Новости за 25.09.2022

Дүйнөлүк банк быйыл жаан-чачын менен суу ташкындан олуттуу жапа чеккен Пакистанга эки миллиард доллар бөлүүнү убада кылды. Нөшөрлөп төккөн жаандын айынан өлкөнүн көпчүлүк аймактарын суу каптап, 1600 кишинин өмүрү кыйылды. Исламабаддын суу тартылгандан кийин жабырлануучуларга жардам берүүгө чама-чаркы жетпей калды. 24-сентябрда Дүйнөлүк банктын Түштүк Азия боюнча вице-президенти Мартин Райзер Пакистанга барып келгенден кийин эл аралык каржылык уюм буга чейин шашылыш бөлгөн 850 миллион долларды дагы көбөйтөрүн айтты. Читать дальше...

Германиянын Гамбург шаарында отуздай кыргызстандык 24-сентябрда Баткендеги каргашаны айыптап, тынчтыкка чакырган жүрүшкө чыгышты. Алар колдоруна «Согушка жол жок!», «Баткен, биз сени менен!», "Кыргызстандан колуңду тарт!" деген сыяктуу жазуулары бар кагаздарды көтөрүп, чек арадагы айылдардын талкаланып, ондогон киши набыт кетип, миңдеген тургундардын үй-жайын таштап качууга аргасыз болушуна кошуна өлкөнүн бийлигин күнөөлөштү. Ушундай эле акциялар Германиянын Берлин, Гамбург, Мүнхен, Штутгарт жана башка шаарларында... Читать дальше...

Ирандагы Ислам революциясынын сакчылар корпусу 24-сентябрда коңшу Ирактын түндүгүндө жайгашкан согушкерлердин базасына сокку урганын мамлекеттик маалымат каражаттары жарыялады. IRNA агенттиги кабарлагандай, Сакчылар корпусунун аскерлери Батыш Азербайжан провинциясынан туруп Ирактагы «террордук топтордун» базасын артиллерия менен аткылаган. Ал эми Tasnim агенттиги соккулар Ирактын түндүгүндөгү күрт жикчил топторуна багытталганын кабарлады. Маалыматта белгиленгендей, бул жикчил топтун Ирандагы... Читать дальше...

Кыргызстан менен Тажикстан чек арадагы сегиз чек ара постун алат. Бул тууралуу Кыргызстандын Улуттук коопсуздук боюнча мамлекеттик комитетинин (УКМК) төрагасы Камчыбек Ташиев билдирди. Кыргыз өкмөтү түзгөн Медиа штаб кабарлагандай, мындай чечим Камчыбек Ташиев жана Тажикстандын Улуттук коопсуздук мамлекеттик комитетинин төрагасы Саймумин Ятимовдун 25-сентябрдагы жолугушуусунда кабыл алынды. Баткен районундагы “Кызыл-Бел” көзөмөл өткөрмө жайындагы жолугушууда кабыл алынган чечимдер менен кол коюлган... Читать дальше...

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев чек арадагы кол салуудан улам убактылуу жер которгон Баткен жана Лейлек районунун тургандарын үйлөрүнө кайта берүүгө чакырды. Бул тууралуу ал 25-сентябрда Тажикстандын Улуттук коопсуздук мамлекеттик комитетинин төрагасы Саймумин Ятимов менен жолугушуудан кийин айтты. “Үйүнө кайтууга мүмкүнчүлүгү жокторго жергиликтүү бийлик, Өзгөчө кырдаалдар министрлиги (ӨКМ) транспорт уюштуруп берет. Көчөгө чыгып, машине издеп кыйналбаңыздар. Читать дальше...

Түштүк Кореянын борбору Сеулда жашап, иштеп жаткан кыргызстандыктар кыргыз-тажик чек арасындагы соңку окуяга байланыштуу 25-сентябрда тынчтык акциясын өткөрүштү. Социалдык тармактарга коюлган видеолорго караганда, акцияга 20 чакты киши катышкан. Алар "Баткен, биз сиз менен!", "Баткенге тынчтык!" деп кыйкырып, согушка каршы экенин билдиришти.   Сеулдагы кыргызстандыктар ушундай эле өңүттөгү акцияны 22-сентябрда дагы өткөрүшкөн. Ушундай эле тынчтык акциялары буга чейин Европанын бир катар шаарларында өттү. Читать дальше...

Мирзохалим Каримов - "Даңк” медалынын ээси, кыргыз-тажик жазуучусу, белгилүү котормочу, публицист.   Автордун пикири "Азаттыктын" көз карашын чагылдырбайт.  Чыгыш классиктеринин дүйнөлүк адабий казынага кошкон баа жеткис чыгармаларына азгырылбаган окурман болбосо керек дүйнөдө. Анын катарында кыргыз окурмандары да чыгыш берметтерин тээ кадим замандардан бери канааттануу менен окуп келатканы маалым. Ошол руханий байлыкка ээ болуш үчүн көркөм котормо зергерлери баа жеткис эмгектерди жаратып... Читать дальше...

Ирандын президенти Сейид Ибрахим Раиси өкмөткө каршы өтүп жаткан демонстарциялардын тогузунчу күнүндө "өлкөнүн коопсуздугуна жана тынчтыгына каршы чыккандарга чечкиндүү чара көрүлүшү" керектигин билдирди. Мамлекеттик маалымат каражаттарынын маалыматына караганда, демонстранттар жана күч түзүмдөрүнөн кеминде 35 киши каза болду. Буга чейин Ирандагы адам укуктарын коргоо борбору (ICHRI – Iran Center Human Rights) машстабдуу нааразылык акцияларында өлгөндөрдүн саны кеминде 36га жеткенин билдирген. ... Читать дальше...

Баткендин чек арадагы каргашада үй-жайын таштап чыгууга аргасыз болгон тургундарынын айрымдары үйлөрүнө кайта баштаганын 25-сентябрда Өзгөчө кырдаалдар министрлиги кабарлады. Мекеме тараткан маалыматка караганда, эвакуация болгон 137 миңдей кишинин 80 миңден ашууну туруктуу жайгашкан жерлерине кайтууда. "Жалпы облус боюнча 136 770 жаран эвакуацияланып, анын ичинен 48 652 жаран жергиликтүү тургундардын үйлөрүнө жайгашкан, 3 414 жаран эвакуациялык пункттарда, 3 895 жаран башка облустарга туугандарынын үйлөрүнө чыгып кеткен. Читать дальше...

26-сентябрда түнкүсүн Кыргызстандын аймагында жаан-чачын болбойт. Күндүз тоолуу райондордо өткүн өтүп, күн күркүрөшү мүмкүн. Дыйканчылык аймактарда жаан жаабайт. Батыштан соккон шамалдын ылдамдыгы секундасына 4-9 метрге жетиши ыктымал. Абанын температурасы: Чүй облусунда түнкүсүн 11…16, күндүз 27…32; Талас жергесинде түнкүсүн 6…11, күндүз 25…30; Баткен, Ош, Жалал-Абад дубандарында ​түнкүсүн 12…17, күндүз 27…32; Ысык-Көл облусунда түнкүсүн 7…12, күндүз 21…26; Нарын облусунда түнкүсүн 1…6... Читать дальше...

Бишкек шаарынын бир катар көчөлөрүнө кыргыз-тажик чек арасындагы куралдуу кагылышта курман болгон Ички иштер министрлигинин (ИИМ) аскер кызматкерлеринин сүрөтү илинди. Бул тууралуу ИИМдин басма сөз кызматы кабарлады. Маалыматта баннерлер милициянын улук сержанты Дурус Каныбек уулунун, кенже сержант Манас Баатырбековдун, улук сержант Акылбек Ташбековдун, катардагы жоокер Айбек Абдилабековдун жана Атайын багыттагы полкунун кызматкери, ага сержант Мыктыбек Мурзажановдун жаркын элестерине арналганы белгиленген. Читать дальше...

Кыргыз-тажик чек арасындагы кууралдуу кагылыш учурунда эвакуация болгондордун айрымдары Ысык-Көл районунун санаторий-пансионаттарына жайгаштырылды. Бул тууралуу Өзгөчө кырдаалдар министрлигинин (ӨКМ) басма сөз кызматы кабарлады. Маалыматка караганда, “Ак Бермет” пансионатына 20 адам, “Көгүлтүр Ысык-Көлгө” - 4, “СОС” балдар үйүнө 20, “Кыргыз Деңиз” санаторийине 48 адам, “Алтын Балалык” реабилитациалык борборуна 36 адам, Тамчы айылындагы турак үйгө 11 адам​ жайгаштырылды. 30у өз каалоосу менен туугандарынын үйлөрүнө кетишкен. Читать дальше...

14-17-сентябрда кыргыз-тажик чек арасындагы кол салууда Баткен районундагы Ак-Татыр айылы эки чек арачы уулун жоготту. Курман болгондордун бири - прапорщик Нургазы Мамытов. Ал 1988-жылы ушул айылда туулган. Баткен районунун "Орто-Боз" чек ара тозотунун фельдшери эле. Нургазынын атасы Миталип Мамытов баласынын эрдигин, аны менен сыймыктанарын айтты. "Канчалаган үй-бүлө биздей болуп боздоп калды" “Мен жалпы Кыргызстанда жаш балдар каза болгонуна кайгырып турам. Канча деген үй-бүлө биздей болуп боздоп калды. Читать дальше...

Баткен облусунун Тажикстан менен чектеш айылдарында 25-сентябрь, саат 09:20га карата кырдаал салыштырмалуу туруктуу экенин Улуттук коопсуздук боюнча мамлекеттик комитетине караштуу (УКМК) Чек ара кызматы билдирди. Мекеменин маалыматына караганда, түн тынч өттү, эч кандай окуялар катталган жок. Чек ара аймактарын жарылбай калган ок-дары, жардыргыч заттардан тазалоо жана зыянсыздандыруу уланып жатат. 14-17-сентябрда кыргыз-тажик чек арасында кан төгүлгөн окуяны Кыргызстандын Тышкы иштер министрлиги... Читать дальше...

Ишембиде Орусияда мобилизацияга каршы өткөн акциялардын 700дөн ашуун катышуучусу кармалды. Алардын жарымынан көбү Москвада жана Санкт-Петербургда. Бул тууралуу 24-сентябрь күнү кечинде "ОВД-Инфо" укук коргоо долбоору билдирди. Маалыматка караганда, милиция акция баштала электе эле катышуучуларды кармап кеткен. Москвада 300, Петербургда 100дөн ашуун киши кармалды. Алардын арасында ден соолугунан мүмкүнчүлүгү чектелген жашы жете элек кыз дагы бар. Кармоолор жөө жүрүштүн ондогон катышуучусу багыт алган Зарадье гүл багында дагы орун алды. Читать дальше...

Германиянын Франкфурт шаарында 100дөн ашуун кыргызстандык Баткендеги каргашаны айыптап, тынчтыкка чакырган жүрүшкө чыгышты. Алар колдоруна «Согушка жол жок!», «Баткен, биз сени менен!» деген сыяктуу жазуулары бар кагаздарды көтөрүп, чек арадагы айылдардын талкаланып, ондогон киши набыт кетип, миңдеген тургундардын үй-жайын таштап качууга аргасыз болушуна кошуна өлкөнүн бийлигин күнөөлөштү. Ушундай эле акциялар Германиянын Берлин, Гамбург, Мүнхен, Штутгарт жана башка шаарларында дагы өттү. Быйыл... Читать дальше...