د افریقایي هېوادونو اقتصادي ټولنه نایجر ته پلاوی لېږي
د افریقايي دولتونو اقتصادي ټولنه په پام کې لري، چې نایجر ته پارلماني کمیټه واستوي څو د کودتا له پوځي مشرانو سره وګوري.
دا خبر د پارلمان یوه ویاند پرون رسنیو ته ورکړ.
د نایجر پوځ تېره میاشت ولسمشر محمدبازوم بندي کړ او قدرت یې په خپل لاس کې واخیست چې دې کار نړیوالو قدرتونو وغانده او د پوځي اقدام ګواښ یې وکړ، خو دوی په عین حال کې وویل چې غواړي روان کړکېچ له سوله ایزې لارې حل شي.
د نایجر نويو پوځي واکمنو له دې مخکې د افریقايي دولتونو د ټولنې، امریکا او نورو هېوادونو هڅې رد کړې دي چې ورسره، د افریقا په ساحل سیمه کې د دې کړکېچ د پراخېدو احتمال زیات شوی دی.