Новости за 14.02.2023

د ناټو عمومي منشي وايي چې د روسیې له خوا پر اوکراین پراخ پوځي عملیات لا پخوا پیل شوي دي. یینس سټولټنبرګ پرون په بروکسل کې یوې خبري غونډې ته وویل، د لوېدیځ پوځي ایتلاف هېڅ داسې نښې نښانې نه ویني چې ګنې ولسمشر ولادیمیر پوتین به د سولې منلو ته چمتو وي. هغه زیاته کړه: "هغه څه چې موږ ته ښکاري دا دي چې پوتین او روسیه لاهم غواړي پر اوکراین ولکه ټینګه کړي او د جګړې کرښو ته نور ځواکونه، وسلې او امکانات واستوي." کییف له دې مخکې اټکل کړی و، چې د روسیې پوځ پر اوکراین د داسې یوه پراخ برید پلان لري چې نه... Читать дальше...

د جرمني د بهرنیو چارو وزیرې له فنلنډ او سویډن سره ژمنه کړې چې په ناټو کې د دې دوو هېوادونو د غړیتوب له طرحې څخه به نور ملاتړ وکړي. انالینا بایر بوک پرون د اروپا د شمال هېوادونو ته د دوه ورځني سفر په پیل کې دا څرګندونې وکړې او ویې ویل، پر اوکراین د روسیې یرغل د دې دوو هېوادونو لپاره ډېره مهمه پېښه وه. مېرمن بایربوک زیاته کړه چې فنلنډ په تېرو اتیا کلونو کې او سویډن په تېرو ۲۰۰ کلونو کې د ناپېیلتوب یا په پوځي ایتلافونو کې د نه ګډون سیاست لاره، خو پر اوکراین د روسیې له یرغل وروسته یې په ناټو کې د غړیتوب غوښتنه کړې.

د روغتیا نړیوال سازمان په ایران کې د دېره افغان کډوالو د روغتیايي وضعیت د ښېګڼې په هدف یوه پروژه پیل کړې ده. د ملګروملتونو اړوند د روغتیا نړیوال سازمان یا ډبلیو ایچ او هغه پروژه پیل کړې ده چې هدف یې په ایران کې د دېره افغان کډوالو د صحي وضعیت ښېګڼه بلل شوې. دا پروژه د جاپان په مالي مرسته تمویلېږي او اوچا وايي، د دې پروژې تطبیق به په ایران کې دېره افغانانو او زیانګالو کډوالو ته د روغتيايي خدماتو او بشري مرستو کچه لوړه کړي. د اوچا په وینا دا اقدام په عین حال کې د نړۍ په کچه د عمومي صحي خدماتو له پراختیا سره مرسته کوي. Читать дальше...

په بریتانیا کې پولیسو څلور تنه افغان هلکان پر یوې ماشومې د جنسي تېري په تور نیولي دي. برتانوي رسنیو راپور ورکړی چې د بریتانیا پولیسو له یو لړ څېړنو وروسته څلور تنه افغان زلمیان چې عمرونه یې د ۱۳ او ۱۶ کلونو ترمنځ دي، په ډوور ښار کې پر یوې ۱۵ کلنې نجلۍ د جنسي تېري په قضیه کې نیولي دي. ډېلي ټیلګراف او نورو برتانوي رسنیو پرون خبر ورکړ چې پر دې نجلۍ د جنسي تجاوز راپور د روانې فبروري میاشتې په شپږمه نېټه ورکړل شوی دی. د ټایم ورځپاڼې د راپور له مخې دا افغان هلکان تېر کال بې له دې چې سرپرست ولري په کوچنیو کښتیو کې بریتانیا ته رسېدلي دي. Читать дальше...

دي پرینټ خپرونه: دي پرینټ خپرونې په افغانستان کې د بندیانو په تېره بیا د ښځینه بندیانو د شمېر په اړه لیکنه خپره کړې ده. خپرونې د طالبانو د حکومت د محابسو د عمومي ریاست په قول لیکلي، چې اوس په افغانستان کې ۱۴ زره تنه بندیان دي چې د هغو په منځ کې زر تنه یې ښځې دي. په داسې حال کې چې د بشري حقونو ملاتړو ډلو په ځلونو پر طالبانو نیوکې کړي چې د سیاسي فعالیتونو یا د خپلو حقونو لپاره د غږ د اوچتولو په خاطر په ځانګړي ډول ښځینه فعالانې نیسي، د دوی د حکومت د محابسو عمومي رئيس محمد یوسف مستري ویلي، چې په محبسونو کې ټول ۱۴ زره بندیان، جنايي دي. Читать дальше...

د طالبانو ځواکونو بېګا یوځل بیا د کابل ښار په ختیځ کې په اتمه ناحیه کې پر یوه کور چې د طالبانو په وینا د اسلامي دولت ډلې یا داعش مرکز و، برید وکړ. د کابل ښار د اتمې ناحیې په سید نورمحمدشاه مېنه کې بېګا د ماښام له لمانځه وروسته یوځل بیا خلک د ډزو او چاودنو آوازونو ووېرول. د طالبانو د حکومت ویاند ذبیح الله مجاهد ازادي راډیو ته وویل، هغه ځای چې امنیتي ځواکونو عملیات پرې وکړل، د اسلامي دولت ډلې یا داعش پټنځای و او په دې ځای کې پټو کسانو په پخوانیو حملو کې لاس درلود. هغه زیاته کړه: "د کابل ښار د... Читать дальше...