Новости за 17.08.2023

د طالبانو د حکومت د ټرانسپورټ او هوايي چلند وزارت وايي، په تېر لمریز کال کې د افغانستان له فضا له ۲۵ زره زیات عبوري پروازونه ترسره شوي دي. په داسې حال کې چې لا هم په نړیواله کچه د افغانستان له فضا نه د عبوري پروازونو د خوندیتوب په اړه اندېښنې موجودې دي، د طالبانو حکومت د ټرانسپورټ او هوايي چلند وزارت بیا په تېر یو کال کې د افغانستان له فضا نه د زرګونو عبوري پروازونو خبره کوي. د طالبانو حکومت د ټرانسپورټ او هوايي چلند وزارت د پالیسۍ مرستیال حسیب‌الله سروش د پنجشنبې په ورځ په کابل کې ملت ته د حساب... Читать дальше...

د طالبانو د حکومت د عدلیې وزارت سرپرست وزیر عبدالحکیم شرعي وايي، په افغانستان کې د سیاسي ګوندونو فعالیت منع او غیر شرعي دی. وروسته له دې چې د طالبانو دحکومت د عدلیې وزارت سرپرست وزیر عبدالحکیم شرعي په افغانستان کې د سیاسي ګوندونو فعالیت منع او غیر شرعي اعلان کړل، د یو شمېر پخوانیو سیاسي ګوندونو مشران وايي، هر ولسي او ولس سالاری حرکت نه‌شي کېدای چې د شریعت خلاف وګڼل شي. د طالبانو د حکومت د عدلیې سرپرست وزیر عبدالحکیم شرعي د چهارشنبې په ورځ په کابل کې 'ملت ته د حکومت د حساب ورکولو' په خبري کنفرانس... Читать дальше...

د دې اوونۍ د "هارون باچا هنري ګړۍ" خپرونې مېلمه د بلوچستان د کوټې يو پېژندلی سندرغاړی طاهر فېروز دی. نوموړی په پښتو ادبياتو کې ماسټري لري. د ده په وينا، د سندرو پيل يې د پاکستان راډيو له کوټې څانګې کړی. وروسته يې د ټېلېويژن پروګرامونو ترڅنګ يوشمېر کیسټونه هم خپاره کړل. فېروز له يوه ځايي اېف اېم راډيو سره د يوې هنري خپرونې د کوربه په توګه هم کار کوي. نوموړی زياتوي، د اوسنيو ډېجېټل سندرو خوند د کیسټونو هغو ته نه رسي. د ده دا خبرې او سندرې يې په خپرونه کې اورېدای شئ.

د بشري حقونو څار سازمان وايي، د افغان معترضو ښځو له دوامداره مقاومت څخه دا درس اخیستل شوی چې دا ډول خوځښتونه پراخو خوځښتونو ته لاره هواروي. په افغانستان کې د طالبانو له بیا ځلې واکمنېدو او په دې موده کې د افغان ښځو پرله‌پسې اعتراضونو سره سم د بشري حقونو د څار سازمان وايي، افغان ښځې د ښې او متفاوتې راتلونکې په باور درلودلو سره د خپل پرله‌پسې مقاومت له امله الهام بخښونکي دي. د بشري حقونو د څار سازمان د ښځو څانګې د څېړونکې مرستیالې سحر فطرت د پنجشنبې په ورځ له ازادي راډیو سره په خبرو کې په ۲۰۲۱... Читать дальше...

پر افغانستان د طالبانو د دوهم ځل واکمنۍ درېیم کال هم افغان نجونو او ښځو ته د زده کړو له اجازې ورکولو پرته پیل شو. په افغانستان کې له شپږم تولګي پورته د نجونو پر زده کړو د بندیز شاوخوا ۷۰۰ ورځې تېرې او د طالبانو د واکمنۍ دریېم کال هم نجونو او ښځو ته د ښوونځیو او پوهنتونونو د اجازې ورکولو پرته پیل شو. افغانې ښځې او نجونې زده کوونکې دغه بندیز د یو تریخ، تیاره او له ناهیلۍ ډک حالت بولي. نجونې زده کوونکې یو ځلې بیا د طالبانو له حکومت غواړي چې د ښوونځیو دروازې د دوی پر مخ خلاصې کړي. مدینه په بلخ ولایت کې د نهم ټولګي زده کوونکې ده. Читать дальше...

د پاکستان پنجاب ایالت د فیصل اباد په جړانوالا کې د اګست پر ۱۷مه پولیسو د کلیساګانو سوځولو او د عیسویانو پر کورونو د بریدونو په تور ۱۲۸ کسان نیولي دي. پولیسو د پاکستان په پنجاب کې د جړانوالا د سیمې د یوې ډلې قهرجنو خلکو لخوا د کلیساوو سوځولو په تور تر ۱۲۸ زیات کسان نيولي دي. په دغه ښار کې يو ورځ مخکې د اګست پر ۱۶مه ځيني مسلمانانو پر دوو عيسويانو د اسلامي مقدساتو د سپکاوي تور پورې کړی وو. تر هغې وروسته ځايي مسلمانانو عیسوي مېشتو سيمو ته ورغلل، کلیساوې او د هغوي ځينې کورونه یې وسوځول. پنجاب... Читать дальше...

د پاکستان لپاره د افغانستان د ولسمشر د پخواني ځانګړي استازې محمد عمر داودزي سره فریدې سیال په یوه مرکه کې د افغانستان او پاکستان پر اړیکو، د تېر جمهوري نظام د سقوط پر عواملو او د طالبانو د حکومت پر راتلونکې خبرې کړې دي. دا مرکه دلته اورېدلی شئ:

افغان همجنس خوښوونکي دردونکې کیسې لري. دوی تل تبعیض، شکنجې او ان وژلو سره مخ شوي، خو د طالبانو په دوه کلنه واکمنۍ کې تر ټولو سختې شېبې زغمي. طالبان دوی مجرمان بولي او سزا ورکوي. په دې راپور کې د طالبانو په دوه کلنې واکمنۍ کې د همجنس خوښوونکو وضعیت ته کتنه شوې.

په افغانستان کې د ملګرو ملتونو مرستندویه ماموریت یا یوناما له طالب چارواکو کې غوښتي چې نړیوال بشري حقونه رعایت او د دوی په بند کې خبریالانو ته اجازه ورکړي چې له خپلو کورنیو سره وګوري. یوناما نن پر خپلې ایکس شبکې یا پخواني ټویټر لیکلي، طالبانو په تېرو لسو ورځو کې د افغانستان په شپږ ولایتونو کې خبریالان نیولي دي. یوناما د طالبانو په بند کې د افغان اصله فرانسوي خبریال مرتضی بهبودي او نجونو د تعلیم فعال مطیع‌الله ویسا ته په اشاري ویلي، طالبان دې ټولو هغو کسانو ته چې د دوی په توقیف کې دي، اجازه ورکړي... Читать дальше...

اروپايي ټولنه وايي، په روان میلادي کال کې ۲۸.۳ میلیونه افغانان د ژوندي پاتې کېدو لپاره بېړنیو بشري مرستو ته اړتیا لري. اروپايي ټولنه وايي، افغانستان له یوه بې ساري بشري ناورین سره مخ دی او بېړینو مرستو ته اړتیا لري. یادې ټولنې د طالبانو د واک د مودې د دوهمې کلیزې د پوره کېدو په مناسبت پرون ناوخته خپل خپاره کړي راپور کې ویلي چې په ۲۰۲۳ کال کې ۲۸.۳ میلیونه افغانان د ژوندي پاتې کېدو لپاره بېړنیو بشري مرستو ته اړتیا لري. د یادې ټولنې په راپور کې راغلي، له دې ډلې ۱۷ میلیونه یې له سختې لوږې سره مخ... Читать дальше...

د امریکا په متحده ایالاتو کې په څه باندې یوه پېړۍ کې د تر ټولو خونړۍ اورلګېدنې د قربانیانو شمېر ۱۱۱ تنو ته رسېدلی دی. د هاوايي ایالت په ماوي ټاپو کې د سوځېدلیو سیمو او ورانیو لاندې د مړیو او ایسارو خلکو د لټون او ژغورنې عملیات لا هم روان دي. په هاوايي ایالت کې یوه اوونۍ وړاندې د اور لګېدنې لامل تر څېړنې لاندې دی او چارواکي په دې لټه کې دي چې ولې د دغه ایالت د بېړني خبرتیا سیستم د اوسېدونکو د ایستلو په خبرتیا کې پاتې راغلی. د ماوي د اضطراري مدیریت دفتر مشر د الارم د نه غږولو دفاع کړې او ویلي یې دي دې کار به نوره هم وېره او تلفات زیاتول. Читать дальше...

د پاکستان د پنجاب د فیصل اباد په جړاوالا کې پولیسو د کلیساګانو سوځولو او عیسویانو پر کورونو د بریدونو په تور لسګونه کسان نیولي دي. په همدې حال کې په ښار کې د نیم پوځي ځواک رېنجرز سرتېري ځای پر ځای شوي او ګزمې کوي. د اګست پر ۱۶مه پر دوو عیسویانو د اسلامي مقدساتو د سپکاوي تر تور وروسته بلوې وشوې چې پکې پارېدلو خلکو پر کلیساګانو حملې وکړې. حکومت وايي، د پېښې پلټنې یې پیل کړې دي. د رویټرز اژانس له ویډیوګانو جوړ رپورټ.

په کندز ولایت کې یو طالب قوماندان وژل شوی دی. د سیمه ییزو سرچینو د معلوماتو له مخې تېره شپه لس بجې د کندز د امنيې قوماندانۍ له نشه یې توکو سره د مبارزې پخوانی مدیر سمیع الحق په کندز ښار کې په یو هوټل کې په یو وسله وال برید کې وژل شوی دی. خو په کندز کې د طالبانو سیمه ییز چارواکي په دې اړه څه نه وایي. سیمع الحق د کندز د چهاردرې ولسوالۍ اوسېدونکی او د طالبانو له مهم قواندانانو څخه شمېرل کېده. تراوسه پورې د دې برید مسوولیت کومې ډلې په غاړه نه دی اخیستی.

د پښین انتظامي مشر نجیب پانېزي تر پېښې وروسته مشال راډیو ته وویل چې وسلوالو د اګست ۱۶مې پر مازیګر هغه مهال پر سرخاب سړک د ټرافیک پولیسو پر سرتېري برید وکړ چې هغه د کار تر ختمولو وروسته کور ته روان وو.

د افغانستان لپاره د ملګرو ملتونو د سرمنشي ځانګړې استازې روزوا اوتنبایووا د قطر له ځانګړي استازي سره د افغانستان په وروستیو تحولاتو خبرې کړي. د قطر د بهرنیو چارو وزارت په یوه بیان کې ویلي چې د افغانستان لپاره د دغه هېواد ځانګړي استازي مطلق بن ماجد القحطاني پرون په دوحه کې له اغلې اوتنبایووا سره لیدلي. دوی د افغانستان پر مسئله سربېره له ملګرو ملتونو سره د قطر د دولت په همکاریو او اړیکو هم بحث کړی دی. قطر له څو کلونو راهیسې د طالبانو د سیاسي دفتر کوربه دی او د امریکا په شمول د لوېدیځ ګڼو هېوادونو... Читать дальше...

اروپايي ټولنې ویلي چې افغانستان له یوه بې مخینې بشري بحران سره لاس او ګرېوان دی. دې ټولنې د طالبانو د واکمنۍ د دوه کلنېدو په مناسبت په یوه ځانګړي راپور کې دا خبره کړې ده. د راپور له مخې د افغانستان نږدې ۲۹ میلیونه خلک د ژوند د دوام لپاره بشري مرستو ته اړمن دي. اروپايي ټولنې همداراز په افغانستان کې ځینو نورو ناخوالو ته هم اشاره کړې چې له ډلې یې له عامه ژوند او کاره د ښځو بشپړ محرومیت هم دی.

د خيبر ضلعې یو انتظامي مشر ارشاد مومند چې د هغې ضلعې د شخړو د هواري شورا مشر هم دی، د اګست پر ۱۳مه مشال راډیو ته وویل چې دا کمېټۍ په اصل کې یو ډول هم هغه جرګې او مشران دي چې له تېرو ۷۰ کلونو راهیسې یې په قبایلي ضلعو کې شخړې هوارولې خو اوس یې یوازې نوم بدل شوی.

په پاکستان کې د دیني اقليتونو د اتحاديې مشر اکمل بټي مشال راډيو ته وويل، "په جړاوالا کې د عيسويانو په کالونۍ کې کليساګانې وسوځول شوې، د خلکو کورونه چور شول او وسوځل شول.  حالات اوس هم کړکېچن دي. زه حکومت ته وايم چې د دې کسانو خلاف دې د ترهګرۍ تر قانون لاندې مقدمې درجې کړي."

د پاکستان په ګډون په یوشمېر هېوادونو کې د طالبانو د واکمنۍ پرضد مظاهرې شوې دي. دا په داسې حال کې ده چې د اګست پر ۱۵مه پر هغه هېواد د طالبانو د واکمنۍ دوه کاله پوره شول. مظاهرچیانو له نړیوالې ټولنې وغوښتل چې د طالبانو حکومت دې په رسمیت نه پېژني. اخوا طالبانو د اګست ۱۵مه د "فتحې ورځې" په نوم لمانځلې. د فرانسې خبري اژانس له ویډیو جوړ رپورټ".

د انګلستان د ښځینه فوټبال لوبډلمشرې میلي برایټ وایي، لوبډله یې د یوه تاریخي فرصت د رامنځته کولو په لټه ده چې دا هېواد له ۱۹۶۶ راوروسته د فوټبال نړیوال جام خپل کړي. د انګلستان ټیم د چهارشنبې په ورځ کوربه اسټرالیا ته درې د یوه پر وړاندې ماتې ورکړه او ټاکل شوې چې د یکشنبې په ورځ په سیډني کې د اسپانیا له لوبډلې سره پایلوبه وکړي. ۵۷ کاله مخکې د انګلستان د نارینه‌وو د فوټبال ټیم نړیوال جام ګټلی و او بیا تر اوسه د دې هېواد نه د نارینه‌وو ملي ټیم او نه هم د ښځینه‌وو ملي ټیم نړیوال جام خپل کړی دی. د... Читать дальше...

د ایران دولتي تلوېزیون خبر ورکړ چې د بهرنیو چارو وزیر حسین امیر عبداللهیان نن ریاض ته ځي. د ایران او سعودي عربستان ترمنځ د مارچ په میاشت کې وروسته له اوو کلونو ډیپلوماتیک اړیکې پیل شول. د جون په شپاړسمه په ریاض کې د ایران سفارت پرانیستل شو او څه باندې اوونۍ وروسته تر دې د سعودي عربستان د بهرنیو چارو وزیر فیصل بن فرحان‌ال سعود تهران ته سفر وکړ او د ایران له ولسمشر ابراهیم رییسي او د دغه هېواد له بهرنیو چارو وزیر حسین امیر عبداللهیان سره یې وکتل. ریاض ته د ایران د بهرنیو چارو د وزیر د سفر د اجنډا په اړه تر اوسه څه نه دې ویل شوي.

د پاکستان د پنجاب د فیصل اباد په جړانواله سیمه کې قران کریم ته د سپکاوي له یوې ادعا وروسته د مسلمانانو یوې ډلې د ځایي عیسویانو یو شمېر کلیساوې او په لسګونو کورونو ته اور ورته کړ. پولیس او د سیمې اوسېدونکو رویټرز اژانس ته وویل چې دا پېښه پرون وروسته تر دې رامنځته شوه چې د سیمې مسلمانانو وویل چې دوو تنو عیسویانو د قرانکریم پاڼې څېرلي او سپکاوی یې ورته کړی دی. په سیمه کې یوه عیسوي، شکیل مسیح رویټرز اژانس ته وویل چې کله دوی د مسلمانانو د برید خبر واورېد نو ده او یو شمېر نورو عیسویانو خپل کورونه پرېښودل. Читать дальше...

د امریکا د متحدو ایالتونو د ملي امنیت پخوانی سلاکار جان بولټن وايي، د افغانستان د پخواني حکومت له ګډونه پرته له طالبانو سره خبرې تېروتنه وه. بولټن دا خبره د سې شنبې په ورځ امریکا غږ ته په مرکه کې وکړه. د بولټن په وینا، طالبانو د دوحې تړون له لاسلیکه وروسته او هم په تېرو دوو کلونو کې د دې تړون پر له پسې سرغړونې کړي دي. بولټن ټینګار کړی چې طالبان هېڅ بدل شوي نه دي بلکې ممکن تر پخوا هم سختدریځه شوي وي.

د طالبانو د بهرنیو چارو وزارت پرون چهارشنبې له افغانستانه دباندې د افغاني پاسپورټونو لپاره نوې بیې اعلان کړې. دغه وزارت په یوه خبرپاڼه کې ویلي چې له هېواده دباندې د ۵ کلن پاسپورټ بیه ۱۲۰ او د ۱۰ کلن هغه ۲۲۰ امریکايي ډالره ټاکل شوې ده. په خبرپاڼه کې وړاندې ویل شوي چې د یو کال تمدید لپاره به ۲۰ ډالره اخیستل کېږي. دا په داسې حال کې ده چې د افغانستان سفارتونه د پنځو کلونو لپاره پاسپورټ د سټېکر په وسیله په ۲۰۰ یورو تمدیدوي. د طالبانو له واک ته رسېدو وروسته پر له پسې د پاسپورټ بیه لوړه شوې، خو... Читать дальше...

په کاپیسا ولایت کې طالب چارواکي وايي چې ۱۳۲ تنه یې د مخدرو موادو په پېر او پلور او قاچاق کې د لاس لرلو په تور نیولي دي.   د دغه ولایت امنیه قومانداني وايي چې پرون چهارشنبې یې ۳۲ کیلو مخدر مواد له کشف او ضبطولو وروسته سوځولي او ۱۳۲ تنه یې په دې تړاو نیولي او عدلي اورګانونو ته سپارلي دي.   د کاپیسا ولایت په خبرپاڼه کې دا یادونه نه ده شوې چې دا کسان څه وخت نیول شوي دي.