакындарына терең кайгыруу менен көңүл айтты. Бул тууралуу Гутерриштин маалымат катчысы Стефан Дюжаррик билдиргени уюмдун сайтында жазылды. Анда Антониу Гутерриш Кыргызстан менен Тажикстан жетекчилерин ок атышууну токтотуп, сүйлөшүүгө чакырган. Ошондой эле эки тарап тең чыңалууну басаңдатууга бардык механизмди колдонушу керектиги айтылат. Уюм маселенин... Читать дальше...

Кыргыз-тажик чек арасында кырдаал чыңалган бойдон турат. 17-сентябрда Баткенде жана Чоң Алайда ок атышуу болуп, бул үчүн эки тарап бири-бирин айыптады. Жер-жерлерде чек ара чырында жабыркагандарга гуманитардык жардам чогултуу штабы ачылып, жардам жолдогу кооптуу участокторго карабай Лейлек, Сүлүктүгө жеткириле баштады. Президент Садыр Жапаров куралдуу жаңжалда курман болгондордун жакындарына көңүл айтып, колдоо көрсөтүлөрүн айтты. Саламаттык сактоо министрлиги 17-сентябрь, саат 16:00гө карата... Читать дальше...

Чек арадагы кагылышуудан 24 кыргыз жаран каза таап, дагы 121 киши жарадар болду. Чек арадагы кагылыштан улам 140 миңден ашык тургун коопсуз жакка жер которгонго аргасыз болду. Куралдуу кагылышта жабыркап, жер которгон адамдарга гуманитардык жардам чогултуп, жөнөтүү уланууда.

Өзгөчө кырдаалдар министри Бообек Ажыкеев Баткендеги кыргыз-тажик чек арасындагы куралдуу кагылышта куткаруу иштеринде жүргөн кызматкери курман болгонун кабарлады. “Кечээ Өзгөчө кырдаалдар министрлигинен бир адамды жоготтук. Өзүнүн кызматын аткарып жаткан жеринен каза болгон. Ал мыкаачылык менен өлтүрүлгөн. Биздин кызмат өз милдетибизди аткарып жатабыз”, - деди министр. Саламаттык сактоо министрлиги 17-сентябрь, саат 16:00го карата берген маалыматта чек арадагы куралдуу кагылышта 122 адам жараат алган. Читать дальше...

Баткендеги кыргыз-тажик чек арасындагы куралдуу кагылышта жабыркагандар үчүн ачылган атайын эсепке акыркы маалымат боюнча 9 млн. 862 миң сом чогулду. Бул тууралуу Каржы министрлиги маалымдады. Кыргыз-тажик чек арасындагы куралдуу кагылышта жабыркаган Баткен облусуна жана кагылыштан улам аргасыз жер которгон адамдарга гуманитардык жардам чогултуу, жөнөтүү уланууда. Бишкектеги Спорт сарайынын алдында Баткен облусуна гуманитардык жардам чогултулуп жатат. Ал үчүн республикалык штаб ачылып, ага шаар тургундары азык-түлүк... Читать дальше...

Кыргызстандын Чек ара кызматы 17-сентябрь, саат 18:20га карата Чоң-Алай районундагы кыргыз-тажик чек арасында кырдаал кайрадан чыңалып турганын кабарлады. Анда “атышууну токтотуу жана чек ара аймактарынан аскер күчтөрдү чыгаруу боюнча келишимдерди дагы бир жолу бузуп, тажик тарап Кыргызстандын “Карамык” чек ара заставасынын чек арачыларына ок чыгарганы” айтылат. Учурда кыргыз тарап абалды жөнгө салууга аракет кылып жатканы кабарланды. Буга чейин Кыргызстандын Чек ара кызматы Оштун Чоң-Алай районундагы... Читать дальше...

Кыргыз-тажик чек арасындагы куралдуу жаңжалда курман болгондор арасында "Эрдик" медалын алган, Чек ара кызматынын “Бөрү" атайын багыттагы отрядынын чалгынчы-фельдшери Баатырбек Райимкул уулу дагы бар. Кайгылуу кабарды анын агасы Анарбай Орозов "Азаттыкка" ырастады. Баатырбектин артында келинчеги, үч кыз, бир уулу калды. Балдарынын кичүүсү болгону эки жашта. Баатырбек 42 жашта эле. Ал медициналык орто окуу жайды аяктары менен Чек ара кызматына жумушка орношкон. 2022-аскер бөлүгүнүн “Бөрү” атайын... Читать дальше...

