Новости за 13.09.2022

Нью-Йоркто «Борбор Азия - санариптик өнүгүүнүн кезектеги багыты» деп аталган IT форум өтүп жатат. Ага Кыргызстандын, Казакстандын, Өзбекстандын жана Тажикстандын IT компаниялары катышууда. Форумда Борбор Азияда IT рыногун түзүп, америкалык жана эл аралык рынокко чыгуунун жол-жоболору, тажрыйба алмашуу, рынокко керектүү адистерди окутуу маселелери талкууланды. Электрондук коммерцияны өнүктүрүү аркылуу, аянтчалардын тиркемелерин иштеп чыгуу менен дүйнөлүк онлайн соода базарына кеңири жол ачуу тууралуу баяндамалар жасалды. Читать дальше...

Сербиянын Белград шаарында өтүп жаткан күрөш боюнча Дүйнө чемпионатында кыргызстандык балбан Жоламан Шаршенбеков алтын медаль алды. 13-сентябрда ал грек-рим күрөшүнөн 60 кг. салмакта финалдык таймашта болгариялык балбан Эдмонд Армен Назарянды 11:2 эсеби менен мөөнөтүнөн мурда утту. 12-сентябрда Жоламан Шаршенбеков 1/8 финалда венгриялык Кристиан Кексеметини (8:0), чейрек финалда АКШ балбаны Илдар Хафизовду (4:0), жарым финалда казакстандык Айдос Султангалини 7:0 менен уткан. Ушуну менен Кыргызстандын... Читать дальше...

Омбудсмен Атыр Абдрахматова 13-сентябрда Жогорку Кеңештин тармактык комитеттеринин биргелешкен жыйынында зомбулукка учурап, милицияга кайрылган аялдар шылдыңдоого кабылып жатканын айтты. Абдрахматова Ички иштер министрлигин бул көйгөйгө көңүл бурууга чакырды. “Жабыркаган аял, балдарга басмырлоо, шылдыңдоо аракеттери бар. Мисалы, 18 жаштагы кыз өзүнүн бий үйрөткөн агайынан ыдык көргөн. Милицияга кайрылышканда “эмне келдиң” деп өзүн шылдыңдашкан. Азыркы жаштар кыйын, аларды аудиого жаздырып алган”, - деди акыйкатчы. Читать дальше...

Улуу Британиянын ханышасы Елизавета II тажыясына дүйнөнүн булуң-бурчунан 500гө жакын расмий өкүлдөр келет. DPA маалымат агенттиги Уайтхолл сарайындагы жеке булактарына таянып, ханышаны акыркы сапарга узатуу зыйнатына Орусиянын, Беларустун жана Мьянманын өлкө жетекчилерине чакыруу жөнөтүлбөгөнүн жазды. Ал эми Ирандан элчилердин деңгээлинде гана өкүл болот. Кремлдин басма сөз кызматы өткөн аптада президент Владимир Путиндин ханышанын Лондондо өтө турган тажыясына катышуу планы жок экенин билдирген. Читать дальше...

Коргоо министри Бактыбек Бекболотов 13-сентябрда парламенттин тармактык комитеттеринин биргелешкен жыйынында депутаттардын суроолоруна жооп берип жатып, зордуктоого шек саналган Улуттук гвардиянын жоокерлери жөнүндө маалымат берди. Анын айтымында, шектүүлөр Улуттук гвардиянын офицерлери болгон. “Маалымат боюнча алар отурганда кыз өтүп баратып, чагым болгонбу, иш болуп кетиптир”, - деди министр. Депутат Алишер Эрбаев министрдин эл өкүлдөрүнүн суроолоруна жооп бергенин сындап, ар бир аскердин жүрүм-турумуна жоопкер экенин эскертти. Читать дальше...

Энергетика министри Доскул Бекмурзаевге өзүнө карата козголгон кылмыш иштерин “атымды каралоо үчүн жасалган кыңыр иш деп” эсептей турганын билдирди. Ал 13-сентябрда Фейсбуктагы баракчасы аркылуу кайрылуу жасап, мамлекет башчынын тапшырмасы менен энергетика тармагын реформа жасоого аракет кылып жатканын айтты. “Мунун баары айрым бирөөлөргө жакпагандыктан, кээде кайсы бир таасирдүү адамга бут тосуулар болуп, кээде мунун айынан бир нече адамдын же бир топтун кызыкчылыгы тебеленет тура”, - деп жазды министр. Читать дальше...

