په ۱۹۱۹ کې د افغانستان د خپلواکۍ له ګټل کیدو وروسته، د شاه امان الله خان مېرمنې ملکه ثریا د افغان نجونو لومړنی ښوونځی تاسیس کړ. ملکه ثریا، د نجونو د زده کړو له لومړنیو مدافعانو وه، خو نن یوه پېړۍ وروسته بیا افغان نجونې له شپږم ټولګي د پورته زده کړو اجازه نه لري. په دې اړه دا راپور وګورئ.
په جرمني کې مېشت د پخواني جمهوري نظام لسو قاضیانو او جنرالانو د جمعې په ورځ په یوه غونډه کې په افغانستان او ګاونډیو هېوادونو کې د پخواني جمهوري نظام د قاضیانو د وضعیت په اړه اندېښنه وښوده. په پرېکړه ليک کې ويل شوي، چې د افغانستان قاضيانو په افغانستان کې د ترهګرۍ پر وړاندې د شل کلنې جګړې په ترڅ کې د نشه يي توکو د قاچاق او تښتونې لسګونه زره ترهګر او نور مجرمين د افغانستان له قوانينو سره سم محاکمه کړي او هغوى يې زندان استولي دي، چې اوس دا کسان له زندانه خوشې شوي دي. د دغه پرېکړه ليک له مخې، طالبان... Читать дальше...
نن د اګست ۱۹مه د بشردوستۍ نړیواله ورځ ده. دا ورځ په داسې حال کې رارسیږي چې د طالبانو حکومت د مرستندویه موسسو او د ملګرو ملتونو د دفترونو په ګډون په نادولتي ادارو کې د ښځو پر کار بندیز لګولی چې د نړیوالو سازمانونو په وینا دې مسلې په افغانستان کې د بشري چارو لپاره بودیجه کمه او د مرستو رسولو بهیر یې اغېزمن کړی دی. دا په داسې حال کې ده چې افغانستان تر بل هر وخت زیات بشري مرستو ته اړتیا لري. د ملګرو ملتونو وروستۍ شمېرې ښيي، چې په افغانستان کې د بشري مرستو د اړتیا وړ کسانو شمېر ۲۹،۲ میلیونو ته رسېدلی دی. Читать дальше...
د افغانستان د بېلابېلو ولایتونو اوسېدونکي، روغتیايي خدمتونو ته د نه لاسرسي په اړه شکایت کوي وايي، له دې امله جدي ستونزو سره مخ دي. د ننګرهار اوسیدونکې مریم ازادي راډیو ته وویل: "حالات دلته ډیر خراب دی، کلینکونو کې دوا نه وي، ډاکټران نه وي، د ناروغانو سمه پوښتنه نشته، مرکزي روغتون کې هم څه نه وي، ډاکټران ټول بهر هیوادونو ته تللي دي، چې ډاکتر کومه نسخه درکړي چې دوا واخلې، دواوې هم ډېر په لوړه بیه او بې کیفیته دي، تاثیر هم نلري، کلینک کې خو بالکل دوا نه وي." د پروان اوسیدونکې نادیه وايي، یو روغتیايي... Читать дальше...
د انترکشن نړیوال سازمان، په افغانستان کې د خوراکي توکو د نه خوندیتوب د زیاتېدو خبرداری ورکوي. یاد سازمان په خپل نوي راپور کې، چې د جمعې په ورځ خپور شو لیکلي، چې په افغانستان کې د خوړو نړیوال پروګرام (دبلیو اف پي) له خوا د خوراکي توکو د مرستو له کمېدو سره به سږکال د خوراکي توکو نه خونديتوب نور هم زیات شي. انترکشن سازمان ويلي، چې د طالبانو له بیا ځلې واکمنېدو او د وچکالۍ د پرله پسې درېیو کلونو وروسته، اوس مهال په افغانستان کې ۲۰ میلیونه وګړي د خوراکي توکو د نه خوندیتوب سره مخ دي، چې له دې شمېر... Читать дальше...
د افغانستان د یو شمېر ولایتونو اوسېدونکي وايي، طالب وسله والو ورته د ازادۍ د جشن د نمانځلو اجازه نه ده ورکړې. ننګرهار چېرته چې د افغانستان د ازادي ګټونکي پاچا امان الله خان مقبره ده، او اوسېدونکو یې د تېر جمهوري حکومت پر مهال دا ورځ په ډېرو شاندارو مراسمو نمانځله، یو اوسېدونکی یې چې نه غواړي د امنیتي ستونزو له امله یې په دې راپور کې نوم خپور شي وايي، د جلال اباد یو شمېر اوسېدونکي چې درې رنګه ملي بیرغونه ورسره وو واټونو ته راوتلي وو خو د طالبانو له لوري تیت او پرک شول او د ازادي د جشن نمانځلو ته پرېنښودل شول. Читать дальше...
