په انقره کې د افغانستان سفارت تاییدوي چې ډېره مرګژوبله په هاتای او غازي عین تیپ ښارونو کې افغانانو ته رسېدلې. د ترکیې او سوریې په څو ښارونو کې تېره دوشنبه زوروره زلزله وشوه چې لسګونه زره کسانو ته یې مرګژوبله واړوله. صفي الله ستانکزی او نور جزییات
د دې اوونۍ د "هارون باچا هنري ګړۍ" خپرونه مو د نومیالي پښتون ملتپاله سیاستوال، شاعر او ادیب اجمل خټک هنري ژوند ته ځانګړې کړې ده. د خټک ۱۳م تلین د فبرورۍ پر اوومه په اکوړه خټک کې ولمانځل شو. نوموړي د خپلې شاعرۍ له لارې د پښتنو د بیدارۍ هڅه کړې. په خپرونه کې د اجمل خټک د نظمونو تر څنګ د هغو سندرغاړو او شاعرانو خبرې اورئ چې هغه یې له نېږدې لیدلی او د پښتنو د یوه لوی شاعر په توګه یې یادوي.
د افغانستان د خصوصي پوهنتونونو ټولنه وایي، که د نجونو پر زده کړو بندیزونه لیرې نه شي نو ۵۰ خصوصي پوهنتونونو به دې شته اقتصادي ستونزو له امله بند شي. د نجونو پر تحصیل تر بندیز وروسته د خصوصي پوهنتونونو ټولنه خبرداری ورکوي که وضعیت همداسې ادامه ولري نو ښايي۵۰ خصوصي پوهنتونونه د اقتصادي ستونزو له امله خپل فعالیتونه ودروي. د دې ټولنې ویاند کریم ناصري د خصوصي پوهنتونونو اقتصادي ستونزو ته په اشاره ازادي راډيو ته وویل: "تېره ورځ (د افغانستان خصوصي پوهنتون) په افغانستان کې بند شو. اوسمهال موږ ۶۷ پوهنتونونه... Читать дальше...
په کراچۍ کې د لنډې یا نیلام ځانګړي بازار دوکانداران وايي، د مالیو زیاتېدو او د ځینو شیانو پر درامد د بندیز له وجې یې کاروبار اغېزمن شوی دی. د هغه بازار دوکانداران چې زیاتره یې پښتانه دي، وايي، د لوړو نرخونو له وجې خلک شیان نه شي اخیستای. د پاکستان حکومت د اقتصادي ستونزو له وجې ځینې مالیې لوړې کړې دي او د بهرنیو پیسو د کمښت له وجې یې د یوشمېر شیانو پر درامد هم بندیز لګولی دی. ویډیويي رپورټ.
د کوربه هندوستان او اسټرالیا ترمنځ لومړۍ ټېسټ سیالي د هند په ناګپور لوبغالي کې پیل شوې چې په لومړۍ ورځ د هند لوبغاړو ښه لوبه ترسره کړه. اسټرالیا په لومړۍ ورځ د هندي ورو توپ اچونکو پر وړاندې ښه لوبه ونه کړه او ټول لوبغاړي یې په ۱۷۷ منډو وسوځېدل. د اسټرالیا مخکښ توپ وهونکی مارنوس لبیشاین و چې ۴۹ منډې یې جوړې کړې. د هند په توپ اچونکو کې رویندرجدیجا ۵، اشوین ۳، محمد سراج او محمد شامي یو یو لوبغاړی وسوځاوه. د هندوستان توپ وهونکي هم د خپلۍ پاڼۍ په پيل کې تر دې دمه بریالي دي او په ۷۷ منډو یې یوازې... Читать дальше...
په ترکیې او سوریې (شام) کې زلزلې زرګونه کسان وژلي او اټکل کېږي چې سلګونه نور د ویجاړو ودانیو لاندې پاتې دي. د شام په حلب کې یو کس تر زلزلې وروسته پر لومړۍ ورځ د ړنګې ودانۍ لاندې له بندو کورنیو سره خبرې کړې وې خو اوس د هغوی درک نه شته. هغه وايي، که مرستندویه ډلې ډېرې وي، ښايي کورنۍ یې وژغورل شي. د بندیزونو له کبله له سوریې سره نړیوالې مرستې هم له خنډ او ځنډ سره مخامخېږي. د رویټرز او اې اېف پي اژانسونو له ویډیوګانو جوړ رپورټ.