Орусиянын тышкы иштер министри Сергей Лавров Бириккен Улуттар Уюмунун (БУУ) Башкы ассамблеясынын Нью-Йоркто өтө турган жыйынына катышуу үчүн АКШга виза алды. ТАСС мамлекеттик агенттиги Лавров менен бирге делегациянын курамында дагы 10 адам бар экенин жазды. БУУнун Башкы ассамблеясынын 77-сессиясы 20-сентябрдан 26-сентябрга чейин өтөт. Вашингтон Орусиянын Тышкы иштер министрлигине каршы киргизген санкцияларга байланыштуу Орусиянын делегациясына виза берүү маселеси ушул күнгө чейин бир жаңсыл чечиле элек болчу. Читать дальше...

13-сентябрда Башкы прокуратура энергетика министри Доскул Бекмурзаевге карата кызмат абалынан кыянат пайдалануу фактылары боюнча эки кылмыш ишин козгогону кабарланды. Министр башкы прокурор ага жеке кызыкчылыгынан улам иш козгоп жатканын билдирүүдө. Башкы прокуратуранын маалымат каражаттары жана коомчулук менен байланыш бөлүмүнүн прокурору Чолпон Абдимомунова кылмыш ишинин чоо-жайын мындайча түшүндүрдү. "2021-2022-жылдары Кыргыз Республикасынын энергетика министри Д.Бекмурзаев, кызмат абалынан кыянаттык менен пайдаланып... Читать дальше...

Коргоо министри Бактыбек Бекболотов аскер өтөп жүрүп каза тапкан Сыргак Сабырбеков жана Элдияр Жайлообековдун өлүмү боюнча парламенттин тармактык комитетинин биргелешкен жыйынында маалымат берди. Бекболотов аскерде чоңсунуу (дедовщина) жок экенин айтып, эки жоокердин өлүмүн турмуштук көйгөйлөрү менен байланыштырды. “Экинчи учурду айтсак, кат калтырып кетет. Анда "кичинекей кезимде атам менен энем ажырашып кеткен, атам зөөкүр киши болгон" дейт. Экинчи катында “прапорщик баланчаев акча талап кылган” деп шашып жазган. Читать дальше...

“Кумтөр Голд Компани” ишканасындагы коррупциялык фактылар боюнча козголгон кылмыш иштеринин алкагында кармалган мурдагы убактылуу тышкы башкаруучу Тенгиз Бөлтүрүк эки айга камалды. Ал өзүнө коюлган айыпты "акылга сыйгыс" деп атап, "Кумтөрдө" коррупциялык схемалар бар экенин, ага өзүнүн тиешеси жоктугун айтты. 15-сентябрда Бишкектин Октябрь райондук соту Кумтөр кениндеги коррупцияга байланыштуу кармалган "Улуу көчмөндөр мурасы" улуттук холдингинин башчысы Тенгиз Бөлтүрүктүн бөгөт чарасын карап, аны 10-ноябрга чейин камакта калтырды. Читать дальше...

Башкы прокуратура “Кумтөр Голд Компани” жабык акционердик коомундагы коррупциялык кылмыштар фактысы боюнча козголгон кылмыш иштеринин алкагында мурдагы убактылуу тышкы башкаруучу Тенгиз Бөлтүрүктү кармады. Аны менен кошо жабдуу боюнча адис Айша-Гүл Фронтбек кызы Жаналиева, каржы башкармалыгынын директору Рыспек Токтогулов кармалып, Бишкек шаардык милициясынын убактылуу кармоочу жайына киргизилди. Алтын кенди Кыргызстанга кайтарып алуунун башында тургандардын бири саналган Бөлтүрүктүн камалышы талкууга алынып жатат. Читать дальше...

Башкы прокуратура “Кумтөр Голд Компани” жабык акционердик коомундагы коррупциялык кылмыштар фактысы боюнча козголгон кылмыш иштеринин алкагында мурдагы убактылуу тышкы башкаруучу Тенгиз Бөлтүрүк Аяпберген уулунун кармалганын кабарлады. Аны менен кошо жабдуу боюнча адис Айша-Гюль Фронтбек кызы Жаналиева, каржы башкармалыгынын директору Рыспек Токтогулов кармалып, Бишкек шаардык милициясынын убактылуу кармоочу жайына киргизилди. Буга чейин Башкы прокуратуранын басма сөз кызматы "Кумтөр Голд Компани" жабык акционердик коомунун ишин текшерүүдө... Читать дальше...

Башкы прокуратура “Кумтөр Голд Компани” жабык акционердик коомундагы коррупциялык кылмыштар фактысы боюнча козголгон кылмыш иштеринин алкагында мурдагы убактылуу тышкы башкаруучу Тенгиз Бөлтүрүк Аяпберген уулу кармалганын кабарлады. Аны менен кошо жабдуу боюнча адис Айша-Гүл   Фронтбек кызы Жаналиева, каржы башкармалыгынын директору Рыспек Токтогулов кармалып, Бишкек шаардык милициясынын убактылуу кармоочу жайына киргизилди. Буга чейин Башкы прокуратуранын басма сөз кызматы "Кумтөр Голд Компани" жабык акционердик коомунун ишин текшерүүдө... Читать дальше...

Тогуз-Торо районундагы Саймалуу-Таш петроглифтерин ЮНЕСКОнун тизмесине киргизүү аракети кайра башталды. Тарыхый корукта 10 миңдеген саймалуу таш бар. Алардын айрымдары омкорулуп, кээ биринде таш бетиндеги жазуулар өчүп баратканын тарыхчылар эскертишет.

Белгилүү обончу, композитор, Кыргыз Эл артисти Сардарбек Жумалиев чыгармачылык сапарындагы кызыктуу учурлары тууралуу “Азаттыкка” сыябан-маек курду. Композитор маекте өзүнүн чыгармачылыгынын урунттуу учурлары, Чоро Кожомжаров башында турган алгачкы кыргыз эстрадалык ансамблинин, атактуу “Бульварым”, “Таң сыры” ырларынын жаралыш таржымалы тууралуу айтып берди.

Шинжаңдагы туугандарын бошотууну талап кылып, 12-сентябрда Алматыда нааразылыкка чыккандарды полиция кармап кетти. Ушул эле күнү Түркиядагы уйгур диаспораларынын миңдеген өкүлү Кытайдын Стамбулдагы консулдугунун алдына чогулушту.  12-сентябрда Алматы шаарынын тургундары Халида Акытан, Гаухар Курманалиева жана Гүлфия Казыбек Чымкентке автобус менен кетип бараткан жеринен кармалып, полиция бөлүмүнө жеткирилген. Ошол жерден алар өздөрүнө "тынчтык митингин өткөрүү эрежесин бузуу" беренеси менен административдик жаза чегерилгенин билишкен. Читать дальше...

Ички иштер министринин орун басары Нурбек Абдиев Кадамжайда киши колдуу болгон 14 жаштагы Айдай Кочкорованын өлүмүнөн кийин аймактагы участкалык милиция кызматкери, ыкчам топ жана жетекчилиги боюнча кызматтык иликтөөнүн жыйынтыгында чечим кабыл алынарын билдирди. Жогорку Кеңештин тармактык комитеттеринин биргелешкен жыйынында депутат Искендер Матраимов кылмыштын алдын алуу милдетин аткара албаган жетекчилер жоопкерчиликке тартылбаганын кескин сындады. “Кызматтык иликтөөнүн кандай кереги бар? Ошол жерде факты болуп жатса. Читать дальше...

Башкы прокуратуранын басма сөз кызматы "Кумтөр Голд Компани" жабык акционердик коомунун ишин текшерүүдө, ишкананын кызмат адамдарынын коррупциялык схемасынын натыйжасында мамлекетке 1 млрд. сомго жакын зыян келтирилгени аныкталганын маалымдады. 25-августта Кумтөргө сырттан башкаруу токтотулуп, Тенгиз Бөлтүрүккө отчет берүү буйругу берилген. 23-августта Эсеп палатасынын тийиштүү текшерүүлөрүнө байланыштуу "Кумтөр" компаниясын буга чейин жетектеп келген Тенгиз Бөлтүрүк жана ишкананын финансылык директору... Читать дальше...

Бүгүн, 13-сентябрда жүк ташыган эки контейтер Кытайдан Ошко келип, андан ары темир жол аркылуу Ооганстанга жөнөтүлдү. Эки күндөн кийин Кытайдан Ооганстанга багытталган дагы 10 контейнер жүк чыгат. Бул тууралуу “Кыргыз темир жолу” ишканасы маалымдады. Өзбекстандын Ташкент шаарында 8-9-сентябрда Кытайдын логистикалык компанияларынын катышуусу менен Кыргызстан, Өзбекстан, Ооганстан темир жол ишканаларынын жетекчилеринин жолугушуусу өткөн. Анда Кытай-Кыргызстан-Өзбекстан-Ооганстан жүк ташуу логистикасын өнүктүрүү маселеси талкууланган. Читать дальше...

Казакстандын борбору Нур-Султан шаарынын атын кайра Астана деп өзгөртүү сунушу Конституциялык мыйзам долбооруна киргизилди. Бул тууралуу Казакстандын президенти Касым-Жомарт Токаевдин басма сөз катчысы Руслан Желдибай Фейсбуктагы баракчасына жазды. “Парламенттеги депутаттар тобу борбор калаага Астана деген мурдагы атын кайтаруу сунушун беришкени белгилүү. Бул демилгени президент билет. Депутаттар эл менен болгон жолугушууларда айтылган сунуштарга, референдумдун жүрүшүндө жарандардын көптөгөн кайрылууларына таянышты. Читать дальше...

Орусиянын жана Кыргызстандын бир катар маалымат каражаттары 9-сентябрда "Катиба Таухид валь-Жихад" диний уюмунун лидери, кыргызстандык Сирожиддин Мухтаров Сирияда өлтүрүлгөнүн жазып чыгышты. Анда Орусиянын Сириядагы согушуп жаткан тараптарды элдештирүү борборунун жетекчисинин орун басары, генерал-майор Олег Егоровдун брифингде айтканына шилтеме берилген. Кыргызстандын атайын кызматы маалыматтын чоо-жайын тактап жатканын билдирүүдө. Орусиянын Интерфакс басылмасы Егоровдун 9-сентябрдагы брифингде сүйлөгөн сөзүн жарыялады. Читать дальше...

“Азия MIX”  КВН командасынын мурдагы мүчөсү Марат Жуманалиев эч жакка кетпөө тууралуу тил кат менен бошотулган. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы маалымдады. Атайын кызмат Жуманалиев “алдамчылык” беренесине шектелип жатканын билдирди. Буга чейин Марат Жуманалиев өзүнүн Инстаграмдагы баракчасында тергөө абагынан бошотулганын, түшүнбөстүктөр болуп кеткенин айтып, "териштирдик, бири-бирибизден кечирим сурадык" деген болчу. 9-сентябрда Улуттук... Читать дальше...

Акыйкатчы Атыр Абдрахматова парламенттеги тийиштүү комитеттердин киши колдуу болгон 14 жашар кыздын өлүмү боюнча жыйынында айрым депутаттардын жана Ички иштер министрлигинин өкүлүнүн пикирлерине каршы чыкты. Ал балдарга карата зомбулукта чоң кишилер гана жоопкер экенин белгиледи. “Балдар өздөрү кылган кылмыштар 1-2 гана болсо, чоңдор тарабынан 30дан ашат. Мен тактоо иретинде айта кетейин, Нурбек Такабаевич балдар өзү күнөөлүү десе, бул жактан кыска кийинет, жүрүм-туруму деп жатышат. Балдарга өзүбүз үлгү болобуз. Читать дальше...

Блогдун автору Конституциялык Кеңешменин мүчөсү, Кыргыз билим берүү академиясынын доценти Мурат Иманкуловдун быйыл мектептерде окутулуп жаткан "Дин маданиятынын тарыхы" тууралуу ой-толгоосу. Автордун пикири "Азаттыктын" көз карашын чагылдырбайт!   Кыргызстандын Коргоо кеңеши 2014-жылдын 3-февралында өлкөдөгү "радикализм менен экстремизмдин алдын алуу, ошондой эле Кыргызстандын жаш муундарынын диний сабаттуулугун жогорулатуу" максатында 9-класстар үчүн "Дин маданиятынын тарыхы" курсун киргизүү чечимин кабыл алган. Читать дальше...

Орусиянын соту Өзбекстандын биринчи президенти, маркум Ислам Каримовдун тун кызы Гүлнара Каримованын алты батирин конфискация кылды. Бул тууралуу Орусиянын ТАСС мамлекеттик агенттиги билдирди. Өзбекстандын юстиция министринин орун басары Музраф Икрамов кыймылсыз мүлк сатыкка коюлуп, андан түшкөн каражат Ташкент менен Москвага тең бөлүштүрүлөрүн айтты.  2020-жылы Өзбекстандын Юстиция министрлиги Каримованын кылмыш жолу менен табылган жалпы баасы 1,3 миллиард долларды түзгөн активдерин конфискациялоо аракеттери көрүлүп жатканын жарыялаган. Читать дальше...