اوکرایني ځواکونو نن وویل، چې تېره شپه یې له هغو اوولسو بې پيلوټه الوتکو پنځلس ویشتلي دي، چې په ایران کې جوړې شوې دي او روسیي ځواکونه ترې کار اخلي. بل لور ته د روسیې دفاع وزارت ادعا کړې ده، چې د کریما ټاپوزمه پر سر یې په هوا کې د اوکراین یو توغندی شنډ کړی دی. د اوکراین دفاع وزارت په ورځنۍ خبرپاڼه کې ویلي دي، چې دغه پنځلس ډرون الوتکې یې د اوکراین په ختیځ، شمال او لویدیځ کې ویشتلي دي. د بې پيلوټه الوتکو تر حملو مخکې تقریبا په ټول اوکراین کې خلکو د خطر زنګونه اوریدلي وو.
د افغانستان د تکواندو ملي لوبډلې په دوه کسي سیالیو کې په نیمه پایلوبه کې خپله لوبه وبايلله او د برونزو مډال یې وګاټه. افغان لوبډله په نیمه پایلوبه کې د جنوبي کوریا پر وړاندې ماته شوه. د افغانستان تکواندو فدراسیون وايي، د یادو سیالیو په ترڅ کې افغان تکواندو کارانو د لوبې تر وروستیو ثانیو ښه مبارزه وکړه، خو بریالي نشول. د ویلو ده، چې له تېرو څو اونیو راهیسې د افغانستان د تکواندو ۸ـ کسیزه ډله د څو ټورنمنټونو د لوبولو لپاره جنوبي کوریا ته تللې چې تر ډېره یې ښې لوبې کړې دي.
د سویډن د ښځینه فوټبال ملي لوبډلې د درېیم مقام ترلاسه کولو په سیالۍ کې کوربه اسټرالیا ته ۲ د صفر پر وړاندې ماتې ورکړه او درېیم مقام یې وګاټه. دغه سیالۍ چې نن ترسره شوه، سویډنۍ لوبډلې د لوبې په لومړۍ او دویمې نیمايي کې یوـ یو ګول وواهه او اسټرالیا بیا تر پایه د کوم ګول په وهلو بریالی نشو. یادو دواړو لوبډلو په نیمه پایلوبو کې خپلې سیالۍ بایللې وې، سویډن له اسپانیا او اسټرالیا له انګلستان ماتې خوړلې وې. ټاکل شوې، چې د یادو سیالیو پایلوبه سبا د اسپانیا او انګلستان ترمنځ ترسره شي.
د اوکراین ولسمشر ولودومیر زیلینسکي په خواله رسینو کې خبر ورکړ، چې دی او د ده میرمن اولینا به نن سویډن ته ولاړ شي. زیلینسکي وایي، چې دی به د دې سفر په ترڅ کې د سویدن له صدراعظم اولف کرسترسون، د سویډن د شاهي کورنۍ له غړیو او نورو چارواکو سره وګوري. زیلینسکي څرګنده کړه، چې هدف یې د اوکراین د پلیو او هوایي ځواکونو پياوړي کول دي. سویډن، هالنډ، بلجیم، کاناډا، ډنمارک، لوګزامبورګ، ناروې، پرتګال، رومانیا او برېتانیا هېوادونو تېره میاشت ژمنه وکړه، چې دوی به د ایف شپاړس الوتکو لپاره اوکرایني پیلوټان وروزي.
د روسیې ولسمشر ولادمیر پوتین، روستوف ان دون ته تللی دی. دا سیمه د اوکراین په جګړه کې د روسیې د مرکزي قوماندې مرکز دی. کرملین په یوه بیان کې نن وویل، چې په روستوف ان دون کې به ولسمشر پوتین د ځانګړیو پوځي عملیاتو په مرکز کې د روسیې له لوی درستیز او نورو پوځي مشرانو سره وګوري. په دې بیان کې د دې لیدو کتو د وخت په اړه معلومات نه دې خپاره شوې او دا اطلاعات په خپلواکه توګه نه دې تایید شوي.