د کابل د عامې روغتيا د ریاست پخواني رییس خوشحال نبي زاده ادعا کړې چې ورور یې طالبانو وژلی دی. د تېرجمهوري نظام د کابل د عامې روغتیا پخواني رییس خوشحال نبي زاده ازادي راډیو سره په خبرو کې ادعا وکړه چې ورور یې ناصر خالد د طالبانو لخوا نیول شوی او له بند درې ورځې وروسته یې پلار ته ټلیفون شوی چې د زوی مړی دې یوسي. نبي زاده په دې اړه نور جزییات ورنه کړل او په ژړغوني غږ یې ازادي راډيو ته وویل: "درې ورځې وړاندې ناصر زنداني شوی و، له درې ورځو وروسته زما پلار ته زنګ راغلی چې ناصر مړ شوی دی راشئ جنازه... Читать дальше...
څه باندې ۵۰۰ ورځې کېږي چې طالبانو له شپږم ټولګي څخه پورته نجونې ښوونځيو ته له تلو منع کړي او په دې وروستیو کې یې په پوهنتونونو کې د نجونو پر زده کړو هم بندیز لګولی دی.
د رسنیو یو شمېر ملاتړي بنسټونه بیا د دې اقدام په غبرګون کې وايي چې د دغه ډول بندیزونو دوام به په افغانستان کې د رسنیو خپرونې بندې کړي او اطلاعاتو ته لاسرسی به سخت کړي.
د اوکراین ولسمشر ولودمیر زیلنسکي د بلجیم پلازمېنې بروکسل ته رسېدلی چې له اروپایي متحدانو د نورو پرمختللو وسلو مرسته ترلاسه کړي. زیلنسکي د اروپا پارلمان ته په وینا کې وویل، پوځیان یې دا مهال د نوې نړۍ اروپا ضد ځواکونو سره په جګړه بوخت دي. زیلنسکي پرون بریتانیا او فرانسې ته د سفر پرمهال د هغه هېواد له چارواکو غوښتنه وکړه چې د روسیې په وړاندې جګړه کې جنګي جېټ الوتکې ورکړي.
د ترکیې ولسمشر ویلي د مرګونې زلزلې د وژل شویو شمېر څه باندې ۱۴ زرو ته رسېدلی. د ترکیې ولسمشر رجب طیب اردوغان د پنجشنبې په ورځ غازي عین تیپ ښار ته تللی وو او هلته یې د زلزلې له امله ورانې شوې سیمې او زیانمن خلک وکتل. اردوغان رسنیو ته وویل چې څه باندې څوارلس زره کسان تر دې دمه مړه شوي او د ټپيانو شمېر له ۶۳ زرو اوښتی دی. د راپورونو له مخې په زرګونه وژل شویو خلکو کې لږ تر لږه دوه سوه افغانان هم شامل دي، خو په انقره کې افغان سفارت وايي چې دا شمېرې رسمي نه دي او یواځې هلته مېشتو افغانانو ورته راپور کړي. Читать дальше...
د افغانستان کرکټ ملي لوبډلې په ابوظبۍ کې تمرینات پیل کړي دي. د افغانستان کرکټ ملي لوبډلې یو شمېر لوبغاړو د عربي متحده اماراتو پر وړاندې د ۳ شل اوریزو سیالیو لپاره په ابوظبۍ لوبغالي کې تمرینات پیل کړي دي. که څه هم د افغانستان کرکټ بورډ متحده عربي اماراتو ته د لوبغاړو د سفر او هلته د تمریناتي کمپ په تړاو څه نه دي ویلي، خو ابوظبۍکرکټ او سپورټ مرکز په خپلې فېسبوک پاڼې لیکلي چې افغان لوبډلې د فبرورۍ په ۷مه هلته تمرینات پیل کړي دي. افغانستان به له عربي متحده اماراتو سره د روانې فبرورۍ میاشتې په ۱۶مه... Читать дальше...
د روسیې د سایبریا په نووسیبیرسک ښار کې د استوګنې په یوه ودانۍ کې چاودنې لږترلږه ۵ کسان وژلي دي. د روغتیا ادارې ویلي چې په وژل شویو کسانو کې یو دوه کلن ماشوم هم شامل دی. د چارواکو په وینا، چاودنه د ګازو د لیک کېدو له امله شوې او د استوګنې په پنځه پوړیزه ودانۍ کې یې ۳۰ اپارتمانونه ویجاړ کړي دي. د ګازو دا ډول چاودنې زیاتره په پخواني شوروي اتحاد کې د ګازو د پخوانیو پایپونو او د خوندیتوب ضعیف معیارونو له امله رامنځته کېږي. دوه ورځې وړاندې د روسیې په لوېدیځ کې د تولا په سیمه کې د ګازو د چاودنې له امله لږترلږه اته کسان وژل شوي وو.
د راپورونو له مخې طالبانو په دایکندي ولایت کې یوه ښځه او یو سړی په عام محضر کې په دُرو وهلي. یوې سرچینې ازادي راډيو ته وویل چې د ناوه مېش ولسوالۍ لومړنۍ محکمې دغو کسانو ته د نامشروع اړیکو د درلودو په تور پرون سزا ورکړې. طالبانو دوه ورځې مخکې هم په غور کې د یوې ښځې په ګډون شپږ کسان په عام محضر کې په دُرو وهلي. د طالبانو پر چارواکو باندې د بشري حقونو مدافع ټولنې نیوکه کوي چې تورن کسان له قانوني مراحلو پرته په خپلسر محاکمه او په سزا رسوي.
د ملګرو ملتونو د جنسیتي برابرۍ او د ښځو د پیاوړتیا اداره خبر ورکوي چې په روان ۲۰۲۳ میلادي کال کې په افغانستان کې ۱۳ عشاریه ۸ میلیونه نجونې او ښځې بشري مرستو ته اړتیا لري. د ملګرو ملتونو سازمان دغې ادارې نن په خپل ټویټر لیکلي چې په نادولتي ادارو کې له کاره د ښځو راګرځول چې د بنسټیزو بشري حقونو او د بشر پالنې د لومړنیو اصولو نقض بلل کېږي افغان ښځې او نجونې د خوړو او سرپناه د نشتوالي له ګواښ سره مخ کړي دي. د ټویټ په دوام راغلي چې دغه حالت دغه شان د افغان مېرمنو خوندیتوب له خطر سره مخ کړی دی. له... Читать дальше...
د جماعت اسلامي یوشمېر مشرانو او سیاستوالانو، پلویانو او د پېښور ګڼو اوسېدونکو د احتجاجي لاریون له لارې په خیبر پښتونخوا کې د ناامنۍ مخنیوي غوښتنه وکړه. د فبرورۍ اتمې لاریون تر هغې وروسته شوی دی چې د جنورۍ پر ۳۰مه د پېښور د پولیس لاینز پر جومات په برید کې لسګونه کسان ووژل او ژوبل شول. د پاکستان حکومت او پوځ وايي، د ناامنۍ پرضد مبارزې ته ژمن دي او عملیاتو ته یې دوام ورکړی دی. ویډیويي رپورټ.
وروسته له هغې چې طالبانو د افغانو نجونو پر مخ د ښوونځیو او پوهنتونو دروازې وتړلې د افغانستان د ننه او بهر مېشتو ځینو افغانانو، دغو نجونو ته د انلاین پوهنتونونو او مرکزونو د جوړولو خبر ورکړ.
عمران خان په خپلو خبرو کې د تحریک طالبان پاکستان نوم نه دی اخیستی خو هغې ډلې د فبرورۍ پر اتمه رسنیو ته په استولي بیان کې د نوموړي دعوه ناسمه بللې او ویلي یې دي چې جګړه یې د پاکستان "د پوځ او استخباراتي ادارو" پر ضد ده او سیاستوالان یا غیرسیاسي خلک نه په نښه کوي.
په ارزګان او هلمند کې زرګونو طالبانو ته د لیسانس، نیمه عالي زده کړو او دولسم ټولګي د اسنادو ورکولو په موخه د ازموینې لړۍ پيل شوې ده. په دغو ولایتونو کې داسې مهال طالبانو ته د اسنادو ورکولو په موخه ازموینه پیل شوې چې په ټول افغانستان کې د نجونو پر مخ له شپږم ټولګي پورته د ښوونځیو او پوهنتونونو دروازې تړل شوي دي. د طالبانو د لوړو زده کړو سرپرست وزیر ویلي و هغو کسانو ته ډېر ارزښت ورکول کېږي کومو چې ډېر ماینونه الوځولي دي. نور جزییات د شریف الله شرافت په راپور کې د لاندې لېنک په کېکاږلو اورېدلی شئ... Читать дальше...
په سوریه کې او ترکیه کې د دوشنبې د ورځې مرګونې زلزلې د مړینو شمیر له شپاړس زره تنو واوښت. لسګونه زره نور کسان ټپيان شوي هم دي. سړې هوا د ژغورنې عملیات ټکني کړي دی. د مړینو وروستۍ شمېرې نه دي ځکه د راپورونو له مخې تراوسه ډېر خلک د نړېدلو ودانیو تر خاورو خښتو لاندې دي. د تېرې دوشنبې د ورځې زلزلې چې قدرت یې د ریښتر په کچه ۷،۸ ثبت شوی، په ترکیه او سوریه کې په سلګونو ودانۍ بشپړې ویجاړې کړې دي. د نړۍ بېلابېلو هېوادونو خپل سلګونه ژغورونکي او متخصصان له زلزله ځپلو ترکانو سره د مرستې لپاره ورلېږلي.
د طالبانو په واکمنېدو سره په نقاشۍ بندیز ولګېد. یو افغان نقاش وايي، د دې هنر د ژوندي ساتنې په موخه په خپل کور کې نقاشي کوي. هغه وویل، په تېر نظام کې یې ۶۰ کارکوونکي درلودل چې اتیا سلنه یې مېرمنې او مسلکي خلک وو. نور په ویډیو کې:
په نایجیریا کې یو هنرمند په بېلا بېلو طريقو سبزیانې وچوي او بیا یې خوندي کوي. هغه وايي دا کار ځکه کوي چې په خلکو کې د خوراکي توکیو د خوندي کولو په اړه پوهاوی زیات کړي. په دې اړه نور تفصیل د رویټرز اژانس په ویډیویي راپور کې.
د طالبانو د حکومت دفاع وزارت وایي، هغه ۲۰ محصلان چې د پخواني جمهوري نظام پر مهال د پوځی زده کړو لپاره هند ته تللي وو، افغانستان ته ستانه شول. دغه وزارت د چهارشنبې په ورځ په یوه خبرپاڼه کې ویلي، افغانستان ته ستنو شویو محصلانو ژمنه کړې چې په هر حالت کې د هېواد د دفاع لپاره چمتو دي. د طالبانو دفاع وزارت ادعا کړې چې تېرو څو میاشتو کې لسګونه نور پوځي محصلان هم افغانستان ته ستانه شوي چې دوی د پوځ په لیکو کې ځای په ځای کړي دي. تر دې وړاندې بیا د بشري حقونو د څار نړیوال سازمان ویلي چې طالبانو د پخواني... Читать дальше...
لطیفه نذیري په غور کې د غاښونو یوازینۍ ډاکتره ده چې په خپل شخصي کلینیک کې د لسګونه ناروغانو درملنه کوي. په غور کې ښځینه ډاکترانې کمې دي او ښځې معیاري روغتیايي خدماتو ته لاسرسی نه لري. نور په ویډیو کې:
۲۸ کلنه مشعل چې د کابل په یوه خصوصي روغتون کې قابله ده د خپل میاشتني عاید یوه برخه د کوڅه ډبو حیواناتو د خوړو لپاره مصرفوي. د هغې اوسنی اقتصادي وضعیت ښه نه دی او له نورو غواړي څو په دې کار کې ورسره همکاري وکړي. نور په ویډیو کې:
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости