Новости за 16.09.2022

Саламаттыкты сактоо министрлиги 17-сентябрь, саат 01.30га карата Баткенде кыргыз-тажик чек арасындагы кагылышта жараат алгандар, мерт болгондор тууралуу маалымат таратты. Ага ылайык, 24 адам каза таап, дагы 87 киши жарадар болду. Министрлик жараат алган беш бала Бишкекке жөнөтүлгөнүн билдирген эле. Мунун алдында Кыргызстандын Улуттук коопсуздук комитетинин (УКМК) төрагасы Камчыбек Ташиев чек арадагы соңку кырдаал тууралуу маалымат берип, ок атышуу токтогонун, бирок кырдаал оор бойдон калып жатканын билдирген. Читать дальше...

Бириккен Улуттар Уюмунуy Дүйнөлүк азык-түлүк программасы (БАА ДАТП) кыргыз-тажик чек арасындагы кагылыштан улам аргасыз жер которгон миңдеген адамга чукул жардам көрсөтөт. “Жардамдын биринчи бөлүгү, 40 тонна азык-түлүк (36 тонна буудай ун жана 4 тонна суу май) Өзгөчө кырдаалдар министрлигинин жүк ташуучу унааларына жүктөлдү. Чек арадагы окуялардан улам жабыркагандарга чукул көмөк көрсөтүү үчүн жалпысынан 400 тонна азык-түлүк (360 тонна буудай ун жана 40 тонна суу май) жиберилет”, -деп айтылат маалыматта. Читать дальше...

Саламаттык сактоо министрлиги кыргыз-тажик чек арасында жараат алган беш бала Баткенден Бишкекке жеткирилгенин кабарлады. Мекененин билдиришинче алар октон жана жарылуудан жаракат алышкан. Балдар шаардагы Эне-баланы коргоо улуттук борборуна жаткырылды. Министрлиги 16-сентябрь 23.30га карата маалымат берип, кыргыз-тажик чек арасындагы жаңжалда  жалпысынан кеминде 87 адам жараат алганын билдирген.  Алардын ичинен бешөө амбулатордук дарыланууга жөнөтүлүп, калгандары ооруканага жаткырылганын кабарлаган. Читать дальше...

Кыргызстандын Саламаттык сактоо министрлиги 16-сентябрь 23.30га карата кыргыз-тажик чек арасындагы жаңжалда жараат алгандар тууралуу маалымат берди. Ага ылайык, кеминде 87 адам жараат алганы, алардын ичинен бешөө амбулатордук дарыланууга жөнөтүлүп, калгандары ооруканага жаткырылды. Мунун алдында Кыргызстандын Улуттук коопсуздук комитетинин (УКМК) төрагасы Камчыбек Ташиев чек арадагы соңку кырдаал тууралуу маалымат берип, ок атышуу токтогонун, бирок кырдаал оор бойдон калып жатканын билдирди. Ал... Читать дальше...

Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев кыргыз-тажик чек арасындагы соңку кырдаал боюнча маалымат берип, ок атышуу токтогонун, бирок кырдаал оор бойдон калып жатканын билдирди. Ал чек арадагы куралдуу кагылышууда кыргыз тараптан аскерлер арасында жоготуулар көп болгонун белгилеп, так санын айткан жок.  “Жоготуулар негизинен аскер кызматкерлеринин арасында болду. Азыр канча жоготуу болгонун тактап жатабыз. Тилекке каршы, жоготуулар жана жаракат алгандар көп. Читать дальше...

Сербиянын Белград шаарында өтүп жаткан күрөш боюнча Дүйнө чемпионатында кыргызстандык балбан Арсалан Будажапов коло байгеге ээ болду. 16-сентябрда эркин күрөштөн 79 килограмм салмакта Будажапов болгариялык Али Паша Умарпашаевди 5:1 эсебинде утту. Бул салмакта жарым финалга чейинки беттештер 15-сентябрда болгон. Ал күнү Будажапов 1/16 финалда франциялык Сайфедин Алекманы (2-2), 1/8 финалда тажистандык Шухрат Бозоровду (10-0) утуп, 1/4 финалда АКШлык Эрнест Жорданга (10-0) жеңилди. АКШ балбаны финалга... Читать дальше...

Сербиянын Белград шаарында өтүп жаткан күрөш боюнча Дүйнө чемпионатында кыргызстандык балбан Эрназар Акматалиев коло байге алды. Эркин күрөштөн 70 килограмм салмакта күч сынашкан Акматалиев 16-сентябрда 3-орун үчүн беттеште индиялык Навиин Навиинди 4:1 эсебинде жеңди. Бул салмакта беттештер 15-сентябрда башталган. Бул күнү Акматалиев 1/8 финалда молдовалык Максим Сакултанды (14-2), чейрек финалда болгариялык Рамазан Рамазановду (11-0) мөөнөтүнөн мурда уткан. Жарым финалда жапониялык балбан Тайши Нарикуниге 10:10 эсебинде жеңилди. Читать дальше...

Кыргызстандын Коопсуздук кеңешинин катчысы Марат Иманкулов Коопсуздук кеңешинин Баткенде кыргыз-тажик чек арасындагы кырдаалга байланыштуу жыйыны боюнча маалымат берди. Анда Иманкулов Баткендеги чек арага жакын аймактагы жашоочулардын коопсуздугун камсыз кылуу жана аймакты бекемдөө тапшырмасы берилгенин кабарлады. “Жарандардын коопсуздугун камсыздоо, аймакты бекемдөө максатында керектүү тапшырмалар берилди. Тажикстандын аскерлеринин ок чыгаруусунда биздин жарандардын арасында каза болгондор, жаракат алгандар бар. Читать дальше...

Өзгөчө кырдаалдар министрлиги (ӨКМ) Кыргызстан менен Тажикстандын чек арасындагы куралдуу кагылышуудан улам саат 21:00гө карата Баткенден 136 миңден ашык киши коопсуз аймакка эвакуация болгонун кабарлады. Алар: Баткен районунун, Баткен шаарынын, Лейлек районунун жана Раззаков шаарынын тургундары. Министрликтин маалыматы боюнча, элди көчүрүү иштери таңкы саат 6:00 чамасында башталган. Калкты эвакуациялоо иштерин Өзгөчө кырдаалдар министрлиги уюштурууда. Мындан тышкары жергиликтүү тургундар өздөрүнүн... Читать дальше...

Жогорку Кеңештин депутаттары кайрадан чукул жыйынга чогулушту. Мындай маалыматты «Азаттыкка» парламенттеги «Ата Журт-Кыргызстан» фракциясынын лидери Нурлан Шакиев ырастады. Жыйында кыргыз-тажик чек арасындагы соңку абал талкууланууда. Кырдаалга жараша Баш мыйзамда көрсөтүлгөн чечимдерди кабыл алуу маселеси каралууда. Анын алдында президент Садыр Жапаровдун төрагалыгы алдында Коопсуздук кеңешинин жыйыны өткөн. Буга чейин Жогорку Кеңеш 16-сентябрда эртең менен чукул жыйынга чогулуп, Баткендеги абалды талкуулаган эле. Читать дальше...

Баткен облусунун ыйгарым укуктуу өкүлүнүн биринчи орун басары Маруфхан Тулаев кыргыз-тажик чек арасындагы соңку кырдаал боюнча “Кабар” маалымат агенттигине онлайн маалымат берди. Анда Тулаев эки өлкөнүн тийиштүү жетекчилеринин ок атышпоо жөнүндө макулдашуулары жыйынтык бербей жатканын маалымдады. Ал чек арага жакын аймактардагы тургундар коопсуз жайга көчүрүлгөнүн айтты. “Баткен районун Самаркандек, Ак-Сай айыл өкмөттөрүндө кырдаал дагы эле курч. Макулдашууларга карабай тажик тараптан ок атуулар болууда", - деди ал. Читать дальше...

16-сентябрда президент Садыр Жапаров Баткендеги Кыргызстан менен Тажикстандын чек арасындагы куралдуу кагылышууга байланыштуу Коопсуздук кеңешинин кезексиз жыйынын өткөрдү. Бул тууралуу президенттин басма сөз кызматы билдирди. Маалыматка караганда, анда чек ара аймагында жашаган тургундардын коопсуздугун камсыз кылуу, жабыркаган жана эвакуацияланган адамдарга жардам көрсөтүү тапшырмасы берилди. Кыргыз-тажик чек арасында 16-сентябрда эртең менен кайрадан ок атышуу башталган. Кыргызстандын Чек... Читать дальше...

Саламаттык сактоо министрлиги 16-сентябрь, саат 20:00гө карата Баткендеги кыргыз-тажик чек арасындагы куралдуу кагылышуудан 59 кыргыз жараны жаракат алганын кабарлады. Ал эми каза болгондор боюнча маалымат такталып жатат. Буга чейин Саламаттык сактоо министрлиги Баткендеги кыргыз-тажик чек чатагында 15 жаштагы кыздын каза болгонун тастыктаган. Кыргыз-тажик чек арасында 16-сентябрда эртең менен кайрадан ок атышуу башталган. Кыргызстандын Улуттук коопсуздук комитетинин (УКМК) Чек ара кызматы... Читать дальше...

Кыргыз-тажик чек арасындагы куралдуу кагылышуудан 15 жаштагы өспүрүм кыз мерт болду. Кыргызстан буга чейин чек ара чатагында 42 киши жаракат алганын билдирген. Саат 18.00гө карата берилген расмий маалыматта жараат алгандардын саны 55ке жеткени айтылды.

16-сентябрдын таңында башталган ок атышуудан Баткендеги бир нече айылдын тургундары үйлөрүн таштап качууга аргасыз болду. Атышуудан Баткен жана Лейлек райондорунун ондогон айылдарынын тургундары жабыркап, жапырт жер которушту. Окуядан ондогон киши жаракат алган. Чек ара кызматынын расмий маалыматына ылайык, кагылышуулар Баткен районунун 11 жана Лейлек районунун 12 жеринде орун алды. Алардын дээрлик баары калк тыгыз отурукташкан конуштар жана чек ара тозоттору болду. Саламаттык сактоо министрлигинин... Читать дальше...

Кыргыз-тажик чек арасындагы кырдаалга байланыштуу мамлекет башчы Садыр Жапаровдун төрагалыгы менен Коопсуздук кеңешинин жыйыны өтүп жатат. Бул тууралуу “Кабар” улуттук агентиги кабарлады. Ал жыйында бардык жогорку бийлик жана күч органдырынын жетекчилери катышууда.  Кыргызстандын Улуттук коопсуздук комитетинин (УКМК) Чек ара кызматы Баткендеги кыргыз-тажик чек арасында абал саат 18:30га карата чыңалган бойдон турганын маалымдады. Мекеме Тажикстан ок атышууну токтотуу тууралуу макулдашууну бузуп... Читать дальше...

Нур-Султан шаардык кеңешинин депутаттары борбор калаа Нур-Султандын аталышын кайрадан Астана деп өзгөртүү демилгесин бир добуштан колдоду. Чечимди кабыл алууда Телеграм каналдардагы сурамжылоолордун жыйынтыктары эске алынган. Жарандык активисттер 2019-жылы Астана Нур-Султан болуп өзгөргөндө каршы чыккандарды жазалаганы үчүн казак бийлиги кечирим сурашын талаш кылышты

Жыныстык кол тийбестикке каршы кылмыш үчүн кандай жаза керек? Кандай чара балдарды зордук-зомбулуктан коргойт? Бүгүн "Эже-сиңдилерде" ушул теманы талкуулайбыз.

Баткен облусунун Баткен, Лейлек райондорунан, Баткен шаарынан эвакуацияланган элди кабыл алып, үйлөргө жайгаштыруу уланып жатканын Кадамжай шаарынын мэри Бакытбек Бегалиев "Азаттыкка" билдирди. Анын айтуусунда эвакуацияланып келгендерге шаар борборундагы ашканаларда ысык тамак уюштурулган. "Атайын 3-4 ашкана-кафелерде ысык тамак берип, андан кийин үйлөргө жайгаштырып жатабыз. Жалпысынан 11 миңге жакын адам үйлөргө жайгашты. Аларды чоң жолдун боюнан эле адамдар өздөрү "Үй бар" деген жазуу менен тосуп алып, бөлүп кетип жатышат. Читать дальше...

Кыргызстандын Саламаттык сактоо министрлиги Баткендеги кыргыз-тажик чек чатагында 15 жаштагы кыздын каза болгонун тастыктады. “Баткен облусунан алынган ыкчам маалыматтарга караганда, каза болгон учурлар дагы бар, алар боюнча маалымат такталууда. Кошумча маалымат кийинчерээк берилет”, - деп айтылат билдирүүдө. Министрлик саат 18:00гө карата чек арадагы куралдуу кагылышта жараат алгандардын саны 55ке жеткенин маалымдады. Алардын үчөө амбулатордук дарылоого жөнөтүлгөн. Алардын көбү денесине ок тийгендер жана жарылуудан жараат алгандар. Читать дальше...

Кыргызстандын Улуттук коопсуздук комитетинин (УКМК) Чек ара кызматы Баткендеги кыргыз-тажик чек арасында абал саат 18:30га карата чыңалган бойдон турганын маалымдады. Мекеме Тажикстан ок атышууну токтотуу тууралуу макулдашууну бузуп Лейлектин Кулунду жана Жаңы Жердеги калктуу конуштарды кайрадан аткылап жатканын кабарлап “тажик тарап Баткен районунда ракеталык системаны колдонду” деп айыптады. Кыргыз-тажик чек арасында 16-сентябрда эртең менен кайрадан ок атышуу башталган. Кыргызстандын Чек ара... Читать дальше...

Түрк мамлекеттери уюмунун (ТМУ) баш катчысы Багдад Амреев Кыргызстан менен Тажикстандын чек арасындагы куралдуу кагылышууларга кабатырлыгын билдирди. Баш катчы билдирүүсүндө тараптарды ок атышууну токтотууга жана чатакты тынч сүйлөшүп, дипломатиялык жол менен чечүүгө чакырды. Уюм эл жашаган аймактарды жана жарандык обьекттерди, мектептерди оор согуштук артиллерия менен аткылоону жана баскынчылыкты айыптады. Билдирүүдө уюм кыргыз-тажик чек арасындагы кырдаалга кылдаттык менен көз салып, ТМУнун... Читать дальше...

Лейлек районундагы Достук айылынын тургуну Малик Маннанов 15 жаштагы кызы чек арадагы куралдуу кагылышууда каза болгонун “Азаттык” радиосуна ырастады. Маалыматты расмий органдар тактай элек. “Так билбейм, таңкы саат 8ден өткөндө качып бараткан маалда болду. Снаряддан болду. Оорукана, "Тез жардам" кайда экенин билбейбиз. Баары качып жүрөт. Маргунга келип кызымды жерге бердим ”, - деди атасы. Кыргызстандын Чек ара кызматы кыргыз тарап ок атууну токтотконун, чек арадагы кырдаал саат 17:00гө карата... Читать дальше...

Кыргызстандын президенти Садыр Жапаров менен Тажикстандын мамлекет башчысы Эмомали Рахмон чек арада ок атышууну токтотууну жана куралдуу күчтөрдү артка кайтарууну макулдашты. Бул тууралуу президенттин маалымат катчысы Эрбол Султанбаев Фейсбуктагы баракчасына жазды. Маалыматта ошондой эле эки өлкөнүн - Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев менен Тажикстандын Улуттук коопсуздук боюнча мамлекеттик комитетинин жетекчиси Саймумин Ятимов чек арада иштээри... Читать дальше...

Кыргызстандын Чек кызматы кыргыз тарап кыргыз-тажик чек арасындагы ок атышууну токтотконун маалымдады. Аталган мекеме Тажикстан тараптан аткылоо азайганын, бирок айрым чек ара аймактарында тажик аскерлери маал-маалы менен аткылап жатканын билдирди. Чек арадагы кырдаал саат 17:00гө карата дагы эле чыңалган бойдон калып жатканы айтылат.  Ага чейин Улуттук коопсуздук комитетинин төрагасы Камчыбек Ташиев кыргыз-тажик чек арасындагы ок атышуу жөнүндө Тажикстандын күч түзүмдөрүнүн жетекчилери менен сүйлөшкөнүн кабарлаган. Читать дальше...