د افغانستان د تکواندو لوبغاړي محسن رضايي چې په ۵۸ کیلو ګرام وزن کې یې سیالي وکړه، د پاکستان پیاوړي لوبغاړي شاه زیب خان ته ماتې ورکړه. د افغانستان تکواندو فدراسیون د خبر له مخې، دغه سیالي نن په جنوبي کوریا کې د تکواندو د نړیوال فیسټيول په ترڅ کې ترسره شوه، چې ښاغلي رضايي په پرله پسې دواړو پړاوونو کې خپل پاکستانی سیال مات کړ او نیمه پایلوبې ته یې ځان ورساوه. نوموړی به په نیمه پایلوبه کې د جنوبي کوریا له لوبغاړي جونیون جیون سره سیالي کوي.
د افغانستان پخواني ولسمشر حامد کرزي د خپلواکۍ د یوسل او څلورمې کلیزې په مناسبت په یوه پيغام کې د طالبانو پر سرپرست حکومت غږ کړی، چې ژر تر ژره د ښوونځيو او پوهنتونونو دروازې د نجونو پرمخ پرانیزي. حامد کرزي په دې پيغام کې چې د ټویټر له لارې یې خپور کړی دی، دا هم ویلي دي چې زده کړه به افغانان د نورو له احتیاجه خلاص کړي او په دې ډول به د رېښتینې خپلواکۍ څښتنان شي. طالبانو دوه کاله مخکې د کابل له نیولو وروسته تر شپږم ټولګي ورپورته د نجونو ښوونځي بند کړل او له شاوخوا اتو میاشتو راهیسې یې د پوهنتونونو دروازې هم د ښځو او نجونو پرمخ تړلې دي.
د طالبانو د حکومت یو شمېر لوړپوړو مشرانو نن د افغانستان ددفاع وزارت په انګړکې د ازادۍ پر څلۍ د ګلانو له اېښودو سره، د افغانستان د خپلواکۍ ورځې کلیزه ونمانځله. يو شمېر طالب چارواکو په دې مراسمو کې برخه اخیستې وه. د طالبانو د حکومت د ریس الوزرا لومړي مرستیال مولوي عبدالکبیر په خپله وینا کې وویل، که دنیا غواړي چې له ترهګرۍ او مخدره موادو پاک افغانستان چې د سیمې هیوادونو ته ترې خطر نه وي موجود ولري باید له دوی سره تعامل وکړي. نوموړي وویل: "که نړۍ له با امنه افغانستان غواړي داسې چې نړۍ ته ترې... Читать дальше...
په همدې حال کې امریکا او د پاکستان دننه او بهر د بشري حقونو سازمانونو د پنجاب په جړاوالا کې د عیسویانو پر عبادتځایونو او کورونو د بلوه ګرو پر حملو د اندېښنو څرګندونه کړې ده او له اسلام اباده یې د ککړو کسانو د قانون منګولو ته د سپارلو غوښتنه کړې ده.
د کندهار- کابل د لویې لارې مسافر او موټر چاوونکي ددې لارې د جوړېدو د چارو له ځنډ څخه شکايت کوي. دوی وايي د طالبانو حکومت دې ددې لارې د رغولو چارې چټکې کړي. مسافر او موټر چلوونکي وايي، له کابل څخه تر کندهاره شپږ ساعته لاره په پنځلسو ساعتونو کې تېروي، چې د مسافرو او چلوونکو دواړو لپاره ستونزمنه ده. د تفصیلي راپور د اورېدو لپاره دا لېنک کېکاږئ:
دا ۱۰۰ بستریز روغتون، د روغتیا د نړیوال سازمان په مرسته فعال شوی، خو ډاکټران یې وایي د درملنې لپاره لږ امکانات په واک کې لري. نور جزییات یې په راپور کې.
د زمري له اته ویشتمې د افغانستان د خپلواکۍ د بیرته ګټلو له ورځې له اوږدو کلونو راهیسې لمانځنه کېږي، خو د محمد ظاهره شاه او سردار محمد داوود خان د واکمنیو د دوران د ښې نماځنې کیسې بیا ډېرې په خولو دي. د پوهنتون پخوانی استاد پوهاند محمد بشیر دودیال د هغه مهال د جشنونو کیسه داسې کوي او وایي: " له نن څخه دیرش څلویښت کاله پخوا به د استقلال جشن د هر اړخیزو تدابیرو به ترڅ کې نمانځل کېدو، د رسم ګذشت نه یوه ورځ مخکې به عسکري قطعاتو خپلو وسایط زغروال او ټانکونه دا د ټانک لوګر نه تر قلاچي او بینی حصاره... Читать дальше...