Саламаттык сактоо министрлиги 17-сентябрь, саат 16:00го карата берген маалыматта чек арадагы куралдуу кагылышта 122 адам жараат алган. Алардын ичинен жетөө үйүнөн дарыланууга жиберилген. 16-сентябрдагы куралдуу кагылышуудан Кыргызстандан кеминде 24 адам мерт болду. 140 миңден ашуун адам коопсуз жакка жер которду. Президенттин Баткен облусундагы өкүлү Абдикарим Алимбаев кыргыз-тажик чек арасындагы акыркы кырдаал боюнча маалымат берип, айрым аймактарда маал-маалы менен ок атышуулар болуп, аларды... Читать дальше...

Ош облусунун Чоң-Алай районунун Жекенди айыл аймагынан 17-сентябрга карата жалпы 5034 адам эвакуацияланды. Бул тууралуу Өзгөчө кырдаалдар министрлигинин басма сөз кызматы кабарлады. Эвакуация болгондор ичинен 92 адам убактылуу жайгашуу пунктуна, калган 4942 жаран жакындардыкына жайгаштырылды. "Чоң-Алай району боюнча эвакуациялоо иш-чараларына Жарандык коргонуу кызматтарынан, Өзгөчө кырдаалдар министрлигинен жана жергиликтүү өз алдынча башкаруу органынан жалпы 185 кызматкер, 12 техника жана ошондой эле жергиликтүү тургундардан 673 жаран... Читать дальше...

Президенттин Баткен облусундагы өкүлү Абдикарим Алимбаев кыргыз-тажик чек арасындагы аркыркы кырдаал боюнча маалымат берди. Ал ок атышуулар айрым аймактарда маал-маалы менен болуп жатканын, аларды толук токтотуу боюнча сүйлөшүү жүрүп жатканын кабарлады. “Азыр аскер кызматкерлерибиз Ак-Сай айылында дагы бар. Лейлек районундагы Жаңы-Жер, Борбордук, Арка айылдарында көйгөйлүү маселе болуп турат. Ошол жерде тажик жарандары тоноо, үйлөрдү өрттөө менен алектенип жатышат. Аларды токтотуу талабын тажик өкүлдөрүнө айтып жатабыз. Читать дальше...

Оштун Чоң-Алай районундагы кыргыз-тажик чек арасындагы кырдаал боюнча эки өлкөнүн Чек кызмат башчылары Уларбек Шаршеев (Кыргызстан) менен Ражабалы Рахмонали (Тажикстан) телефондон сүйлөштү. Бул тууралуу Кыргызстандын Чек ара кызматы маалымдады. Чек ара кызматы сүйлөшүүнүн жыйынтыгында саат 14:20га карата маалымат боюнча, тажик тарап Чоң-Алайдагы чек арачылардын позициясын аткылоону токтотконун кабарлады. Ага чейин Улуттук коопсуздук боюнча мамлекеттик комитетине (УКМК) караштуу Чек ара кызматы... Читать дальше...

Ысык-Көлдүн Каракол шаарында Баткенге жардам берүү үчүн беш пункт ачылды. Бул тууралуу шаар мэри Эрмат Жумаев “Азаттыкка” билдирди. Анын айтымында, жеригиликтүү бийлик жардам чогултууну “Макиш”, “Ак Тилек” жана “Бугу” базарлары, борбордук соода түйүнү, шаардык Чыңгыз Айтматов атындагы борбордук аянтта уюштурган. Мындан тышкары Ысык-Көлдүн беш району жана үч шаарында да гуманитардык жардам чогултуу жүрүп жатат. Чогулган гумжардамдын алгачкы партиясы бүгүн, 17-сентябрда саат 18:00дө Баткенге жөнөтүлөт. Читать дальше...

Жамааттык коопсуздук келишим уюму (ЖККУ) Кыргызстан менен Тажикстандын чек арасындагы куралдуу кагылышууга кабатырлыгын билдирди. Уюмдун Баш катчылыгы тараткан билдирүүдө чек арада эки тараптан тең адам өлүмүнө, турак жай, социалдык объекттердин кыйроосуна алып келген куралдуу жаңжалды сынга алары жазылган. Анда мерт болгондордун жакындарынын кайгысын тең бөлүшөрүн билдирген. "Кыргызстан менен Тажикстандын чек ара кызматтарынын ортосундагы сүйлөшүүлөрдү жана ок атууну токтотуу тууралуу макулдашууну кубаттайбыз. Читать дальше...

Саламаттык сактоо министрлиги кыргыз-тажик чек арасындагы куралдуу кагылышуудан жабыркагандарга жеринен жардам берүү үчүн Баткенге 89, Раззаковго 37 дарыгер Бишкектен барганын кабарлады. Аталган министрликтин Жарандык коргоо секторунун башкы адиси Кубанычбек Калмаматов "Азаттыкка" дарыгерлерден тышкары чек ара аймактарында жабыркаган элге психологиялык жардам көрсөтүү максатында психиатрлардын эки бригадасы барганын айтты. 17-сентябрь 11:30дагы маалыматка караганда жалпы жарадар болгондордун саны 103 адам... Читать дальше...

Баткен районунан жана Баткен шаарынан Кадамжайга 23 миңге жакын адам эвакуацияланып келген. Арасында кош бойлуу келиндер да бар.16-сентябрда кечке жуук Бишкектен Баткенге 67 тонна гуманитардык жардам жөнөтүлдү. Анын ичинде азык-түлүк, дары-дармек, күнүмдүк керектелчү каражаттар бар.

Улуттук коопсуздук боюнча мамлекеттик комитетине (УКМК) караштуу Чек ара кызматы Тажикстан тарап мурда жетишилген макулдашууларды бузуп, Чоң-Алай районундагы Тешик-Таш, Карамык жана Кароол-Дөбө айылдарындагы чек арачылардын позициясын аткылаганын маалымдады. "Биздин чек арачылар алгач жооп катары ок атып, бирок кырдаалды курчутпоо үчүн биринчилерден болуп ок атууну токтотту", - деп жазылган маалыматта. Кыргызстандын Чек ара кызматы Тажикстан тарап 17-сентябрда бир нече жолу Баткендеги Паскы-Арык жана Достук айылдарын аткылаганын... Читать дальше...

Кыргызстандын президенти Садыр Жапаров кыргыз-тажик чек арасындагы куралдуу кагылышууга байланыштуу бүгүн, 17-сентябрда кайрылуу жасады. Мамлекет башчы куралдуу чыр-чатакта Мекен чегинде курман болгон адамдардын жакындарына терең кайгыруу менен көңүл айтып, маркумдар бүткүл Кыргызстандын сыймыктуу уул-кыздарына айланганын белгилеген. Садыр Жапаров Тажикстан тараптан да оор жоготуулар болгонун, чек ара, жер талаш маселеси кан менен коштолуп келгенин эске салган.  "Бирок, кандай болгон күндө... Читать дальше...

Кыргыз-тажик чек арасындагы куралдуу кагылыштан эвакуацияланган жарандарга жардам көрсөтүү үчүн Жалал-Абад облусунун аймактарында 13 штаб иш алып барууда. 16-сентябрда Жалал-Абад облусундагы өкүлдүн резервдик фондунан 5 тонна ун, 5 тонна күн карама майы, 3 тонна күрүч, 3 тонна кумшекер Баткенге жиберилди. Мындан сырткары шаар мэриясы жана ыктыярдуу демөөрчүлөр тарабынан да азык-түлүк жыйналууда. Учурда облустун райондорунда да гуманитардык жардам жыйноочу түйүндөр иштеп жатат. Жалпы чогулган... Читать дальше...

Баткендеги чек ара жаңжалынан жабыркагандарга кан берүүнү каалаган жарандар көп болуп жатканына байланыштуу Бишкектеги Республикалык кан борбору дем алыш күндөрү да штаттык режимде иштейт. Бул тууралуу аталган борбордун жетекчиси Бакыт Карабаев "Азаттыкка" билдирди. Анын айтуусунда бүгүн, 17-сентябрда 122 адам жана 100дөн ашуун аскер кан тапшырды. Анын айтуусунда учурда кан запасы жетиштүү. Саламаттык сактоо министрлиги бардык облустардагы кан борборлору дем алыш күндөрү да иштеп жатканын билдирди. Читать дальше...