د روغتيا سازمان افغانستان کې د ماشومانو د خوارځواکۍ ډېرېدو خبر ورکړی
د افغانستان لپاره د دې سازمان څانګې نن په یوه ټویټ کې ویلي چې، له ۲،۳ ملیونه زیات ماشومان به هم ښایي له متوسطې خوارځواکۍ سره مخ وي.
همدارنګه ویل شوي چې، ۸۴۰ زره امیندواره مېرمنې او شیدې ورکونکي میندې به د خوارځواکۍ له بېړني حالت سره مخ وي.
د بې پولې ډاکټرانو ټولنې یا MSF پرون په یوه راپور کې ویلي، افغانان د بېوزلۍ، محدودیتونو او د یوه غیر فعال سیسټم له امله له روغتیايي خدمتونو بېبرخې دي.
دې ټولنې ویلي، یوه عمده ستونزه دا ده چې، د افغانستان په لیرې پرتو سیمو کې روغتیایي مرکزونه نه ښه مجهز دي، نه کافي امکانات لري او نه هم کافي پرسونل.