پښتون ژغورنې غورځنګ د اګست پر ۱۸مه په اسلام اباد کې په جي ټي روډ د امن لپاره جلسه کړې. تر دې وړاندې غورځنګ د سپریم کورټ ودانۍ مخې ته د جلسې اعلان کړی وو خو د اسلام اباد پولیسو ورته په هغه ځای کې د جلسې اجازه ورنه کړه. جلسې ته د غورځنګ مشر منظور پښتین او نورو مشرانو ویناوې وکړې. تفصیل په ویډیو کې.
د اګسټ ۱۹مه د بشر دوستۍ نړیواله ورځ ده. دا ورځ د هغو کسانو په نوم ده، چې په بشردوستانه کړنو بوخت وي. د ملګرو ملتونو سرمنشي انتونیوګوتریش د دې ورځې په مناسبت په خپل پیغام کې د دې ورځې مبارکي هغو کسانو ته ویلي، چې د بشري مرسته رسولو په کارونو بوخت دي. دا ورځ سږ کال؛ مهمه نهده د چا لپاره، مهمه نهده چېرته او مهمه نهده چې څنګه تر شعار لاندې نمانځل کېږي. دا په داسې حال کې ده، چې په افغانستان کې بیا د نورو په ګډون هغه ښځې هم له کار کولو منع شوي چې د بشري مرستو رسولو په چارو کې په دندو بوختې وې.
د طالبانو حکومت د افغانستان د خپلواکۍ د بېرته اخیستو د ۱۰۴مې کلیزې په مناسب پیغام کې یو ځل بیا له نړۍ سره د سالمو اړیکو په لرلو ټینګار کړی. د زمري د ۲۸مې په مناسبت د طالبانو حکومت د ویاند ذبیحالله مجاهد لهخوا خپره شوې اعلامیه کې لیکل شوي" دوی د یوه خپلواک او مشروع نظام په حیث د سیمې او نړۍ سره د اسلامي شریعت په رڼا کې په سالمو اړیکو باور لري او له نورو هم هیله کوي چې داسې پاليسي غوره کړي چې د ټولو په خير او فلاح تمامېږي. " د طالبانو حکومت داسې مهال خپل نظام مشروع بولي، چې پرې نیوکه کېږي،... Читать дальше...
پښتون ژغورنې غورځنګ وايي د پاکستان ریاست باید د پښتنو په سیمه کې د ناامنۍ لړۍ پای ته ورسوي او ټول لادرکه خلک زر تر زره خوشي او یا عدالت ته وړاندې کړي.
دا ۱۰۰ بستریز روغتون، د روغتیا د نړیوال سازمان په مرسته فعال شوی، خو ډاکټران یې وایي د درملنې لپاره لږ امکانات په واک کې لري. نور جزییات یې په راپور کې.
فارن افیرز: د فارن افیرز خپرونې په یوه مطلب کې، په افغانستان کې د طالبانو دوه کلنې واکمنۍ او د خلکو اقتصادي ستونزو ته پام اړولی دی. په مطلب کې لولو:که څه هم تراوسه د طالبانو حکومت هیڅ هیواد په رسیمت نه دی پیژندلی، خو د سیمې ځینو هیوادونو او له ډلې يې روسیې او چین طالبانو سره د اړیکو په برخه کې ځینې اقدامات کړي دي. په مطلب کې راځي، یو شمېر د نظر خاوندانو داسې بحثونه پیل کړی، چې امریکا له طالبانو سره په مستقیمه توګه تعامل وکړي او کنه؟ وړاندې په مطلب کې، په کابل کې د امریکا د احتمالي حضور... Читать дальше...
نن د زمري اته ویشتمه د افغانستان د خپلواکۍ ورځ ده، بهر میشتي افغانان په ځینو هیوادو کې دا ورځ لمانځي. په کابل کې د طالبانو حکومت د خپلواکۍ د ورځي په مناسبت عمومي رخصتي اعلان کړې ده. له ننه یوسل او څلور کاله مخکې چې کله افغانانو له انګریزانو بشپړه خپلواکي واخیسته د نجونو د زده کړو په ګډون یو لړ پرمختګونه رامنځته شول. د دې لپاره هڅې وشوې، امان الله خان شپږ نوي کاله مخکې د فرانسې د سفر پرمهال په خپله وینا کې وویل: " دا فرانسه ده چې د افغانستان د علم او عرفان لپاره پراخې هڅې کوي، دا فرانسه ده چې... Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости